نظرا لكثرة الطلبات: روايتي تغريد أرواح عاشقة

[Føzöø]

يسلوو اوراق ع الباارت العجييب

يحليلها سلسبيل ردت حق حمني و اخيرا

و رااشد احس ان مظلوم و بيان بعد مظلوومه :'(

اهي فاهمه الموضوع غلط و اهو سواا جذي عشان ربعه اضغطووه بس اهو غلطان لأن لازم يفكر قبل لا يسوي شي 

اممم و رنا كسرت خاطري يا حياتي والله حبيتها 

احس انها لايقه حق شايع وايد

امممم ووو
بيان وراشد..شنوو بيصير بينهم؟؟ معقوله يكون الموقف اللي صار نهاية علاقه..وبتغرد أرواحهم بعيد عن قفص العشااق؟؟

سلسبيل وعبدالرحمن..وتغريد أرواح عاشقه من جديد..بيتم الوضع جذي ؟؟

مازن وفن والخطبه؟؟

رنا وشنوووو دورها بالقصه؟؟


. امم بيان و راشد اتوقع ما راح تكون النهايه و كل واحد راح يفهم موقف الثاني لأنهم يحبون بعض
. امم و سلسبيل و عبدالرحمن بيرد حبهم و بيردون مثل بعض و احسن
. و مازن و فن راح توافق و تملج ع حمني
. رنا راح يكون دورها بالقصه امم حبيبة شاايع يحليلهم احس لايقين حق بعض موو !!

ووو بس

هاذي توقعاتي

يلاا عاد نبي بارت

آب أب اب آب أب اب

لعيووونج

وو ويتنق

 

[برنسس أوراق]

مشكورة على البارت اتوقع رنا بتصير تحب شايع وسلسبيل وحمني انشاء الله يتمون على نفس الوضع و بيان وراشد يا ريت ما تنتهي علقتهم انا عندي احساس انهم بيردون حق بعض ويا ريت ما تنتهي لانو انا شيفيتهم احلى ثنائي في القصة ويسلمو اب اب اب اب اب

أمممم جنون حلوه توقعاتج خخخخخ
أول شيء العفو حبيبتي
وثاني شيء رنا وشايع جدامهم درب طويلللل
سلسبيل وحمني وأخيرا صفا الجو بينهم
أما بيان ورإشد لوول لا تعليق
وثانكس عالرفع

 

[برنسس أوراق]

اورااااق ونااسة واااايد بارتات thank you so much

لا تزعلين علي لاني راح اختفي 2او3 اسابيع اوك
علشااان المتحانات و ع طوووووووول راح ارد و اقرى هالبارتات
و اعلق عليهم و اقووول توقعاتي بعديين
اوك قلبي بااااااااااي
راح اشتقلج​

حياتي انتي
والله أنا اللي استإنس أول ما أشوف ردج خخخ
إخذي راحتج حياتي وشدي حيلج والله يوفقج ان شاء الله بس لا تنسين انج وقفتي عند البارت 7
وأنا بعد راح أشتاق لج

 

[برنسس أوراق]

لووووووووووووووول بدلياتي طوفي طوفي

طوفتهم خخخخخ

 

[برنسس أوراق]

يسلوو اوراق ع الباارت العجييب

يحليلها سلسبيل ردت حق حمني و اخيرا

و رااشد احس ان مظلوم و بيان بعد مظلوومه :'(

اهي فاهمه الموضوع غلط و اهو سواا جذي عشان ربعه اضغطووه بس اهو غلطان لأن لازم يفكر قبل لا يسوي شي 

اممم و رنا كسرت خاطري يا حياتي والله حبيتها 

احس انها لايقه حق شايع وايد

امممم ووو
بيان وراشد..شنوو بيصير بينهم؟؟ معقوله يكون الموقف اللي صار نهاية علاقه..وبتغرد أرواحهم بعيد عن قفص العشااق؟؟

سلسبيل وعبدالرحمن..وتغريد أرواح عاشقه من جديد..بيتم الوضع جذي ؟؟

مازن وفن والخطبه؟؟

رنا وشنوووو دورها بالقصه؟؟


. امم بيان و راشد اتوقع ما راح تكون النهايه و كل واحد راح يفهم موقف الثاني لأنهم يحبون بعض
. امم و سلسبيل و عبدالرحمن بيرد حبهم و بيردون مثل بعض و احسن
. و مازن و فن راح توافق و تملج ع حمني
. رنا راح يكون دورها بالقصه امم حبيبة شاايع يحليلهم احس لايقين حق بعض موو !!

ووو بس

هاذي توقعاتي

يلاا عاد نبي بارت

آب أب اب آب أب اب

لعيووونج

وو ويتنق

ما شاء الله قائمة ردووود
خخخخ
أممم بيان ورإشد تابعي وبتعرفين شيصير بينهم أما رشود يعني بالعقل الواحد بهذيج اللحظة إذا ربعه ضغطوه ماكو عنده مجال للتفكير بشي صح أو خطأ
سوسو وحمني حياتوووو وأخيرا ردوا حق بعضضض
مازن وفن عشاق من عالم غير حدهم هاديين
أما شايع ورنا جدامهم درب طوووويل

 

[برنسس أوراق]

يسلوو اوراق ع الباارت العجييب

يحليلها سلسبيل ردت حق حمني و اخيرا

و رااشد احس ان مظلوم و بيان بعد مظلوومه :'(

اهي فاهمه الموضوع غلط و اهو سواا جذي عشان ربعه اضغطووه بس اهو غلطان لأن لازم يفكر قبل لا يسوي شي 

اممم و رنا كسرت خاطري يا حياتي والله حبيتها 

احس انها لايقه حق شايع وايد

امممم ووو
بيان وراشد..شنوو بيصير بينهم؟؟ معقوله يكون الموقف اللي صار نهاية علاقه..وبتغرد أرواحهم بعيد عن قفص العشااق؟؟

سلسبيل وعبدالرحمن..وتغريد أرواح عاشقه من جديد..بيتم الوضع جذي ؟؟

مازن وفن والخطبه؟؟

رنا وشنوووو دورها بالقصه؟؟


. امم بيان و راشد اتوقع ما راح تكون النهايه و كل واحد راح يفهم موقف الثاني لأنهم يحبون بعض
. امم و سلسبيل و عبدالرحمن بيرد حبهم و بيردون مثل بعض و احسن
. و مازن و فن راح توافق و تملج ع حمني
. رنا راح يكون دورها بالقصه امم حبيبة شاايع يحليلهم احس لايقين حق بعض موو !!

ووو بس

هاذي توقعاتي

يلاا عاد نبي بارت

آب أب اب آب أب اب

لعيووونج

وو ويتنق

ما شاء الله قائمة ردووود
خخخخ
أممم بيان ورإشد تابعي وبتعرفين شيصير بينهم أما رشود يعني بالعقل الواحد بهذيج اللحظة إذا ربعه ضغطوه ماكو عنده مجال للتفكير بشي صح أو خطأ
سوسو وحمني حياتوووو وأخيرا ردوا حق بعضضض
مازن وفن عشاق من عالم غير حدهم هاديين
أما شايع ورنا جدامهم درب طوووويل

 

[برنسس أوراق]

تغريد أرواح عاشقه/الثااااامن




"أعـلـنـ انـسـحــاااابـي"


"بــعــــد شــــــهــــــــريـــن"


العلاقه بين راشد وبيااان مقطوووووعه...وبيان مو راضيه تسمع من أحد..وتوظفت من شهرين مدرسة موسيقا بمدرسة بيان للبنات وتحاول تلهي نفسها..


سلسبيل وصلت التاااسع واتفقت مع عبدالرحمن ترجع له بعد الولاده..


وله طلع قبلوووها بالعلووم الاداريه بالجامعه..وبدت تداوم من شهرين وانشغلت عن أهلها بدراستها





بمستشفى الولاااده
بغرفة خاااصه..
السااااعه ثمان ونص..

فتحت سلسبيل عيونها بتعب وهي تحط ايدها على بطنها من العوار اللي تحس فيه: اممممم

لفت يمين ويساار وما شافت أحد وضغطت الجهاز ونادت الممرضه

وبعد ثوواني..

الممرضه ناديه: ايووه ياسلسبيل..ازيك النهارده؟؟ الحمدلله عالسلامه..

سلسبيل بتعب: الله يسلمج..حاسه بعووار

الممرضه ناديه: ما تخافيش ده بس عشاان قرح العمليه

سلسبيل بهمس: انزين وين البنات بشوفهم؟؟
الممرضه بابتسامه: ايووه دلوقتي ح بعت حد يجيبهم لك..
وطلعت..وبنفس الوووقت دخل عبدالرحمن وبيده أغراض وأجياس وايد ومبتسم من قلب وكاشخ بدشداشه ومغتر
........
عبدالرحمن واهو يبوس جبينها ويقعد: اشلووووونج حبي؟؟ الحمدلله عالسلامه..

سلسبيل مسكت ايده بضعف: الله يسلمك..تعبانه شوووي..وينه فهووودي؟؟

عبدالرحمن باس ايدها: ئي أنا لما قالوا لي تعبتي بالطبيعي قتلهم سوا لها عمليه ..خفت عليج..وو..اممم فهوودي عند خالتي حصه لاا تحاتينه..

سلسبيل غمضت عيونها وبعدين فتحتهم : الحمدلله..اهو الوحيد اللي كنت أحاتيه ..حبيبي الله لا يوريك العذاب اللي شفته بغت تطلع عيووني..

عبدالرحمن ابتسم: ياررروحي أنتي..أهم شي طلعوا البنوتات عالدنيا

سلسبيل توسعت ابتسامتها: سميتهم؟؟

عبدالرحمن ابتسم: ئي سجلتهم..نووف وهيووف..

بهاللحظه انفتح الباب ودخلت ممرضه وراها سريرين صغار حطتهم وراحت..

سلسبيل طارت عيونها عليهم: يااااي ياقلبي صغاااار وايد؟؟

عبدالرحمن ضحك وهو يشيل نوف من سريرها ويحطها بحضنها بهدوء: ههههههه هااااج هذي نوووفوه..

سلسبيل خذتها وقربتها لها وبووووست خدودها: ياااااي نووفو حبيبة أمها..تعاالي أرضعج..
عبدالرحمن ابتسم ولف عالباب اللي انفتح: أجليها الحين شكله يوو أهلج..

.......

دلع ووله طارووا لها سيده: سووووسووو ياعمري الحمدلله على سلامتج..
ويت كل وحده باستها وعطتها بوكيه ورد وعلبة شوكلت فاخره

سلسبيل ابتسمت لهم: الله يسلمكم..

مازن يالها وحط بوكيه الورد وعلبة الهدايا الفخمه عالطاوله وباس جبينها: الحمدلله على سلامتج يالغلاا..

سلسبيل رفعت نفسها له : الله يسلمك شحقه كلفت على نفسك..

مازن ضحك: هههههه لاا تخافين مو حقج حق حبيبات خالهم

الكل: ههههههههههههههههههههههههههههههههه

مازن : مبروك ما ياكم يابوفهد ويتربوون بعزك..

عبدالرحمن: الله يبارك بعمرك..ويوم لك إن شااء الله..

مازن بابتسامه واسعه: هههههه قريب إن شااء الله بعد أسبوووعين..

دلع رفعت حواجبها: ئي عااد أنت بتحملها من أول يووم..أسد الغابه حضرتك..

مازن طق راسها: جبببببببببببببببببب أنتي جبببببببببب

الكل :
ههههههههههههههههههههههههههههههههههههههههههههههههههههههههههه

سلسبيل: وين أمي وأبوي وشايع وبيانوو؟؟؟

وله : بيانووو بالدوام ما قدرت تغيب لانها توها متعينه..وأمي محذره شيووع يطلع عنها..تقوول بتسويلج شوربة فطر وقبوووط وهالخرابيط

سلسبيل ابتسمت: يابعد عمري يماا..الله لاا يحرمني منها..

طل بندر براسه: ترا راا

الكل : ههههههههههههههههههههههههههههههههه

بندر راح لها وباس خدها وقعد عندها: سلامتج سوووسووو..

سلسبيل ابتسمت بهدوء: الله يسلمك حياتي..

بندر طالع عبدالرحمن: عااد ديربالك عليها ترا هالمره أنت تحت الاختبار

عبدالرحمن فهم عليه وضحك: ههههههههه تامر يا بو خالد أصلا أنا من تطلع حبيبتي من النفاس باخذها ونطير بيرووووووووت..

الكل: هههههههههههههههههههههههههههههههه

مازن بضحك: لاا حبيبي أنا بوخالد..أنا الكبير وأنا اللي بسمي على أبوووي..

بندر ابتسم: شنوووو يعني حتى أنا أبووو خااالد..

دلع : تهاااوشوا..حيلهم بينهم ههههههههههههه


الكل:
هههههههههههههههههههههههههههههههههههههههه


#


#


#


#


#


#


#


#


#

في فيلاا أبو مازن..
الساعه العاشره والنصف صباحا..

شايع نزل من غرفته..مترووش ولابس جينز وتيشيرت ليموووني ومتعطر: يماا يما

أم مازن من المطبخ: تعاال يماا أنا بالمطبخ

شايع يا وباس راسها: هااا أشووفج تطبخين اليوووم..صباح الخيررر

أم مازن: صباح النوووور..أسووي لاختك عشان نروح لها..أخوانك كلهم راحوا بس ننطر بيان تيي ونروح يميع..

شايع ابتسم: امممم آوكي عيل أنا بروووح اتريق مع بدير برا وقبل الوقت بيي وألقاج زاهبه..

أم مازن ابتسمت: على خير..

.....

طلع شايع وركب سيارته وشغلها وبطل التكييف..ورن فوووونه: منووو رقمه هااذا؟؟
.....

شايع : آلووو نعمم
رنا ارتبكت من نبرة صوته: اممم السلاام عليكم..أنت شايع؟؟
شايع ما ميز صوتها: هلا أختي وعليكم السلام..معاج شايع
رنا بحيا أكثر: أنا اللي دفعت عني الحساب بالمطعم..أدري أني طولت بس الشهرين اللي فاتوا كنت وايد محتاجه فلوووس الاعانه وهالشهر وفرت منهم..بس أبي نلتقي بمكان عشان ايي أنا وأخووي ونعطيك فلووسك

شايع ابتسم بدون شعور: اووووووووه هاااذا أنتي..تصدقين نسيت السالفه كلها..بس شدعووه ترى وايد شايله هم؟؟

رنا بخجل: اممم ولو همن هااذا حقك..

شايع: امممم انزين يناسبج بعد نص ساعه صووب بحر شرق

رنا : اممم لاا ما اقدر أنا الحين بالكليه..خلها بالليل..

شايع ابتسم: اممم انزين عيل ثمان عند شرق..

رنا براحه: آوكي راح ايي أنا وأخووي..مع السلامه..

شايع مبتسم على توترها: مع السلامه..

......

قفل منها وشغل الراديوو وطلعت له أغنية الحب الكبير لراغب علاامه..رفع الصووت وقعد يسمع :


أنت الحب الكبير
الاووول والاخير
ولا غيرك ياحيااتي
قلبي بهوواك أسير

أنا عاشق
نوور عينك
عاشــــق
غرامها وسحرها
أنا رووحي ما بين ايديك
وحياتي أنت ملكتها
بحبك كتير
بحبك كتيــر

#


#


#


#


#


#


#


#


#


#


بمدرسة بيان للبنات
الساعه الواحده ظهرا


بغرفة الموسيقا..

بيان قاعده عالبيانو وتعزف بهدوء وخصلاات من شعرها الاسود اللي الحين رجع ووصل لأخر رقبتها..وما عندها صفووف بعد

وبدون شعوور خذتها ايدينها بعيد ودندندت هالاغنيه : :

يـآحـبــي الاول والاخـيـر
تـدري بـغيـابـك وش يصير
تـظلم في عـيـنـي دنـيـتـي
وأصـبـح بلاا شوفك ضـريــر

أبكـي وتسألنـي الدمـــــووع
متـــى مـتـــــــى وقت الرجووع
والشووق اللي بين الضلووووع
اتعبني بغيابــك كثــــــــــــــــيــر

وحـشـنـي صـووتـكـ يـاغـلاي
يـافــرحـي وبـسـمـة شـفــاي
تـــوحـشنـي يـوم أنـت مـعـاي
واتـخـيـل أن غـبـت شيـصــيـر

أشــووفـك بـكـل الـوجـــوه
وبزحمة أفـــكــاري اتـــووه
أنا برجـآ كلمـــة آلـــــــووووو
تـــجـبـر بـهـا قلــــبــي الاســيــر

ياحـبـي لاا لاا تغـيـب لاا تـغيب
وارجـع لي يـااغـلى حبـيـب
في غـبـيـتـك كنــي غـريـب
امشـي ولا أدري ويـن أسيــر


وما قدرت تكمل من الغصه اللي تحسها بقلبها ودموعها اللي نزلت بسرعه مسحتهم وقاامت خذت شنطتها وقفلت الغرفه وراها وطلعت..

مرت بطريجها عالادراه ووقعت وطلعت برا
..بطلت سيارتها اللكزس الزيتي واللي كانت احدث موديل ولما يت بتركب


......

بيان بشهقه وهي تحس بأحد مسك ايدها: هئئئئئئئئئئئئئئئئئئئئئئئئئئئئئئئئئئئ

راشد وعيونه ذبلانه وشعره يطير مع الهوا الحار: بيااانووووو..

بيان انصدمت..توها من دقايق كانت تتمنى تشووفه وتسمع صوته وبجت عشانه بس كرامتها مجروحه..مجروحه: رااااااااااااشـد!!


راشد برجا: قلبببببب راشد..بيان عطيني فرصه وحده بس..فرصه وحده افهمج كل اللي صار..

بيان بإستهزاء: شبتقوول؟؟ ربعك تحدوك وخلووك ترقمها..هههههههههههه رااااااشد أنا مو غبيه وافهمك أنك رياال ومو ياهل عشان ربعك يأثرووون على قرارك..
{وبعدت ايده عنها}روووح واتركني..رووو..

راشد مسك ايدها بقووه ولفها عليه ولزقها بصدره: أنتي غـبـيه..ليش تفهمين السالفه على كيفج ليشششششششش؟؟؟

بيان من بين أسنانها : هااااذي أخر مره تسوووي هالحركه فاااااهم..ومو معناته أني طوفت لك الكف..تاخذ رااحتك..{ودزته بقووه من صدره }وموو أنا اللي أشووف حبيبي يخوووني واسكت فهمت..مووووو أنا..
ونزلت دموعها غصبا عنها ولفت بتركب سيارتها

راشد انقهر منها وعصب من حركتها ومن تسرعها بالحكم على الناس..وراح لها ولفها له بقوووه: أنتـــي وحــده مغروووووره وأنانيه..وغرورج عاميج تشووفين الحقيقه..ولاا تظنين أني ولو واحد بالميه أني بمووووووت إذا تركتيني..بنظره مني يطيحووون تحت ريوولي عشره فاااااهمه..
>> خربهااااااا

بيان كانت بتطيح من قووة تأثير الكلام اللي قاله عليها لكنها ردت بحقد: عيللللللل رووووح تزووووووج وفكني..رووووووح
..ليش تلاحق وحده مغروره مثلي ليششششششششش؟؟

بهاللحظه تدخل الحارس: ايه يا أبله بيان فيه
حاقه؟؟
بيان ببحه وهي تركب سيارتها: لااا يابو مصطفى ماكو شي..روووح أنت..

أبومصطفى الحارس: تؤمري ياستي..مع السلامه..

بيان ما ردت على احد وشخطت بسيارتها بعيييييييييييد

وراشد عصب حيلللللل ودمه فاااااار ورفس السياره الواقفه: آآآآآآآآه..

وركب اهوو سيارته وحرك وبراسه فكره وحده بس..

#


#


#


#


#


#


#


#


#


#


في فيــلاا أبو مااازن
الساعه الواحده والنصف ظهرا..

بالصاله..

دخلت بيان لابسه نظارتها وتمشي بهدوء : السلاام عليكم

أم مازن وبندر وشايع : وعليكم السلاااااام

أم مازن : يلا يما بدلي ونزلي عشااان نرووح لاختج بالمستشفى..

بيان نزلت راسها: تعبااانه يماا..راسي مصدع اليووم كانت عندي وايد حصص..رووحي أنتي..أنا المغرب أمرها
وصعدت الدري قبل محد يسألها

أم مازن ما ناقشت: يلاا شايع خلنا نرووخ تأخرت على أختك يماا ذبحها اليوووع الحين موو زين لها يلاا

شايع يفكر بحالة بيان: هااا..ئي يماا يلاا يلاا..

ووقف وطلع وطلعت أمه معاه..

............

وبغرفة بيان فوووق..

دخلت وصكت الباب وراها..مشت لسريرها وقعدت بملل..وفصخت صندلها{الله يكرمكم}وقطت فونها ونظارتها وشنطتها وسويج سيارتها وانسدحت بملابسها..اللي كانت بنطلوون بيج وتوب أخضر فيه شوارفسكي ناعم: آآآآآآآآه


انفتح الباب وطل بندر براسه: ادش ولا لأ؟؟

بيان تعدلت: تعاال..

بندر ابتسم ودخل وقعد عندها: شفيج؟؟ صاير شي ويااج اليوووم؟؟

بيان لفت عالشباك : موو مهم؟؟

بندر لف ويهها له بهدوء: تخبين عني؟؟

بيان نزلت دمعتها : لاا عاادي..اليووم وأنا طالعه من المدرسه............................................................

وقالت له كل اللي صار

بندر تنهد وقرب منها ومسح دموعها: انسي بياان انسي..

بيان ببحه : ما اقدر..والله ما اقدر..اسمه مو محفوور على قلبي بس..اسمه محفوور على جسمي..{وبصراخ وهي تشد بلوزة أخوها}أنا وشمت اسمه بس عشاااان احسه معااي بكل ثانيه ولحظه ودقيقه..بس عشاااان احبه..احبه احبه

بندر انصدم: نعمممممم..وشمتي؟!

بيان عطته ظهرها ورفعت بلوزتها شوووي وبين وشم باسم {Rashed}على أسفل ظهرها

بندر شهق من جرأتها ونزل بلوزتها بسرعه ولفها له: هئئئئئئئئئئئئئئ أنتي مينوووونه مينووووووونه

بيان ما ردت..حطت راسها على صدره وبجت بدون صووت

بندر حس أنه عاجز ومو قادر يسووي لها شي...رفع ويهها ومسح دموعها: خلااص بيااان قووومي غسلي ويهج وارتاحي أنتي تعبااانه..

بيان ما جادلت..وقفت وهي تمسح دموعها ودخلت الحمام تتسبح..

وبندر تنهد وطلع..
............
وبعد شاااااااور طوووووووويل مدته ساعه الا ربع..طلعت بيان لابسه روبها ولافه فوطتها على شعرها..راحت وقفت عند الشباك تحاوول تسترخي...

وكانت تفكر بهالكلااااااام : :

خلاااص الماااضي ودعته
محيــت ذكراه من قلــبي
أنا من باعني بـعتـــــــه
ولا دربه يـجـي دربـــي


#


#


#


#


#


#


#


#


#


#


#

أما بفيلاا أبووو عبدالرحمن..
نفس الوووووقت..

نزل راشد من غرفته يحااول يبين أنه هاادي ومتخذ قراره المجنووون صح : متى الغدا يمااا متنا يوووع..

أم عبدالرحمن ابتسمت وهي تحط صحن مجبوووس دياي على طاولة الاكل: يلا يما صبينا..

راشد بتووتر: اممم انزين يماا أبيج بسالفه؟؟
أم عبدالرحمن وهي تقعد: تعاال يماا قوول؟؟؟

راشد قعد قبالها : اممم يمه أبيج تكلمين أبوووي..بصراحه ..........سكت وهو يتذكر كلامها{ عيللللللل رووووح تزووووووج وفكني..رووووووح..ليش تلاحق وحده مغروره مثلي ليششششششششش؟؟}

أم عبدالرحمن تهزه وهي مستغربه: رااشد راااشد يماا
راشد ارتبك: هااا..لاا ماكو شي..

أم عبدالرحمن بقلق: هوو..شنوو ماكو شي شنوو كنت بتقوول؟؟

راشد حس بالحقد لان الكلام مو راضي يروح عن باله{عيللللللل رووووح تزووووووج وفكني..رووووووح
..ليش تلاحق وحده مغروره مثلي ليششششششششش؟؟}: بصراحه يما أبي اتزوج وأبيج تشووفين لي وحده تناسبني؟؟

أم عبدالرحمن ضحكت: ههههههههههههههههه
وبس..صار لك ساعه منت عارف شبتقوول؟؟ وأخر شي بتتزوج..هذي الساعه المباركه يايمه..اليووم أكلم خالتك وأخطبلك بيان منها

راشد عفس ويهه: ومن قالج أني أبي بيان؟؟

أم عبدالرحمن بصدمه: البنيه مسميه لك من كنتو صغار!!

راشد كشر: وأنا شكوو بكل هااذا ؟؟ هذا كلامكم أنتو ..الاهل..أما أنا مابي وحده من القرايب..

أم عبدالرحمن بضيق: ليش يعني ما تبي من قرايب؟؟ شفيهم بنات خالتك؟؟ أصلا أبوك ما راح يرضى يزوجك غير بيان..

صبا نزلت على صوتهم: يمااا شفيج تصارخين؟؟
أم عبدالرحمن : تعالي سمعي أخوووج شيقوول؟؟ يبي يتزوج بس ما يبي بيان..ما يبي من القرايب

صبا طالعته بصدمه: من صجك؟؟

راشد تنهد بضيق: اففففف يما الله يخليج..أنتي تبين سعادتي وأنا ما ارتاح الا اخذ وحده بعيده عني..وهالوحده موو بيان..حلووو؟؟

أم عبدالرحمن مستغربه منطقه: أكيد أبي سعادتك يايمه..بس كلامك ما أدري اشلووون ما يدش العقل..

راشد بهدوء خارجي: الحين بتكلمين أبووي ولا لأ؟؟

أم عبدالرحمن وقفت: خلااص خلااص بكلمه بعد الغدا بس قوووم تغدا الاكل برد


صبا تطالعه بصدمه: راااشد

راشد همس لها: سكتي..

صبا سكتت معنها موو فاهمته..

#


#


#


#


#


#


#


#

صووب بحر شرق
السااعه تسعه بالليل

شايع واقف ورافع ريل على صخره والثانيه عالارض: افففف وينها تأخرت؟؟ قالت ثمان..

بنفس الوقت حس بصووت خطووووات وراه والتفت..

ابتسم لانه شافها مع أخوها وأختها يمكن..لابسه بنطلوون أسود حرير وقميص نمري ناااعم وملفعها أسود ناعم بأطرافه شوارفسكي بني وحاطه غلووووس أحمر ووو..رقع قلبه بصدره

......

مبارك تقدم وصافحه: السلاام عليكم..اعذرنا تأخرنا عليك بس الطريج زحمه..

شايع ابتسم: هلا والله..لاا عادي مو مشكله

رنا بتوتر طلعت الفلوس: مشكووووور مره ثانيه وهذي فلوووسك..

شايع ابتسم: ولو أنه ماله داعي بس أنتي الله يهداج مصره..

ابتسام بسرعه : مو قتلج صدقيني بينسااج أنتي واللي يابوج بعد ههههههه

شايع ضحك عليها: هههههههههههه أنتي شسمج؟؟
ابتسام بضحك: ههههههه أنا ابتسااااااام وأنت؟؟
مبارك ابتسم: ابتسااموه احترمي نفسج..عيب
رنا متفشله من أخوها: ابتسام مباااااارك يلاا مشينا..
شايع بسرعه:امممم أنتي تشتغلين؟؟
ابتسام ملقوفه: رنووووه..لا تدرس بمعهد السكرتاريه وباجي لها كورس تتخرج بس حتى لو تخرجت بتقعد بالبيت لاننا بدون بس امي كويتيه وو..
رنا بحده: ابتتتتتتتتتتتتتتسام
شايع حاس فيها: ههههههههههه عادي خليها..امم وأنت مبارك؟؟
مبارك ابتسم: امممم لا والله توني متخرج من الثانوي وقدمت عالهندسه وللحين ما طلع القبووول..
شايع حس أنه وده يساعده: امممم انزين ماخذ دورات..أو اممم تعرف للرياضيات؟؟

مبارك ابتسم: هههههه عاد شيبيله الرياضيات ناقص زاد ههههههه..وغير جذي عندي شهادة من كامبردج بعلووم الكمبيوووتر وهالخرابيط

شايع ابتسم وطلع كرته: عيل شوووف هااك كرتي ومرني الشركه وأنا بووصي أبوووي عنك..

ابتسام بفرحه: صججججججج والله يعني بتوظفه..عيل عفيه دور لي انا وظيفه عندكم..بس مو الحين بعد سنه لاني أدرس محاسبه بالتجاري..

شايع طالع رنا اللي منزله راسها بالارض بحرج: ههههههه إن شااء الله لذاك الوووقت يصير خيرررررر...المهم الحين مبارك لاا تنسى تمرني باجر وأنا بدز لك مسج بالليل اكتبلك شنوو الاوراق المطلووبه..

مبارك بفرحه تلمع بعيوونه: مشكووووور شايع بمرك باجر إن شااء الله..والحين نستأذن فمان الله..

شايع ابتسم : فمان الكريم..مع السلامه..


#


#


#


#


#


#


#


#


#


#


#

وبفيلاا أبو مازن..
الساعه الحاديه عشره مساءا..

وبالصاله..

شايع بتردد: أقوول يبه..اممممم اليووم شفت واحد بيقدم على وظيفه..اممم اهو بدون بس ابوه عسكري وأمه كويتيه واتوقع الولد الوحيد..وتدري بالحكومه ما يقبلونه..اممم ودي لو نشوف له وظيفه عندنا بالشركه..اهو عمره سبع تعش سنه وعنده دوره بعلوم الكمبيوتر من كامبردج ومقدم عالهندسه بس الظاهر مو قابلينه..

أبو مازن يفكر: اممم والله ياولدي ما أدري شقولك؟؟ والنعم بأبوه اللي خدم الكويت كل هالسنين..بس ياولدي أنت تدري احنا قطاع خاص ما نوظف الا خريجين البكالوريوس واللي عنده دبلوووم..والموظفين المستقيلين وشرط خبره سنتين ولغه..بس أنت تقووول سبع تعش يعني صغير وتوه مخلص ثانوي..صعبه يمسك شغل..

مازن ابتسم: مشيها يبه..يقولك الولد وحيد أهله..الله يعلم بحالتهم شنووو؟؟ والله أني اعرف شكثر شباب مثله واللي يحز بنفسك شهاداتهم عاليه وبعضهم تقديره امتياز وجيدجدا مرتفع وفيه المهندس والمحامي والمدرس وكلهم قاعدين بالبيت..

بندر يكمل: وبعدين يبه..شووف له وظيفه على قده..

شايع : شقلت يبه؟؟ أنا وعدت الريال مابي ارجع بكلامي..

أبومازن ابتسم: خلااص كلمه وقووله يمرني باجر الشركه ويصير خير إن شااء الله..

شايع وقف واهو مرتاح: صج يبه..عيل بروح أقووله..
وصعد الدري..

دلع : يبه حتى أنا أعرف بنات مثل هالحاله بالجامعه..والله تييك البنيه ممتازه وشاطره وتتكلم أحسن من مليوون واحد تافه..بس للاسف مالهم حظ..

أم مازن : الله يعينهم يما..
أبو مازن تنهد: ايه وأنا أبووج هذي حااال الدنيااا..


#


#


#


#


#


#


#


#


#


#


#


#


انتهى البااارت..
توقعاتكم ورايكم بصراحه..
وو..اممم بقول شي..يمكن تشووفوني جرئيه لاني عرضت هالموضوع بس والله أعرف وشايفه وايد بنات وبعضهم متزوجات عايشين جذي بالجامعه وبالتطبيقي..وحبيت أعرض لكم جزء بسيط من حياتهم أو معاناتهم اليووميه..

 

[جنى199]

شكرا على البارت يا رب راشد ما يتزوج ورنا وشايع اظن راح يتزوجو بعض اب اب اب وبسسسسسسسسسسس هذي توقعاتي

 

[كلي أحزان وهموم]

ثانكس على البارت حبوبة عجيييب وطوييل :eh_s(17):
راشد مو من صجه هذا شفيه جذي مايبي يتزوج بيان :eh_s(10):
بيان مصختها صراحة المفروض تعطيه فرصة يفهمها السالفة مو تحكم من نفسها
سلسبيل وعبدالرحمن الله لايفرقهم
شايع اممم شكله حب رنا وبيتزوجها بعدييين
كممملي نـاطريينج :eh_s(9):

 

[ورده4]

مرحبا غلاي
فديتك ياقومر الحمدلله ماشي حالي دخولي بالمنتدى قليل حييييييل لان النت عندي زفتتتت
انتي اخبارك؟؟ الف الف شكر على سؤالك مااقدر ارد عليك بالخاص لان مشاركاتي قليله
روايتك جدا جدا جدا روعه يعطيك العافيه هالروايه قاريتها من قبل لاني حريصه اقرأ رواياتك علطول

ودي/ ورده4

 

[Føzöø]

يسلمووو ع الباارت عجججييب

 

[برنسس أوراق]

يسلموووو عالردود الحلوه بنات
سوري ما قدرت أرد عليكم وحده وحده
لأني مشغووووله حيل بس قلت لازم أنزل البارت

 

[Føzöø]

ويتنق يوو حيااتي 

 

[برنسس أوراق]

"مـعـقـولـه تـنـسـانـي..وتـحـب لـكـ
ثــااانـــي..وأنـا الـلـي أغـلـيـتـك يــاآآنصفي الـثاااانــي..يعـنـي هـاايـن عـلـيـك تتـرك واحـــد يـبـيـك..سـلـم قـلـبـه بـيـديـك واهو راضـي..خلى جـمـيـع الـكون مـا غـيــرك أنت عيــون..من بعد هااذا يـكوووووون هوووا مااااضي.."


بـــعـــــد شــهــــر وأســـبـوعيــــــن


# اخر الاحداث#

مبارك تووظف بشركة أبو مازن وبمعاش كبير بالنسبه لموظف يديد..١٢٠٠دينار وطار من الفرحه لما درا وهالشي قوى علاقته بشاايع..


سلسبيل طلعت من نفااسها من يووومين وسوت نيووولوك جددت فيه وطلع جسمها حلووووو بعد ما ضعفت وسوت ترديد ولاده..وعبدالرحمن ما صدق وسيده طار فيها بيروووووت اهو وفهودي والتوم نووف وهيووف اللي أصروا ياخذووونهم
معاهم..


أما مازن وفن..كان عرسهم قبل شهـــــر وراحوو شهر العسل لـ الـصـيـن..


وووو


......

نرجع لقصتنا..وبالتحديد للبارت العاشر وعنوانه "معقوله تنساااني"







الصيــــن..
وبـهـونـغ كـونـغ..
السـاعـه التـاسـعـه صباااحا..
وبأحد فنااادق شارع ناثان المشهووووور

بجناااح فخم وواسع وحلوووووووووووو

طلع مازن من الحمام وهو لاف الفوطه على خصره وشعره مبلل..ولما شافها نايمه توسعت ابتسامته..كانت لاابسه قميص نووم زهري علاق وقصير وأغلب جسمها مكشوووف لان الكمبل طايح نصه عالارض..راح وقعد عندها : فن..فن قلبي..فن
فتحت فن عيوونها بكسل وابتسمت : هممم صبااح الخير..
مازن ابتسم وهو يمسك ايدها ويبوسها: صبااااح النوووووور..قووومي يـلاااا

فن شهقت لما انتبهت أنه مو لاابس والتكييف بارد: هئئئئئئئئئئ يالمينووون متسبح..

مازن فهم غير : احم ئي تسبحت..ليش كنتي بتسبحين ويااي؟؟

فن ولعت من الحيا: لاااااااااااااااااااااااااااااااااااا
موووو جذي

مازن ضحك على شكلها: ههههههههه عيل شنوو قصدج ههههههههههههههههههه

فن بحرج: قصدي أنك مو لاابس والتكييف بارد قووووم لاا تمرض..

مازن قام يلبس واهو يضحك وفن تذكرت أول يوووم زواجهم..الصبح بالفندق لما صحت..

..........

فن فتحت عيوونها بخجل ولما شافت مازن نايم على صدره العاري..ولعت من الحيا وهي تتذكر شصاار أمس بينهم ولا شعوريا ابتسمت وهي تتأمله..

مازن حس بأنفاسها وفتح عيونه وابتسم: معجبه؟!

فن استحت لانه كشفها: احم ا ا اممم صباح الخير

مازن ابتسم واهو يقوم ويعدل نفسه: صبااااح النووور والحب والعسل..{وقرب منها وصار ما يفصل بينهم الا صوت أنفاسهم}موو مصدق أنج صرتي لي..هااذا أحلى يوووم بحياااتي..

فن استحت من مشاعره: إن شااااء الله كل أيامنا مع بعض حلووووه..
وضمته بقوووه واهو ضمها لصدره واهو يغمر رقبتها وويهها بقبلاته الحاااره..

وبعد لحظاات..

مازن همس : أحببببببببببج
فن بنفس الهمس:وأنا أموووت فيك..اممم بس يلاا قووم تأخر الووقت وبعد شووي بيوون أهلنا

مازن بعد الكمبل وقاام متجه للحمام ودخل ورد البااب

فن قامت من النووم وهي تتمايل بقميصها النووم الابيض الحرير وراحت للكبت بتجهز ملابسه بس..

مازن طل براسه من الباب: تعاالي..

فن ارتبكت وصارت خدودها طماطه: هاااااااااا؟؟

مازن ضحك على شكلها : ههههههههه شنوو هااا..أقولج تعالي؟؟

فن بحرج ودقات قلبها وصلت المليوون وويهها مولع: امبلاا..آ آ اقصد يعني تبي شي؟؟

مازن ضحك واهو متجه لها: هههههه شنوو أبي بعد..أبيج تتسبحين وياي..يلاا تعاالي..

فن من سمعت هالكلمه طقتها نحشه : لااااا شنووو مازن عيب أنا استحي..مااااااااااااااازن
الله يخليك لاا لاا

مازن يضحك عليها واهو حاجزها بزاويه: هههههههههههههههههههه شنوووو عيب..عاادي مرتي لازم نسبح مع بعض بعدين شنووو..لابستلي هاالقميص وتقوولين استحي ههههههههههههه
وشالها ومشى فيها للحمام

فن ميته من الاحراج: ياااااااااااااربي مااااااازن
ماااااااااااااااااااااااااااااااااازن والله ببجي الحين يووووووه مااااازن ماااا...

وانكتم صووتها

........

انقطعت أفكارها لما شافت مازن لاابس جينز وتيشيرت ليمووني بأخضر ويمشط شعره ويطالعها من المرايع سرحانه

مازن بضحك: هيييييي فنوووووه وينج ساعه أناديج وين سرحاااانه هههههههه

فن ضحكت وهي تدخل الحمام: هههههههه ولاا شي..

مازن بصوت عالي: لاا تطوولين..عشاان ننزل نتريق ونطلع نتمشى..بوديج الاسووواق نييب هدايا طياارتنا باجر..

فن : اوووووك..

#


#


#


#


#


#


#


#


#


#


#


#


#


#


#


نخلي الصين ونرووح لبيرووووووت..
السااااعه كاااانت سبع المغرب..
بفندق موفينبيك ومن ارقى وأغلى فنااادق العاصمه..

بغرفة النوووووووم

عبدالرحمن كان واقف جدام المرايه يتعطر ويمشط شعره بعد ما قعد من النووووم وتروش ولبس بنطلون أسود بحزام فضي مع قميص زهري


انفتح الباااب بسرعه ودخل فهوودي اللي صار عمره سنه وشهرين مستانس ولاابس جينز صغير وبلوزة بيضا : يلاا باابا نلووووح..

عبدالرحمن ضحك: ههههههههه يلاا الحين نروووح..
وطلع ومسك ايد ولده والتفت لها: حبيبتي احنا ننطرج برا..

سلسبيل بضحك لانها كانت ترضع نووف صدرها: ههههه اوك دقايق بسسس..

طلعوا واهي نزلت نوف عن صدرها وخلتها شووي ودخلت الحمام غسلت وطلعت..راحت لبست بناتها نفس الطقم بس بلونين مختلفين وردي ومووف عشان تعرفهم وحطتهم بسرايرهم بعد ما تأكدت أنها ثقلت لهم الملابس حتى الطواقي الصغار والدلااغاات..وراحت اهي تلبس..لبست تنووره سودا حرير للركبه مع قميص أصفر كركمي أزاريره سودا وياقته مرفوعه..ولفت وشاح أسود ناعم على رقبتها مع بووت بنفس لون القميص..وشعرها اللي صبغته نحااسي وقصصته شلاالات لنص جتوفها نازل بنعومه ساحره ومعطي ويهها شكل جذاااب..لبست تراجي سوودا أكسسوووار حلووو وناعم وحطت ميك اب ناااعم..فاندويشن وبودره برونز بنفس لون بشرتها عشان تبين طبيعيه..ورسمت حواجبها باللون البني وتحته إضاءه ذهبيه وشدو بني داخل معاه الاصفر على عيوونها وكحل غامج وماسكرا سووودا وبلاشر أورنج خفيف مع غلوووس أورنج لماااع..وطلعت باختصاااار روووووووعه شوويه بحقها..

ابتسمت لنفسها برضا ورشت من عطرها المفضل واللي يحبه حمنيييييييي..تريزور أن لوف من لاانكووم..واللي يسمونه عطر لحظات الحب الصاافيه..

خذت شنطتها السودا من دولتشي اند غابانا وطلعت تمشي بنعوومه وهي تدز سراير بناتها جدامها

سلسبيل بهمس رقيق: أنا جاهزه..
عبدالرحمن كان قاعد مع ولده بالصاله يلعبوون ولما شافها صفر: ووووووووه عجيبببببببببببببببببببببه..سووووسو

فهد يقلد أبووه وصفر غلط: وووووووث عتييييييييييييييييبه..ثووووثو

سلسبيل وعبدالرحمن مع بعض: هههههههههههههههههههههههههههههههههههههههههههههههههههههههه

عبدالرحمن وقف: لبستي البناات ثقيل؟؟
سلسبيل بنعوومه: امممم ئي اكيد..تووهم صغاار..

عبدالرحمن ابتسم وهو يروح لها: اممم يلاا مشينا..

فهد بفرحه يشد ايد أبووه: باابا بنلوووح الالعاب..

عبدالرحمن ضحك: هههههههههه ئي بنرووح الالعاب بس أول شي نتعشى..

#


#


#


#


#


#


#


#


#


#

ونرجع الحين للكويت الحبيبه..
في فيـلاا أبووو عبدالرحمن..
الساااااعه ست المغرب..

راشد يا من برا : السلاام عليكمم

الكل: وعليكم السلاااااااام

راشد واهو يقعد: صبووو صبي لي قهوووه

صبا ابتسمت: إن شااء الله

راشد ابتسم: عيل وين أبووووي؟؟

أم عبدالرحمن: تقهوووى وطلع..

راشد : انزين يما شصار عالموووضوع ترى ماا صارت..

أم عبدالرحمن : شسوووي يا يما أبوووك موو راضي يقووول ليش ما يبي من بنات عمه..

راشد بداخله{لاا تفتحين جرووحي تكفين}: ليششششششششششش؟؟

قطع عليه صووت أبووه اللي كان ناسي بوكه ورجع ياخذه: لان بنت العم لولد عمها
ومن يومك صغير نقوول بيان لك شلي غير الحين..

راشد بضيقه يتذكر كلامها{عيل رووووح تزوج وفكنننننننننننننننننني عيل رووووووح تزووووج وفكننننننننني}حس بالدم يصعد لضرووووسه: يبه الله يخليك هالكلام ماخووذ خيره..أنا مابي من القرايب وبعدين لاا تخليني افتح ابوواب مسكره..إذا تبوووني اتزوووج خطبووولي وحده من بعيد..أو موو الا ..اوكيييييييييييييييي

أبو عبدالرحمن سكت شووي وبعدين قال: شوووف ياولد أنا بقولك وأنت بكيفك..عمك أنت تتفاهم وياه لاا قالك ليش خليت بناااته سمعت..

راشد ابتسم: يعني موووافق..

أبوعبدالرحمن ابتسم: خل أمك تدوووور لك على البنت اللي تبيها ونروح نخطبها من أهلها

راشد ما فرح بالعكس تضايق زياده بس لازم يفهم بيان أنها مو اهي اللي تكسره ووقف: سمعتي يماا أبوووي مووافق دوري البنيه وخطبيها وسمعي قوولي ولدي مستعيل ويبي العرس والملجه بيووم واحد بعد شهر زينننننننن..

أم عبدالرحمن بدهشه: وعلامك مستعيل جذي؟؟

راشد يبين الفرحه: بتزووووووووووووج ياااناس بتزووووووج صار عمري ست وعشريننننننن..بتزوووووج حسووا فيني..

صبا معنه مو عاجبها اللي يسويه أخوها الا أنها ضحكت: ههههههههههههههههههههه

أم عبدالرحمن تضحك: وووووي ين الولد؟؟

أبوعبدالرحمن كتم ضحكته: ههههه الله يقطع ابليسك من ولد..فضحتنا ههههههههه

#


#


#


#


#


#


#


#


أما ببيت أبو مازن
شوووفوا اشلوووون وصل لهم الخبر

السااااعه سبع ونص المغرب..

باالصاااالـه

دلع ووله حاطين على مزيكا ويطالعون الاغاااني ويرقصوووون..

نزلت بيان من فووق..لابسه جينز أسود من ماركة مارك باي مارك وبلوزه بينك بأبيض وشكلها أنيق وحلووو..بس كانت ماله..ومتضايقه..وقعدت مع خواتها بس بدون ما تتكلم

دلع بسرعه: وله وله ردي على نجووووم بسرعه وااااي أمووووت بهالاغنيه تهبل..

وله ضحكت: ههههههههه صج أنج هبله..

دلع قطت عليها الخداديه: الهبله أنتي..جببببب جببببب خل نسمع مجووودي..

إشاعه وداعتـك
والله إشاعـــه
حجي العـذال
ما يـنفع سـماعه

يـودون ويـجـبـيـون
حـجي عن اللي يحبوون
شـعلي مـا دام اهـواك بقناعه
شـعلي ما دام أهووواك بقناعه


بيان كانت سرحانه بعييييييد بس بجتها الاغنيه ونزلت دموعها بدون لاا تحس:{ياليتها كانت إشاااعه عنك جااان ما صدقتها والله ما صدقتها بس أنا شفت بعيووووني راشد شفت بعيوووووووني} : ................................................

أم مازن قاطعتهم: هييييييي أنتي وياااها قصري عالصووت بسمع خالتج عايشه شتقووول..
دلع : إن شااااء الله يمااا

أما بيان صحت على نفسها ومسحت دموعها ووقفت بتمشي ولما وصلت عند الباب وفجته بتطلع زلزلها الحجي اللي سمعته..عرقت وحطت ايدها على حلجها تمنع شهقااتها ودموعها تنزل بدون توقف


دلع كتمت الصوت: شفيج يمااا؟؟

أم مازن بضيقه: خالتج عايشه دقت علي تقوول راشد بيخطب وتبيني أروح معاها باجر تخطب له..

دلع بشهقه: هئئئئئئ تخطب له وبيان؟؟

وله مو فاهمه: شفيها بيان؟؟

دلع بهمس: يالخبله من وهم صغار يقولون بياان لراشد فهمتي

وله بدهشه: صججججججججج!!


شايع من عالدري: ئي عااادي شنوو يعني اهو مو ملزوم بكلام الاهل..من حقه يختار الأنسانه اللي يبيها وبعدين من قالكم أن بيان تبيه..

أم مازن براحه جزئيه: وأنت الصاج..عالعموم الله يوفقه..أنا بقوووم أجهز العشى..

......

أما برا عند الباااب..

بيان واقفه بنفس المكان..مصدووووومه وعيونها مفتووحه عالاخر ودموعها مو راضيه تووقف

بندر اللي كان توه بيدخل وشافها وسمع كل الكلام وما استغرب حالتها بالعكس تضايق عشانها: تعاالي معااي..

وسحبها من ايدها ومشى فيهاا لعند المسبح وقعدوا هناااك

طلع شايع وشافهم ومن حالتها عرف أنها سمعت: سمعتوا بالخبر؟؟

بندر بهدوء: قصدك خطبة راشد..ئي سمعنا
{والتفت لبيان اللي ضامه ريولها لصدرها وتطالع الماي ودموعها تنزل} بياااااااااانوو خلااص لازم تنسينه الحين اهو بيختار الانساانه اللي بيكمل معاها حياته وبيتزوج..
وما يصير تظلين على هالحاله..

بيان بشهقه مع صراخ: وأنــآ..وأنــآ اللي حبيته ليش يسووووي فيني جذي ليششششش..واهو يدري أنه أحبه..اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

بندر بقسوه: نسيتي الكلام اللي قلتيه..تزوووج وفكني..

بيان بدموووع: مووو من قلبي..مووو من قلبي..حراااااااام عليه والله العظيم موو من قلبي..

بندر يطالع شايع بعجز : ...............................

شايع لف ويهها ومسح دموعها: بياااان..الحين أنتي لازم تنسينه لـ..

بيان بصراخ وهي تشد بلوزته بانهياار: اشلوووووون انسااه اشلوووووووون؟؟
بيتزوووج..تعرف شنووو يعني بيتزوووج يعني خلااص بينسااني..مالي حق فيه..كل أحلامي ضاااعت..بيصير لغيري..بياكل ويشرب ويضحك ويسوولف وينااام معاها..اشلووون انساااه ما اقدر ماااا اقدر
{وحطت ايدينها على ويهها وصارت تبجي منهاره} اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

شايع وبندر انصدموا بانفجااارها وتنهدوا بقووووه : اوووووووووووف

شايع حضنها لصدره بقووه: خلاااص بيان اهدي الحين اهدي..

بيان بدموع: شايع أنا

شايع حط ايده على شفايفها: اششششششششششششششششششش
اهدي خلاااص..
ومسح دموعها بيده

بندر همس: قوووم طلعها خل تبتعد عن البيت لانهم بيظلون يسولفون بهالسالفه طول اليوووم..

شايع همس له: اوكي صار باخذها الحين بس قوول لامي أني خذتها بنتعشى برا وبتأخر شوووي..

بندر وقف: ماشي..يلاا روووح..

شايع أشر له والتفت لبيان : يلاا بيووون غسلي ويهج خلااااص

بيان رفعت راسها عن صدره بملل وقربت للمسبح وغسلت ويهها بالماي أكثر من مره لحد ما حست أنها هدت شوووي

شايع وقف وسحبها من ايدها: يلا تعاالي بنطلع..بمشيج وبعشيج عالبحر بعد شتبين؟؟

بيان بهدوء: لاا لاا مالي خلـ..

شايع قاطعها: لاا تحاووولين بتطلعين معااي يعني بتطلعين..

بيان بصوت هاادي: انزين خلااص بطلع بس بعدل شكلي..

شايع طالعها بنظره: اممم لبسج حلووو وسبووور..ومو لازم مكياج اعطيج نظارتي بالسياره..
وسحبها ومشى فيها وطلعوا من البيت وركبوا السياره..


#


#


#


#


#


#


#


#


#


#


#


#


#


#


#


#


أما ببيت أبو مبارك
نفس الوقت..

مبارك بفرحه: يمااا يمااا وينج يمااا

أم مبارك طلعت من المطبخ المتواضع: هاااا هاا شفيك تصارخ تعااال أنا بالمطبخ

مبارك مد لها الفلوووس: باركي لي يماا اليووووم استلمت أول معااش لي وتوني ساحب منه..هااج هذول ميتين حقج..

أم مبارك بفرحه: صجججججج مبروووك ياا يما مبروووووك الله يوفقك ويرضى عليك ويعطيه العافيه رفيجك شايع ويوفقه وين ما راح..

مبارك ابتسم: الله يبارك فيج يماا

رنا يت تبتسم: مبروك يااخووي الله يوفقك إن شااء الله عاد مو تنسى دراستك توك مقبول بالجامعه ولازم تشد حيلك

مبارك ابتسم لها: الله يبارك فيج رنووووه وإن شاء الله بشد حيلي أكثر وأكثر

ابتسام بلقافه: ئي عااد موو تنساانا

مبارك ضحك: ههههههه لاا تخافين ماني ناسيج..روحوا لبسووا وتعالوا..بوديكم شرق وبنتمشى ونتعشى بالمكان اللي تبونه..

فاطمه بلهفه: يعني بتشتري لي ديفيدي وأشرطه..

مبارك ابتسم: ئي ياالله رووحوا لبسوا وتعالوا...كل وحده لها ميه..

فاطمه وابتسام بفرحه: هيييييييييييييييييييا

رنا ضحكت: ههههههه ماا صدقوا على الله..

أم مبارك: خليهم يستانسوووون..رووح يمه وخذ خواتك وتعشووا واستانسوووا
وأنا وأبووك بنتعشى بروحنا


#


#


#


#


#


#


#


#


#


#


#


#


#


#


صوووب بحر شرق..
الساعه ثمانيه ونص..


بيان قاعده وتطالع البحر: .............................

شايع كان يايب لهم عشى من بابا جونز..بطل الاجياس وطلع كرتون البيتزا حقتها: يلاا بيووون ترى البيتزا اللي تحبينها مارغريت

بيان ابتسمت بهدوء: قتلك مو مشتهيه

شايع ابتسم وهو يطلع باقي الاكل..شبس الودجز والكولا وأصابع الجبن والبيتزا حقته بيبروني: يلااا عاااد لاا تصيرين بااايخه..هاااج أكلي..

بيان ضحكت غصبا عنها: هههههههههههههه وأنت كله جذي ..الشايع للعود والعنبر والعطور

شايع ضحك من قلب: هههههههههههههههههه
هييييييي بيانووووو لحد يسمعج واتوهق ترى والله بذبحج

بيان ضحكت وهي تاخذ قطعة بيتزا: ههههه أكل أكل..

وبـعـــد نـــص ســـــاااااعه..وكااانوا مخلصين الاكل

بيان مسكت بطنها: واااي شبعت الحمدلله..

شايع ابتسم: اشكريني عاااد

بيان ضحكت: ههههههه شكرا..

شايع فجأه سكت لانه عيونه شافت رنا تمشي مع خواتها الثنتين وأخوانها ورغم بساطة لبسها الا أنها جذبته..جينز من فكتوريا بيكهام دينم أبيض وتوب أحمر واسع وفيه تطريز ناعم وملفعها ابيض بصفاء بشرتها: امممم بيوووون

بياان وهي تلعب بالصخر: همممم

شايع ابتسم: تذكرين البنت اللي شفتيها معاي بماكي لما صارت هذيج السالفه..

بيان حست بجرحها ينفتح من يديد: واشلووووووون بنسااااها؟؟ وبعدين صج شسالفة هالبنيه نسيتها أنا؟؟

شايع طالعها بهدوء بعد ما لمحهم يقعدون جبال البحر : شفتي مبارك اللي وظفته عندنا بالشركه قبل شهر وشووي

بيان باستغراب: ئي..

شايع كمل واهو مركز بنظراته بعيد : هذاك هوو وهذيج اللي لابسه أحمر اهي أخته نفسها اللي شفتها بماكي

بيان التفت وشافتها: والله!! الحين البنت اللي شفتها أخت مبارك..اممم اهو الولد اللي تقوول عنه بدون..موو

شايع بهدوء: اممم ئي..بس ما قتلج شصار واشلووون عرفته بعدين..

بيان طالعته باهتمام: ئي صج..بس لحظه شووويع ليكون تحب..ترى البنيه حليووووه ومبين عليها هاديه..

شايع ضحك: ههههههه أي حب أنتي الثانيه سمعي السالفه بالاول..لما رحتي الحمام............................................................................................................................................................

بيان لفت ورجعت تطالعهم: ووواي شووويع سالفتك عجيبببببببببه موو قادره استووعبها..للحين بمجتمعنا هااذا فيه بناات جذي؟؟

شايع ابتسم ووقف: قووومي أعرفج عليهم

بيان وقفت والفضول ذابحها: والله..يلاا امش..

..........

وعند مبارك وخوواوته

ابتسام بلهفه: الحين القميص الاحمر اللي اشتريته بسبعين..لا لأ..ولا الشوووز الاسووود الكعب بثلانين..وااااي وااااي صج ناااس عاايشه..موو احنا..

مبارك ضحك: هههههه توج ما شفتي شي..

فاطمه بفرحه: اهم شي أنك اشتريت لي الدفيدي والاشرطه اللي أبيها عشان احر رفيجاتي مو بس يحروووني كل مره..

مبارك ورنا: هههههههههههههههههههههههههههه

بهاللحظه قطع عليهم صووت شايع : السلاام عليكم

......

مبارك وقف: هلا والله بالمدير..
شايع ضحك وهو يصافحه: هههههههه المدير بالشركه أما برا احنا ربع..{والتفت لرنا وخواتها} اشلووونكم بناات..أعرفكم على أختي بيااان
بيان ابتسمت بنعومه : تشرفنا

رنا ابتسمت بحيا وهي تصافحها: الشرف لنا..أنا رنا وهذول خواتي ابتسام وفطووم..

ابتسام بمرح: ترى أنا وصيت اخووج إذا تخرجت بعد سنه إن شااء الله يشووف لي وظيفه عندهم

بيان طالعت أخوها وضحكت: هههههههههه أنتي وين تدرسين؟؟

ابتسام بسرعه: أنا تجاري تخصص محاسبه..ورنوووه تدرس بمعهد السكرتاريه وفطوووم بسابع..وأنتي؟؟
رنا ابتسمت: أنتي ليش ملقوووفه كلتي البنيه؟؟
بيان ضحكت: ههههههه لاا عااتي خليها..بالعكس خواتج عسللللللللل موو شايع


شايع ضحك: ههههههه موووو..
بيان تكمل: امممم أنا الله يسلمج أبله..
فطوم: صجججججج
ابتسام: ياااي وناسه رفيجتنا أبله..وشنوو تدرسين؟؟
بيان بضحك: هههههه موسيقا
رنا ابتسمت: ما يبين عليج..توج متعينه موو؟؟
بيان ابتسمت: اممم ئي أكيد تووني..ترا توني عمري ثنينه وعشرين..قبل أربع شهووور تعينت..
مبارك ابتسم: انزين قعدوا حياكم حياكم ليش واقفين؟؟
شايع ابتسم: تسلم بس والله شفناكم وقلنا نسلم..يلاا بيان نمشي

ابتسام بلقافه: ليشششش قعدوا شووي؟؟

بيان ضحكت: ههههه مره ثانيه إن شااء الله..
{وطالعت رنا} سجلي رقمي عندج وأي شي تبينه دقي موو تنسينا
رنا ابتسمت: هههههه انزين عطيني............

وبعد ثوواني

شايع من بعيد: يلاا بروووك مع السلامه

مبارك ابتسم: مع السلاامه..

........

شايع : هاا شرايج؟؟

بيان بمرح: وااااااي هااذي ابتساااام عسلللل عسلللل وتدش القلب بسرعه..حتى رنوووه حليوووه ومبين عليها هاديه وطيبببببببببه..بس تعااال أنت ليش تسأل أخاااف تحب؟؟

شايع ارتبك : لاا يبه من صجج..البنيه ما تعرفني ولا أعرفها تقوولين تحبها..كل اللي أعرفه ان اسمها رنا وعمرها عشرين وتدرس سكرتاريه بس هالشي مو كافي حق الحبببببب


بيان بشك: والله ما يندرى عنك

شايع ضحك: هههههههههه امشي امشي




انتهى البببببببببارت

توقعاااتكم لااحداث الباااارت المثييييييييره..

سي يووووو

 

[خوخه تحب الدوخه]

واااااااااااي الروايه عجيبه يلا كملي
اتوقع انه راشد يتزوج
وانه شايع يحب رنا
بندر يحقد على راشد و يهد صبا
مازن وااااااااااااي فديته اهوه و فن و الله يوفقهم انشالله
وبس...
يلا ناطرتج احر من الجمر
up
up up
up up up
up up up up
up up up up up
up up
up up
up up
احلا تحيه:eh_s(22):​

 

[جنى199]

اتوقع راشد بتزوج واكيد شايع بحب رنا ويمكن تصير تحبه وفن ومازن الله يهنيهم

 

[mss.86oo6a]

الروااااااااااااااااااااااااااااااااااااااااااااااااااااية تينن تينن تينن تينن
up
up
up
up
up
up
up
up
up
up
up
up
up

 

[كلي أحزان وهموم]

من صجه هذا راشد خير يا طير كلمة وقالتها لك البنت واهيه معصبة خلاص حنجت عليها يعني طوف وخلاص باط جبدي :eh_s(14):
وبيان كسرت خاطري بس شتسوي مو بيدها :eh_s(2):
فن ومازن وسلسبيل وعبدالرحمن يا حلاتهم الله يخليهم لبعض :eh_s(17):
شايع شكله بدا يحب رنا
كممممملي نـاطرييييييينج حبوبة :ggdw:

 

[عيوون الكويت]

مســـــــاء الخيــــــــر
أهــــــــــداء خــــــــــاص جدا إلى أوراق من ذهب كما أحب أن أسميــــج أنا :
♥ المــــــــدح قـــد الفعـــــل كــــــاسب ومـــــكسوب ♥ وآنــــا الــــــذي مــــن طيــــــــب حظـــــــي كسبــــتك ♥
ولـــــي الشــــــــرف وتاج على راسي بصـــداقتج وربي ♥ واعذريني يالذهب لو تاخرت عليج بس ماقدرت ارد بالخاص لان مشاركاتي قليله ما قدرت ارسل لج بس واللي خلقني أني أغليج واغلي ترابج وعشانج بحاول اكون متواجدة يوميا انشالله ♥ وبالنسبة للروايه تصدقين لو قلتلج وربي اني هالايام قاعد اعيد قرائتها من جديد مع اني حافظتهم صم عن ظهر غيب روايتج الوحيدين اللي جامعتهم بجهازي وبفوني من اول عشقي المجنون لحد الاخيرة انا نبضك تدرين ليش لان قلمج الساحر وابداعاتج جذبتني وانا افتخر ان بنت ديرتي مثلج تكون بهالموهبة والابداع ♥ احبــــــــج اوراق خريفيه ـ ياليت الحزن لحظه ـ شتان أنثى ـ اوراق من ذهب ـ فـــــــــديتج انا ♥ مع تحيـــاتي اختج اللي تغليـــــج وتعشـــــق قلمج ♥ عيــــوون الفهد ♥ وبانتظار روايتج الجديده على نــــــــار ♥♥♥

 

[برنسس أوراق]

مســـــــاء الخيــــــــر
أهــــــــــداء خــــــــــاص جدا إلى أوراق من ذهب كما أحب أن أسميــــج أنا :
♥ المــــــــدح قـــد الفعـــــل كــــــاسب ومـــــكسوب ♥ وآنــــا الــــــذي مــــن طيــــــــب حظـــــــي كسبــــتك ♥
ولـــــي الشــــــــرف وتاج على راسي بصـــداقتج وربي ♥ واعذريني يالذهب لو تاخرت عليج بس ماقدرت ارد بالخاص لان مشاركاتي قليله ما قدرت ارسل لج بس واللي خلقني أني أغليج واغلي ترابج وعشانج بحاول اكون متواجدة يوميا انشالله ♥ وبالنسبة للروايه تصدقين لو قلتلج وربي اني هالايام قاعد اعيد قرائتها من جديد مع اني حافظتهم صم عن ظهر غيب روايتج الوحيدين اللي جامعتهم بجهازي وبفوني من اول عشقي المجنون لحد الاخيرة انا نبضك تدرين ليش لان قلمج الساحر وابداعاتج جذبتني وانا افتخر ان بنت ديرتي مثلج تكون بهالموهبة والابداع ♥ احبــــــــج اوراق خريفيه ـ ياليت الحزن لحظه ـ شتان أنثى ـ اوراق من ذهب ـ فـــــــــديتج انا ♥ مع تحيـــاتي اختج اللي تغليـــــج وتعشـــــق قلمج ♥ عيــــوون الفهد ♥ وبانتظار روايتج الجديده على نــــــــار ♥♥♥

والله ما أدري شقولج
استحيت وأنا اقرأ ردج
حبيبتي انتي والله اللي ردج ذهب وعسل مثلج
ولعيونج الغاليه انتي أول وحده ببلغها عالخاص
بس عاد كثري مشاركاتج نبي نشوف مواضيع من قلمج..رأيج