تمنيتي جنس جنين معين ودعيتي ربج بالحاح ان السونار يكون غلط ... شنو ولدتي ؟؟؟

[نـعـومـه]

مافكرت ان ادعي يطلع اللي بطني غير السونار

خلاص الله رزقني ليش ادعي ان يطلع غير !!! بدال ما ادعي الله اييب البيبي بسلامه ادعي العكس!

 

[جمالي خيالي]

تمنيت شي وبالسونار شي ثاني
ودعيت ربي بالحاح يكووووووون بصحه وعافيه وماطرا على بالي ادعي ربي اولد شي ثاني
الحمدلله ياربي كلهم حلوين بنت او ولد .. المهم حسن الخلق والخلقه

 

[ام دندوونه]

شلونج فرفوشة..وشلون الحمال معاج..الحمد الله انا ما صادفنى هالموقف..واللي يجي من الله حياه الله..
اهم شيء الصحة والعافية..والله يرزق كل محرومة يارب..

 

[فرفشه منعنشه]

الحمدلله كلهم من الله رزق بس صارت معاي في بجري زوجي تمنى البنت واستانس اول الحمل الى السابع انها بنت وبلمحه بصر بالملون عرفنا انه ولد لووووووووووول

والثانيه الله رزقني في بنت وحملت فيها وانا ما ادري لاني اخربط بالحبوب والمفاجأه تأخرت وحللت حامل وبالسابع عرفت انها بنت
وانا بطبيعتي اميل للاولاد اكثر من البنات والله معطيني على قد نيتي وزوجي عكسي يحب البنات هههههههههههه والله يرزق الجميع الخلقه التامه المعافاه قبل ما نتمنى ان يكون بنت او ولد ^_^


على فكره فرفشه اغلب البنات ينادونج بنكي ههههههههههههههه ( فرفشه منعنشه ) وانتي فرق عني ب واو بعد منعنشه لووووووول

 

[أعشقه]

انا تمنيت اجيب ولد ويكون اول مولود
وطلع لي بالسونار بنت وتمنيت حيل يكون ولد بس ماحصل وجبت احلى بنوته ربي يخليها لي
والحين حامل وتمنيت اجيب ولد ودعيت ربي وقالو لي بالسونار انه ولد ويارب يكون صحيح واهم شي الصحه والسلامه وكمال الخلق والخلقه

 

[ombader24]

ياالله يعطي كل وحدة الي في بالها
بس يقولون ما يرد القضاء الا الدعاء
وانا ادعي ربي ليل ونهار يالله ترزقني بنية عندي 3 أولاد
بس بصحة وعافية
لان ولدي آخر واحد تعب وحسيت انه كله مني إني اقول ابي بنيه ابي بنيه
بس ربنا كريم ورحيم ورزاق
والحين أنا حامل بس توكلت على الله وقلنا مانبي نشوف بالسونار اللي يجي من الله حياه الله
ولو انه متشاغبه بعرف بس الله كريم بالدعاء انشاء الله يتحقق الي في بالي
دعواتكم وياي

 

[hneen2]

انا اخر مره كنت بالشهر الثالث ودكتوره قالتي من النبض ان شالله ولد

استغفر الله طلعت من عندها ابجي غصبن عني والله لان ابي بنت وخاطري فيها اموت علي البنات وابي اخت حق بنتي وحيده حبيبتي


وقمت ادعي وادعي واترجا ربي وادري مراح يخيبني والحمدالله بالشهر الخامس قالتي بنوته واضحه فديتها


ربي يخليهم لي اولاد عيني اليمين والبنات عيني اليسار بس البنات بزياده دلع لوووول

 

[حنان1983]

انا بحملى الاول ما فرق معاى ولا كنت اتمنى جنس معين اول ما عرفت انى حامل بتوم شفت بالمنام بنتين مثل القمر والحمد لله بعد الحلم بكام شهر وبالسونار عرفت انهم بنات وكنت سعيده جدا انا وابوهم
بحملى الثاني حملت بدون ترتيب وكانوا بناتي لسا شهور وبالشهر الرابع سويت سونار قالولى احتمال بنت صراحه انا زعلت شوية بس والله انى دعيت ربي اهم شى يسهل علي تربيتهم ويسهل على ولادتى وان السونار يمكن يكون غلط
بس لما اكدولى عقبها بشهر انها بنيه وانا بعدها تقبلت انها بنيه وكنت فرحانه وسويتلها احلى سبوع وصراحه البنات حلويين وبنيتى الصغيره نسخه منى ومن امى الله يحفظها لى ...... ومجرد ما تشوفين البيبي اللى كان جواك ينط قلبك بحبه ...

انا الحين حامل صدقوني اتمنى الولد بكل قلبى وما اخجل انى ااقول حق اهلى ادعولى وحج ام زوجي وادعى ربى انو يكرم بناتى باخو لهم وتونى انا بالشهر الاول الله كريم وكل اللى راح يرزقني بيه ربي انا ان شاء الله اكون راضيه وسعيدة.

 

[بنت السعوديه..]

...الله يرزقنا جميعآآآآآ باللي نتمناااه ...ويجعل أطفالنا سليمين من الامراض والتشوهااات ياااارب...

اللهم أني أستودعتك جنيني فحسن في خلقه وأخلاقه ...

 

[فلافل وبطاط]

بجري ريلي كان يبي بنت وسبحان الله يبت بنوته
حملي الثاني احس خاطره بولد بس يقول اللي من
الله حياه الله والبنت والولد نعمه ...
بس انا كنت اقول انها بنت ... واول سونار قالي ولد
وسونارين بعده صاك ريوله وبالسادس قالولي بنت
والحمدلله عالنعمه مادعيت ولا شي متى ماربي رزقني
الحمدلله عالنعمه ...

 

[آهات الليل]

هلا يالغلا شلونج شخبارج
ابجري ماكنت حاطه ابالي بنت اوولد عادي بس حيل فرحانه لان حامل وبس خخخخخخ
ولي الشهر السابع قالوا ولد سويت سونار ثلاثي والنتيجه بنت انا وريلي طرنا من الفرحه ههههههههههه مادري ليش تصدقين لان موحاطين ابالنا بنت او ولد لدرجه سهيت وانا طالعه جان اطيح ولما ركبنا السياره زوجي يمشي ولايدري وين قعد نروح خخخخخخ
وبحمالي الثاني كنت حاطه ابالي ولد لان علبو بنت اكيد بيب ولد شدراني وعاد عرفنا انها بنوته وعادي بس انصدمن عبالنا ولد
وبحمالي الثالث لازوجي يتمنى الولد بكثره وانا احلامي وحمالي هذا كان غير وحاطه ابالي ولد مليووووووون %وطلعت بنوته بصراحه حيل تضايقنا بس زوجي اكثر لدرجه كان بيسويلي مفاجاه اذا ولد مزهب جوازاتنا عشان يسفرنا لما طلعت من السونار وركبت السياره وراني الجوازات بدرج السياره وقال مافي سفر والظاهر بنيب كله بنات وووووووالخ وعقب لما وعى استغفر وحمد ربه بس هم يبي ولد وربع واللي يصيروله ها ماياك ولد ومن هالكلام بالاخير انا وزوجي نتمنى الولد ونموت ابناتنا الله يحفظهم يارب بس مومن اللي ميتين حيل عالولد من يقعدون لين ينامون بس يفكرون بهالولد ونفسيه تعبانه وجذي لا الحمدالله نبيها من رب العالمين بدون تدخل طبي واذا مالله رزقنا الف الحمدالله اكيد خيره سبحن الله
والله يحفظ اميراتي ويرزقني باولاد صالحين وكل من قال اللهم امين

 

[تحرير @]

كنت اتوقع بنت وطلع لي ولد
بس ياحلاتهم البنوتات كان ودي اييب بنت
بس الحمد لله ع كل حاال

 

[روح نقيه..!]

كنت اتمني بنوته

وجبت احلى بنوته

 

[مفرفشة ومنعنشة]

الله يرزق كل وحده بللي تتمنى ويكون طفل سليم تام الخلقة من غير زياده ولا نقصان وتبارك لنا فيهم ياااارب

 

[مفرفشة ومنعنشة]

استغفر الله الذي لا اله الا هو الحي القيوم واتوب اليه

 

[مفرفشة ومنعنشة]

الحمدلله حمدا كثيرا طيبا مباركا فيه

 

[مفرفشة ومنعنشة]

حسبنا الله سيؤتينا الله من فضله انا الى الله راغبون

 

[مفرفشة ومنعنشة]

لا حول ولا قوة إلا بالله

 

[مفرفشة ومنعنشة]

هلا يالغلا شلونج شخبارج
ابجري ماكنت حاطه ابالي بنت اوولد عادي بس حيل فرحانه لان حامل وبس خخخخخخ
ولي الشهر السابع قالوا ولد سويت سونار ثلاثي والنتيجه بنت انا وريلي طرنا من الفرحه ههههههههههه مادري ليش تصدقين لان موحاطين ابالنا بنت او ولد لدرجه سهيت وانا طالعه جان اطيح ولما ركبنا السياره زوجي يمشي ولايدري وين قعد نروح خخخخخخ
وبحمالي الثاني كنت حاطه ابالي ولد لان علبو بنت اكيد بيب ولد شدراني وعاد عرفنا انها بنوته وعادي بس انصدمن عبالنا ولد
وبحمالي الثالث لازوجي يتمنى الولد بكثره وانا احلامي وحمالي هذا كان غير وحاطه ابالي ولد مليووووووون %وطلعت بنوته بصراحه حيل تضايقنا بس زوجي اكثر لدرجه كان بيسويلي مفاجاه اذا ولد مزهب جوازاتنا عشان يسفرنا لما طلعت من السونار وركبت السياره وراني الجوازات بدرج السياره وقال مافي سفر والظاهر بنيب كله بنات وووووووالخ وعقب لما وعى استغفر وحمد ربه بس هم يبي ولد وربع واللي يصيروله ها ماياك ولد ومن هالكلام بالاخير انا وزوجي نتمنى الولد ونموت ابناتنا الله يحفظهم يارب بس مومن اللي ميتين حيل عالولد من يقعدون لين ينامون بس يفكرون بهالولد ونفسيه تعبانه وجذي لا الحمدالله نبيها من رب العالمين بدون تدخل طبي واذا مالله رزقنا الف الحمدالله اكيد خيره سبحن الله
والله يحفظ اميراتي ويرزقني باولاد صالحين وكل من قال اللهم امين

:yaaaaaarb:اللهم اني اسألك بإسمك الأعظم الذي اذاسألت به اجبت واذا دعيت به اعطيت ان ترزقني وترزق آهات الليل وكل من يتمنى ذكرا سليما صالحا تام الخلقة من غير زيادة ولا نقصان وتبارك لنا فيه يارب العالمين:yaaaaaarb:

آهات حبيبتي كثري من الاستغفار والصدقة وداومي على قراءة سورة البقرة وقيام الليل ، وصدقيني رب العالمين بيعطيج وبيرضيج انت وزوجج :eh_s(7):

الله يخليلج بناتج ويحفظهم ويستر عليهم ويرزقج توم صبيان صالحين معافين يارب العالمين :yaaaaaarb:

 

[AVE.NJ]

انه تمنيت حيل ولد والله عطاني
بس لو كانت بنت هم ماكان عندي مشكله بس انه كنت ابي ولد لاسباب خاصه
والله يرزق كل وحده اللي تتمناه