منو فيكم نفسي

[iLLuMinaTion]

هلا بنات شلونكم

منو فيكم يعاني نفس معاناتي

مع كل بيبي او طفل اعاني نفس المعاناه وما اعرف اتصرف

يعني كان البيبي الجديد اول مره اولد او يصير عندي بيبي

اتوهق واسال الناس

اذا صار فيه حساسيه اتوهق

اذا صاح اتوهق

اذا صار فيه اسهال او امساك

نفس الشي

ما دري ليش

 

[حساسه]

طيب اكتبي الاحداث اللي تصيرلك في دفتر واذا ولدتي يسير مرجع لك

 

[كويتيه مذهله 87]

المفرووض يصير عندج خبره
انا بعد استغرب من حريم عندهم يهال ويسألون جنهم بجر

بس مثل ما قالت الأخت الي فووق كتبي مذكراتج انا اسوي جذي
واعرف الحين ولدي الاكل اي يسببله حساسه والحليب الي ماطاح عليهه وسببله أمساك

بس تري كل بيبي عن بيبي يختلف
والله يخليهم لج يارب

 

[zaina alotibi]

كلامج صح اول الايام يسير فيه شوية ارتباك بس المفروض ولد عن ولد يبتدي يخف هالتوتر والارتباك لانها صارت الام خبرة

 

[iLLuMinaTion]

طيب اكتبي الاحداث اللي تصيرلك في دفتر واذا ولدتي يسير مرجع لك

يسلمووووو

 

[Daleela]

ما ادري يمكن لانج تنسين مو شرط ارتباك

 

[MISS-QUT]

انا كنت جذيه في البدايه
عندي ولد واحد وماعرف شي
فتره الاربعين كان كله عندامي ومادري عنه شي بس لما رحت بيتي توهقت وشوي شوي تعلمت من الي عندي بالبيت من خالاتي وبنات خالاتي
والحين الحمد لله

 

[iLLuMinaTion]

ما ادري يمكن لانج تنسين مو شرط ارتباك

اي والله الوحده فينا ترتبك مادري ليش

 

[iLLuMinaTion]

انا كنت جذيه في البدايه
عندي ولد واحد وماعرف شي
فتره الاربعين كان كله عندامي ومادري عنه شي بس لما رحت بيتي توهقت وشوي شوي تعلمت من الي عندي بالبيت من خالاتي وبنات خالاتي
والحين الحمد لله

الحمدلله

 

[بـ سـ كـ وتـ ة]

يمكن تخلين فجة كبيرة بين ياهل والثاني

 

[@الياسمين@]

انا نفسج ..
وايد احاتي واتوتر واسأل

 

[iLLuMinaTion]

يمكن تخلين فجة كبيرة بين ياهل والثاني

صح كلامج

 

[iLLuMinaTion]

منو بعد فيكم نفسي