بسم الله الرحمن الرحيم
أهلين بنات ,, كيف الحال ,, عساكن ^^ ,,
السلام عليكم و رحمة الله و بركاته ,,
أخواتي و حبيبات قلبي حابة أفتح معكن موضوع شاغل بالي من كم سنة ..
و آللي دفعني إنّي أنزله هو اطلاعي على بعض المواضيع بهالقسم و بعض الرسايل آللي جتني على الخاص
آللي تحكي جزء من الواقع المرير آللي يعايشنه بعض البنات بسبب جفاف المُعاملة في البيت
من قبل رب الأسرة ( الأب ) أو ربّة الأسرة ( الأم ) على وجه الخصوص ..
و خصيت الأم بالذّكر لأنها عبارة عن كتلة من المشاعر الدفّاقة ,, حنان فيّاض ,, قلب رحوم ,, و جانب ليّن ,,
و هي أقرب لبناتها من أبوهن ,, و هي أكثر شخص بالدنيا كلها يقدر يتعامل مع البنت
و يتفهّم نفسيتها و عقليتها و يستوعب جميع قضاياها و يحل مشاكلها , خاصّةً إنّ الأم كانت في يوم من الأيام بسن بنتها يعني عارفة الوضع كيف صاير ..
لكن آللي جالسين نشوفه في كثير من الأسر ,, هو ابتعاد الأم عن البنت و انشغالها بأمور أقل أهمية من متابعة بنتها
قسوة في المعاملة !!
قلب قاحل من الحنان و الرّحمة !!
انعدام لغة الحوار بينها و بين بنتها !!
تشوفون البنت حاطّة بينها و بين أمها حواجز فولاذية لا يمكن اختراقها ..
تلاقينها لو تبي تفضفض ,, تلجأ للصديقتها .. للقريبتها .. للناس آللي في النت .. لأي أحد !!
إلا إنها تلجأ لأمها !!
لأنها لو لجأت لها ما راح تلاقي الإهتمام المطلوب أو العناية آللي تحتاجها !!
كل آللي بتحصله الزّف .. و التهزيئ .. و الهواش .. و الصراخ على غلطة قد تكون بسيطة غلطتها البنت !
زي وحدة من البنات أعرفها ,, تقول : نزلت نتيجتي و رسبت بـ 3 مواد ,, و ضايق خلقي مرّة مرّة !!
>> فكانت شايلة هم كيف تعلّم أمها ,, خاصّةً إن وحدة من خواتها نجحت و الكل جالس يبارك لها
و مبسوط عشانها ,, أمّا هي فـ رسبت بكم مادة !!
فقررت إنها تموّهـ عن الموضوع و تتكتّم عليه ,, ألين اضطرّت بالأخير تعلّم أهلها ,,
و عاد شوفن الإستهزاء و الهواش آللي حصّلت عليه من قبل أمها ! ,,
و كل شووي تقارنها بأختها !!
أختك ناجحة ,, أنتِ فاشلة ,, قومي اشتغلي بالبيت و نظفي و سووي ,, أختك ناجحة ,, أنتِ راسبة
أختك أحسن منك .. أختك أشطر منك .. الناس وش يبون يقولون علينا ؟ بنتهم فلانة شاطرة عكس أختها كسلانة مغرزة بالدراسة ؟
>> و المشكلة تقول لها هالكلام قدّام أخوانها على أساس إنوهـ عادي يعني أخوانها سترها و غطاها !!
يعني تفشّلها و تحرجها و تجرحها قدّام الكل و تتكلم معها بأسلوب سوقي متدنّي ,, و بالأخير تبيها تصير شاطرة و بارّة و إنسانة توب ما فيه مثلها ؟
و مثل هالأم كثيييييييييييييير .. أنـا عارفة إنها تهاوشها عشان مصلحتها ,, لكن برآيكن هل هذا أسلوب يقوّم ؟
هل هذا الأسلوب ممكن يجيب نتيجة إيجابية مع البنت و يدفعها للأمام ؟
بالعكس أنـا آللي أحسّه إن هذا أسلوب جارح يقتل الثّقة في النّفس ,, يحسس البنت إن أمها تكرهها ما تحبها
و إلا ليه تهاوشها و تفشّلها و تجرحها قدّام أخوانها و تنظر لها نظرة إزدراء كما لو أنّها جلبت لأهلها العار ؟
يعني حرام ,, بنتك آللي فيها مكفّيها ,, ليه تزيدينها طيّب ؟ هل هذا أسلوب بالتّربية ؟
كيف تبينها تبر فيك و تحن عليك و تثق فيك و تعتبرك صديقتها قبل تكونين أمها و تلجأ لك في الفضفضة و السواليف
و أنتِ أسلوبك معها أسلوب فض جاف ( مُتدنّي ) و ما تتقبلين منها أي خطأ و أي فشل ؟
يعني ما فيه أدنى قابلية لخطأ البنت ,, ما فيه أدنى تفهّم لوضع البنت ..
تبي بنتها كاملة و متفوّقة من جميع النواحي !!
وحدة ثانية من البنات تقول : أنـا أمّي 24 ساعة تزفني و تكسر فيني ,, هذا لمّا ما يكون لها حاجة عندي
و إذا صار لها حاجة قامت تتلصّق و تتكلم بأسلوب طيّب و تجلس تمدّح فيني :
أنتِ الشيخة و أنتِ الزّينة و فيك و فيك و تجلس تذم بأخواني كلّهم !! @.@
و لا أخذت حاجتها منّي رفستني و حقرتني و رجعت مثل أول تهاوش و تسب !!
بالله هذي كيف أبر فيها ؟ خلاص أصلاً كرهتها طلعت من خاطري !!
أحاول أجاهد نفسي و أبر فيها و لكن كل ما تذكّرت كلامها لي أحسّه مثل السّم آللي يمشي بعروقي << هذا كلام البنت !! ,,
أدري كلامها يعوّر القلب و تفكيرها غلط .. و المفروض تصبر على أمها و تبر فيها مهما كانت الأسباب و الدّواعي للعقوق
و الثّمن جنّة عرضها السّموات و الأرض ,, و المفروض تصبر و تحسب الأجر و يكفيها شرف معيّة الله لها
لأن الله عزّ و جل قد ذكر في محكم آياته : { و اصْبِرُوا إِنَّ اللَّهَ مَعَ الصَّابِرِينَ }
لكن مهوب كل البنات تقيّات و صالحات و إيمانهن قوي حتّى يكون عندهن الصبر الكافي على قسوة المعاملة !!
عزيزتي الأم الطيبة الحنونة :
عزيزتي و حبيبة قلبي .. ترى أنتِ مُسائلة في يوم الحساب عن بنتك !! ^_^
أنتِ ما خلّفتيها و نسيتيها ,, رسالتك في التربية يجب أن تكون مبادئ .. قيم .. أخلاقيّة راقية و انسيابيّة مذهلة
الدين مهوب بس صلاة و إيمان بالله و بر بالوالدين !!
الدين المُعاملة !!
بالمعاملة تقدرين تكرهين الناس فيك و تقدرين تستعبدين قلوبهم !!
و مثل ما أنتِ لك حق على عيالك ترى حتّى عيالك لهم حق عليك و أنتِ مسؤولة و مُحاسبة عن أي أسلوب
خاطئ تتعاملين به معهم يغربلهم و يدفعهم لطريق الحرام !!
قال النبي محمد صلى الله عليه و سلّم :
( كلكم راع وكلكم مسئول عن رعيته ، فالإمام راع ومسئول عن رعيته ، والرجل راع في أهل بيته ومسئول عن رعتيه ، والمرأة راعية في بيت زوجها ومسئولة عن رعيتها ، والخادم راع في مال سيده ومسئول عن رعيته، وكلكم راع ومسئول عن رعيته ) ..
هذي وحدة من البنات من دولة خليجية ( على حسب كلام آللي قالت لي سالفتها ) ..
البنت هذي مبتلية بالسمنة .. و أمها 24 ساعة تتطنّز عليها و تعيّب على شكلها !
أنتِ شينة .. أنتِ قبيحة .. و منهو آللي يبي يخطبك و إلا يطالع بوجهك !!
البنت صار عندها إحباااااااااااط نفسي من كثر ما تسمع هالكلام !! ما تنلام بالنهاية هي بشر من لحم و دم له مشاعر و أحاسيس
يتضايق ,, يحس بالألم ,, ينجرح ,, يبكي ,, إذا كان رجّال , !! فكيف بالبنت ؟
ماتت الثّقة في قلبها ,, خلاص عقلها الباطن صار عندهـ قناعة و تشرّب تام في إنها إنسانة قبيحة مستحيل تنخطب و تتزوج في يوم من الأيّام ..
المهم البنت هذي طاحت على واحد معها بالجامعة ,, تعرّفت عليه !!
طبعًا يضحك عليها لا يحبها و لا شي .. كالعادة ..
و المشكلة هي تدري !! عارفة إنوهـ يضحك عليها !!
مع هذا رضت إنها تتعرّف عليه ,, و السبب ؟
السبب إنها لقت عندهـ آللي ما لقته عند أمها !!
لقت عندهـ ( الكلام الحلو ) آللي ما سمعته من أمها حتّى بالغلط !
لقت عندهـ النفسية الشرحة و الأذن الصاغية .. آللي ما عرفتها أمها !
مع هذا كذّاب ,, جالس يضحك عليها ,, يلعب عليها ,, و يغرر بها ,, و هي تدري !!
مين المسؤول عن البنت هذي ؟
مين آللي خلّاها تسلك هالطّريق الغلط ؟
أنـا ما ألتمس العذر للبنات آللي كذا !!
و لكن بنفس الوقت ما أقدر أنكر إن جفاف المعاملة و قلّة الذوق و حدّة اللهجة و الأسلوب مع البنات
يُعد من أقوى أسباب الإنحراف و يجب أن يؤخذ بعين الإعتبار !
خلونـا صريحين ..
البنت بطبيعتها قلبها طاير ( مُقارنةً بالرّجل ) ,, تحب تفضفض و تسولف ,, تضحك بسرعة ,, و تفرح على أي شي
و تنبسط على أدنى تغيّر إيجابي يطرأ على حياتها .. :eh_s(17):
عندها أحلام و أماني ,, حسّاسة .. أم دميعة .. أقل كلمة تجرحها و تنزّل دموعها ,, هذي هي طبيعتنا
تحب الوحدة فينا الكلمة الحلوة المشجّعة المُحفّزة ,, و لمّا تلاقي عكس كذا يبي يكون فيه متّسع للإنحراف
يا الأم العزيزة الفاضلة :
أنـا ما أقول لك خلّك لينة طول الوقت ,, و لا أقول لك خلّك قاسية طول الوقت
و لكن خلّي مبدأ الوسطية بارز أثناء تعاملك مع الناس بشكل عام و مع عيالك بشكل خاصّ
حاسبي بنتك نعم و تابعيها باستمرار ,, بس لا تستخدمين الشّدة في غير مواضعها ,, و لا اللين تستخدميه في مجال ما ينفع فيه
عندك مجموعة من الحلول آللي تقدمينها لبنتك و آللي تساعدها على التخلّص من أي مشكلة عندها
فتخيّري منها الحل الأنسب و الأدعى إلى التقويم ..
خلّك دايم معها على الخط خلوا بينكم أسرار و ثقة و اعتماد ..
اكسري كل الحواجز آللي بينكم ,, إذا بنتك ما بادرت أنتِ آللي بادري
أنتِ الأم و المُربّية و أكيد شعورك بالمسؤوليّة أكبر تجاهـ عيالك ,,
شجعي بنتك على الصّح و ادفعيها عن خطأها بالتي هي أحسن ,,
حسيتيها غلطت ( كلميها على انفراد ) .. مهوب قدّام أخوانها تحرجينها و تعيرينها على الطّالعة و النّازلة !
ترى ماهيب نهاية العالم إن بنتك رسبت أو خبّصت بالدراسة أو فشلت في أي مجال معيّن !!
و أختم كلامي بما جاء في الأثر :
( ذكر أن رجلا جاء إلى عمر بن الخطاب - رضي الله عنه - يشكو عقوق ولده
فدعا عمر بالولد وزجره. فقال الولد : لا تعجل علي يا أمير المؤمنين، أليس لي حق على أبي كما له حق علي؟
قال: بلى، قال: فما حقي عليه؟ قال: أن يحسـن اختيار أمك، ويسميك اسما حسنا، ويحفظك القرآن،
قال الولد: فإن أبي لم يفعل شيئا من ذلك: أما أمي هي أمة زنجية خرقاء اشتراها بدرهمين فولدتني،
وسماني جعلا، ولم يحفظني من القرآن آية. فقال عمر للأب: اخرج فقد سبقت ولدك إلى العقوق. )
و أما الجعل فهي حشرة تكوّر الروث !
و صلِّ اللهم على نبيّنا محمد و على آله و صحبه أجمعين ..
احترامي و تقديري
ترانيم القصيم
أهلين بنات ,, كيف الحال ,, عساكن ^^ ,,
السلام عليكم و رحمة الله و بركاته ,,
أخواتي و حبيبات قلبي حابة أفتح معكن موضوع شاغل بالي من كم سنة ..
و آللي دفعني إنّي أنزله هو اطلاعي على بعض المواضيع بهالقسم و بعض الرسايل آللي جتني على الخاص
آللي تحكي جزء من الواقع المرير آللي يعايشنه بعض البنات بسبب جفاف المُعاملة في البيت
من قبل رب الأسرة ( الأب ) أو ربّة الأسرة ( الأم ) على وجه الخصوص ..
و خصيت الأم بالذّكر لأنها عبارة عن كتلة من المشاعر الدفّاقة ,, حنان فيّاض ,, قلب رحوم ,, و جانب ليّن ,,
و هي أقرب لبناتها من أبوهن ,, و هي أكثر شخص بالدنيا كلها يقدر يتعامل مع البنت
و يتفهّم نفسيتها و عقليتها و يستوعب جميع قضاياها و يحل مشاكلها , خاصّةً إنّ الأم كانت في يوم من الأيام بسن بنتها يعني عارفة الوضع كيف صاير ..
لكن آللي جالسين نشوفه في كثير من الأسر ,, هو ابتعاد الأم عن البنت و انشغالها بأمور أقل أهمية من متابعة بنتها
قسوة في المعاملة !!
قلب قاحل من الحنان و الرّحمة !!
انعدام لغة الحوار بينها و بين بنتها !!
تشوفون البنت حاطّة بينها و بين أمها حواجز فولاذية لا يمكن اختراقها ..
تلاقينها لو تبي تفضفض ,, تلجأ للصديقتها .. للقريبتها .. للناس آللي في النت .. لأي أحد !!
إلا إنها تلجأ لأمها !!
لأنها لو لجأت لها ما راح تلاقي الإهتمام المطلوب أو العناية آللي تحتاجها !!
كل آللي بتحصله الزّف .. و التهزيئ .. و الهواش .. و الصراخ على غلطة قد تكون بسيطة غلطتها البنت !
زي وحدة من البنات أعرفها ,, تقول : نزلت نتيجتي و رسبت بـ 3 مواد ,, و ضايق خلقي مرّة مرّة !!
>> فكانت شايلة هم كيف تعلّم أمها ,, خاصّةً إن وحدة من خواتها نجحت و الكل جالس يبارك لها
و مبسوط عشانها ,, أمّا هي فـ رسبت بكم مادة !!
فقررت إنها تموّهـ عن الموضوع و تتكتّم عليه ,, ألين اضطرّت بالأخير تعلّم أهلها ,,
و عاد شوفن الإستهزاء و الهواش آللي حصّلت عليه من قبل أمها ! ,,
و كل شووي تقارنها بأختها !!
أختك ناجحة ,, أنتِ فاشلة ,, قومي اشتغلي بالبيت و نظفي و سووي ,, أختك ناجحة ,, أنتِ راسبة
أختك أحسن منك .. أختك أشطر منك .. الناس وش يبون يقولون علينا ؟ بنتهم فلانة شاطرة عكس أختها كسلانة مغرزة بالدراسة ؟
>> و المشكلة تقول لها هالكلام قدّام أخوانها على أساس إنوهـ عادي يعني أخوانها سترها و غطاها !!
يعني تفشّلها و تحرجها و تجرحها قدّام الكل و تتكلم معها بأسلوب سوقي متدنّي ,, و بالأخير تبيها تصير شاطرة و بارّة و إنسانة توب ما فيه مثلها ؟
و مثل هالأم كثيييييييييييييير .. أنـا عارفة إنها تهاوشها عشان مصلحتها ,, لكن برآيكن هل هذا أسلوب يقوّم ؟
هل هذا الأسلوب ممكن يجيب نتيجة إيجابية مع البنت و يدفعها للأمام ؟
بالعكس أنـا آللي أحسّه إن هذا أسلوب جارح يقتل الثّقة في النّفس ,, يحسس البنت إن أمها تكرهها ما تحبها
و إلا ليه تهاوشها و تفشّلها و تجرحها قدّام أخوانها و تنظر لها نظرة إزدراء كما لو أنّها جلبت لأهلها العار ؟
يعني حرام ,, بنتك آللي فيها مكفّيها ,, ليه تزيدينها طيّب ؟ هل هذا أسلوب بالتّربية ؟
كيف تبينها تبر فيك و تحن عليك و تثق فيك و تعتبرك صديقتها قبل تكونين أمها و تلجأ لك في الفضفضة و السواليف
و أنتِ أسلوبك معها أسلوب فض جاف ( مُتدنّي ) و ما تتقبلين منها أي خطأ و أي فشل ؟
يعني ما فيه أدنى قابلية لخطأ البنت ,, ما فيه أدنى تفهّم لوضع البنت ..
تبي بنتها كاملة و متفوّقة من جميع النواحي !!
وحدة ثانية من البنات تقول : أنـا أمّي 24 ساعة تزفني و تكسر فيني ,, هذا لمّا ما يكون لها حاجة عندي
و إذا صار لها حاجة قامت تتلصّق و تتكلم بأسلوب طيّب و تجلس تمدّح فيني :
أنتِ الشيخة و أنتِ الزّينة و فيك و فيك و تجلس تذم بأخواني كلّهم !! @.@
و لا أخذت حاجتها منّي رفستني و حقرتني و رجعت مثل أول تهاوش و تسب !!
بالله هذي كيف أبر فيها ؟ خلاص أصلاً كرهتها طلعت من خاطري !!
أحاول أجاهد نفسي و أبر فيها و لكن كل ما تذكّرت كلامها لي أحسّه مثل السّم آللي يمشي بعروقي << هذا كلام البنت !! ,,
أدري كلامها يعوّر القلب و تفكيرها غلط .. و المفروض تصبر على أمها و تبر فيها مهما كانت الأسباب و الدّواعي للعقوق
و الثّمن جنّة عرضها السّموات و الأرض ,, و المفروض تصبر و تحسب الأجر و يكفيها شرف معيّة الله لها
لأن الله عزّ و جل قد ذكر في محكم آياته : { و اصْبِرُوا إِنَّ اللَّهَ مَعَ الصَّابِرِينَ }
لكن مهوب كل البنات تقيّات و صالحات و إيمانهن قوي حتّى يكون عندهن الصبر الكافي على قسوة المعاملة !!
عزيزتي الأم الطيبة الحنونة :
عزيزتي و حبيبة قلبي .. ترى أنتِ مُسائلة في يوم الحساب عن بنتك !! ^_^
أنتِ ما خلّفتيها و نسيتيها ,, رسالتك في التربية يجب أن تكون مبادئ .. قيم .. أخلاقيّة راقية و انسيابيّة مذهلة
الدين مهوب بس صلاة و إيمان بالله و بر بالوالدين !!
الدين المُعاملة !!
بالمعاملة تقدرين تكرهين الناس فيك و تقدرين تستعبدين قلوبهم !!
و مثل ما أنتِ لك حق على عيالك ترى حتّى عيالك لهم حق عليك و أنتِ مسؤولة و مُحاسبة عن أي أسلوب
خاطئ تتعاملين به معهم يغربلهم و يدفعهم لطريق الحرام !!
قال النبي محمد صلى الله عليه و سلّم :
( كلكم راع وكلكم مسئول عن رعيته ، فالإمام راع ومسئول عن رعيته ، والرجل راع في أهل بيته ومسئول عن رعتيه ، والمرأة راعية في بيت زوجها ومسئولة عن رعيتها ، والخادم راع في مال سيده ومسئول عن رعيته، وكلكم راع ومسئول عن رعيته ) ..
هذي وحدة من البنات من دولة خليجية ( على حسب كلام آللي قالت لي سالفتها ) ..
البنت هذي مبتلية بالسمنة .. و أمها 24 ساعة تتطنّز عليها و تعيّب على شكلها !
أنتِ شينة .. أنتِ قبيحة .. و منهو آللي يبي يخطبك و إلا يطالع بوجهك !!
البنت صار عندها إحباااااااااااط نفسي من كثر ما تسمع هالكلام !! ما تنلام بالنهاية هي بشر من لحم و دم له مشاعر و أحاسيس
يتضايق ,, يحس بالألم ,, ينجرح ,, يبكي ,, إذا كان رجّال , !! فكيف بالبنت ؟
ماتت الثّقة في قلبها ,, خلاص عقلها الباطن صار عندهـ قناعة و تشرّب تام في إنها إنسانة قبيحة مستحيل تنخطب و تتزوج في يوم من الأيّام ..
المهم البنت هذي طاحت على واحد معها بالجامعة ,, تعرّفت عليه !!
طبعًا يضحك عليها لا يحبها و لا شي .. كالعادة ..
و المشكلة هي تدري !! عارفة إنوهـ يضحك عليها !!
مع هذا رضت إنها تتعرّف عليه ,, و السبب ؟
السبب إنها لقت عندهـ آللي ما لقته عند أمها !!
لقت عندهـ ( الكلام الحلو ) آللي ما سمعته من أمها حتّى بالغلط !
لقت عندهـ النفسية الشرحة و الأذن الصاغية .. آللي ما عرفتها أمها !
مع هذا كذّاب ,, جالس يضحك عليها ,, يلعب عليها ,, و يغرر بها ,, و هي تدري !!
مين المسؤول عن البنت هذي ؟
مين آللي خلّاها تسلك هالطّريق الغلط ؟
أنـا ما ألتمس العذر للبنات آللي كذا !!
و لكن بنفس الوقت ما أقدر أنكر إن جفاف المعاملة و قلّة الذوق و حدّة اللهجة و الأسلوب مع البنات
يُعد من أقوى أسباب الإنحراف و يجب أن يؤخذ بعين الإعتبار !
خلونـا صريحين ..
البنت بطبيعتها قلبها طاير ( مُقارنةً بالرّجل ) ,, تحب تفضفض و تسولف ,, تضحك بسرعة ,, و تفرح على أي شي
و تنبسط على أدنى تغيّر إيجابي يطرأ على حياتها .. :eh_s(17):
عندها أحلام و أماني ,, حسّاسة .. أم دميعة .. أقل كلمة تجرحها و تنزّل دموعها ,, هذي هي طبيعتنا
تحب الوحدة فينا الكلمة الحلوة المشجّعة المُحفّزة ,, و لمّا تلاقي عكس كذا يبي يكون فيه متّسع للإنحراف
يا الأم العزيزة الفاضلة :
أنـا ما أقول لك خلّك لينة طول الوقت ,, و لا أقول لك خلّك قاسية طول الوقت
و لكن خلّي مبدأ الوسطية بارز أثناء تعاملك مع الناس بشكل عام و مع عيالك بشكل خاصّ
حاسبي بنتك نعم و تابعيها باستمرار ,, بس لا تستخدمين الشّدة في غير مواضعها ,, و لا اللين تستخدميه في مجال ما ينفع فيه
عندك مجموعة من الحلول آللي تقدمينها لبنتك و آللي تساعدها على التخلّص من أي مشكلة عندها
فتخيّري منها الحل الأنسب و الأدعى إلى التقويم ..
خلّك دايم معها على الخط خلوا بينكم أسرار و ثقة و اعتماد ..
اكسري كل الحواجز آللي بينكم ,, إذا بنتك ما بادرت أنتِ آللي بادري
أنتِ الأم و المُربّية و أكيد شعورك بالمسؤوليّة أكبر تجاهـ عيالك ,,
شجعي بنتك على الصّح و ادفعيها عن خطأها بالتي هي أحسن ,,
حسيتيها غلطت ( كلميها على انفراد ) .. مهوب قدّام أخوانها تحرجينها و تعيرينها على الطّالعة و النّازلة !
ترى ماهيب نهاية العالم إن بنتك رسبت أو خبّصت بالدراسة أو فشلت في أي مجال معيّن !!
و أختم كلامي بما جاء في الأثر :
( ذكر أن رجلا جاء إلى عمر بن الخطاب - رضي الله عنه - يشكو عقوق ولده
فدعا عمر بالولد وزجره. فقال الولد : لا تعجل علي يا أمير المؤمنين، أليس لي حق على أبي كما له حق علي؟
قال: بلى، قال: فما حقي عليه؟ قال: أن يحسـن اختيار أمك، ويسميك اسما حسنا، ويحفظك القرآن،
قال الولد: فإن أبي لم يفعل شيئا من ذلك: أما أمي هي أمة زنجية خرقاء اشتراها بدرهمين فولدتني،
وسماني جعلا، ولم يحفظني من القرآن آية. فقال عمر للأب: اخرج فقد سبقت ولدك إلى العقوق. )
و أما الجعل فهي حشرة تكوّر الروث !
و صلِّ اللهم على نبيّنا محمد و على آله و صحبه أجمعين ..
احترامي و تقديري
ترانيم القصيم
