©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اميره بكلمتي]

مشكوره اميره ما قصرتي حبيبتي الله يوفقج ماشالله انتي اكثر وحده تعطين دافع وتشجعين عالعمليه تحسسيني انها سهالات.. الله يتمم عليج بالصحه والعافيه يارب

العفووو حبيبتي ولوو
فديييتج يلا الله يوفقج بعد انتي وتسوينها وتضعفين بعافيتج وبعدها نسمع اخبار انج حملتي ياارب

 

[love^angel]

اي صج نسيت اسأل شكثر لازم اكون صايمه حق التحاليل؟؟
اذيتج بأسألتي ادري

 

[اميره بكلمتي]

اي صج نسيت اسأل شكثر لازم اكون صايمه حق التحاليل؟؟
اذيتج بأسألتي ادري

8 ساعات احسن
لاعادي اخذي راحتج

 

[اوووفه]

ام الكتكوترعادي العوار هذي شربي دواء الادول مال اليهال اذا عورتج معدتج ويومين وكل العوار يروح بس كثر ما تقدرين امشي




مذهله اتوقع الحكه ان الجرح بدي يلتئم بس شلون شكل الجرح عندج انا له اثر لونه غامج قاعده احط ميبو بس يعني مو ذاك الزود التحسن *

 

[اميره بكلمتي]

اشلوووونج اووفه ؟؟
جم صار وزنج الحين

 

[اوووفه]

عواشه القرقاشه حبيبتي لاتضايقين انا نفسج نزولي بطيء حيل اول اسبوع ٢ كيلو والحين صارلي شهر من العمليه بس نازله ٦ كيلو كل الي سووها بعدي نزلوا ما شاءالله اكثر من ١٥ كيلو الله يهنيهم والفال لي ولج ان شاءالله
انا كل ما اوزن وانصدم اموت من الحره علي التعب الي تعبته من عمليه ومخاسير والماي الي للحين ماني قادره اتهني فيه والترجيع واللوعه واقول لنفسي اذا بمرحله السوايل ما نزلت وزن اجل متي ينزل انا بالرجيم العادي الي قبل العمليه انزل بالشهر ٧ كيلو الحين مع عمليه ماني قادره انزل هالوزن

 

[اوووفه]

هلا والله اميره تمام الله يسلمج
اسكتي لاتذكريني بالوزن اموت حره اليوم وزنت بس كيلو نازله صارلي شهر من العمليه كل الي نزلته ٦ كيلو احس هالشي مو طبيعي وصايره اجوع حيل بس ودي اكل
اليوم كليت عيش لما انغثيت ورجعت انت كنت تجوعين لما صارلج شهر من العمليه

 

[اميره بكلمتي]

هلا والله اميره تمام الله يسلمج
اسكتي لاتذكريني بالوزن اموت حره اليوم وزنت بس كيلو نازله صارلي شهر من العمليه كل الي نزلته ٦ كيلو احس هالشي مو طبيعي وصايره اجوع حيل بس ودي اكل
اليوم كليت عيش لما انغثيت ورجعت انت كنت تجوعين لما صارلج شهر من العمليه

يمكن انتي صااير نزوولج حده بطيئ ترا عادي
بس حلووو 6 كيلو بالشهر لاتحاتين

 

[اوووفه]

يمكن انتي صااير نزوولج حده بطيئ ترا عادي
بس حلووو 6 كيلو بالشهر لاتحاتين

حده حده بطيء من قلب
زين وشلون علي سالفه الجوع صايره حيل اجوع انت نفسي لما صارلج شهر

 

[اميره بكلمتي]

يمكن بتنزل علييج الدوره ترا مرات الدوره تسبب الجوع

 

[مذهلة 78]

انا مثلك صار لي 14 يوم ذابحتني الحكة بس مااعتقد نفس ما قلتي عشان الشعر ان موس اناشايلة بكريم وبعدين اناالحكه اكثرشئ فوق اعتقد له دخل بالجروح
وبعدين هم الريج الناشف ذبحني والماء ثقيل الله يعين
وابي اسالك شلون دخلتي مرحلة المهروس انااليوم اولها وكنت ملتزمه بمرحلة السوائل بس صج مو قادره ربع الملعقه ورجعت وشربت لبن خالي الدسم ماادري شنو اسوي يسهلها الله*

بديت المهروس ببيضه مفيوحه هرستها حيل وحطيت عليها روب واول ايام لازم تاخذين حبوب اللوعه لين معدتج تتعود عالاكل المهروس عرفتي

 

[مذهلة 78]

اوووفه انا بعد جرحي لونه غامج انشالله يفتح مع الوقت

 

[kat.kot]

السلام عليكم اشلونكم بنات الحمدالله انا اليوم احسن بس متعبني العوار الي اييني بمعدتي من فوق وماني قادرة انام نومي صاير مقطع الدكتور يقول طبيعي يوم عن يوم تخف لا تحاتين

 

[أم مـنـ*ـار]

بديت المهروس ببيضه مفيوحه هرستها حيل وحطيت عليها روب واول ايام لازم

تاخذين حبوب اللوعه لين معدتج تتعود عالاكل المهروس عرفتي

جزاك الله خير ما قصرتي علي الرد
ابي اسال الدكتور عن حبوب المعدة واخذهم

 

[أم مـنـ*ـار]

السلام عليكم اشلونكم بنات الحمدالله انا اليوم احسن بس متعبني العوار الي اييني بمعدتي من فوق وماني قادرة انام نومي صاير مقطع الدكتور يقول طبيعي يوم عن يوم تخف لا تحاتين

عادي انا صاري لي 14 يوم معدتي الي الحين تعورني والنوم مو متهنية فيه والجنب اليسار ما اقدر انام عليه احس بالم
بس الحمد لله فتره وتعدي ان شاء الله كل شئ يبي له وقت
لما بكرة تشوفين النزول تنسين كل شئ
الله يكتب لك الخير

 

[H_AL.Za]

اسلام بنات شلونكم شخباركم
حبيت اسال عن شقله :
انا توني مسويه التكميم صارلي 9 ايام وبلايام الاخيره صايره ارجع وايد (كرمكم الله ) بس ابي اعرف اهوا شي طبيعي ولا بس معاي صار وشكثر راح يطول وبس سلامتكم ...

 

[مذهلة 78]

اوووووفه قلت بقلدج وباكل عيش الله وكيلج كليت لقمتين مع ملوخيه لا تشوفين شصار فيني بغيت امووووت رجعت كل اللي ببطني

الحين سؤال للي مسوينها من زمان متى قدرتوا تاكلون العيش ؟ ومتى حسيتوا ان

الاكل بدا ينزل للمعده بطريقه سهله وبدون ما تحسون ان اللقمه واقفه بالبلعوم ؟؟

والسؤال الثالث ليه متى يتم الاحساس بان الريج ناشف لان ريجي كله ناشف وعلى كثر ما اشرب ماي ما ارتوي

وسؤالي الاخير متى اقدر اشرب بيبسي حدي ولهت عليه

 

[ام الكتكوته]

مشكوره ام منار تعباج معاي

بس انا امس بلشت اشرب

والطبيب قال لي سوائل شفافه

شلون اشرب حليب وروب

 

[bd-27]

بنات أمانه أنا ودي اسوي العمليه بعد ولادتي وزوجي مو راضي بس قاعده أحاول فيه
بس بنات حدي خائفه من شغلتين تساقط الشعر والترهلات
قولوا لنا تجاربكم وهل صحيح الترهلات والتساقط يكون بصوره خياليه
وسؤال ثاني جم كيلو ضعفتوا خلال ست شهور
شاكره لكم بنات
ولا تحرمونا من تجاربكم

وعساكم تضعفون بصحه وعافيه

 

[اميره بكلمتي]

اسلام بنات شلونكم شخباركم
حبيت اسال عن شقله :
انا توني مسويه التكميم صارلي 9 ايام وبلايام الاخيره صايره ارجع وايد (كرمكم الله ) بس ابي اعرف اهوا شي طبيعي ولا بس معاي صار وشكثر راح يطول وبس سلامتكم ...

هلا والله
الحمدالله تمام
اي عادي طبيعي يمكن حايشج جفااف بالمعده اهو اللي مسببلج الترجيع خلي الدكتور يصرفلج حبوب نيكسيوم 20 او 40 واكليهم تخفف عن الترجيع