معقوله هالكلام؟؟!1 ساعدوني ارجوكم

[المرتاحة]

بنات

انا اخوي عمره بالعشرينات و حاشه ورم سرطاني في المخ

وما عالجناه بالكويت دزيناه امريكا مستشفى كبير في امريكا

ولما ردينا من العلاج بره قالوا لنا تراجعهم بعد 6 شهور وقدمنا طلب اهني بالكويت علشان يوافقون يعالجونه بالخارج ورفضوا طلبنا كذا مره

الحين انا توسطت لي بنت يصير لها دكتور علشان يشوف موضوع اخوي طبعا بعد ما حاولنا محاولات وايد

عقب انا كلمت هذا الدكتور انا بقول لج شي وبكون صريح معاج

قلت له تفضل قول

يقول لي ان مستشفى اللي بامريكا مسوين اخوج فار تجارب لانه كل الحالات اللي مثل حالة اخوج ودزتهم الحكومه لهالمستشفى كلهم ماتوا مافي احد فيهم عاش

امبيه بنات قمت اصيح و من غير شعور قمت اقول للدكتور انت جذاب جذاااب

وقام يهديني و يذكرني بالله بس قال صدقيني لو تبين اساعدج و ندزه لامريكا راح اساعدج بس انا مابيهم يلعبون في اخوج

قلت له اشلون جذي ؟ واهو عالج ورد احسن من يوم كان يعالج بالكويت

قال لي وزارة الصحه ما ترفض طلبات العلاج بالخارج جذي بدون سبب يقول صدقيني يبون مصلحة المريض

قمت اصيح بنات حدي ضايق خلقي ماني قادره اقول لابوي عن الموضوع احس اني بنفجر بنات

امانه بنات منو سمعت بجذي؟؟ في وحده سمعت ان مستشفيات امريكا يلعبون بالمرضي و يجربون فيهم و خاصه اذا كان المريض عربي؟؟

امبيه بنات مادري احس اني مشوشه مادري ساعدوني احد يقول لي اي شي.. والله اخوي عندي بالدنيا
اخوي هذا له معزه خاصه بقلبي قولولي شسوي ساعدوني اروح لمنو بعد الله
منو ينصحني شسوي وين اروح و عند منو؟

 

[أم توتو]

الله يشافيه ويعافيه اختي ويخليه لكم حبيبتي ودوه دوله ثانيه غير امريكا يمكن كلام الدكتور صحيح روحو بريطانيا او اي دوله ثانيه الله يشافيه يارب

 

[meme>the best]

الله يخليلج اخوج ويطول بعمره ويشافيه ياااارب .. بس سمعت ان ألمانيا شاطره بهالسوالف واكو دكتور اردني *اسمه د. محمود الكرمي فمستشفى الاردن متخصص بجراحه الاعصاب والدماغ ويمدحونه ياريت تبحثين وتسألين عنه وتتأكدين بنفسج اختي الله يكون بعونج لاتتوترين تمالكي نفسج شوي واكو وايد ألي مثل حالت اخوج والحمدلله الحين مافيهم الاالعافيه ،،*

 

[ترانيم القصيم]

الله يشفيه و يرفع عنه البلاء ,, لا تكدرين خاطرك ياوخيتي فديتك ,,

ما تدرين وش الخيرة فيه ,,

شوفي يا قلبي ,, ليـه ما تعالجون أخوكم بالقرآن ؟ بالرقية الشرعية ؟

وحدة من خوياتي كان فيها سرطان و كانت تعالج بالقرآن ,,

كان مقرر عليها تسووي عملية ,, بس تم إلغاءها لأن السرطان يجسمها اختفى من القرآن ,,

و لما تترك القرآن يرجع من جديد ,, و هذا حالها من سنة ,, ما أدري عنها الآن انقطعت أخبارها عني بس الظاهر تشافت

عليكم بالقرآن يا الغاليـة ,

قال تعالى :

{ وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا }

خلي إيمانك بالله قوي ,, خلي ثقتك بالله شديدة ,, ^_^

و اسمعي هالمقطع :

http://www.albdoo.info/up/2010/2/11289394828.mp3

احترامي و تقديري

ترانيم القصيم

 

[روانتي 12]

الله يخلي اخووج لج ويعاافيه ويشاافيه .. والله مدري شقوولج ..؟؟ بس ودووه اي دوله ثانيه غير امريكاا

 

[PuPa^^SWeeT]

حبيبتي يمكن مو شرط فار تجارب


ساعات يكوون فيه امراض نادرة و حالات قلييلة لهذا المرض

فا اتلاقين المستشفى اهناك مو مكتشفين علاجه فا يجربون

مو قصدهم انه فار تجارب بس انهم يحاولون ( تجربة الخطا و الصواب )


انتو استخيروو و تعوذوو من ابلييس


و شوفو اللي ربج يدلج علييه

والله يشافيه يارب


ماني عارفة اقوولج

بس انشالله يتعالج و يتشافى و يرد احسن و يعيش حياته و اتشوفون عياله

 

[PuPa^^SWeeT]

واذا انتو خايفين دورو غير امريكا


وانشالله ربنا يكتب الخير و الصلاح

 

[دعابة الشـتاء]

اختي نصيحتي اغلب امراض السرطان عين
اقري على اخوج يمكن يتشافى وما فيه الا عين
قبل لا تقررين سوي هالتجربة وبعدين استخيري وين تسافرين؟
نصيحة من اخت دايما السرطان من عين والله يشافي اخوج ويعافيه

 

[ياقلب وشفيك !]

اختي ترا الورم السرطاني بسبب عين ..
عليه بالرقيه الشرعيه ..
اعرف ناس فيهم ورم وراح عنهم بعد الرقيه والله على ما اقوله شهيد
الله يشفي اخوج ويشفي جميع مرضى المسلمين والمسلمات

 

[ياقلب وشفيك !]

اختي نصيحتي اغلب امراض السرطان عين
اقري على اخوج يمكن يتشافى وما فيه الا عين
قبل لا تقررين سوي هالتجربة وبعدين استخيري وين تسافرين؟
نصيحة من اخت دايما السرطان من عين والله يشافي اخوج ويعافيه

صاجه والله

الله يشافيه يااااررررب

 

[المرتاحة]

بنات هذا رد بنت لي على الموضوع

احس كلامها واقعي... اشرايكم بفكرتها علشان اتاكد اكثر

لا حول ولا قوة الا بالله

الله يشفيه يارب شفاء تمام
اولا مو صحيح كلامه بتاتا ومو شي جديد ع صحه الكويت اذا انتي كويتيه تعرفين اوضاع الصحه المتدهوره بالكويت ومايروح الا واسطه الواسطه اتوقع فاهمتني وفي حالات واجد ماتدزها الكويت مع انها مستحقه لظروف سياسيه
ثانيا انا بامريكا واخر شي تفكر فيه مستشفيات امريكا الماده اهم شي الانسانيه عندهم جداااا انسانين واذا علاجه تجريبي ترى ما يخشون يقولون له تجريبي ويوقعون له ع اوراق علشان اخلاء مسووليتهم
واذا كان كلامه صحيح احرجيه قولي ابي شي خطي منك انه تجريبي علشان ارفع قضيه وشوفي شنو ردة فعله وبتشوفين من الصادق .،. ناس ما تخاف ربها

 

[المرتاحة]

الله يشفيه و يرفع عنه البلاء ,, لا تكدرين خاطرك ياوخيتي فديتك ,,

ما تدرين وش الخيرة فيه ,,

شوفي يا قلبي ,, ليـه ما تعالجون أخوكم بالقرآن ؟ بالرقية الشرعية ؟

وحدة من خوياتي كان فيها سرطان و كانت تعالج بالقرآن ,,

كان مقرر عليها تسووي عملية ,, بس تم إلغاءها لأن السرطان يجسمها اختفى من القرآن ,,

و لما تترك القرآن يرجع من جديد ,, و هذا حالها من سنة ,, ما أدري عنها الآن انقطعت أخبارها عني بس الظاهر تشافت

عليكم بالقرآن يا الغاليـة ,

قال تعالى :

{ وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا }

خلي إيمانك بالله قوي ,, خلي ثقتك بالله شديدة ,, ^_^

و اسمعي هالمقطع :

http://www.albdoo.info/up/2010/2/11289394828.mp3

احترامي و تقديري

ترانيم القصيم

مشكوره حبيبتي ترانيم

اهو ما شا الله عليه كان ملتزم بالرقيا بعدين يات له فتره وقف عن القرايه

ان شا الله حبيبتي بشجعه على القرايه و انا بعد بقرا معاه

الله يوفقج يا رب على ذكر تجربة صديقتج عسى الله يشفيها و يحفظنا من الشر

 

[أو عبوش]

عليكم بالقرآن اغلب امراض السرطان والاورام ترى عين

حسبي الله وهو نعم الوكيل


ياااارب ياعزيز يا ارحم الراحمين انك تشفي لااخوها شفاء عاجل لا يغادره سقماا يااارب


شوفي لا تملون من العلاج بالقرآن

ترى الله لين يكتب امره بالشفاء اي لحظه يشفيه وهو على كل شي قدييييير لا تيأسون الدكاتره كلامهم ماخوذ خيره

 

[النشبه]

الله يشافيه يارب ويفرج همكم
ياريت اقدر اساعدج والله ما بخلت عليج

 

[دلوعة أبوهآ]

الله يشافيه ويخليه لكم يـارب

 

[* بنت المطر *]

الاعمار بايد الله سبحانه والله يشفيه ان شالله ويخليه لكم وتفرحون فيه يااارب ياكريم

هالله هالله بالرقيه مثل ماقالو البنات ماي مقري + ماي زمزم + زيت مقري كل ليله تدهنون راسه

اذا الله كاتب له عمر بيعيش ان شالله سواء بالكويت والا بامريكا

 

[المرتاحة]

مشكورين حبايبي

شفت ردودكم كلها يا حبايب قلبي وودي ارد عليكم واشكر كل وحده فيكم يا بعد عمري عمركم انتوا

الله يبعد عنكم كل شر يا حبايبي

ربنا الله الواحد الاحد هو القادر على شفاءه مجيب دعوة المضطرين

لا حول ولا قوة الا بالله العلي العظيم

 

[غلاتي الكويت]

مااحبيت اطلع بدون ما ادعيله

الله يشافييه يااارب وبطوول بعمره

اللهم رب الناس مذهب البأس اشفه انت الشافي لا شفاء بعد شفااائك

اسأل الله رب العرش العظييم ان يشفيييك

 

[رهــKSAــــف]

الله يشفيه ..

 

[فررروحة]

الله يشفيه
برفع الموضوع