أمريكا2011؟! هالمرة سفرتي غير!!

[عروس الدنيا]

نانسي .... ما يصير جنطه تشيلين فيها 40 كيلو ما يدخلونها الشحن ترا ؟؟؟؟ لازم 23
و اذا 30 تدفعين زياده

و هل جناط ترس هناك انا شريت بتارقت رخاص


ام بنوته من وين بتشترين ميزان ؟؟؟ احنا شرينا الحديد من سوق الجناط و صج كان مضبووووووووووط بس انكسر بالرده
و عادي قطينا سعره 750 فلس جنه لوول الحين بشتري واحد يديد و جناط بودي ملوتي و اذا انهروا اشتري من هناك

 

[new woman]

روووووووووووونا وكويتية

عليج بالعافية
بثقل عليج بهالسؤال عن مكاتب تأجير سيارات احنا حجزنا سيارة كرفان من موقع carhair3000 واحنا نبي ميني فان بس اهم حاطين صورة ميني فان بس كاتبين كرفان كرايسلر لمدة شهر طلع 534 دينار من غير التأمين اتهقين جم يطلع التأمين ؟؟؟؟؟

واذا سمحتي ممكن تسألين فندقكم أذا يتعاملون مع مكتب سيارات اذا أخذت السيارة من المطار jfk لمدة 32 يوم ميني فان جم تطلع لأن اليوم بس مجابلة النت ما حصلت ميني فان والكل يقول السعر اللي انا ماخذته غاااااالي

والسموحة علا اللوية اذيتج

 

[new woman]

اناخذت خط من تي موبايل ب50 دولار شهر مكالمات مجانية ومسجات وانترنت غير محدود بدون مكالمات دولية فيكتوريا سيكرت مسوي تنزيلات 75 بالمية

مسجات حق الكويت مجاني === انزين الواتس اب يشتغل ولا لا ترا أهم شيء عندي واهم من المكالمات علا الأقل ادز مسجات علا طول وصور أول بأول


وعليكم بالعافية ما قلتي وين رحتواااا؟؟

 

[cat_q8]

هاي بنات
رونا خطاج السو والحمدالله علي السلامة ومشكووووووووووووووره وايد علي معلوماتج الدقيقة:eh_s(7):
وأخيرا حجزت الفنادق وافتكيت
بلوس انجليس حجزت بمنطقة marina del ray حلوه علي البحر وقريبه حيل من سانتا مونيكا اسم الفندق inn at marina del rey
وحجزت لاس فيغاس فندق الفنشين
باجي السيارة قاعدة احوس بالمواقع حايسة علي سالفة التأمين مو موجود ولا مذكور:eh_s(14):

 

[طوق الياسمين]

روونا ليش ماجرتو سياره مب ارخص لكم حق الاوتلت؟؟اذا على الشخص 40 دولار فكم خذو عليكم؟؟وبعدين احس 6 ساعات ماتكفي للاوت لت خصوصا مبين ان كبير ومليان محلات يبيله وقت اكثر

 

[زوووووغه]

اي رووونه ليش مانقدر ناخذ تاكسي يودينا الاوتلت

 

[ودي***أفرح]

شلونكم بنات ...شخباركم؟؟؟؟؟؟

واي شوقتونا لامريكا....سوالفكم عنها تنعش القلب

 

[ناسي626]

يمكن التاكسي غالي
انا لقيت شركه تودي من 7 ونص اول رحله واخر رحله ترد اتوقع 11 بالليل مادري عن ارد الوقت اللي يعجبني ولا وقت معين

 

[عروس الدنيا]

انا لو مكانكم احجز ليله عند الود بيري ... و بعدين لي المطار ارخص من اني ادفع هل اسعار للتكاسي ...
يعني الليله قبل الاخيره بنيويورك اروح ايب سيارتي ... و انام ليله عند ود بيري و اتيسر ... هل شي ينفعج نيو ومن

 

[ناسي626]

http://www.newyorksightseeing.com/tourpage.php?item=WC
هذا الموقع عجبني اقدر اروح بالباص اللي يعجبني وارد بالباص اللي يعجبني

 

[أم صالح]

اناخذت خط من تي موبايل ب٥٠ دولار شهر مكالمات مجانية ومسجات وانترنت غير محدود بدون مكالمات دولية فيكتوريا سيكرت مسوي تنزيلات ٧٥ بالمية

كويتيه 81 يعني يشغل خدة البلاك بيؤي والايفون ولا لأ

 

[بحب الحياة]

روونا و كويتية الله يوسع صدوركم بالعافية يارب

بخصوص باصات التور وحده بالعرب المسافرون تقول الباصات الحمراء هي المعروفة و كانت حاجزه فيها و تقول مررره زحمة في بعض الاماكن يجي الباص و ما تركب و تنتظر للباص الثاني لان الناس زحمة على هالشركة و كانت تقول فيه شركة باصاتها زرقاء تمر علينا و الناس قليل يركبونها و بسرعة شكلها افضل اختصار للوقت وعدم الانتظار ....

روونا بما انك جربتي الزرقاء عجبتك و تنصحينا فيها ؟؟؟ لا تقارنينها بالحمراء اخاف الحمراء شهرة بس و ازحم بعد ايامنا قليلة بنيويورك و كل دقيقة محسوبة علينا لوووووول ؟؟ انا من كلام البنت قررت اخذ الزرقاء


و يا ليت تعطينا رأيك بالوودبيري , و الاشياء الي فيه بكم سعرها تقريبا مثل بولو و تروي ,, كم ينزل من سعرها ؟؟؟ اعرف وحده رجعت شاريه روب و سلبرو فوط للحمام و انتو بكرامة حلوووين من رالف تقول والله ما شريتها الا من رخصها ؟؟؟ فيه صدق اشياء رخيصة بالاوت لت ؟؟؟ ما قد رحت بحياتي للاوت لت حتى الي بأوروبا (مدري ليش احس الاوت لت كله اشياء شينة )


بنات احد يغرف كيف نشغل خدمة البلاك بيري هناك ؟؟ سفرتي مو طويلة حدها اسبوعين ؟ فيه كروت مسبقة الدفع ؟؟ و بكم تقريبا ؟؟

 

[rawona]

رونا قوليلنا رايج بالوودبيري انا خوفي اشتري وايد ويطلع اغلا من لوس انجلوس
مع انه وايد يمدحونه
وشرايج بالشركه اللي اخذتي منها الباص؟ والمده كافيه؟
اذا اوكي بحجز منها

هلا والله ..

شوفي الأوت لت حليو مو واااو .. مادري ما احس فيه بضاعه تسوى .. العام لما رحنا ديور الاوت لت في ديزيرت هيل في كاليفورنيا قالولنا اللي في نيويوك أحلى انا اليوم عندي الاوت لت اللي في كاليفورنيا وايد احلى من الوود بيري ..


بس بنات هذا مو مقياس لأن هذا اوت لت وعلى حسب الموسم والبضاعه مادري يمكن ليش اليوم السبت وزحمه ..


على المدة تقدرين تروحين بالساعة اللي تبينها وتردين بالساعه اللي تبينها انا كان ممكن اروح الساعه 9 ونص بدال 11 ونص الصبح بس ما حبيت ارد مبجر لأن آخر باص لليوم كان الساعه 6 ونص .. بالنسبة للمدة اذا بتدخلين محل محل وتفللينه لا مو كافيه اما اذا بس بتدخلين محلات معينه ايي يمدي .. احنا اليوم خلصنا وتعذينا في ابل بيز ونظرنا الباص قبل لا يوصل بربع ساعه ..

فيرساتشي كان عندهم شغلات حلوه بس انا خذيت منهم بوك .. وقلت باشوف اللي في ميامي .. وايف سانت لورانت خذيت منهم جنطه وعندهم والله تكرمون جواتي حلوة واكسسوارات وجناط وبواكه بس انا ما كنت ابي اخلص كل فلوسي لووول .. لأن وراي شهر بفلوريدا ما حبيت اقعد مفلسه

مريت غوتشي كلش ماكان فيه شي يسوى وحتى ملابسهم اللي شفتهم العام بالاوت لت في كاليفورنيا احلى .. وماشاءالله هالكوريين واليابانيين والصينيين ماخلوا شي .. لفوا السوق كله ويقولون عن الخليجيات يموتون بالسوق!! :/

مريت توري بيرتش كان عنده شغلات حلوه وخذيت منهم فلات وجوتي وانتوا بكرامه بس والله خمط مخامط اهناك .. تخيلي ماسكه الفلات انطر الموظفه علشان اقولها عن قياسي جان يخمطونه من ايدي!! عجبه بصراحه )

دخلت كارولينا هيريرا .. المحل ظلمه جنهم يقولون لا تشترين والموظفات قاعدين ويسولفون ولا جني دخلت !! الشعب النيويوركي مو فريندلي وزاهق الدنيا لووول .. المهم مالقيت عندهم شي يسوى وبضاعتهم قديمه .. قلت باجيك على المحل بالاوت لت اللي في اورلاندو يمكن القى عنده شي حلو ..

كوتش بصراحه يهبل .. تدخلين المحل تحتارين شنو تاخذين .. والوان الجناط حلوه وايد بس ما خذيت منهم لسببين اولاً زحمه وانا تلوع جبدي اذا كان المكان زحمه ولآن الناس قاعدين يتسابقون على الجناط وما تشوفين الا خمط مخامط شدعوه عليهم ! بصراحه اول مره اشوف جذي بامريكا لوول ..


اممم شنو بعد .. جوسي وباجي المحلات اللي في اورلاندو مريت عليها مرور الكرام وقلت اذا عجبني شي من اهناك في فلوريدا بآخذه ..

وبس سلامتج وتعيشين :eh_s(7):

اشلوونكم بنات

بخير عساج بخير

روووووووووووونا وكويتية

عليج بالعافية
بثقل عليج بهالسؤال عن مكاتب تأجير سيارات احنا حجزنا سيارة كرفان من موقع carhair3000 واحنا نبي ميني فان بس اهم حاطين صورة ميني فان بس كاتبين كرفان كرايسلر لمدة شهر طلع 534 دينار من غير التأمين اتهقين جم يطلع التأمين ؟؟؟؟؟

واذا سمحتي ممكن تسألين فندقكم أذا يتعاملون مع مكتب سيارات اذا أخذت السيارة من المطار jfk لمدة 32 يوم ميني فان جم تطلع لأن اليوم بس مجابلة النت ما حصلت ميني فان والكل يقول السعر اللي انا ماخذته غاااااالي

والسموحة علا اللوية اذيتج

والله ماعندي فكره عن الشركة اللي انتي حاجزة منها بس اللي اعرفه ان اسعار الناشونال كار مع التأمين وانا مجربتهم العام بكاليفورنيا .. وهالسنه ان شاءالله في اورلاندو ..

هاي بنات
رونا خطاج السو والحمدالله علي السلامة ومشكووووووووووووووره وايد علي معلوماتج الدقيقة:eh_s(7):
وأخيرا حجزت الفنادق وافتكيت
بلوس انجليس حجزت بمنطقة marina del ray حلوه علي البحر وقريبه حيل من سانتا مونيكا اسم الفندق inn at marina del rey
وحجزت لاس فيغاس فندق الفنشين
باجي السيارة قاعدة احوس بالمواقع حايسة علي سالفة التأمين مو موجود ولا مذكور:eh_s(14):

شوفي الناشونال كار بس حطي ديرتج الكويت يطلع لج بالتوتال السعر بالدينار والدولار ومكتوب انه شامل الدامج ويفر العام ماخذوا منا ولا فلس عن اللي محطوط .. جربي وشوفي ..

روونا ليش ماجرتو سياره مب ارخص لكم حق الاوتلت؟؟اذا على الشخص 40 دولار فكم خذو عليكم؟؟وبعدين احس 6 ساعات ماتكفي للاوت لت خصوصا مبين ان كبير ومليان محلات يبيله وقت اكثر

بالنسبة لي كانت ال6 ساعات كافيه .. ولآني ماحبيت اكثر مشتروات خصوصاً ان وراي طيران داخلي ولويه .. وشريت اللي بخاطري هذا اهم شي

بالنسبة للسعر وايد مناسب لآن التاكسي ياخذ أغلى سألنا الفندق قالولنا الاوت لت برا المدينة ومافي احد بيوديكم واذا بيوديكم بيكلفكم اكثر من 400$ !

اي رووونه ليش مانقدر ناخذ تاكسي يودينا الاوتلت

التاكسي اغلى راح يكلفنا اكثر بوايد ..

شلونكم بنات ...شخباركم؟؟؟؟؟؟

واي شوقتونا لامريكا....سوالفكم عنها تنعش القلب

ان شاءالله تروحين وتستانسين وتسولفين لنا عنها :yaaaaaarb:

انا لو مكانكم احجز ليله عند الود بيري ... و بعدين لي المطار ارخص من اني ادفع هل اسعار للتكاسي ...
يعني الليله قبل الاخيره بنيويورك اروح ايب سيارتي ... و انام ليله عند ود بيري و اتيسر ... هل شي ينفعج نيو ومن

ما تسوى عروس ..

اول شي انا اخر ليله لي يوم الاحد وما احب اروح السوق بهاليوم احس كل شي يسكر بسرعه .. لو باحسب تكلفه التاكسي اللي بيوديني للاوت لت ويردني المطار + ليلة الفندق بتطلع علي اغلى ..

عاد الباص مريح وايد وكبير حتى فيه عزكم الله حمام كراسيه مثل كراسي الطياره .. وماحسينا بتعب او بالوقت بالطريج :rerrerek:

 

[rawona]

روونا و كويتية الله يوسع صدوركم بالعافية يارب

بخصوص باصات التور وحده بالعرب المسافرون تقول الباصات الحمراء هي المعروفة و كانت حاجزه فيها و تقول مررره زحمة في بعض الاماكن يجي الباص و ما تركب و تنتظر للباص الثاني لان الناس زحمة على هالشركة و كانت تقول فيه شركة باصاتها زرقاء تمر علينا و الناس قليل يركبونها و بسرعة شكلها افضل اختصار للوقت وعدم الانتظار ....

روونا بما انك جربتي الزرقاء عجبتك و تنصحينا فيها ؟؟؟ لا تقارنينها بالحمراء اخاف الحمراء شهرة بس و ازحم بعد ايامنا قليلة بنيويورك و كل دقيقة محسوبة علينا لوووووول ؟؟ انا من كلام البنت قررت اخذ الزرقاء


و يا ليت تعطينا رأيك بالوودبيري , و الاشياء الي فيه بكم سعرها تقريبا مثل بولو و تروي ,, كم ينزل من سعرها ؟؟؟ اعرف وحده رجعت شاريه روب و سلبرو فوط للحمام و انتو بكرامة حلوووين من رالف تقول والله ما شريتها الا من رخصها ؟؟؟ فيه صدق اشياء رخيصة بالاوت لت ؟؟؟ ما قد رحت بحياتي للاوت لت حتى الي بأوروبا (مدري ليش احس الاوت لت كله اشياء شينة )

هلا والله

بالنسبة لشركة GRAYLINE اهي اللي باصاتها حمرا ما جربتهم بس اشوف عليهم ضغط ومنتشرين بكل مكان ..

شركتنا CITYSEEING باصها ازرق والكتابة بالاصفر بصراحه كانت خوش شركة .. يعني ما صادفتنا مشاكل فيها والمرشدين بعد حبوبين ودمهم خفيف .. ولا مره نطرنا الباص مده طويله وما يانا .. يعني باختصار ما شفنا منهم الا كل خير بس انا شفت الشركة الحمرا ومبين انها اقدم واكثر شهره فقلت اقول عنها علشان اللي تحب تحجز فيها .. :rerrerek:


الاوت لت اسعاره وايد مناسبة اليوم خذيت بوك من فرساتشي ب60 دينار تقريباً وعجبتني جنطة "كلتش" عندهم تطلع بعد الخصم ب 750$ وايد زين وحجمها حلو مو صغير وكنت باخذها كلش عاجبني لونها بنفسجي بس ريلي ما عجبته وحبطني ما خذيتها ..

كوتش الجناط الكروس عندهم مثلاً ب 139$ او 260$ على حسب موديلها بالويك اند يسوون عروض وخصومات اضافيه مثلاً اليوم كان عليهم 30% خصم .. وايد اسعارهم زينه ..

انتي بتروحين نيويورك واي ولاية بعد؟ نيويورك ضريبتها غاليه 8% وتقريباً كاليفورنيا نفسها يمكن اكثر شوي ولاس فيغاس 9%

فلوريدا 6.5% .. واشنطن 5% يعني الضريبة اللي تحدد اغلى شوي او ارخص شوي على حسب الولاية ..

بس صج تحصلين شغلات وايد بالاوت لت اسعارها خيااال .. فانصحج تروحين له :eh_s(7):

 

[rawona]

اذا صار عندي وقت اليوم نزلت لكم صور ..

:eh_s(7): :eh_s(7): :eh_s(7): :eh_s(7): :eh_s(7):

 

[!^! كازاويه !^!]

نايس والله خوش سفره
اهم شي استانستي

 

[زوووووغه]

تسلميييين بعد قلبي على المعلومات الحلوة

 

[عروس الدنيا]

عليج بالعافيه رونا حلو التسووووووق
و ميامي سوقها حلو بعد صاجه


بنات بالنسبه للضريبه ترا بنسلفانيا تاكس فري
يعني الي بتروح بيتسبيرق - هيرشيز - فيلادلفيا تسوق من هناك ارخص مافي تاكس علملابس و لا عل اكل

 

[مهفة]

قوة بنات شلونكم؟

مهفة محدثتكم من اورلاندو تحييكم ....

اورلاندو بدت تنترس من الكويتيييييييييين ... و ماودي اضيق خلوقكم بس السوق بدا ينلحس منهم!
ماكو مقاسات !!! بالذات بالأوت لت البريميم القديم متروس كويتيين و الأغراض على آخر حبة على آخر حبة أو ماكو ..... الله يعينكم يللي يايين السوق بينلهف ... اللي تلقى بالمكان اللي اهي فيه شي زين خلتاخذه لا تنطر اورلاندو مافتكر بتحصل شي يسوى!!!!

أما بالنسبة للجو فجوها ماشالله حده متسنع ... اييج يوم شمس حنانة بالصبح و على العصاري اتغيم الدنيا و تمطر و تبرد الدنيا شوي ... الجو حده منعششششش ماشالله تبارك الرحمن

بالنسبة للآوت لت البريميم اليديد مو وااو ما يسوى العنوة الصراحة المحلات الحلوة اللي فيه محلين أو ثلاثة أما القديم اهو اللي يسوى الصراحة حتى الكويتيين وااايد اللي فيه جنهم نمل على دبق

ااامممم شنو بعد ...

رحنا اليوم سيرك لا نوبا مو واااو الراحة فرق عن ملوت لاس فيغاس يعني مو ضروري تروحوله هذا رايي الشخصي طبعا و الناس اذواق

اامممم شنو بعد ...

هذا اللي يحضرني حاليا
اذا ذكرت شي يديد راح اكتبله لكم ان شالله

سييييي يووووو

 

[أم أحلى جود]

صباح الخير شنو احلى سوق بميامي او احلى اوت لت لاني بقعد 3 ايام بس مادري وين اروح ؟