---- تجربتي بالديرمارولر تابعوني ----

[اكينو]

هاي بنات
انا بقولكم تجربتي
انا فيني سترتش ماركس في ايديني وخفاف يعني مو عميقين وانا لوني فاتح وماكانوا يبينون بس تحسين
المنطقه مو مستويه يعني مو مشدوده
المهم طلبت الرولر واستخدمتها 9 مرات وماشفت نتيجه ابدا بالعكس سمرت المنطقه عندي
والحين تركتها
انا اشوف انها ماتسوي شيء للاشياء الكبيره والقويه لان عندي حرق بيدي صغير وكنت استخدمها ونفس الشي ماجابت نتيجه
الرولر للنضاره بس تستخمينها اذا عندك مناسبه بتعطيك نضاره وحيويه
مع اني ماستخدمتها لوجهي بس هذا رايي

 

[Stylist]

وووووووووووووينكم بنات شدعووووه شهالكسل

كل يوم ادور الموضوع القاه بالصفحات اللي ورا

اليوم سحبته من الصفحه 12

ناطرتكم عشان اقولكم اخر المستجدات

 

[ReeM ^ Style]

السلام عليكم
انا اسفه على انقطاعي
بسبب السفر
والحين الحمدلله رجعت بالسلامه
وراح اجاوب على الاستفسارات قريبا
وسون شاين وستايلست وفوز ماقصرتوا
ومبروك عليكم النتايج

 

[ANOoOo]

بنات الله يعافيكم وش احتاج مع الديرمارولر غير فيتامين سي معقم مضاد حيوي مرهم
يعني ركسول هذا لا ايش بالضبط ويصلح للجسم او بس وجه

 

[LaDantel]

انا زعلااااااانه

ريم و سن شاين ليش طنشتو استفسااااري

 

[ReeM ^ Style]

هلا ريم
تسلمين ياقلبي على سؤالج ....وتشجيعج:eh_s(7):
ان شاءالله بستمر

بس اليوم ضايقتني شغله وعلطووووووول طريتي في بالي
الله يسلمج طاحت مني الديرما رولر على الارض (سيراميك) وشلتها وعقمتها واستخدمتها
وانا امررها على ويهي حسيتها ابطئ من كل مرة مو العاده يعني
لما تمقلت فيها الا تقريبا 5 ابر انخفسوا حسااااااااااااافه صايرين بشكل افقي :eh_s(4):
بس باجي الابر اووووكي ماشين معاي عادي
فشرايج اغير الرولر ولا اكمل عليها ....؟؟؟؟:eh_s(10):

العفو هذا من واجبنا
لا عادي لا تغيرينها شي طبيعي راح ينخفسون لانها طاحت
بس اهم شي حاولي تعدلين الابر بس لاتجرحين نفسج
انا بعد طاحت مني وحاولت اعدلها ماقدرت
ففكرت اعدلها بمقص الاظافر
بس ليما الحين ماسويتها
لا سويتها ابلغج

 

[ReeM ^ Style]

بنااااااااااات اليوم تقريبا سويت الجلسة ال 12 ماشاءالله وكل جلسة من 5 الى 7 دقايق مو اكثر
يعني مبدئيا اقدر اعطيكم الـ first update
اللي لاحظته من خلال اصوري اللي صورتهم قبل الاستعمال وصور اليوم مابعد الجلسه
حسيت ويهي اصفى من اول وفيه نضارة شوي بما اني توني مخلصه الجلسة
والمسامات العميقه شوي قل عمقهم والله حددددددددددي مستانسه الحمدلله وحبيت افرحكم واعطيكم بوش
ومايهمني حتى لو اقوم باجر واشوف ان المسامات اسوء من اليوم عادي ادري كل شي يبيله وقت
بس سالفه التفخه اللي بعد الديرما رولر عاجبتني ودي اسوي الجلسة واحط عقبها ميك اب لان ويهي يصير مدور وخدودي تنتفخ جني خازة ابر

الحمدلله على اللي وصلت له حتى لو كان 1 % من اللي اتمناه :ggdw::ggdw::ggdw:
وان شاءالله الايام اليايه احلااااااااااا علي وعليكم بكل امور حياتنا مو بس بشرتنا:yaaaaaarb:

ماشالله ستايلس​

مبروك النتيجه الحلوه
ولو اني انا شخصيا تغيرت بشرتي من ثالث استعمال وحسيت صج بالفرق خصوصا لما احط كريم اساس وكومباك اصير جني اللي بالدعايات ماشالله
اشلون لو بكمل العشر جلسات​

باجر بسوي الجلسه الخامسه
ترقبــــــــــــــــوني
......
...
.​

للحين النتايج تبشر بالخير الحمدالله الكل ملاحظ في تغيير فبشرتي والاهم نضاره وشباب حدي متشققه واختي سوتها مره وحده وتولعت فيها بتطلبها عقب ما تيي من السفر
حطيت المخدر امس بس احس اني ضغطت على بشرتي وطلع شويه نقط دم اكثر من كل مره شكلي ببطل المخدر لان ماعرف شكثر اضغط لما ماحس بويهي
اليوم قعدت ويهي مورد ومنتفخ وناسه المسام ماقدر احكم عليها ليمن احط حمايتي وبودرتي

من كل قلبي اقول لسان شاين وريم ستايل يعطيكم الف عافيه عرفتونا على هالرووول وينولكم اللي فبالكم يارب

مشاءالله بنات عليكم بالعافيه
ومثل ماقالت ستايلست الاله يبيلها صبر
وبعد كل جلسة تبين النتايج اكثر واكثر
والكل بيلاحظ عليج
وعدل كلامج ستايلست بخصوص النفخه بعد الجلسه
تدرين مره سويتها قبل مناسبه عندنا
وفعلا عطتني تدويره حلوه لوجهي
وصرت قب كل مناسبة استخدمها
وسن شاين وفوز عليكم بالعافيه يارب
واستمروا ترى الاله تحتاج على الاقل
3 شهور علاج هذا فهمته من كل العيادات
ولا شكر على واجب
تستاهلون كل خير :eh_s(7):

 

[ReeM ^ Style]

السلام عليكم حبايبي ...

يعطيكم العافيه على هالتجمع الطيب

انا قريت الموضوع كلللللللللله و الحمدلله

و اليوم استلمت الرولر مقاس 1.50

وناويه استخدمها لويهي و لشعري


اسباب استخدامها الوجه :
مسامات / رؤوس سوداء / ندبات خفيفه / نضاره


اسباب استخدامها للشعر:
فراغات بمقدمة الرأس / تساقط رهيييييب للشعر مع ان تحاليل الدم سليمه و كل شي سليم


الــــــــــــمـــــــــــهـــــــــــــم

قبل لا ابدأ حبيت اراجع معلوماتي معاكم باللي فهمته وياليت ريم و سن شاين يصححولي اذا فيه شي غلط



طريقة البشره اهي:

1-تعقيم البشره بالمسحات
2-تعقيم الرولر بمعقم بخاخ
2- اضافة سيروم علاجي للوجه اختيار واحد مما يلي في كل جلسه و عدم الخلط ( فيتامين سي / كولاجين / كونترابكس)
3-تمرير الرولر على البشره
4-اضافه كريم الفيوسيدين و انتظار ربع ساعه
6-ازالة اثار الفيوسيدين من البشره باستخدام قطنه مبللة مثلا
7-اضافه الكريم العلاجي الذي تم اضافته قبل الرولر مره اخرى


فترة العلاج للبشره:
مره كل 4 ايام



طريقة الرولر للشعر:

1-لازم الشعر نظيف و جاف
2-تعقيم الرولر بالبخاخ
3- مــــولازم تعقيم فروة الراس
4-تمرير الرولر على فروة الراس وهي جافه
5-اضافة انبولات الشعر تحتوي على فيتامينات و مواد علاجيه للتساقط
6-مساج خفيف لفروة الراس


فترة العلاج للشعر: مره كل 4 ايام




صح ولا لا ؟؟؟

ناطرتكم .. وناطره تصحيحكم لكلامي واللي فهمته عشان ابدأ استخدم الرولر

هلا والله حبيبتي
عدل كلامج
وطريقتج ممتازه
مايحتاج تراجعين معانا لان طريقتج صحيحه
واهم شي بعد استخدام الرول ماتحطين ولا شي بعد الاستخدام
تنطرين 10 دقايق عقب تغسلين وجهج بماي فقط
واذا بشرتج متهيجه حطي فوسيدين
ونطري ربع ساعه مثلا عقب مسحي الفوسيدين
وحطي اي شي علاجي يناسب بشرتج
وبخصوص الشعر صح طريقتج
ويستخدم الرول مره كل اسبوع
لان اذا استخدمتيه مرتين بالاسبوع مثلا راح يسبب جهد للبشره
لان في كل مره تستخدمين الرول راح يفرز الكولاجين بكميات كبيره
وهذا يسبب جهد عالبشره اذا استخدم كل مره
واي سؤال لايردج الا كيبوردج
وطمنينا عالنتايج :eh_s(7):

 

[LaDantel]

حبيبتي ماقصرتي عالرد فديتج والله

انزين اشرايج متى اسوي الجلسه ؟ لان انا منقبه

و اخاف اذا سويتها اضطر اني اطلع للدوام و البس النقاب و جذي و تتاثر بشرتي خصوصا انتي عارفه النقاب لونه اسود

و يسبب بثور و تعرق للبشره مع التنفس .. اتمنى فهمتي علي

عادي استخدمها نص الاسبوع ؟ مثلا المغرب و من باجر البس النقاب الصبح

او اني اخلي العفسه كلها يوم الاربعاء و اريح بشرتي يوم او يومين


ما ادري احس النقاب يضر اشرايج انتي ؟؟​

 

[ReeM ^ Style]

حبيبتي ماقصرتي عالرد فديتج والله ​

انزين اشرايج متى اسوي الجلسه ؟ لان انا منقبه​

و اخاف اذا سويتها اضطر اني اطلع للدوام و البس النقاب و جذي و تتاثر بشرتي خصوصا انتي عارفه النقاب لونه اسود ​

و يسبب بثور و تعرق للبشره مع التنفس .. اتمنى فهمتي علي​

عادي استخدمها نص الاسبوع ؟ مثلا المغرب و من باجر البس النقاب الصبح ​

او اني اخلي العفسه كلها يوم الاربعاء و اريح بشرتي يوم او يومين ​

ما ادري احس النقاب يضر اشرايج انتي ؟؟​

العفو حبيبتي شدعوى ماسوينا شي
بخصوص سؤالج
عادي سوي اي وقت يناسبج
لان اذا سويتي بليل الصبح بتكون بشرتج نظيفه ومتورده
ماراح يأثر عليها النقاب
وبعدين الحين في نقابات يكون من داخل ابيض ومن برى اسود
مادري وين ينباع بالضبط اخذيلج واحد بس للدوام
احسن وبتحمين بشرتج من الشمس
فالنقاب مارح يسبب لج مشكله
اهم شي حطي الحمايه الصبح
وتوكلي على الله

 

[ReeM ^ Style]

الدفشه المربوشه
شنو النوع اللي تستخدمينه ؟

 

[LaDantel]

العفو حبيبتي شدعوى ماسوينا شي
بخصوص سؤالج
عادي سوي اي وقت يناسبج
لان اذا سويتي بليل الصبح بتكون بشرتج نظيفه ومتورده
ماراح يأثر عليها النقاب
وبعدين الحين في نقابات يكون من داخل ابيض ومن برى اسود
مادري وين ينباع بالضبط اخذيلج واحد بس للدوام
احسن وبتحمين بشرتج من الشمس
فالنقاب مارح يسبب لج مشكله
اهم شي حطي الحمايه الصبح
وتوكلي على الله

حبيبتي ريم والله ماقصرتي و بالج حده طويل :eh_s(17)::eh_s(17):

الله يعطيج العافيه

و ببدي استخدم الجهاز هاليومين و بقولكم شنو يصير :eh_s(7):

 

[دلوعة المنتدى]

موفقه عمري وانشاءالله تشوفين نتيجه مرظيه

 

[SaD FaCe]

موفقين


اللي فهمته ان تاثيره مو قوي للسترج مارك حسافه

احس على البشره يبين أوضح

تحبطت يعني ماكو حل للسترج مارك !!!!!!

 

[آملَ~]

يعطيكم العافية

هذا مثل

 

[آملَ~]

ههههههه راح الرد بسرعة

انا ابي اخذ مثل هذي
راح احصل نفس النتائج ولا ء لا

 

[عظيمة الشان]

مرررررررررررررحبا

يعطيكم الف عااافيه بنات فديتكم

كنت اراقبكم ورا الستار

ههههههههههههههههههه

عجبتني ورا الستار عدال عااد

اممممممممممممممممم

انزين انه بالبحرين وين الاقيها ؟؟؟؟؟؟؟

انه عندي مسامات عاديه وبشرتي فيها

حبوب قليل وااايد بس فيني خدود الحمدلله

اممممممممممممم

وشعري ثقييل واايد وطويل بس

طاااح من جدام بسبب الصبغ والخرابيط

والسترش مارك حدث بلاحرج

الابيض والاحمر والسلوليت

الانتحار احسن حل صح

؟؟؟؟؟؟؟؟؟؟؟؟؟؟؟

هههههههههههههههههههههه

اخذ رقم 5 صح

او4

او 3

ويعطيكم الف عااافيه

تحياتي​

 

[ṦάЯỢηά ĚŁђĻώạ]

شسوي هالجهاز اشوف البنات يمدحونة ؟؟

 

[عظيمة الشان]

اب

اب

اب​

 

[عمرها السعودية]

يعطيكم العافية بنات وان شاء الله بشرتكم من احلا لحلاوة ..


باذن الله بحاول اشتريها بس راح ادور وين يبيعونها واجي احط


لكم النتايج