صديقتي تحسد المرأه اللي ما تسوق سياره ولا تشتغل

[iLLuMinaTion]

عندي صديقه


تقول :

- احسد اللي ما تسوق سياره
/ تقول ياليتني ما اسوق ويحطلي ريلي سايق

- احسد اللي ما تشتغل
واقعد من الصبح واروح النادي

- ويكون عندي عيال وايد واربيهم

- واتفرغ حق الشغل الخاص

- وتخلي الريال هو اللي يكرف وانا اللي اتدلع




شرايكم*

 

[iLLuMinaTion]

المايك لكم

 

[اميره1980]

اي و الله
يا ليتني اقعد بالبيت و مو موظفة و اروح الصبح النادي و اتنشط و اضعف ماكو وقت كلش و دوامي ما فيه تزريق الا بحالات قليله

 

[el7ob Klah]

انا ما اسوق سياره ولا اشتغل

صح كلامها حييل اكون فاضيه حق روحي

يعني مرات اشترك بنادي ومرات اطلع اخلص مشاويري

ومرات اتسوق او اروح كوفي شوب هذا كله الصبح اذا كان الجو حلو

بس مو كل وحده تقدر تقعد بالبيت الا اذا حالتهم الماديه زينه او زوجها معاشه قوي

لان الحياة اشوي صعبه وكل شي غالي اذا زوجها على قد حاله ومعاشه مايكفي

ماتقدر تستقيل وتقعد بالبيت لان مصروفها راح يقل

وفي بنات بالعكس مايحبون القعده بالبيت تقول لج ابي استقلاليتي وابي اشغل نفسي وخبراتي

 

[أنهار الورد]

بصراحه مادري انا ما اسوق سيارة كوني سعودية وللحين طالبة
بس احس الدراسة جزء لا يتجزء مني واكيد الشغل بعدين بكون ممتع بالنسبة لي خصوصا ان فيه افادة كبيرة للناس
انا افضل اكون موظفة وهذا مايمنعني من مزاولة بعض الانشطة مع الوظيفة

شاكرة لج

 

[DOo7a_ALajmi]

والله حسب شخصيه الوحده

بالنسبه لي احب اني اشتغل واسوق بالعكس هاذي استقلاليه ماتكون اتكااليه على احد ,,,

 

[شيخه_البيض]

امممم

من وجهه نظري الاستقلاليه ماتكون بدوام وسيارة

الاستقلاليه تكون ابيتج

يعني تكونين مستقله عن العالم الخارجي تكونين انتي وريلج وعيالج ومستحيل تقدرين تستقلين عنهم

 

[شيخه_البيض]

مثل ماقالت اختي دوحه العجمي على حسب شخصيه الوحده

عني انا احب ادلع عمري واحب يدلعوني بعد ههه طماعه معطية نفسي الراحه وطلباتي مجابه

اتوقع لو كنت موظفه او اسوق ماراح اكون عايشة بهالعيشه

انا اشوف حال الموظفات اللي حولي كل شيء عليهم رياييلهم متكلين عليهم بكل صغيرة وكبيرة

والحمدلله على الصحه والعافيه هذا اهم شيء لا وظيفه ولا سيارة ولا لبس ولا هم يحزنون

 

[كرز مرر]

للاسف غلطانة الريال ما عليهم اتكاليه

 

[هيبة ملك]

معاها حق الراحة والدلع حلوين

لكن أنا ماحب قعدة البيت

 

[دلوعة صلوح]

على حسب الوحدة بس الوظيفة حلوة عالاقل تسد الفراغ لى يصير الصبح.

 

[ام حمد 85]

أويلاه يا حلو قعدة البيت

 

[ملاذ]

بصراحه مدري الموظفات شلون يلقون وقت يهتمون بأنفسهم مع اني انا خريجه وانتظر الوظيفه

بس احس لو توظفت راح اهمل كل شي .. حتى ايام الدراسه ماكنت متفرغه ..

اما السياره فأحنا مانسوق بالسعويه ..

وظيفة المراه احيانا احسها نعمه واحيانا نقمه

نعمه اذا كان الزوج متفهم ويعرف واجباته كرب اسره وانتي تدلعين وتستانسين براتبك وتساعدينه طبعا

نقمه اذا اعتمد الزوج على راتب زوجته في كل شي الخدامه والعيال وطلباتها الشخصيه وطلبات البيت وهنا يصير العكس وتداوم المسكينه وترجع ولا تستفيد شي ( وبعد فتره يلاقي الزوج نفسه مجمع مبلغ وقدره ) ويروح يتزوج..

 

[دمرت كياني]

خليها تقعد ببيت وتستقيل من الوظيفه
خلي زوجها أهو يكرف لها أهو يبها ووديها
تسفر السايق دولته أهو ترجعه المكتب
ترا سالفة مو صعبة


صح كلامها وأنا معاها بس ما أحسد عاد :/

 

[نفهمها صح]

جربت الوظيفه صراحه تعبت بين عيالي وظيفتي خاصه محب اتكل علي الخدامه
وزوجي مشاء الله اتكل علي بكل شي
اخرتها استغلة وكبرت المخده وراحه حلووه
وانا مديره بيتي
السياره والله ودي ماهي شينه اخاف العمر يمضي وهم مسمحوو لنا بسعووديه

 

[* أوفى الخلق *]

اي والله انا مع رفيجتج ميه بالميه

 

[iLLuMinaTion]

بصراحه مدري الموظفات شلون يلقون وقت يهتمون بأنفسهم مع اني انا خريجه وانتظر الوظيفه

بس احس لو توظفت راح اهمل كل شي .. حتى ايام الدراسه ماكنت متفرغه ..

اما السياره فأحنا مانسوق بالسعويه ..

وظيفة المراه احيانا احسها نعمه واحيانا نقمه

نعمه اذا كان الزوج متفهم ويعرف واجباته كرب اسره وانتي تدلعين وتستانسين براتبك وتساعدينه طبعا

نقمه اذا اعتمد الزوج على راتب زوجته في كل شي الخدامه والعيال وطلباتها الشخصيه وطلبات البيت وهنا يصير العكس وتداوم المسكينه وترجع ولا تستفيد شي ( وبعد فتره يلاقي الزوج نفسه مجمع مبلغ وقدره ) ويروح يتزوج..

هذي ليست دعوه للتمرد وليس دعوه للنظره التشاؤميه

بس هي دعوه للرجوع قليلا والتفكير بصوت مسموع

 

[سوسن1980]

في الزمن هذا ودك المرة تقعد ببيتها مدلعه ومو ناقصها شئ لان شباب هالزمن تعودوا على الاتكاليه

 

[dectora 7elwa]

حلاتها فتره معينه يعني بعد كل 5سنين كرف بالدوام
سنه دلع بالبيت

 

[zaina alotibi]

حسب ظروف وطبيعة كل وحدة في الي تلقى سعادتها بالوظيفة وفي العكس تستمتع بالبيت .....

وشخصيًا اشوف طلعة المرأة للدوام فيها تعب عليها وراح تظطر تقصر ببعض نواحي حياتي الخاصة مع زوجها او عيالها