شوفي أنا رحت الصيف هذا ألمانيا وقعدت فيها 3 أسابيع رحت برلين- هامبورج - ميونيخ وأحلى سوق عندي كان برلين وهامبورج وميونيخ ماعجبتني وايد لأنها متروسة عرب وخليجيين والمحلات صج متنوعة بس زحمة وتلقين الحريم حاذفين الأغراض على بعض (مو كل المحلات) يعني عافس على دافس وعسى مانزلت بضاعة تلقين عليها مخامط ويمكن ما تحصلين المقاس اللي تبينه لا وفي شغلات ما تلحقين عليها إذا سألتي عنها يقولون لج خلصت ، بس في برلين وهامبورج لأن نسبة العرب فيها أقل تلقين كل شي فيها وتدورين على راحتج بدون زحمة وإذا بتوصين على شي من هناك إييبون لج فأنا شخصيا أنصح بالملابس الداخلية من c&a وملابسهم الشتوية حلوة وايد أحلى من h&m لأن بضاعتهم اللي شفتها هناك مو ذاك الزود وما عجبتني بس عندهم صوب الكريمات تلقين أطقم وايد حلوة (كريم+عطر سبري للجسم....) وعندهم عطورات وايد حلوة فيها الرخيص والغالي بس مو موجود ترى عندنا ، في مجمع جاليريا كوفهوف - كارستاد karstadt عندهم جناط حلوة وماركات وبالنسبة لمحلات الأوت ليت فهي موجودة في منطقة فوق ميونيخ وهذا السايت مالهم إذا في أحد بيروح لها
http://www.ingolstadtvillage.com/Ingolstadt/village/default.asp
ولقيت في مجمع karstadt عندهم ساعات حلوة و اكسسوارات نفس الماركة ممكن تاخذين لج طقم ساعة و سوار وقلب وخاتم .
:0bee2e8d89:
