شفت إن الحمل حلم بعيد - بس ما على الله شي بعيد

[انثى خيالية]

مشكوره يانكوهه ومناوي
الله يرزقنا اجمعين
اليوم قابلت وحده توها طالعه الاربعين
بعد 3 سنوات تقول انها عند الكتور معرفي بمستشفى النجاه بالاردن
ومن اول محاوله
عرف شنو علتها
وحملت
تقول العمليه مع السفر والاكل 1500دينار
يالله
نبدا البحث
ابدور موقعهم واشوف التجارب
والله دخت كل يوم افكر بدكتور جديد
عسى بالامر خيره
بببببببببببببببببببببببببببببببببببببببببببباي حبيباتي

 

[نكهةالبرتقال]

آمين تروفة- انا بعد من 3 سنين
حتى انا ادعي الله يرزقني بتوم صبيان

اتييني حالات يأس و ضجر بس هذا من الشيطان


انا طبيعتي بالحياة ماحب انهزم او استسلم


بس هذا اختبار من الله


لازم نخلي الآخرة همنا الأول

لأن الله ضمن لنا ارزاقنا و ماراح نموت لين نستوفيها

بس الجنة مومضمونة لنا

فنشتغل آخرتنا أولا و ما ننسى بعد نبذل الأساب من مراجعات و رقية و غيره

 

[نكهةالبرتقال]

الله يرزقنا و يعوضنا

تفاءلوا بالخير تجدوه

 

[نكهةالبرتقال]

مشكوره يانكوهه ومناوي
الله يرزقنا اجمعين
اليوم قابلت وحده توها طالعه الاربعين
بعد 3 سنوات تقول انها عند الكتور معرفي بمستشفى النجاه بالاردن
ومن اول محاوله
عرف شنو علتها
وحملت
تقول العمليه مع السفر والاكل 1500دينار
يالله
نبدا البحث
ابدور موقعهم واشوف التجارب
والله دخت كل يوم افكر بدكتور جديد
عسى بالامر خيره
بببببببببببببببببببببببببببببببببببببببببببباي حبيباتي

الله يسهل امورج وين ما كنتي

انصحك

انك تبحثين بالنت عن الاسباب اللي تساعد على نجاح العملية من فيتامينات و تمريخ و غيرها و الله يسهل عليك

و يرزقك الذرية الصالحة

 

[جديده 1]

قولوا آميــــــــــــــــــــن

عسى الله يرزقكم و يرزق كل محرومه الضنى الصالح المعافى عاجل غير أجل يارب يا كرييييييييييييييييم
التزموا بالصلاه .. اكثروا الاستغفار .. تصدقوا يابناااااات .. و ان شاء الله الوحده فيكم اتييب درزن عيال يارب

 

[~{.. روج احمر]

الله يرزقنا يارب

موضوعج اول ماشفته فجر فيني شي كنت كاتمته من امس

يوم جاتني الدورة ومابي اضعف واصيح

وشعووووووورج نفسه بالضبط الي فيني

والله اني اشوف الناس الي حملو بعد عرسي

وحدة منهم بكر وجايبه بنت يوم شفتها مع بنته مو عايشه لحظه الامومه مو مستغلتها بكل حنان طقت بنتها شوف عيني تقول لها متي بفتك منج قلت لها استغفري ربج هاذي نعمه قالت ياااااه

الله يارزقنا ويحفظ عيالهم .. بس هاذا اكثر شي يعور قلبي عندة عيال بس مايحس بنعمه

 

[غاآيتي مــرادكـ]

انا مو متزوجه بس حبيت اساعدكم بمعلومه قريتها بالنت ممن فتره
ان فيه وحده تقول رحت يم المستشفى وقالو لي اني عقيم ومافيه امل اجيب
تقول وانتظرت سنين وسنين وانا مايآست
تقول جاني زوجي وقالي خلينا نستغفر انا وياك للحمل عشان ربي يزرقنا تقول قلت له يلا
المهم بعد شهر من استغفارهم حملت وجابت بنت
وتقول رجعنا واستغفرنا وطلبنا ربي بهالاستغفار ان ربي يرزقنا ولد وتقول حملت وجبت ولد
تقول من الاستغفار عندي بنت وولد بعد ماكانت عقيم
واختي بعد 7 سنين ماحملت تقول بديت استغفر لله عشان ربي يرزقني الحمل والحين عندها ولد>> الله يرزقكم قولو آآآآمييين

حبيت افيدكم باللي قريته ودعواتكــــــــم لي بالزوج الصالح

 

[عروس ظفار]

الله يرزقكم ويرزق كل محروم الذرية الصالحة ,,,

 

[نكهةالبرتقال]

حياكم الله --- الله يرزقكم كلكم و يفرج همومكم

 

[nono93]

عسى ربي يرزقكمم

 

[نكهةالبرتقال]

مشكورة الحنونة

 

[انثى خيالية]

هلا حبيباتى ابشركم اليوم وافقت الحومه علا علاجى علا نفقت الدوله
بس محتاره اناحابه ومرتاحه للدكتور منصور العرف
ووزوجى يبي فوزيه القطان او هدى الزكري
انا مايله لهدى
ومحتاره اتمنى النصثيحه بين منصور وهدى
وسبحان الله انا حاسه ان اللى بييبشرنى بالحمل منصور العرف
بس انا قات لزوجى هالمره انت تختار المستشفي ومابي اعارض
وش رايكن
رويال حياه سويت عندهم
وفشلت
والمنشط علا المده االطويله وماحبيت اعيد سالفه البخاخ اللي بالانف
لانى تعبت
وش رايكن بكره الاختيار
ومن يعرف رقم الدكتوره هدي الزكري الجديد

 

[نكهةالبرتقال]

و الله ماعندي علم --- ان شاالله البنات يساعدونك

بس استخيري ربك قبل كل خطوة و الله يكتب لك الذرية الصالحة
احس فوزية القطان مو مرتاحة لها مرة وحدة قالت عنها انها مادية

 

[انثى خيالية]

الله يعطيج العافيه بس انا علا حساب الحكومه لو تبي بالالاف
اب هل تسوي الازم قبل العمليه لاكتشاف سبب الفشل اللى قبل واب خطوات واضحه

 

[q8_mother3]

السلام عليكم
يابنات انا قصتي قصه تخيلي اول ماتزوجت من 3 شهر رحت سويت تحاليل كنت ابي ياهل باي طريقه لدرجه اني فكرت اني اتبني شوفو اشلون انا ميته عاليهال المهم رحت الحكومه مستشفي الفروانيه قالولي ريلج فيه ضعف مو ضعف عقم 100 بالميه جان اقعد ابجي ودقيت علي اختي العوده قالت قوليلهم ابي تحويل حق قسم اطفال الانابيب قالولي مايصير يعني انجيب الحيوانات المنويه من وين ؟؟مايصير ابدا انحولج علي اطفال الانابيب قلت مالكم شغل انتوا حولوني وانا اتصرف قالولي ريلج عقيييييييييييييم بغيت امووووت كنت عروس صارلي 3 شهور
ادري اني ملقوفه بس شسوي بعد ميته عاليهال
المهم خليتهم ايولون الححكومه ورحت الهادي وسويت عند عاصم الحاروني بس هالدكتور راح مصر وبعدين فشلت المحاوله
ورحت عند منصور العرف وفشلت وسويت عند منصور للمره الثانيه ونجحت ويبت توام الحمدلله
تخيلوا تحاليل الحكومه تقول ان ريلي عقيم وتحاليل مستشفي الهادي والعرف تثبت ان ريلي فيه نسبه بسيطه 1 بالمليون
سبحان الله كان عندي امل وعندي قوه ايمان وكنت ادعي واقول ياربي اتعوضني عن كل سنه ياهل وفعلا حزتها لي سنتين و3 شهور
خلو املكم بالله قوووووووووووووووووووي
وشكرا

 

[انثى خيالية]

الله يخليهم لج والله انا وزوجى زينه تحاليلنا ومن بديت اعالج لى6 سنوات وانا ابي منصور
ودايم اقول لزوجى انا حاسه انى بعد الله احمل عند منصور
بس مو راضي عشان منصور رفيج ابوه ومستحى
بس بحاول اقنعه
الامل بالله قوي
عديتينى دافع اروح لمنصور الله يرزقج كل سنه
الحمد لله توم وزوجج عقيم تاكدى انها نعمه كبيره تستاهل الشكر
الله يوفقكم ويرزقم ويخلي لكم اللى رزقكم
اخت 9 سنين ماحملت تقول كنت اتمنى بنت لو وحده
وجابت توم بنت وولد تقول الحمد لله الله رازق
اذا بيعطينى غيرهم نعمه
واذا بيخليلى التوم هم نعمه ماحلمت بها

 

[نكهةالبرتقال]

السلام عليكم
يابنات انا قصتي قصه تخيلي اول ماتزوجت من 3 شهر رحت سويت تحاليل كنت ابي ياهل باي طريقه لدرجه اني فكرت اني اتبني شوفو اشلون انا ميته عاليهال المهم رحت الحكومه مستشفي الفروانيه قالولي ريلج فيه ضعف مو ضعف عقم 100 بالميه جان اقعد ابجي ودقيت علي اختي العوده قالت قوليلهم ابي تحويل حق قسم اطفال الانابيب قالولي مايصير يعني انجيب الحيوانات المنويه من وين ؟؟مايصير ابدا انحولج علي اطفال الانابيب قلت مالكم شغل انتوا حولوني وانا اتصرف قالولي ريلج عقيييييييييييييم بغيت امووووت كنت عروس صارلي 3 شهور
ادري اني ملقوفه بس شسوي بعد ميته عاليهال
المهم خليتهم ايولون الححكومه ورحت الهادي وسويت عند عاصم الحاروني بس هالدكتور راح مصر وبعدين فشلت المحاوله
ورحت عند منصور العرف وفشلت وسويت عند منصور للمره الثانيه ونجحت ويبت توام الحمدلله
تخيلوا تحاليل الحكومه تقول ان ريلي عقيم وتحاليل مستشفي الهادي والعرف تثبت ان ريلي فيه نسبه بسيطه 1 بالمليون
سبحان الله كان عندي امل وعندي قوه ايمان وكنت ادعي واقول ياربي اتعوضني عن كل سنه ياهل وفعلا حزتها لي سنتين و3 شهور
خلو املكم بالله قوووووووووووووووووووي
وشكرا

ماشاالله تبارك الرحمن - الله يرزقك غيرهم - قصتك انعشت فيني الامل

 

[أمل عبدالله]

آنا متزوجة صار لي 13 سنة أول 7 سنين من زواجي ماحملت فيني عقم وما احمل إلا بأطفال انابيب وسويت اول مرة والحمدلله حملت ويبت توأم بنات وألحين عمرهم 7 سنين وسويت 3 مرات عقب صراحة مشتهية ياهل حدي ودي أييب بعد وما صار شي ؤحت حق الدكتور وقلتله لازم أطفال انابيب والعملية هذي تلوع جبدي تعبني وآنا عمري ألحين 32 سنة وقالي ماتحملين إلا بهالطريقة حسيت بيأس وخذيت حبوب وتبعت التعليمات وقالي تعالي عشان أسويلج عملية عشان أشوف رحمج وقعدت الصبح يوم العملية ياتني ضيقة موطبيعية بكيت قلت حق زوجي ماني رابحة أحس بضيقة قالي ما يصير توكلي على الله ما قدرت بكيت عقب نمت وزوجي قعد جان يقولي ترى حلمت إن في كلاب مفترسة تييج وآنا قاعد أوخرها عنج عقب إرتحت قلت خيرة بس ألحين ما أدري شنو أسوي وين أروح ألحين بديت حملة إستغفار وأدعية وقراءة سورة البقرة وعندي أمل إني أحمل والله كريم قولولي شنو تنصحوني فيه أصبر وإلا أسوي مرة ثانية ووين أروح أي دكتور

 

[انثى خيالية]

هلا حبيبتى
انصحج سوي اناخمس مرات وفشلو وعندي امل اسوى كل شهرين والتعب مخلوف
وماتدرين يمكن الله الله يرزقج بعد هالعمليه
واذا فشلت سوي ثانيه
وثالثه
ترا تعبي ساعه والحمد لله تعبنا

 

[نكهةالبرتقال]

أمل عبد الله


انت توك فبداية الثلاثينات و ان شاالله العمر جدامك و اتيبين يهال لما تشبعين


نصيحة لا تخلين الشيان يثبطك

توكلي على الله و سوي العملية و يمكن تنجح --- لا تخافين من شي مادام تقرين الاذكار و القرآن و تحافظين على فروضك