ماركه nyx بنات حياكم متجدد..

[بحرينيه كشوخيه"]

يعطيكم العافيه


جربتوو المسكرا حقتهم ولا فيه انواع للتكثيف احب المسكرا تكون كثيفه بقوه

وش رايكم

أي حبيبتي جربت كذا مسكرى وأنصحج بإلي تقوس الرموش أحسن شي

وأي خدمه من عيوني ياقلبي

 

[بحرينيه كشوخيه"]

:krkrkr::krkrkr::krkrkr:

N.y.x

يعني نيوييورك ههه


هالماركه انا اسميها ان واي اكس

انتي تسمينها نيكس ههه يالله ماتفرق ههه

هههههههههه عادي عادي

تصدقين عاد آنه عايشه بأمريكا 8 سنين من عمري وليحيني ماعرفت أختصارات أسامي مناطقها ههههه

وحياج ياقلبي

 

[بحرينيه كشوخيه"]

مشكوره فديتج​

العفو حبيبتي

أفداج ياقلبي

 

[بحرينيه كشوخيه"]

وااااااااااي امووووووووووت عليها خصوصا المناكير

يعطيج العافيه

حبيبتي والله وهي بعد تموووت عليج

الله يعافيج

 

[بحرينيه كشوخيه"]

هاي الشادو بس التصوير كلش ظالم الالوان وللأسف ماحصلت الالوان الي ابيها :eh_s(4):



وهاي البجمنت ماحصلت إلا هالالوان والباقي ماعجبوني وكالعاده الالوان الحلوه مخلصه :rgewrg:



البلاشر



الحمر عندي من زمان والجلوسات يداد



هاي صوره جماعيه حق حبايب قلبي هههه بنات أنصحكم في فراشي sigma روعه
والبرايمر اليوم حطيت منه وبجربه لي آخر الدوام وبقولكم رايي



صوره تعذيبيه واي ياني أحب المكياج أدري لخبصت الموضوع وحطيت مكياج غير بس إدمان شاسوي

أبي الشدوات إلي ماحصلتهم في nyx :eh_s(11):

ياحياتي مرووووووووي

مشترياتج روووووووووعه رووووووووووعه

تتهنين ياقلبي

بس ممكن طلب فديتج
أبي تطلبيلي من أربان ديكاي لنه ماعرف أطلب من موقعه وبعطيج فلوسهم لي جفتج وخذيتهم منج :eh_s(16):

ويعطيج العافيه ياقلبي يابنت ديرتي

 

[بحرينيه كشوخيه"]

يسلمو صح هالماركة شكلها بتكبر بسررررررعه
ماقصرتي حبيبتي

الله يسلمج حبابه

أي واايد

حاظرين للغالين

 

[بحرينيه كشوخيه"]

تعبت بنات وآنه أرد هههههههه

المه الله يعافيكم ويسلمكم

وعساكم الجنه يارب

وتتهنين يامروووي أتينن أغراضج

 

[منار البربرية]

فديتج ما تقصرين تعبانج ياقمر يعطيج الصحه والعافية يارب

بسألج في بنت تسأل تبي الباليت اللي حطيتي صورته حق اوربان نيكد موجود بلندن ولا لا وحده تسأل ؟؟

 

[مراوي22]

أفا عليج تامرين حبيبتي بس آنه ناطره طلبيتي الثانيه توصل عشان أعرف جم بيخصمون من البطاقه لأنه آنه أشحن البطاقه كثر ما أبي أطلب أروح البنك وأحط المبلغ في البطاقه والحين أنطر الطلبيه توصل عشان أدفع حق الشحن وبعدين أعرف جم بيبقالي عشان أرد أحط فيها

وطلبيتي الثانيه بتكون من نكس بعد هههه تصدقين دشيت موقعهم ماقدرت أطلب أول شي عطاني error طرشت لهم إيميل قالو لي خلاص طلبي مره ثانيه حلينه المشكله ورديت بطلب ونفس الشي مادري مايقبلون الفيزا ليش المهم بطلبهم من أمازون مع إنه يطلع أغلى لكن عالاقل موقع مضمون وأسهل

وإلي تسأل عن الشادو مال أربن ديكي النيكد آنه طالبته من موقع أمازون

 

[بحرينيه كشوخيه"]

فديتج ما تقصرين تعبانج ياقمر يعطيج الصحه والعافية يارب

بسألج في بنت تسأل تبي الباليت اللي حطيتي صورته حق اوربان نيكد موجود بلندن ولا لا وحده تسأل ؟؟

أفداج ياالغلا

الله يعافيج غناتي

تلاقينهم بموقع امازون ياقلبي مثل ماقالت مراوي

 

[بحرينيه كشوخيه"]

أفا عليج تامرين حبيبتي بس آنه ناطره طلبيتي الثانيه توصل عشان أعرف جم بيخصمون من البطاقه لأنه آنه أشحن البطاقه كثر ما أبي أطلب أروح البنك وأحط المبلغ في البطاقه والحين أنطر الطلبيه توصل عشان أدفع حق الشحن وبعدين أعرف جم بيبقالي عشان أرد أحط فيها

وطلبيتي الثانيه بتكون من نكس بعد هههه تصدقين دشيت موقعهم ماقدرت أطلب أول شي عطاني error طرشت لهم إيميل قالو لي خلاص طلبي مره ثانيه حلينه المشكله ورديت بطلب ونفس الشي مادري مايقبلون الفيزا ليش المهم بطلبهم من أمازون مع إنه يطلع أغلى لكن عالاقل موقع مضمون وأسهل

وإلي تسأل عن الشادو مال أربن ديكي النيكد آنه طالبته من موقع أمازون

حبيبتي والله مايامر عليج ظالم

خلاص أول ماتطلبين خبريني عشان آنه أبي أطلب بعد من نكس ومن أربان ديكاي

وماتقصرين يابنت ديرتي فديتج

 

[جوهرة البحرين]

بنت ديرتي اب اب لعنونج مع اني ماقريت الموضوع عدل بس لفت انتباهي
ولي عودة ان شاء الله

 

[بحرينيه كشوخيه"]

حبيبتي والله بنت ديرتي

تسلمين على الأب إلي بكل مواضيعي

وربي منووورتني

 

[q8y-moon]

اسعارها بالموقع من 4 الي 6 دنانير كويتي طبعا
جم تنباع بسنتر بوينت؟؟

 

[بحرينيه كشوخيه"]

حبيبتي هو الأسعار على حسب وبسنتر بوينت


أغلى ب دينار لي 5 دينار

 

[عاشقة الانوثة]

هلا بحرينيه ضيفيني بالبي بي 22dbc2c0

 

[بحرينيه كشوخيه"]

أوكي حياتي بضيفج

وبنزل لكم يديد من ماركه نكس

 

[ريوم الرويجح]

بحرينيه كشوخيه

والله ان ماسجلت فالموقع الا عشانج وعشان بنات الديره فديتكم

فديتج عندي وايد طلبات واااااايد :$:$

اول طلب ممكن تضيفيني عالواتس اب (اذا ممكن رسليلي رقمج فديتج لان انا ماقدر ارسل رسايل ) ؟؟؟

ثاني شي اليوم الصبح رحت سويت دفه تطريزها ماروووني في ذهبي ابي اعرف شنو احط ميك اب :$:$:$:$

ثالث شي ابي احد يطلب لي من المواقع على النت وادفع لكم اذا وصلت الاغراض بليييييييييييز

ولج انتي والبنات مني اكبر تحيه فديت روحكم :$:$

 

[SpiceGirl]

متشيشه على اقلآم الآيشدو

يعطيج العآفيه ؛*

 

[بحرينيه كشوخيه"]

بحرينيه كشوخيه

والله ان ماسجلت فالموقع الا عشانج وعشان بنات الديره فديتكم

فديتج عندي وايد طلبات واااااايد :$:$

اول طلب ممكن تضيفيني عالواتس اب (اذا ممكن رسليلي رقمج فديتج لان انا ماقدر ارسل رسايل ) ؟؟؟

ثاني شي اليوم الصبح رحت سويت دفه تطريزها ماروووني في ذهبي ابي اعرف شنو احط ميك اب :$:$:$:$

ثالث شي ابي احد يطلب لي من المواقع على النت وادفع لكم اذا وصلت الاغراض بليييييييييييز

ولج انتي والبنات مني اكبر تحيه فديت روحكم :$:$

لباج لباااج

ياحياتي يابنت ديرتي

رسلت لج رقمي وكل المعلومات إلي تحتاجينه

وإن شاء الله تشرفيني ببيتي

وحياج معانا بكويتيات