تفسير احلام الحوامل

[BABY MASTER]

رد: تفسير احلام الحوامل (3)

تسلمين ام وليد عساج ع القوة

 

[غلا عيوني]

رد : تفسير احلام الحوامل (3)

مرحبا ام وليد يعطيج الف عافيه ياقلبي على الموضوع الرايع

ام وليد تحملت اني مفصخه ملابسي واتمشى بسوق ومعي بناتي وكنت وايد مستحيه من الناس ؟؟؟؟؟؟؟؟

 

[ام وليد hamood]

رد: تفسير احلام الحوامل (3)

الله يكفينا شر الحسد والعين يارب

ام وليد

قبل فتره يمكن اسبوعين او اقل صار لي يمكن ثلاث ايام احلم بالسمك
مره اني اطبخ مرق سمك
واليوم اللي بعده اني كنت امشي ولقيت رجال قدامه سمكه كبيره فااتح بطنها وكان متروسه من الداخل بلؤلؤ كبير ابيض وقلت له هذي
هي سمكه اللؤلؤ قال اي
وبعدها رديت للبيت وطبخت عيش مشخول وسمك تبلته ودخلته الفرن

وثالث حلم كنت اكل من سمكه طابختها

واللي يرحم والديج فسريهم لي ^^

معنى احلامج تدل على الصيت الحسن وحسن الاخلاق و رزقه واااايد حلوة راح اييج ومبلغ مادي ..والله اعلم .

 

[ام وليد hamood]

رد: رد : تفسير احلام الحوامل (3)

مرحبا ام وليد يعطيج الف عافيه ياقلبي على الموضوع الرايع

ام وليد تحملت اني مفصخه ملابسي واتمشى بسوق ومعي بناتي وكنت وايد مستحيه من الناس ؟؟؟؟؟؟؟؟

لا حبيبتي لا تفسرينه والله اعلم .

 

[فراشة الربيع؟؟]

رد: تفسير احلام الحوامل ((2))

السلام عليكم اختي ام الوليد
انا حامل ولي شهر و3 اسابيع
عندي طفلين الاول بنت والثاني ولد
حلمت ان اخت زوجي متزوجة جاتني بشقتي وعطتني 6 ريال (5 ريال قطعة وقطعة 1 ريال ) بالسعودي طبعآ وحطتهم بيدي كأنها ماتبغي احد يشوفهم وكانت معها حماتي الثانية مو متزوجة دخلت غرفتي وكانت ترفع مفرش سريري وكأنها تدور على شيء بغرفتي ....
وحلمت ان اختي جايبة بضاعة تبيعها وكانت اطقم سجادات مع شراشفها واخترت منهم طقم لونه احمر وفيه لمعة فضية وكان عاجبني مرة بالحلم اخذته بدون اي تردد ....
ودايما احلم ببنات صغارمن الاهل اعمارهم فوق السنة واولاد اعمارهم اقل من الشهر
وحلمت ان البي بالحلم تلبية الحج وكنت اقول لاختي وبنت اخوي اليوم التاريخ 2 من ذي الحجة وياليت تكثرون تلبية ..
وحلمت ان خالتي وزوجة خالي جايني بشقتي ورحت بسوي لهم شاي واخذت ابريق وعبيته مويه من صنبور التحلية اللي عندي بالمطبخ وقالت لي خاليت فلاتر التحلية تغيرينها كل 30يوم او 3 اشهر .. قلت لها لا اغيرهن كل 60يوم او 6 اشهر مو متذكرة بالضبط ..
وحلمت اني ولدت وكانت ولادتي سهلة مرة ورحت اشوف المولود وكان ولد لكن شكله غير عني وعن زوجي وعيالي ملامحه اسمر وخشمه كبير مرة وقعد يبتسم لي وقلت للدكتور هذا مو ولدي شوف شكله غير قالي حتى انا اشك انه ولدك انتي غير وهو غير وجات بنتي وقلت لها شوف بنتي تشبه ابوها يعني الولد لايشبهني ولا يشبه ابوه وقمت انا والدكتور نلف بالمستشفى واشوف المواليد بكل غرفة ادور على ولدي وانتهى الحلم .....
وحلمت ان الدورة جاتني وانا بمكة عند الحرم ..
وحلمت كأني بوضع جماع مع زوجي ويوم خلصنا نزل مني دم ..
وحلمت كأني داخله محل مع زوجي وفيه عطور وشفت عطر لونه احمر وقلت لزوجي شم ريحته حلوة عند خالتي مثله ريحته كأنه دهن عود ويصلح للمناسبات قالي اي صح ..ومن نفس المحل شريت شوكولاته جالكسي واخذته بكيس عند المحاسب ..
انتظر التفسير وجزاك الله خير

الحمد لله على سلامتك ام الوليد طولتي الغيبة
يالله انتظرك تفسري لي حلمي ​

 

[الفقيره]

رد: تفسير احلام الحوامل (3)

صباح الخير ام وليد
ان شاءالله تكونين بصحه وعافيه ,,

هذا الحلم لاختي

حلمت انه قربت ولادتي حيل وجاء زوجي ورجعني ,,


..

وهذا حلم استخاره اولد بالكويت او السعوديه ,,

حلمت في بيتنا القديم بالكويت طلعت بالشارع وشفت زوجي راكب السياره صافطها عن جيرانا وطلعت وقفت بالنص قلت عشان يشوفني ويوقف

حرك السياره لكنه مشى سيدا قلت يوه وانا اقدم اكثر بعدها شافني ووقف ورحت صوبه شففت السياره فيها عايله استغربت نزل هو وكان شكله متضايق حطيت يدي على ازارير ثوبه وقلتله بروح معااك .!

 

[حلمي الجنة]

رد: تفسير احلام الحوامل (3)

صباح الخير ام وليد حلمت اني جالسه على سريري وعطاني زوجي كبك ثوبه لونه فضي والكبك في الحقيقه عندة نفس اللي شفته بالحلم (الكبك هواللي يوضع في نهايه الكم)

 

[أحـلام * ورديـة]

رد : تفسير احلام الحوامل (3)

مشكوره حبيبتي ام وليد عطيج العافيه

 

[نـــــ أم ـــــور]

رد: تفسير احلام الحوامل (3)

حبيبتي شنو تفسير الحامل اذا حلمت انها ترضع بنت بس ماذكر من اي صدر
الحمل بالنوع يكون نفسه يعني ولا مو شرط

 

[عواار قلب]

رد : تفسير احلام الحوامل ((2))

حبايبي ام وليد افتحت موضوع جديد اسمه تفسير احلام الحوامل الجزء الثالث بنفس القسم


ادخلو الموضوع واكتبوا احلامكم وراح تفسرها باذن الله ​

:eh_s(7):

 

[MissChoco]

رد: تفسير احلام الحوامل (3)

السلام عليكم ،،، شلونج ام وليد؟؟

انا تحلمت اني واقفه عند باب ببيتنا وكان الوضع انه برا في ناس والوضع عادي وفي واحد مقتر يطالعني ويبيني وانا يعني ادري انه من زمان يبيني وانا اتغلا بعدين ياه واحد جنه يعني اعرفه بالحلم واقعد اسولف معااه عشان الفت نظر الي يطالعني واهوا قاعد يراقبني



وبس هذا الحلم

 

[دلوعه خطيره]

رد: تفسير احلام الحوامل (3)

مشكوره يالغاليه عسى تفسيرج يصدق ويخيب السونار

بالله بااسالك انا خايفه من البريعصي بالحلم لما دخل بثوبي هذا بذات تفسير ولد او شي ثاني لن امي موصدقه وخايفه من هذا الحلم لي



حلم اليوم جديد

حلمت اني ارضع ولد او بنت ماادري بس كان رضيع لابس لون ازرق سماوي ويشرب من صدري حليب كثير

 

[أميرة الورد 88]

رد : تفسير احلام الحوامل (3)

السلام عليكم ام وليد وجزاج الله خير على التواصل معانا
حبيبتي انا حامل وتوني داشه الرابع والله يتمم علي وعلى حبيباتي الحوامل
حلمت اني داخخله محل ملابس داخليه وكأني شريت قميص نوم وقاعده اقيسه
ممكن تفسرين لي هالحلم

 

[غلا عيوني]

رد : رد: رد : تفسير احلام الحوامل (3)

لا حبيبتي لا تفسرينه والله اعلم .

ممكن تقوليلي بلخاص؟؟؟ام وليد واللي يعافيج اهو زين ولا شي خطر علي؟؟؟؟؟؟تكفين والله صايره حيل احاتي

 

[غلاي عزوزي]

رد: تفسير احلام الحوامل (3)

شلونج ام وليد الله يخليلج عيالج
انا حلمت بأول حمالي انه الجنين يسجد جهة اليسار
وفعلا بعد 5 شهور سويت سونار وونفس الحلم شفته بالسونار الجنين يسجد جهة اليسار
يقولون يطلع دين وعارف ربه الحمدلله استانست بس
انا الي خايفه منه اني كنت مابي الحمال لانه حملي عزيز بس سبحان الله حملت وبجيت ودعيت عالياهل وايد الله يسامحني ويغفرلي
شنو تفسيرج للحلم والي صارلي بالواقع

 

[محاميه كويتيه]

رد: تفسير احلام الحوامل (3)

السلام عليكم
اللي تقدر تفسر احلامي يزاها الله الف خير
انا حامل حاليا وبداية الرابع وفيني توأم
قبل لا احمل مره حلمت ان زوجي يايبلي عمامتين
ومره اني شاريه حزام ولبسته على نفنوف قديم عندي وصدفة كانت نقشة النفنوف والحزام نفس الشي
وقبل جم يوم حلمت ان عزكم الله (كلب) داخل بيتي وقاعد ياكل معاي انا وريلي وبنتي
ومره حلمت ان وحده من اهلنا وهي متوفيه اساسا حلمت انها معطتني عقد لولو
ومره حلمت اني لاقيه 2000 ريال على شكل ورقتين كل ورقة بروح مكتوب عليها 1000 ريال وعليها صورة الملك فهد الله يرحمه ولونها احمر
وعمة امي حلمت فيني اني ماسكه برجين بيدي
وامس حلمت ان بنتي(عمرها 4 سنوات) لابسه مضعدين دهب
ياكثر حلومي

 

[Ms.Roon]

رد: تفسير احلام الحوامل (3)

حلمانه بنمله وانا الحين حامل فبيت بشهر التاسع
شنو تفسير النمله

 

[MissChoco]

رد: تفسير احلام الحوامل (3)

ام وليد انا حلمانه اني رايحه العمره وكانت خالييييه خفيفه حيل وجنه كانت بس حرمه وحده ادور عالكعبه وانا مستانسه انه مكه مافيها احد واقول حق الي معاي وناسه اقدر احب الحجر الاسود

 

[شرشر1]

رد: تفسير احلام الحوامل (3)

انا حامل ولي تقريبا 11 يوم من دخلت الشهر السادس
حلمي كان في فترة الصباح الضحى تقريبا

[color="darkorchid"]
الحلم : حلمت اني اولد في المستشفى عند دكتورتي اللي اراجع عندها وكنت احس بالام الولادة في الحلم
والدكتورة تقول لي ادفعي وانا احاول الدفع حتى ولدت وجابت لي الجنين وكان نوعه ولد وعلى طول اخذته وخرجت من المستشفى وكنت اتساءل في الحلم لماذا لم تكشف الدكتورة على الجنين وليش ما اعطته الابره
وبعدين صرت اراجع في المستشفى بهذا المولود لانه كان تعبان شوي .............انتهى الحلم[/color]

 

[دلوعه خطيره]

رد: تفسير احلام الحوامل (3)

مشكوره يالغاليه عسى تفسيرج يصدق ويخيب السونار

بالله بااسالك انا خايفه من البريعصي بالحلم لما دخل بثوبي هذا بذات تفسير ولد او شي ثاني لن امي موصدقه وخايفه من هذا الحلم لي



حلم اليوم جديد

حلمت اني ارضع ولد او بنت ماادري بس كان رضيع لابس لون ازرق سماوي ويشرب من صدري حليب كثير

هلا وغلا ام الوليد ياعمري ثقلنا عليج بس بغيت منج اجابه صريحه عن سؤالي هل في يوم من الايام فسرتي لوحده انها تجيب ولد وهي كانت مسويه سونار وقايلين لها بنت وطلعتي انتي اصدق من السونار بليز ردي بصراحه