شوفي حبيبتي الي قاعد يصير معك ظلم ومن حقك تتزوجين
صحيح أمك ولو تسين شنو تسوين ما تجازينها تعبها ورضاها بالدنيا
انا راح اعلمك خطوات سويها وإن شالله راحد تفيد
انتي بالاول ادعي ربي يخسرها لك
ثانيا جلسي معها بالهدوء اول ما تشوفينها بوسي راسها وايدها وقولي لها امي ابغى اتفاهم معك
قولي لها امي انا اعرف انك تحبيني وتموتين فيني وتحبين سعادتي لكن انتي قاعده تمنعين شي ربي حلله لي فهمني شنو السبب
ومع شويه دموع يمكن تتأثر
ثالثا اذا مافاد سوي مثل اختي اهلي كانوا رافضين تتزوج من شخص اتفقنا نوهم امي وابوي انها خلاص ما تبغى لا تاكل ولا تشرب (لكن في الحقيقه نهرب لها ما لذ وطاب) لدرجه زاد وزنها يمكن 4 كيلو لانها تاكل وتشرب وكله بالغرفه بس امي وابوي يقلون البنت بتموت من الجوع
واحنا نجي ونروح ونقول حق امي ترى البنت في ذمتك اذا صار فيها شي عيشناهم مأساه الله وكيلك اسبوع بعدها وافقوا
رابعا اذا مافاد لازم لازم تكلمين وحده من خلاتك ولا جدتك ولا عمامك لا عماتك تجمعوا ويسمعونها الكلام
واهـــــــــــــم شي ادعي ربي يسخرها لك ويحنن قلبها عليك وخاصه بالثلث الاخير من الليل وقتي جوالك على السعه 3 وقومي وصلي وادعي ربي وسبحانه ما يرد عبده خايب
وبنفس الوقت لا تخلينها تغضب عليك ولا ترفعين صوتك عليها ناقشيها بهدوء
صدقيني مهما كانت عسره وصعبه الدعاء والخطوات السابقه راح تجيب فايده
انتي لا قتولين ما يصير وما ادري شنو انتي جربي واستعيني بالله
وعسى نسمع ان شالله يوم الي تقولين لنا باروكي لي ملكت
