أموت و اعرف ...ليش البنت تاخذ واحد ........؟؟؟

[iLLuMinaTion]

السلام عليكم ورحمه الله وبركاته

موضوعي ..هو الفروقات بين الأزواج وتاثيره الكبير

ليش البنت تاخذ واحد غير متكافئ معاها نبي تجارب البنات ....

هل ...

- انتي شهادتج أعلى من شهادته

- هل انتي أطول منه

- هل انتي أكبر منه

- هل هو شايب وانتي صغيره

- عايلتج احسن من عايلته

كل وحده منهم له تأثير

شرايكم

 

[روحي تحبه غصب]

انا الله يسلمج شهادتي اعلى منه واهو اكبر مني باربع سنوات

والحمدلله اهوا اطول مني ومستوى العايله واحد

وما احس انه في فروقات بينا بالعكس متفاهمين لولا العصبيه اللي فيه جان صج انا محظوظه فيه

 

[Sweetq8]

مو شرط حبوبه الكل جذي

عادي ممكن هو اعلا منها او العكس

والعمر الاغلبيه يكون هو اكبر ولا يضر لو وحده خذت واحد اصغر منها لو اثنينهم راضين

والاهم التفاهم والاحترام

أنا شهادتي جامعيه وزوجي دبلوم والهشي مايسبب الحمدلله مشاكل لان التفاهم ولاحترام موجود

وثانكس ع الموضوع ^_^

 

[( مي )]

مهما كانت شهادتي أعلى
او أنا اقصر
او أكون أجمل

او عكس كل هذا

أهم شي التكافئ بالتفكير والمنطق والشخصية

لان لوو كنتوا نفس المستوى بكل شي بس واحد بالتفكير والأسلوب واحد شرق والثاني غرب ،، صعب يكون فيه تكافؤ

 

[Nokia N95]

مهما كانت شهادتي أعلى
او أنا اقصر
او أكون أجمل

او عكس كل هذا

أهم شي التكافئ بالتفكير والمنطق والشخصية

لان لوو كنتوا نفس المستوى بكل شي بس واحد بالتفكير والأسلوب واحد شرق والثاني غرب ،، صعب يكون فيه تكافؤ

اتفق معاج 100 % :ggdw:

 

[سمسمة كويتية]

مو شرط تلقين واحد مفصل عليج 100% الاختلاف حلو و هذي سنة الحياة و اهم شي الدين و الاخلاق اما الباجي كماليات

 

[senioreta n7oola]

رد : أموت و اعرف ...ليش البنت تاخذ واحد ........؟؟؟

- انتي شهادتج أعلى من شهادته

أيـــه .. آنا بكالوريوس .. أهو دبلوم


- هل انتي أطول منه

نو نو ماشاء الله عليه في فارق كبير .. مع ان طولي تمام إلا إذا لبست الكعب هم أهو أطول مني ..



- هل انتي أكبر منه


نو نو أهو أكبر مني بــ 5 سنوات ..


- هل هو شايب وانتي صغيره

نو نو عقله وتفكيره مناسب لعمره .. بس آنا
يقولي أنتي : ورعــه < يعني ياهــل


- عايلتج احسن من عايلته

كلنا أجــاويد .. فينا المتعلميين والمتثقفين وأهل شهادات .. وأهما كذلك ماشاء الله عليهم
متعلمين وأهل شهادات ..
وعندي حماي ( قاضــي ) ماشاء الله عليه ..




وغراااااااتسي حبوبه

 

[pяiήcєşš]

مممممممممممممم

والله الفروقات تأثر من نااحيه العمر اكثر شي وبعديين التعليم والاا المستوى المادي عادي ما يأثر بششي


اعتقد ...

 

[أو عبوش]

كلنا بنقول ليش تاخذ اقل منها شهاده
او ليش اكبر منها بالعمر ماكو تكافؤ
او ليش وليش وليش


بس تبقى القسمه والنصيب........... هو قبلنا ورايه اسرع من راينا.........


وبالنسبه لي شهادتي اعلى
ب هو اطول لووول
والجمال متكافئين
والتفكير الحمدالله تقريبا تقريبا متفقين لولا بعض العنااد

 

[بولندية]

بعيش الدور اني خذيت حبيبي من الحين بم ان خطبتي قريبة ومبدئيا اهلي راضين بإذن الله و الله يتمم علينا على خير و بركه ;p

عاد تقبلون مشاركتي و لا لآ؟؟ :\



ريل المستقبل اطوووووووووول مني بواااااااااااااااااااايد وشهادته اعلى من شهادتي بس انا اكبر منه ب6 شهوور

وبس

 

[aṕriliå]

رد : أموت و اعرف ...ليش البنت تاخذ واحد ........؟؟؟

صراحة لازم التوافق

اخذت واحد مستواه المادي بالنسبة لي مو شي

ماارتحت وياه

 

[.،:"$الـعـوبــــة$":،.]

رد : أموت و اعرف ...ليش البنت تاخذ واحد ........؟؟؟

لا صدقيني ،،
والله السالفة مو سالفة فروقات بالطول وبالمستوى المادي او الثقافي ،
السالفة سالفة توفيق من الله وقسمة ونصيب وبس .
والا لو بتشوفين بتلقين ناس بينهم فروقات فرق السما والارض ، وتعالي شوفي الحب والتفاهم الله لايغير عليهم ،​

 

[!@Bling@!]

كلنآ بكآلريوس ومنها للآعلى يارب ،،

اهوا اطول مني بس كلنا موذآك الطول لول

اهوا اكبر مني بثلاث سنوات

التفكير متقآرب

العآيله نفس المستوى ،،

 

[مـزآج ــــية]

و الله انا احسها توافيج من الله مو مستويات و تقارب

 

[ديانا سبنسر]

كل شي قسمة ونصيب

 

[brettey]

رد : أموت و اعرف ...ليش البنت تاخذ واحد ........؟؟؟

قسمه ونصيب حبوبه
بس هم في ناس تزوجوا واهم نفس الشهاده ونفس المستوى الاجتماعي ومو مرتاحين
اعرف وحده مدرسه خذت واحد يصير لها من بعيد شهادته متوسط الله يهنيهم على الحب والتفاهم الي بينهم عساني ما احسدهم انجح زواج شفته الى الان

 

[سنفوره8]

- انتي شهادتج أعلى من شهادته
اي حاليا
- هل انتي أطول منه
لا
- هل انتي أكبر منه
لا
- هل هو شايب وانتي صغيره
لا والله اهو اكبر مني ب 5 سنين
- عايلتج احسن من عايلته
لا والله احنا اثنينا عايلاتنا يشرفونا

 

[iLLuMinaTion]

مشكورين

 

[@ام ضاري@]

رد : أموت و اعرف ...ليش البنت تاخذ واحد ........؟؟؟


كلنا واحد

وبالنهايه توافيق

 

[حلوه ولمآحه]

المساله توفيق من ربي وقسمه ونصيب ،،