شنو الطريقه الصحيحه لشاي الاعشاب للأطفال؟

[قمه النعومه و الأنوثه]

:eh_s(17):السلام عليكم ورحمه الله وبركاته:eh_s(17):

مرحبا خواتي :eh_s(8):

شنو الطريقه الصح لشاي الاعشاب للأطفال؟

من حلبه ويانسون وبابونج وكروايه وخلافه الطريقه الصحيحه يعني احسن انقع الاعشاب بالماي المغلي ؟ ولا اغليها مع الماي ؟

ابي الطريقه الأفيد للطفل ؟:eh_s(10):

وشكرا​

 

[pink-rose]

هلا اختي
اعتقد تغلينها مع الماي علشان الماي يمتص المكونات احسن
وعلي فكرة انا اعطي بنتي جاي اعشاب ملوبا في عندهم اكثر من نكهه وبنتي تستانس عليهم

 

[قمه النعومه و الأنوثه]

هلا اختي
اعتقد تغلينها مع الماي علشان الماي يمتص المكونات احسن
وعلي فكرة انا اعطي بنتي جاي اعشاب ملوبا في عندهم اكثر من نكهه وبنتي تستانس عليهم

مشكووووووووره اختي عاد شفتهم بالجمعيه من يومين ..اشلونهم؟

لأني آخذهم من المطحنه واسويهم اي نوع احسن؟

وانا اسوي هالطريقه بس اللي سمعته ايقولون افضل يتنقعون بالماي المغلي عشان الفايده ..ابي اتأكد شنو احسن ومشكوووره حبيبتي..​

 

[قمه النعومه و الأنوثه]

للرفع​

 

[كسرة عود]

حبيبتي طريقة حلوة ومجربة ..... قبل كنت أشتري كل الأعشاب وأخلط ومايطلع طعمها حلو .......بس طحت على اختراع عجيب ( مو من عقلي من مرة كبيرة عندها خبرة بالأطفال )
ممغلي النعناااااااااااااااااع فقط مع حبتين سكر نبات
ماتتخيلين شلون مهدئ ......... روعة

جربي وادعي لي لاتنسيييييييييييين

 

[قمه النعومه و الأنوثه]

حبيبتي طريقة حلوة ومجربة ..... قبل كنت أشتري كل الأعشاب وأخلط ومايطلع طعمها حلو .......بس طحت على اختراع عجيب ( مو من عقلي من مرة كبيرة عندها خبرة بالأطفال )
ممغلي النعناااااااااااااااااع فقط مع حبتين سكر نبات
ماتتخيلين شلون مهدئ ......... روعة

جربي وادعي لي لاتنسيييييييييييين

مشكووووره حبيبتي جزاج الله خير ..انا ابي اعرف طريقه عمل الشاي في ناس ايقولون نغليه بعدين انقع الاعشاب لما يبرد نعطيه الياهل افضل ..وفي ناس ايقولون نغلي الاعشاب مع الماي انا ابي اعرف اي طريقه احسن وشكل الوصفه طعمها لذيذ ..

بس بسألج تنفع حق الياهل اللي عنده حساسيه او صدره حساس ؟

والله يوفقج ويهنيج ويخليج لأهلج ويخليلج عيالج اللهم آمين ​

 

[كويتية غالية]

مشكورة حبيبتي

 

[قمه النعومه و الأنوثه]

كويتيه غاليه:eh_s(17): حياج الله

وننطر تجارب البنات للتباحث في افضل طريقه مستخدمه​

 

[نسايم ليل]

شوفي حبيبتي انا دايما اخلط حق عيال اختي واحطها بعلبه

((ملعقه الصغيره مالت الجاي))

كمون ويانسون وحلبه وحبه حلوه

وكل مره ناخذ منها ملعقه صغيره ونحط ماي ازود من المميه ونخليه ليما يفوح ويكون بالمميه حبة سكر نبات وبالعافيه على الصغار

 

[قمه النعومه و الأنوثه]

شوفي حبيبتي انا دايما اخلط حق عيال اختي واحطها بعلبه

((ملعقه الصغيره مالت الجاي))

كمون ويانسون وحلبه وحبه حلوه

وكل مره ناخذ منها ملعقه صغيره ونحط ماي ازود من المميه ونخليه ليما يفوح ويكون بالمميه حبة سكر نبات وبالعافيه على الصغار

الله يعافيج يا رب :eh_s(17):..

خوووش خلطه مشكووووووووووووره عمري وجزاج الله خير ان شاء الله ..عاد في موظفه هنديه مسلمه اهي تمدح الكمون وايد للأطفال مشكوووره قلبي تسلمين يا رب ​

 

[ام فيصل الكويتيه]

اللي اعرفه حبيبتي ان الاعشاب ماتنغلي تنقع بماي مغلي عشر دقايق ثم يشخل بالمصفي ويشرب للصغار والكبار

 

[قمه النعومه و الأنوثه]

اللي اعرفه حبيبتي ان الاعشاب ماتنغلي تنقع بماي مغلي عشر دقايق ثم يشخل بالمصفي ويشرب للصغار والكبار

جزاج الله خير ام فيصل واللي سمعته عن هالطريقه اللي تنصحين فيها انها الأفضل للمحافظه على الفايده من الأعشاب بس حبيت اتأكد منكم خواتي عشان اتعم الإفاده بينا ونستخدم الطريقه الأصح للأطفال ​

 

[جاكليت]

حبيبتي انا أغليه بالماي مع سكر نبات واعطيه للياهل وعادة استخدم اليانسون وحبة حلوه

واستخدم بعد شاي الميلوبا

 

[عسولة الكويت]

انا اغليهم مع الماي واذا برد شوي احطه بالممبه مع شوية عسل طبيعي يسدح لج البيبي سدحه ماتسمعين صوته

 

[قمه النعومه و الأنوثه]

حبيبتي انا أغليه بالماي مع سكر نبات واعطيه للياهل وعادة استخدم اليانسون وحبة حلوه

واستخدم بعد شاي الميلوبا

تسلمين عمري مشكوره عمري على الإفاده جزاج الله خير وشوقتوني على الميلوبا اهو من الجمعيه؟

 

[كيت كات]

هلا وغلا
بالنسبة للملوبا وايد حلو يحبه الياهل
واكتشفته توني...ولعمل شاي الاعشاب لا تغلينه لاني كنت اغليه وقريت ان النقوع افضل بالماي المغلي حتى لوتقرين بشاي ميلوبا انج تضيفينه للماي المغلي بس

 

[قمه النعومه و الأنوثه]

انا اغليهم مع الماي واذا برد شوي احطه بالممبه مع شوية عسل طبيعي يسدح لج البيبي سدحه ماتسمعين صوته

لوووووووووووووووووول تسدح الياهل هااااااااا

وناسه اتشوق طريقه العسل خووش طريقه تسلمين عمري..بس اللي اعرفه البيبي بعد السنه يقدر ياخذ عسل على ما اعتقد

 

[قمه النعومه و الأنوثه]

هلا وغلا
بالنسبة للملوبا وايد حلو يحبه الياهل
واكتشفته توني...ولعمل شاي الاعشاب لا تغلينه لاني كنت اغليه وقريت ان النقوع افضل بالماي المغلي حتى لوتقرين بشاي ميلوبا انج تضيفينه للماي المغلي بس

هلا وغلا فيج حبيبتي تسلمين يا رب ..

مشكووووووووووووووره عمري على الطريقه الصح تسلمين يا قلبي وانا جذيه كنت ماني عارفه الأنسب جزاج الله خير عمري وتسلمين يا رب

 

[رشيقه]

مره سمعت طبيب اعشاب يقول
الاعشاب غلط انج تغلينها

بس حطيها نفس التي باق

يعني حطي الاعشاب بالجدر مثل مقدار قفشه صغيره و صبي عليها ماي مغلي
وخلينها تنقعد ليين تبرد وبعدين شخليها و حطيها بالمميه

 

[قمه النعومه و الأنوثه]

مره سمعت طبيب اعشاب يقول
الاعشاب غلط انج تغلينها

بس حطيها نفس التي باق

يعني حطي الاعشاب بالجدر مثل مقدار قفشه صغيره و صبي عليها ماي مغلي
وخلينها تنقعد ليين تبرد وبعدين شخليها و حطيها بالمميه

تسلمين عمري وانا اللي عرفته هالطريقه بس قلت اتأكد جزااااااااااااااج الله خير عمري والله يخلي لنا عيالنا ويحفظهم اللهم آمين يا رب العالمين وان شاء الله تعم الإفاده لكل الخوات