^^^^عدت بقصتي الثانية (( بنات بو محمد في مهب الريح )) ^^^^

[حبيبه امي]

ماتشوفين شر حبيبتي
ناطرينج

 

[جروح الحب]

ما تشوفين شر يالغلا
نااااااااااااااااطرينج

 

[روح الدنيا]

ما تشوفين شر اجر و عافيه

 

[سارووونه22]

ماتشوفين شر حبوبة

 

[6amni bs]

رد : ^^^^عدت بقصتي الثانية (( بنات بو محمد في مهب الريح )) ^^^^

ماتشووفين شرررررررر
ناطرين

 

[Babya Doll]

salamaat ma tchofeen shar ;*

 

[fato_kw]

سلامات ماتشوفين شر

اجر وعافيه يالغاليه

 

[fato_kw]

مو مستعيلين عالبارت عاادي ننطر ماعندنا شي


اخذي راحتج وماتشوفين شر

 

[كاسبرينوو]

ما تشوفين شر =)
ناطرين ما ورانا شي اهم شي صحتج حبيبتي

 

[sweet.sanfoora]

waiting

 

[DA3LOoOLA]

ماتشوفين شر حبيبتي وأجر وعافية انشالله

 

[عسوله تنقط عسل]

ما تشوفين شر حبيبتي


:33_1185028183:

 

[miss disaster]

سلامات وما تشوفين شر

 

[so_what]

waiting

 

[توتا كويتيه]

Mshkoooooooooooooooooooooooooora ya 8lby
Al bartat 7dha 3jebba
W al rwaya wayyyyyyyd 7lwa
Y36ech al 3afya ya 3omry
Aallah yrz8ny b 5ala nfs om shab 8oooolw 2meen
Nn6r al bart al yay 7bebty

 

[MaFaZ]

تحدد يوم عرس ماجد .. ماجد كان مغلق اكثر من انه فرحان .. غالية كانت تموت وتحيا بمكانها شلون عمتها هان عليها انها تزوج ماجد وان شلون ماجد رضى بامر ابوه .. بس بينها وبين نفسها تدري انها غلطت وغلطها كبير ومو هين .. طبعا عشان ماجد يراضي مرته ومن غيلا لحد يدري خذا قرض بو ست الاف وعطاها مثل ترضية تروح تشتري اللي تبيه .. وعلى الاقل تنسى ان بيتزوج عليها .. ووعدها ان ما راح يتغير عليها وتخسي العروس الجديدة تاخذه منها ..

هالحجي ما يبرد قلب مرة محترقة على ريلها والضرة اليديدة.. بس نوعا ما على الاقل تحرق الوقت عليها ..

رقية ورباب تجهزوا بزيادة للعرس رقية تجهزت عشان بدر .. لان يحب هالسوالف .. ورباب لانها طلعت من النفاس طبعا رباب اجلت طلعتها يوم عشان تبي تطلع من العرس بكشختها ..

البنات طلبوا لهم وحدة تنقش حنة .. الكل نقش على ايده وريله وحتى الصالون حق شعرهم ومكياجهم ...

طبعا لا انتصار ولا خلود ولا رقية ولا رباب يعرفون عن اهل البنت اي شي .. الا اللهم انهم شافوا الام والاخت الكبيرة بسسسسسسس

اما باجي البنات لا شافوهم ولا يذكرون انهم شافوهم من قبل عشان جذي كانوا يبون يكشخون عشان يبينون جدام الناس جناين وبنات ام شهاب كشخة وحلوين ومسنعين .. وخاصة خلود تبي تبين حلوة جدام حمولتها

وبالعرس كان الكل عينه على رقية ... كانت لابسة بدلة فوشية وايد حلوة ومع لونها الفاقع والمكياج الصارخ والتسريحة كان شكلها روعه الكل يسال عنها مو مصدق انها رقية بنت بو محمد ... يعني اهي حلوة بس هالمرة غير احلى واحلى .. وكل ما كان احد يتلها بيرقصها ام شهاب تقعدها .. لان الحمل ما بين عليها لحد الحين مع انها ببداية الرابع .. وماتبي تقول للناس الحين الا ليه بينت بطنها ومن كثر ما جسمها يهبل خافت عليها من العين والفزة

اهل العروسة كانوا لا يهشون ولا ينشون ما شاء الله دخلت ام العروسة(( ام مبارك )) ووراها بناتها ... ساتول .. من كل الاعمار ..

ولما دخلت العروس .. دخلت وياها اختها .. طبعا العروس كانت اية من الجمال ويهها طفولي بالرغم من المكياج والتسريحة وبدلة العرس .. وكان مبين عليها انها من اهل الله ماتدري وين الله حاطها اختها تييبها مني وتحطها مني .. دخلت واهي مستحية ... لكن رقية لما شافتها حست انها من تحت ليه تحت يعني هدوئها وراه شي ...


المهم تم العرس على خير .. الكل استانس وتعشوا الناس .. وصوروا البنات مع بعض ومع الاهل ومع رياييلهم ..

وبالليل كل وحدة راحت غرفتها والحين راح نستعرض شنو صار بكل غرفة من غرف عيال ام شهاب


خل نبدي في غرفة ماجد المعرس .. معرسنا : ) الله يستر

ماجد: قعدي شفيج واقفة
مشاعل: انزين

دخل ماجد واهو ما يطالع مرته الا اللهم ان لمح انها واقفة بنفنوفها الكبير الابيض حتى ما لمح شلون صايرة اللي لابسة هالنفنوف .. قط غترته عالسرير وبطل زراره الاول ودخل الحمام .. وطبعا طول بالحمام .. وطبعا تعمد ان يطول لان ما كان وده يدخل عليها ولا وده ان يتزوج على مرته بالرغم من غلطتها الا ان ماجد يحب غالية على عيوبها وغلطاتها .. ولا جان ما تحمل مصاريف خواله وطلباتهم اللي تشيب الراس واقنع ابوه كثر ما يقدر ونص طلبات خواله سواها من غير لا ابوه يدري .. وغير كل هذا اتم غالية ام عياله .. فشلو نالحين بياخذ وحدة بالغصب .. بامر من ابوه ؟؟ ما يعرفها ولا تعرفه ولا يدري عنها شي .. حتى مو شايفها من اول ولا وكان وده ان يشوفها

طبعا هذي كانت الافكار اللي تدور في بال ماجد واهو بالحمام .. انتبه على نفسه ان تاخر وايد بالحمام ومهما لو كان مو ذنب البنت باللي صاير فكر فكر عشان يدور حل وشلون يتصرف ؟؟ فما لقى الا ان يطلع ويكلمها ويفهمها الوضع شلون صاير هم اهي لها حق انها تعرف وتكون بالصورة ..

خلص شغله بالحمام عزكم الله وطلع ماجد من الحمام واول ما طلع انصدمممممممممم


شاف جدامه ملاك ... اية من الجمال ... جمال عمره ما شافه ولا راح يشوفه .. قلب دق .. وحالتها انعفست وانخبص مايدري شيسوي انربط لسانها لدرجة ان ما قام يرمش .... اصابته حالة من الذهول ... اصلا نسى كل الكلام اللي قاله حق نفسه بالحمام .. شنو هذا ومن وين هذا ؟؟ هالجمال والرقة والانوثة وينها كانت عنه ...

مشاعل بدلت .. فصخت نفنوفها .. ولبست قميص النوم العرايسي .. وقعدت على طرف الفراش .. عشان جذي لما طلع شافها بويهها منزلة عينها مستحية ..

بمكياجها وتسريحتها .. تمعن فيها ماجد .. كل شي فيها حلو ... الخشم العيون .. يمه عالعيون .. الحلج .. الخدود .. الجتوف الشعر اللي طالع من نص يبهتها .. كل شي كل شي يا سبحان الله وما لقى نفسه االا يقول : سبحان من سواج


قعد يمها ماجد واهي لحد الحين منزلة راسها .. كانت تفوح منها ريحة طيب وعود تدخل القلب ما تطلع .. اصلا ماجد حس جنه مراهق واول مرة يحب .. لدرجة ان كان يكلم نفسه بقلبه ويقول وين كلامك يا ماجد من ثواني كانت بتطلع تفهمها الوضع .. من ثواني كنت مو قادر تتخلى عن غالية ولا تشاركك وحدة ثانية معاها وين هالكلام كله وين راح ؟؟ وما لقى الا نفسه ترد عليه وتقول هذي زوجتك وبالحلال صغيرة وفطفوطة وتحت امرك وطوعك والشرع محللك اربع بدل الثنتين .. وهذي خذيتها بعباتها لحد تشرط ولا احد طلب وكسر ظهرك .. هذي اهلها تمنوك منوة مع ان انت اللي تمنيتها من اول مماشفتها .. جمال وجسم ورقة .. شفيك يا ماجد حلالك ... زوجتك ولحد يقدر يحاسبك ويقولك ليش وشحقه .. وغير كل هذا .. هذا امر ابوك ولا يمكن انك ترد له طلب ..

وينك عني يا يبه من زمان ... وفجأة ما لقى نفسه الا يقول لها
ماجد: انتي جم عمرج ؟؟
مشاعل: 16 سنة
ماجد: جم ؟؟
مشاعل: (( بصوت اعلى شوي )) 16 سنة
ماجد: ممممممم انزين انتي تدرين انا جم عمري؟؟
مشاعل: مادري
ماجد: انا عمري 30 سنة ..
مشاعل: اها
ماجد: يعني لما انتي كنت بيبي انا كان عمري 14 سنة رجال شواربي خاطة ... انزين انتي شفيج ساكتة ؟؟

مشاعل: (( ساكتة ))
ماجد: مستحية مني ؟؟
مشاعل: (( ساكتة ))
ماجد : انزين طالعيني


وبغرفة بدر

بدر: يا بووووووووووية انتي شناوية علي
رقية: شوف اي حركة راح اصرخ
بدر: ليش تصرخين ؟؟ اقول خلاص لازم تتعودين علي حبيبة بدوري انتي تدرين فيني انا لو لبستي بجامة استخف هالمرة جذي .. (( مسكها من جتوفها حيل ))
رقية: بدووووووور تعورني
بدر: ليش لابسة جذي جدام الحريم .. ولج اغار
رقية: صجججججج .. عيل موت من الحرة خطبوني
بدر: صج؟
رقية: لا وين منو يتجرأ وهم يدرون اني حرم بدر
بدر: عبالي بعد .. واي الفوشي لاعب فيني .. تعالي بقولج سر بالسرير
رقية: شوف راح اخليك تقوللي بس على شرط
بدر: وليه لا تشوفين نفسج علي تراح ما اتحمل دلع
رقية: ولا الله هو مو دلع ولا شوفة عمر بس شوف انا دكتورتي قالت ما يصير عنف اوكي عشان البيبي .. عشان ناصر ..
بدر: اي ناصر ؟؟
رقية: مممم نصوري ولد بدوري
بدر: يا بووووووووووووووووووووي رحتي فيها




اما في غرفة شهاب

شهاب: هلا .. وغلا .. اسفرت وانورت .. وااااي يا رباب شكثر مشتاق لج (( لمها حيل ))
رباب: وانا بعد ... مشتاقتلج موت يا شهاب
شهاب: ماتدرين هالاربعين شسوا فيني .. تعذبت والله يا ام احمد ...
رباب: يا قلبي انته وانا بعد اشتقت لك موت ..
شهاب: كاني عندج يا عمري .. الف الحمدلله على سلامتج و ان شاء الله الله ما يفرقنا بعد

رباب: فديتك يالغالي
شهاب: شوفي بقولج شي
رباب: شنو .. خير
شهاب: خير بويهج لا لا تخافين ماكو شي بس شوفي انا اذا شبعت منج وعيننا من الله خير ههههههههههههههههه بنزل بجيب ولدي
رباب: ههههههههههههههههههههههههه اوكي مشتاقتله الخايس اليوم كله ما شفته عدل مع انه مسهرني ومتعبني بالبجي بس حبيبي ما اقدر افارقه
شهاب: وانا بعد مشتاقله اليوم ما شفته .. فبنزل بجيبه بعدين
رباب: بعدين ؟؟ (( تطالعه بدلع ))
شهاب: بعدين



خنشوف شنو حالة معارسنا الثلاثة ماجد وشهاب وبدر ؟؟

ماجد قعد ما لقى مشاعل يمه
بدر قعد واهو لام رقية واهي نايمة بحضنه
شهاب ما نام اصلا عشان يقعد كان اهو ورباب سهرانين مع احمد


قام ماجد وعالحمام على طول خذاله شور وطلع الصالة ولا يلاقي مشاعل مزهبتله ريوق ومبدلة وناطرته .. كانت لابسة دراعه لونها ازرق سماوي فالة شعرها وحاطة ميك اب خفيف وكانت احلى واحلى من امس ..
مشاعل: صباح الخير
ماجد: صباح النور .. انتي متى قعدتي
مشاعل: الساعه 8ونص
ماجد: شمقعدج من الصبح جان نمتي .. مو تعبانة من امس ؟؟

طبعا اهني ويه مشاعل اختبص واستحت ووويها احمر .. ماجد حس ان لازم يرقع لان حالة البنت يرثى لها
ماجد: صالون و الحريم وقومة وقعدة .. عالعموم تسلم ايدج عالريوق من زماان مو متريق مثل هالريوق ..
مشاعل: ما لقيت غير هالاكل في المطبخ
ماجد: اي انا ما جيلت ولا حطيت شي هذي امي مصعدتهم يمكن الله ريحة البيض روعة .. اول مرة اشم ريحة بيض جذي ؟؟
مشاعل: هذا بيض بالحليب والعسل
ماجد: شنو ؟ شلون اول مرة اسمع (( يحط لقمة بحلطه )) اللللللللللللللللللللللللله عجيب
مشاعل: ينخلطون مع بعض عدل
ماجد: تسلم ايدج قعدي تريقي معاي


قعدت مشاعل يم ماجد .. بس كانت بينهم شبرين تقريبا لان الغنفة ما تكفي ..حس ماجد براحة عجيبة .. اول مرة يحسها مو حب ولا وناسة .. لا راحة .. وهدوء .. حس لاول مرة ان في احد يهتم فيه .. مع ان غالية ما كانت مقصرة .. بس غالية كانت تهتم بكشخته كانت تهتم بشكله .. ما فكرت يوم تشوف شنو يبي ياكل شنو وده يسوي شنو يحب يسوي .. كان كل همها شكلها طلباتها ووجود ماجد .. وان ماجد اييب لها فلوس ويرضيها ويريحها .. كانت تحب ماجد بس بطريقتها الخاصة ..

بس الشعور اللي يحسه ماجد مع مشاعل غير مع ان ما كمل وياها غير يوم واحد بسسسس .. ظل يطالع الريوق .. التفت عليها ظل يطالعها .. شلون منزلة راسها ومستحية منه بالرغم من ان صار ريلها واهي صارت مرته .. وتذكر شلون كانت غالية تتعزز عليه وتتغلى من اول يوم وبليلة العرس وتحسسه ان مات على ما قدر يوصلها .. كاهي يمه حورية .. ملكة جمال .. تحت امره وطوعه تسويله من غير لا يامر .. فشلون اذا امر ؟؟؟


نزل بدر ورقية تحت لقوا ام شهاب مسوية ريوق .. وتوهم توهم بيقعدون ولا شهاب ورباب ينزلون بيدهم احمد توه نام

شهاب: صباح الخير جميعا
رباب: صباح الخير
ام شهاب: ها صباح النور والله شكلكم مو نايمين عشان تصبحون .. ليش خذيتوه جان خليتوه عندي
رباب: لا ماعليه خالتي هم انتي تعبانة من لوية العرس ..
بدر: هاردلك يا بو احمد
شهاب: جريب وتجرب اللي احنا شافينه
بدر: يصير خير اقلط اقلط .. خووووووووش ريوق ام شهاب مضبطتنا اليوم جان زين كل يوم ولدها يعرس ..
شهاب: الحقي رقية بدر شكله بيعرس ..
ام شهاب: ههههههههههههههههههه الله يقطع ابليسكم .. اكلوا بس اكلوا .. هاتيه يمه عنج خل اوديه غرفتي ينام ..
رباب: لا خالتي اخاف عمي نايم
ام شهاب: لا ماعليه هذي نومته ..خلاص ما راح يقعد .. عشان يسهركم بالليل .. الله يعينج يا يمه ..
شهاب: (( ياكل زيتون )) الا المعرس وينه
ام شهاب: بعد اكو احد يسال عن المعرس .. قلتها معرس .. يعني وين بيكون .. عليكم اسئلة .. تريقوا ونتو ساكتين لا تقعدون الولد ..

 

[MeeMeeYoo_2]

يعطيج العاااافيه

 

[روح الدنيا]

اف اف اف اف :eh_s(2):


احترق قلبي على غاليه :eh_s(2):


صج انها حقييره بس ولوو مو ينساهااا عشان بنت حتى لو صارت زوجته وين وعوووده وين كلامه :eh_s(2):


و الكل مستانس و فرحان و محد حاس بحرقتهااا :eh_s(2):


ليش الدنياا جذي بسرعه الانسان يهون ع الانسان :eh_s(2):



يا رب لا تحطني بموقفها :eh_s(2):


مادري ليش حسيت رقيه و رباب حقيرات و لا همهم مع ان الكلام اللي قالته صح صج طريقتها غلط بس يبقى صح


:eh_s(2):


والله ماحب جذي احسها خيانه مع انه شرع الله


مشكووره ع البارت الحلو و اللي يحرق :eh_s(2):

 

[سارووونه22]

يعطيج العافية

 

[MaFaZ]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

سلامات بعد قلبي ماتشوفين شر حبيبتي

اهم شي صحتج وترى مو مستعيلين عالبارت عاادي ننطر ماعندنا شي


اخذي راحتج وماتشوفين شر مرة ثانية :tek:

ماتشوفين شر

سلامات ماتشوفين شر حبيبتيي

ما تشوفين شر ان شاء الله

سلامات ماتشوفين شر حبوبه

مشكورين حبيباتي بعد عمري ما قصرتوا على هالدعاوي الحلوة فديتكم نفر نفر :eh_s(21):