بتسافرين النمسا والمانيا هالصيف؟؟!! حياج بتجمعنا صيف 2010

[dreamer_33]

لا اقصد يوروب بارك

 

[*الزينه*]

Love \ Hate

بجم لقيتي الميريديان ؟؟؟

جم يوم اقعد في فيينا ؟؟ ساعديني لووف :***
والله مو عااارفه اخطط كلللش يقولوون فيينا غاليه صج انا مابي سووق ابي زيلامسي وبنروح سالزبورغ بالسياره وكابرون للثلج هالمناطق اللي قريبه زبيلامسي

مزيونة الهيلا تمدح رومانتيك هوتيل بشوفه
بس فندق سي هوتيل يمدحوووونه بالمسافروون العرب

 

[كوب كابتشينو]

انا ابي مخطط
كل وحده تقوللي على اي خطوط حجزت وسوت الفيزا والا لا

 

[Love \ Hate]

هلا والله بنات

انا بيني وبينكم ماكنت حاطه في بالي فيينا اول شي بعدين الكل قاللي رايحه النمسا وماتروحين فيينا حراام

عشان جذي حطيتها بالجدول ...

شوفي مزيونه الصرف يعتمد عليج يعني فيينا خليها كفيهات ومطاعم وتمشي لاتتشرين منها انا مفكره جذي وخلي السوق حق ميونخ ...

كوب كابتشيونو شهيتيني بالكابتشينو حسبي الله على ابليسج وانا صايمه امخططي لعيونج :

كويت - فيينا - سالزبورغ - زلامسي - ميونخ - كويت

فيينا 3 ليالي قلت بتمشى فيها عدل
سالزبورغ 3 ليالي بعد
زلامسي 4 ليالي
ميونخ ليلتين

والفيزا ليلحين ماسويتها

 

[White Musk]

مساكم الله بالخير
لحقوا صورو صور بخلفية زرقا وطلعو الفيز ماباقي شر على السفرة

 

[dreamer_33]

حلوووو المخطط جذي

انا فيينا حبيتها ماادري ليش

بس اهم شي الفيزا تسوونها اعرف ناس تكنسلت سفرتهم لسويسرا بسبة الفيز ماطلعت لي يوم سفرتهم تخيلي

 

[White Musk]

مبارك عليكم الشهر


وااااااو بصراحة السفر روعة وخاصة اوروبا صج ليقالوا اوروبا جنة الله في الارض .......... ان شاء الله السنة الياية اذا الله كتبلنا

عمر بخاطري اروح باريس بروكسل امستردام او سويسرا ايطاليا .........ام مهاوش ان شاء الله وين ناويه ؟؟؟؟سويلنا تجمع يديد خنشوف راي البنات




بنت الشيوخ اوروبا بالسبتمبر بداية البرد اما الخطوط ما ادري عنها ان شاءالله البنات يفيدونج وتروحين وتردين بالسلامه ولا يطوفج

المطعم الهندي في فيينا قمة

الله يكتب لج وتسافرين
بس نصيحة اذا بتروحين هولندا لا تروحين بروكسيل
هولندا ارقى واحلى وفيها مناطق حلوة تشبه طبيعة بلجيكا بروكسل رخيصة وحلوة
ممكن تزورين يوم بروج
يوم انتويرب
ويوم تتمشين بالساحات القريبة وتتسوقين
وبس كافي

يا بنات شدو الحيل ما شبعنا من السفر خلونا نخطط للسفرة الياية ههههه

 

[White Musk]

أم مهاوش ثاااانكس على طرح الموضوع الروعه الله يوفقج :*

وايت مسك انتي خيااال خدومه وحبوبه مشالله عليج الله يخليج لعيالج :*

وكل البنات اللي شاركووووو مشكورين واااايد فدتوني

حاضرين للطيبين:eh_s(7):

 

[dreamer_33]

لووووول وايت مسك وين النية انشالله ؟؟

>>> من الحين نخطط خخخخخخ

 

[مزيونة الهيلا]

الله يكتب لج وتسافرين
بس نصيحة اذا بتروحين هولندا لا تروحين بروكسيل
هولندا ارقى واحلى وفيها مناطق حلوة تشبه طبيعة بلجيكا بروكسل رخيصة وحلوة
ممكن تزورين يوم بروج
يوم انتويرب
ويوم تتمشين بالساحات القريبة وتتسوقين
وبس كافي

يا بنات شدو الحيل ما شبعنا من السفر خلونا نخطط للسفرة الياية ههههه

على وين ناوية وايت ماسك؟؟؟؟؟؟؟؟ان شاء الله اذا ماحن ريلي على الحمل بروح باريس ومنها لبروكسل رفيجتي تمدحها تقول نفس طريقة فينيسيا وبروح امستردام الله يكتبها ان شاءالله ..........بس هالمره عيالي معاي علشان ديزني لاند ............

 

[مزيونة الهيلا]

قوة بنات

ابي منكم خدمة عفية
ابي شنو احسن خطة حق النمسا وسويسرا لمده 15 يوم تقريبا

ومشكورين وضرووووووري عفية الرد
وانا ابي انترلاكن وزلمسي قولولي رايكم

بصراحة ما رحت سويسرا ...........والي اعرفه انه انترلاكن نفس زلمسي واحلى ........ليش ما تخلين السفره كلها

سويسرا ......او كلها النمسا لانهم نفس الطبيعة واريحلج بدال التنقل من منطقة لمنطقة احسه تعب ........بروحها النمسا

تنقلات ورحلات بتتعبين وانتي براحتج .........

 

[خشف بدو]

هلا وغلا دريمر اي كنسلتها خلاص

اتوقع تقصدين انترلاكن صح ؟؟ كنسلتها ..

بس بنات انا الحين واقفه على الفيزا !! من وين اطلعها ؟؟ لازم من سفارة النمسا لاني اول ديره بطب فيها اهيا فيينا ..

شرايكم اسويها بنفسي ؟؟؟ ولا مكتب ؟؟ اللي عنده خبره يفيدني بلييييز ويعطيني رقم المكتب اذا مجربه

حبيبتي انا مسويها لنا المكتب بس خذا مننا الفلوس والصور وسواها لنا اريح لج..
لا ماله شغل الدوله الاولي الي بطبين فيها اذكر انا فيزتي مسوينها لي من السفاره الفرنسيه وعادي ماقالو لنا شي..

 

[خشف بدو]

بنات لا طوفون فيينا بصراحه مو طبيعيه يما احلى مكان رحت لها عجبتني اكثر من زلامسي...
فيينا رحلاتها واجد وفيها اماكن حلوة لا تنسون مغارة هتلر والزحلاقيه الصيفيه..ملاهي بلاتر وجبل بانوراما بصراحه موقعه مو طبيعي تشوفون فيينا كلها..ورحله الباخره الي بنهر الدانوب..يالله يافيينا صج يوم قالت اسمهان ليالي الانس في فيينا

 

[كوب كابتشينو]

بنات شلون سوق النمسا؟؟؟
ووين احلى الاسواق فيها حق صوايغ؟؟يعني شي حلو وسعره مناسب

 

[خشف بدو]

كابتشينو..عندج محلات c&a هذا نفس طقة سنتر بوينت عنده شغلات حلوة ورخيصه..
لكن بصراحه انا عجبني سوق ميونخ لان النمسا ماحسيت سوقها حلو لان اكثرها رحلات رحنا..

 

[كوب كابتشينو]

انزين يعني ميونيخ جم يوم يبيلها؟

 

[*الزينه*]

بنات ابي تذكره كويت فيينا ميونخ كويت
او كويت - ميونخ فيينا كويت

وما تكووون غاليه حييل

 

[Love \ Hate]

الزينه حبيبتي ميريديان يختلف من النت او السفريات ..

انا عطاني اياه السفريات 3 ليالي 200 دينار ؟؟ بس مادري احس جنه مو اكيد ؟؟ المفروض يكون اغلى صح ؟؟

لووووول وحده شاكه بالرخص !! بمره انا هاليومين انشالله اشوف شالسالفه

 

[Love \ Hate]

الزينه .. خلي روحتج كوين - ميونخ .. وبعدين انتي بتروحين زلامسي صح ؟؟

خلي خطج :

كويت - ميونخ - زلامسي- سالزبورغ - فيينا .. انا خطي بالقطار

فيينا انا خليت لها 3 ايام .. بصراحه مارحت لها ؟؟ بس قلت عن الحسافه

 

[ام عفاف الكويت]

مساكم الله بالخير
لحقوا صورو صور بخلفية زرقا وطلعو الفيز ماباقي شر على السفرة

سؤال
الحين الصور انا ايبها او من السفارة
امي لما راحت لندن السفاره هناك المصور بدينار ونص
بس جنه قالت خلفيه بيضا ؟

انزين انا بروح المانيا اصور تنصحوني وشنو الخلفيه ؟
انا وعيالي مايصير نفس صوره الجواز ؟:23_asmilies-com: