اسلام لندنيات اشلونكم..أم عبودي الحمدلله عالسلامه..وسلامتها بنيتج حبيبتي ماتشوف شر..اشلونها ألحين..وان شاءالله بالسفرات اليايه اخذيها معاج خل تستانس..أمبيه سالفة التفتيش بالمطار كلش موشي خلتني قمت احاتي ..شنو لابسه شي خله الجهاز يصفر؟ماعرفتي من شنو؟ وقاعده أفكر عالشحن أنتوا تقريبا كم كيلو كان عندكم اللي خذوا 60 دينار؟؟ لأن آنا بالمطار خذوا 300 باوند تصوري 150 دينار على 15 كيلو فأكيد الشحن أوفر..أم العيال اشلونج شخبارج..
اهلين مرو ياعمري الله يسلمج من كل شر يارب
وان شاءالله مرة ثانية معاي بنتي لان بس احسها كبرت واخاف اخليها باي مكان
ودي اروح اامارات ربوع تشوقنا عالسفر بس مخططة حق حمال ابي اخت او اخو حق بنتي وان شاءالله بعد الولادة بسافر لان الحين قادين نخطط حق البيبي وتدرين الولادة تكلف المستشفى انا عادي مو مهم عندي اسوي استقبال وكاكاو وخرابيط لا عادي بس المهم اولد بمستشفى زين والحمدلله قنوعه وما اخب عمري بالاستقبال <<<<<<<واثقة ههههههههههههه
مرو وعلى الوزن ما اذكر عدل بس جنه ب52 يمكن تضربين جم كيلو ب1.40 ((هذا الباوند واربعين ))
وياخذون منج ستين باوند حق المطار اذا مو مضيعه بالارقام كل طلع علينا ب120 باوند
ورقم السايق عند زوجي ان شاءالله اخذه منه واعطيج ياه
هلا والله بأم عبودي
شالغيييييبه ياحلوووه الحمدالله علي سلامتج عند التفتيش ياحلوه لاتلبسين شيء في حديد وإكسسوارات وساعه فصخيهم
حطيهم بالعلبه اللي بالتفتيش لأن الجهاز راح يصفرررررر
أنا معاج معاج معاج إبتدي بمشروعج
ليش لأ والله يرزقج والمعارض وايد إخذي طاوله وعرضي أو إشتركي بالمنتدي كتاجره عرضي جربي
اله يسلمج ياقلبي والحمدلله على سلامتج
عاد والله ان فصخت الجاكيت حتى وتيي تكرمين فصخته
وعلى المعرض ان شاءالله ببدي فيه شوقتوني عليه
مرو اذا بتييبين بضاعه ييبي اشياء غريبه
حتى لو حق اليهال انا ودي اروح الصين
