رد: ◦˚εїз˚◦ حملـــة: لنبـدأ بتغييـر حياتنا للأفضـــل ◦˚εїз˚◦
السلام عليكم يا احلى بنوتااااااااااااااااااااااااات
وآآآآآآآآآآآآآآآسفة عالغيبة ,,
اللي اولها كان اجباري ,, لان المنتدى ما كان يفتح معاي ,,
واذا فتح شوي ويرجع يسكر ,,
علشان كذا اللي شافوا نكي تحت ,, بس ما قدرت ارد عليهم ,, غلاي و العود والبخور ,,
سامحوني ما رديت عليكم بس والله مو مني من الموقع ,,
واكييييييييييييييييييييييد مو شايلة بقلبي اي شي ,, والله اني اششششششششششتقت لكم حيييييييييييل ولسوالفكم >> طبعا قرات كل الصفحات اللي فاتتني ,,
وابي اقول يا العودي ,, بدددددددددددددددددددددددعتي بقصة الالبوم اللي اول شي ببدا فيه ^_*
وغلاي ,, عظم الله اجررررررررررج ,, وجزاها الجنة ان شاء الله ,,,
هذا اول سبب خاص بالمنتدى ,,
بس ثاني سبب اني تعبت شوي ,,
مع اني مع الحملة تغيرت الحمدلله ,, من الناحية الدينية والاجتماعية ,,
باول الحملة قلت لكم من اهدافي الاجتماعية اني اقوي علاقاتي مع ناس تربطني فيهم علاقات حلوة بس مشلكتي مقصرة بالتواصل ,,
الحمدلله هالنقطة فيني اقدر اقول تغيرت 180 درجة وبديت اتوااااصل واسال اكثر ,,
الناحية الدينية ,, الحمدلله ,, ما خليت ولاشي يشغلني عن قراءة القران وخصوصا سورة البقرة ,, والاستغفار ,, والصدقة ,,
والله يقدرني واسوي شغلة براسي من سنيييييييييييييييين ,, لا سويتها وضبطت بقولها لكم ان شاء الله ,,
بس كل اللي قلته بكفة يا بنات واللي صار من اسبوع بكفة ثانية ,,
يوم الثلاثاء من الاسبوع اللي فات ,, تحديدا تاريخ 11 / 5 / 2010
صار لي موقف بالدوام مع واحد هندي >> اغلب الموظفين عندنا من هالجنسية ,,
المهم ,, هذا الهندي ما يبيني بالشغل >> اصلا ما يبي القسم النسائي كله ,, اللي ما صار له الا شهرين من فتح ,,
من اول ما احب اتعامل معاه ,, واتجنبه قد ما اقدر ,,
بس يوم الثلاثاء استفززززززززززززززززززززني بشكل مو طبيعي ,, وانا سسسسسسسكت وما رديت ولا بحرف وبينت له اني مو مهتمة ,,
بنات انا ما ادري ليه ما رديت ,, هل لاني ابي اغير اسلوبي من ناحية المجادل الزايد والهواش !! او لاني من داخل احس مابقى فيني حيييييييييييييل ارد على اي شي !!
المهم ,, انا مشيت بس برااااااااااااااااااااااااااااااااااااااااااااااااااااكين تغلي بقلبي ,,
والطامة كانت ثاني يوم ,, جاني نزيف ,, بالاول فكرته لخبطة هرمونات ,,
بس اللي صار شي ثاني ,, كمية دم مو طبيعية ,,
جاملت اللي حولي وجاملت نفسي وقلت مافيه شي ,,
حاولت اتجاهل الموضوع طووووووووول اليوم بطريقة ما تتخيلونها واعتبر انه مافيه شي ,,
لين قرب فجر الخميس ,, هنا ما قدرت ودخت ,,
وعلمت امي بسالفة النزيف ,,
اكلت واخذت حبوب ,, وصارت اموري زينة ,,
استمر النزيف حوالي 4 ايام ,,
تعبوا اهلي يقنعوني بالمستشفى بس عنيدة ^_^ ,,
ادري طولت عليكم بالهذرة ,,
بس الهدف من هذا كله ,, يا بنااااااااااات انا متوقعة من نفسي اني اكوووووووووووووون اقوووووووووى بكثير من كذا ,, متوقعة ما اخلي هالمواقف السخيفة تاثر علي ,,
والحين من يوم الثلاثاء 18/5/2010
صرت ما اكلم هذا الشخص اللي استفزني + شخص ثاني بدا يستمتع بقصة الاستفزاز ,,
غيرت اسلوبي في التعامل مع الكل ,, واحسن اني صرت احسسسسسسسسن بكثير ,,
صحيح صحيا للحين متأأأأثرة وفيه نسبة تعب ,, خصوصا ان شهيتي من بعد الي صار ضعفت واحاول اعوضها بالحبوب !! ولو اني هالشي غلط ,, بس ان شاء الله اني برد مثل قبل واحسن ,,
احس مشاعري متلخبطة
فرحانة وزعلانة بنفس الوقت
حققت مع الحملة جزء من اهدافي وتحديدا
الدينية ,, الاجتماعية ,,
و الوظيفية >> الحمدلله التقييمات الاسبوعية اخذت فيها التقييم الاول ,, لمدة خمس اسابيع ,, والحين لي هدف اكبررررر واكبررررررر يمكن البعض يعتبرني ابالغ برغبتي فيه بس ان شاء الله اني بحققة وبقترة قيااااااااااااسية جدا ,, وهو اني اخلي هالاثنين اللي لهم خبرة سنين بمنصب اقل مني ,, يعني ابي اخذ منصب اعلى منهم ,,
وادري تحقيقة محتاج مني جهد مو طبيعي ,, وبسوي لي خطة علشان احققه بفترة قياسية ,,
والامور الشخصية ,, يمكن ما تغيرت كثير ,, بس بديت اشوف بوادر للفرج والله كريم ,, ويمكن يكون هذا الموضوع اللي مخليني من داخل مثل الميتة الى حد ما !!
بنات ابي اكوووووون اقوووووووى من كذا بكثير ,,
انا اشوف نفسي مو حساسة اببببببببببببببد بس اللي حولي يقولون لي اني حساسة بقووووووووة بس ما ابين *_*
احيانا بيني وبين نفسي اعترف اني حساسة بشكل مو طبيعي >> ما اقصد اني زعووول لالالا
اقصد تاثررررررري القوي والمبالغ فيه بالمواقف اللي تمر علي ,,
وكل شي عندي كرامة وعزة نفس *_*
واحد من الموظفين اللي شاف جزء من الموقف بيني وبين هالاثنين ,, قالي اروح للمدير اشتكي على اسلوبهم ,,
بس قلت لا ,, اخاف يخصم منهم وهو ما تغربوا الا لحاجة ,, ادري بتقوووووولوووووووووووووووون غبية وغبية حييييييييييييييل بعد ,, بس قلت احل المسألة باسلوبي احسن ,, وما افكر اني اشتكي الا لا زاد الوضع عن حده !!
آآآآآآآآآآآآآآآآآآآآآآآآآآآآآآآآآه وش كثر تكلمت وهذرت ,,
