صبحكم الله بالخيير.. وتسلمون عالترحيب :eh_s(22):
ماري ماري..
لا بالعكس اوروبا لها ذوق وامريكا لها ذوق.. بس انا قصدي الطبيعه تختلف امريكا المساحات عندهم كبيرة.. يعني الستاندرد روم في اوروبا تكون وااااااااايد اصغر عن امريكا.. بس من ناحية الفخامة الفنادق انا حسيتهم افخم في اوروبا.. مع انه هاي اول سفره لي لامريكا بس ها اللي لاحظته فالصور ومن كلام اخويه وخواتي..
أم احلى جود ..
هلا فيج يالغلا..
.. وانا مثلج قريت اسم المدينة بين ردودكم ويوم بحثت زيادة لقيتها قريبه من سان دييغو والاماكن المهمه فيها ونفس الوقت انها هاديه وايد.. انا اخترت الفندق اللي اسمه
http://www.thegrandecolonial.com
هو اربع نجوم واعتقد اذا ما كنت غلطانه انه شفت مكتوب long stay suite فيمكن يكونون نظام شقق .. لأني قريت انه فيهم مطابخ.. بس مب متأكده شوفيه انتي.. عالعموم هو موقعه استراتيجي انا حتى يوم بغيت اشوف فنادق ثانية فتحت خريطة الفنادق من هوتيلز دوت كوم ودورت فالفنادق القريبه منه...
مشاعر امرأة ..
مشكورة عالمعلومات.. وانا مثلج لازلت في مرحلة البحث لأنها اول رحلة لي..
أم خلودي..
أجرنا وأجركم .. وتسلمين عالترحيب يا حلوة
وولدج نفس بنتي كانت بدون ههههههههه ومن فترة بس سوينالها جواز .. عاد الله لا يراويج الصورة تضحك .. فديت اليهال والله
أماني.. Q8
ههههههههههههههههههههههههههه ضحكتيني ..! حبيبتي انا لاحظت اغلب الرياييل جذي فالمطار يتوترون ماعرف ليش.. كل اخواني جذي مع انهم حلوين وطيبين لكن فالمطار .. اللهم اسألك العفو والعافيه .. الواحد ما يقدر يتكلم..! اذكر اول ما عرست كنا رايحين الهني مون وانا ميته من الخوف فالمطار مب قادرة اكلم زوجي قلت اكيد كل الرياييل يستوون وغدين فالمطار ولا لقيته يقول لي شو فيج؟ متولهه على اهلج؟ هههههههههه قلت اف افراااااج
ام البنين ..
هلا فيج يالغلا.. زين قلتيلي على موضوع السيارة بس ماعرف كيف بندبرها لأنه بنتحرك كذا مكان والحين كل موقع سيارات افتحه يقول لي لازم نرجع السيارة من مكان ما خذناها..
سمبلي ..
كلنا تشوقنا حق تقريرج تسلم ايدج عليه الحين بشوووفه...
