.... [ من تجرأ من قطف هالياسمين ] ....

[ba6re8a]

اموت واعرف ردوودي ليش ماتطلع :s


اول شي الرايط ما يشتغل وثاني شي لاتعلييييييييييييييييق!!!

 

[♥ الــزيــن ♥]

ناطرينج حياتي

 

[ba6re8a]

وثاني شي اللي كاسره خاطرررررررررهم ياسمين وهذاك عمر!!!
اول شبي اهوا مسافر ماقدر يقول حق اخو ارفيجه احد اشدعوه وثاني شي مدام اهيا اتحبه هالحب جان خاست ابيت اهلها وشكو تتزوج وتظلم الريال ولما رد حنت وتبي تتطلق وتقول ما اطلقت عشان اردلك ولما شافته بغت تموت جنها موشايفه خير!!!!!!!!!!!!

وولدها اشذبه يعني وليش رضت من الاساس تتزوج اووووووف

 

[cute princess]

اموت واعرف ردوودي ليش ماتطلع :s


اول شي الرايط ما يشتغل وثاني شي لاتعلييييييييييييييييق!!!

عادي الموقع متنح :\ انا يطلعلي جاري تطوير الموقع وماقدر ابطل من القصه الا الصفحه الاخيره :\
والرابط مليت وانا اقول قاعده احاول ارفعه على سايت ثاني

ناطرينج حياتي

اوكي :$

وثاني شي اللي كاسره خاطرررررررررهم ياسمين وهذاك عمر!!!
اول شبي اهوا مسافر ماقدر يقول حق اخو ارفيجه احد اشدعوه وثاني شي مدام اهيا اتحبه هالحب جان خاست ابيت اهلها وشكو تتزوج وتظلم الريال ولما رد حنت وتبي تتطلق وتقول ما اطلقت عشان اردلك ولما شافته بغت تموت جنها موشايفه خير!!!!!!!!!!!!

وولدها اشذبه يعني وليش رضت من الاساس تتزوج اووووووف

كل واحد ورايه ! وبعدين اهوه مسافر علاج وما صحى الا مناك وين يقول حق احد روح دزلها مسج واهله معاه اهناك ؟ و بعدين واهوه مسافر يحاتي العلاج والعمليات ولا ياسمين ؟ :\\\\
واخر شي حبيبها وياي لي عندها اكيد بتستانس وبيصير فيها جذي !


مرت ريلها مو قادره اوصل حق ردج لول :$
اي اشكره طايفج بارت ! :\\\ لوووول
روحي اقري وتعرفين وين طار الياهل :×

 

[Riooma]

haw ween al part alyoum ?

 

[*الغاليه*]

الله الله
كل هذا بقلبج ؟
صكيتي على ريريز :|
لووووووووووول اي والله خذيت ذنب البنيه انا تحسفت ليش كتبت قصتها لوووووووول
والله البنات اهني قوم شماته مو قوم بني صامت ولا بني قصير لووووووووووول
اخذي راحتج القصه قصتج :$

امبييه ولا ويبتيهاا قوم شمااته
حدهم لشماااته زاااهبين لووول قطعوها تقطع
بدعوااا بالردوود والشمااته
مدرري شكل الغيرره كلت قلبوهم لان بدر حب يااسمين
ودهم لوو قبل لايطلقهااا طااقه ومبررد جبوودهم
حشى شراايج مو متاابعين روايه
حيااااتي كيوت تسلمين والله من ذووقج وكااني موجوده انطرر الباارت يزهب
واخذي راااحتج لاتستعيلين ماخلص اليوم بااجر حطيه​

 

[cute princess]

haw ween al part alyoum ?

قلت العصر الساعه 4 :\

 

[cute princess]

امبييه ولا ويبتيهاا قوم شمااته
حدهم لشماااته زاااهبين لووول قطعوها تقطع
بدعوااا بالردوود والشمااته
مدرري شكل الغيرره كلت قلبوهم لان بدر حب يااسمين
ودهم لوو قبل لايطلقهااا طااقه ومبررد جبوودهم
حشى شراايج مو متاابعين روايه
حيااااتي كيوت تسلمين والله من ذووقج وكااني موجوده انطرر الباارت يزهب
واخذي راااحتج لاتستعيلين ماخلص اليوم بااجر حطيه​

لوووووول اهم شي شرايج لووول
انا لما رديت البيت رديت عالبنات وونمت :× توني قعدت حلاتي :$
بس اتغدا وايي اكتب البارت بسرعه :weight_lift:

 

[Riooma]

laaaaaaaaaaaaaaaaaaaaa2 ana bel dawam oo lai3a chabdi a7taj agra part al7en

 

[*الغاليه*]

وثاني شي اللي كاسره خاطرررررررررهم ياسمين وهذاك عمر!!!
اول شبي اهوا مسافر ماقدر يقول حق اخو ارفيجه احد اشدعوه وثاني شي مدام اهيا اتحبه هالحب جان خاست ابيت اهلها وشكو تتزوج وتظلم الريال ولما رد حنت وتبي تتطلق وتقول ما اطلقت عشان اردلك ولما شافته بغت تموت جنها موشايفه خير!!!!!!!!!!!!

وولدها اشذبه يعني وليش رضت من الاساس تتزوج اووووووف

انااا وحده من اللي كاسره خاطرهم يااسمين
واختي بطرريقه مايحتااج تشررحين لنااا الرواايه ترى احناا قااعدين نقرأ وفاهمين شقااعد يصير

يعني على قولت كيوت كل واااحد ورااايه ​

 

[فيلجـ كول ـاويه]

mta el.part?!8lboo

 

[ًwo0ow]

thanx nice story

 

[أم حيدر]

مستخدمين موجودين حالياً يشاهدون الموضوع: 16 (9 أعضاء و7 ضيوف)
أم حيدر, *الغاليه*, cute princess, decemberq8, ًwo0ow, JaN JaN, رومنسيه, عاشقة المسك, واحشني مووووت


ما نستاهل بارت

طولتي

 

[JaN JaN]

لووووووووووول مو سوووما اهوه !!
sooma مو sowma ! لووول مادري شلون افهمكم بس المهم مو اسم الخدامه لوول



]

لووول اي اي استوعبت

 

[المستبــده]

اي والله طلع في بارت طايفني دورته لين لقيته

الصراحه عقب ما قريته جنه ياسمين كسرت خاطري بس يظل بدر كاسر خاطري اكثررر واكثرررر

والحين ناطره البارت الياي

 

[cute princess]

بنات اشفيكم ما طولت وايد قلت 4 انا :\\\
ومو مني ترا من المنتدى ! يا ما يبطل يا يطلعلي جاري تطوير الموقع ! مادري شيطورون فيه حقي انا بس
لي هالدرجه انا VIP :$ توني ادري
المهم كاهو البارت

البارت العاشر

عمر : ياسمين ! لا تبدين بالنكد عاد !!!!!!!!
التفتت ياسمين على عمر مصدومه من رده
عمر : اسف اسف .... بس تنرفزت منهم ماكنت اقصد
ياسمين : اممم
قرب منها عمر : اسف لا تزعلين
ياسمين : مو زعلانه عادي... بتييب الجناط الحين ؟
عمر : لا
ياسمين : ها عيل ؟ ببدل هدومي
عمر : مو لازم تبدلين... بنروح المطار
ياسمين : المطار ؟ ليش ؟
عمر : نشوفلنا اقرب رحله ونسافر
ياسمين : هه من صجك ؟
عمر : اي والله
ياسمين : زين الجناط وايد مو محتاجه كل هالاغراض انا
عمر : امبله تبينهم كلهم .... بنطول بالسفره
ياسمين : اي بس ....
عمر : خلود ؟؟ خالد عند امج لا تحاتينه واذا تبين كلمي امج قوليلها تقول حق ابوه ياخذه على مانرد
ياسمين : لا مابي .... اخاف يقول ما صدقت تزوجت وقطت الياهل ..
عمر : خلاص دقي على امج عيل وصيها عليه... وتوج شايفته بعد ومسلمه عليه قبل لا نيي يعني ماله داعي نروح مره ثانيه بيتكم... صح ؟
ياسمين : هههه جنك تدري كنت قاعده افكر جذي
عمر : اعرفج اكثر من نفسج... يلا نمشي ؟
ياسمين : اوكي



نزلو ياسمين وعمر تحت....
ام عمر : وين رايح ؟ توك داش
عمر : ياي اسلم وامشي
ام عمر : ليش ؟ بتهاجر ؟
عمر : -بسافر... اشوفكم على خير
سلم عمر على امه وخالته واخته وراح حق ياسمين
ياسمين : عمر ...
عمر : لا تسلمين ... مو الحين ... امشي
حط ايده على جتفها وطلعو




ام عمر : شفتي ؟ يقولها لا تسلمين ! لا ساحرته ... اكيد ساحرته
نوره : يما ذكري الله ! اشفيج عالبنيه... ما مداها دشت بيتنا كليتيها
ام عمر : يعني انتي راضيه اخوج ماخذ هذي ؟
نوره : مو راضيه عادي ... حياته واهوه حر
ام عمر : انا ما ارتاح الا اذا خليته يطلقها !
دقت ياسمين على امها واهمه بالطريج وصتها على خالد وكلمته بعد وكانت تحاول تطول بالمكالمه شوي وتسحب منه الحجي غصب لانها حاسه انها بتوله عليه وايد وخايفه لا يوله عليها ويفقدها ....
وصلو المطار ... نزلو ولقو حجز حق دبي بعد 3 ساعات ...
حجزو وراحو قعدو بستاربكس يشربون قهوه....
عمر : نقعد بدبي يومين... وعقبها نحجز مكان ثاني ماشي ؟
ياسمين : اوكي
عمر : سومه ادري ضاق خلقج من اهلي بس ميخالف مع الايام يتعدلون
ياسمين : عادي ... اي ام بالدنيا ماراح ترضى ولدها ياخذ مطلقه وعندها ولد بعد
عمر : المهم احنا مستانسين ... صح ؟
ياسمين : لا ... المهم احنا مع بعض ... مستانسين ولا مو مستانسين ... ما عليي من احد الحين.. حبيبي عندي ماكو شي يهمني بعد





راحو دبي....
ثاني يوم كانو توهم رادين من السوق ....
عمر : يلا وين تبينا نروح بعد ؟
ياسمين : شرايك نقعد يومين زياده بعد... وعقبها نرد الكويت .. وبعد جم يوم نرد نسافر مره ثانيه وين ما تبي ...
عمر : تحاتين خلود صح ؟
ياسمين : ههه اي
عمر : خلاص اوكي ... عقب باجر نرد
ياسمين : تسلملي بعد عمري ... ما شريت شي حق خلود حبيبي ما شفت اغراض حلوه حق اليهال
عمر : ادري ... قلت باجر بوديج نشتريله عشان لا يضيق خلقه
ياسمين : صج ؟ متى ؟
عمر : من الصبح لي الليل ... اليوم كله بيصير بس حق اغراض خلود
ياسمين : امممممممم واليوم شبنسوي ؟
عمر : بنرتاح شوي الحين وبنطلع نستانس عشان خلود بيلهينا وايد باجر
ياسمين : ههههه اوكي ..




وثاني يوم راحو يشترون حق خلود العاب وهدوم وكل شي ... واي شي كانت تمسكه ياسمين حتى لو بس تطالعه كان ياخذه عمر ويشتريه حق خالد.. وياسمين كانت مستانسه وايد معاه ...

ردو الكويت ... وعلى طول من المطار راحو بيت اهلها .....
ام ياسمين : هلا هلا ببنيتي هلا
ياسمين : شلونج يما ( باست راسها )
ام ياسمين : هلا يما تمام الله يسلمج... الحمدلله عالسلامه
ياسمين : الله يسلمج ..
ام ياسمين : وين عمر ؟
ياسمين : بره الحين ينزل ... وين خلود يما ؟
ام ياسمين : خلود عند ابوه
ياسمين : بس اليوم مو ويك اند .. ليش ماخذه ؟
ام ياسمين : قلتله انج مسافره يوم يا خذاه ذاك اليوم وقالي بخليه عندي على ما ترد... ما قلتيلي انج راده جان قلتله اييبه
ياسمين : يما تكفين دقي عليه خل اييبه ولهانه عليه
ام ياسمين : انشالله الحين ادق
دش عمر ...
عمر : السلام عليكم
ام ياسمين : هلا عمر وعليكم السلام
عمر : شلونج عمتي ( باس راسها )
ام ياسمين : بخير يما انت شلونك ؟
عمر : بخير الله يسلمج..
ياسمين : يمااااااا يلااااااااااا
ام ياسمين : زين زين لا تاكلين قلبي
عمر : اشفيج ؟
ياسمين : بدر ماخذ خلود عنده
عمر : ليش ماخذه ؟ مو قلتي ياخذه بس ويك اند !
ياسمين : اي بس لاني سافرت خذاه
سكت عمر ما قال شي ....
ام ياسمين : كا يما الحين اييبه ماراح يطول
ياسمين : بالبيت اهمه ؟
ام ياسمين : لا كانو طالعين وتوهم بيردون يعني ماراح يطولون
ياسمين : زين اشوه
عمر : عمتي .... هالجنطه كل الي فيها حقج انتي وساره وجم شغله حق عمي بعد
ام ياسمين : ماشالله يما الجنطه شكبرها ... ليش يايبين هالكثر
ياسمين : كلهم من عمر .... كل ما شاف شي خذاه حقكم
ام ياسمين : وييي عمر كلفت على عمرك... الحين كل هذوله بجم شاريهم الله يهداك
عمر : ما عليه ما يغلى عليكم شي ....
ام ياسمين : ياسمين رحتي سلمتي على خالتج ؟
ياسمين : لا يينا من المطار على طول اهني .. بس خل ايي خلود ناخذه معانا ونروح... وين ابوي عيل ؟
ام ياسمين : طالع ... ما قلتو انكم رادين جان قلتله عشان ايي
ياسمين : لا عادي ما عليه اشوفه بعدين



قعدو يسولفون شوي ووصل بدر وسمعت ياسمين صوت سياره بره وقامت ركضت بسرعه
بطلت الباب لقت بويهها بدر قاعد ينزل خالد من السياره ويبوسه ويلمه...
شاف ياسمين حط خالد عالارض وركب السياره ومشى بسرعه ....
ياسمين شافته ونزلت راسها بسرعه وراحت حق خلود
ياسمين : تعال حبيبي ولهانه علييك ( شالته ودشت داخل )
عمر : وين خلود ... اووو كاهو البطل
قعدت ياسمين يم عمر وخلود بحضنها
عمر يحاول يكلم خلود وخلود لازق بياسمين ويطالعه ومو راضي يحاجيه
ياسمين : ماما خلوووود يبنالك العاب واااااااااااايد والحين بتيي معانا بيتنا اليديد بعد...
خالد ما قال شي بس قاعد يطالع ياسمين ويرد يطالع عمر .....
قامو عمر وياسمين عشان يروحون البيت....



بالطريج ....
ياسمين : عمر هذا مو طريج بيتكم
عمر : ادري
ياسمين : وين مودينا ؟
عمر : الحين تشوفين ... كا وصلنا
ياسمين : بيت منو هذا ؟
عمر : نزلي وتعرفين
ياسمين : انزل خلود بعد ؟
عمر : اي كلنا بننزل..
نزلت ياسمين مع عمر ودشت البيت وراه ....
كان البيت صغير شوي واثاثه قديم ... دشت ياسمين وماكان في احد
عمر : هذا الحين يا طويلة العمر بيتنا ....
ياسمين : شنو ؟
عمر : اشفيج مصدومه ... هالبيت ابوي بانيه ومسجله باسمي من زمان عشان لما اتزوج اسكن فيه ... بس الاثاث قديم شوي واحنا تزوجنا بسرعه ما مداني اغيره .. عشان جذي وديتج بيت اهلي اول شي ... وسافرنا عشان اخلي احد ايي يعدل البيت وينطر الاثاث اليديد بس انتي ما رضيتي الا بتردين .. تحملي البيت جذي عاد على ما يوصل الاثاث الي اخترته
وترا الثلاجه فاضيه ... يعني وراج روحه حق الجمعيه بعد شوي ... قلتلج تحملي هههه
ياسمين : وااي بعد عمري عمووور الله يخليك لي تسلم
عمر : يلا انا خل اروح انزل الاغراض من السياره شكثرهم
ياسمين ( حق الخدامه ) : روحي نزلي الاغراض مع بابا




يابو عمر والخدامه الاغراض واول شي سوته ياسمين طلعت اغراض خلود وقامت توريه الالعاب الي يايبينهم والهدوم عشان يستانس شوي ...

عقبها راحت بتطلع الهدوم من الجنطه وتحطهم بالكبت...
عمر ( منسدح بالفراش ) : شتسوين ؟
ياسمين : بحط الهدوم بالكبت
عمر : اشفيج ! مو قلتلج بنييب اثاث يديد ؟
ياسمين : امبيه نسيت
عمر : خليهم بالجناط ماراح يطول الاثاث يمكن باجر او عقبه يوصل مو متاكد.. بس ادق عليهم بعد شوي اسال
ياسمين : امممم اوكي ... بتنام ؟
عمر : اي .. ليش ؟
ياسمين : ماراح نروح حق اهلك اليوم ؟
عمر : امبله بليل نروحلهم مو الحين
ياسمين : اوكي عيل اخليك تنام
عمر : وين رايحه ؟
ياسمين : اقعد مع خلود
عمر : تعالي يمي ونامي شوي من الصبح وانتي تلويين
ياسمين : اوكي
راحت يمه باست خده ونامت ....


​

يتبع .....


الي بتقول قصير بقولها ( حاله حال باجي البارتات 8 صفحات )

والي ماشتغلت معاها القصيده بعد عناء طويل نزلتها اخيرا

http://www.4shared.com/file/258233253/7e3bcd31/Jasmin.html

سمعوها وعطوني رايكم :weight_lift:

 

[فيلجـ كول ـاويه]

امبي امبي ام عمر مليييقه حدها حدها باطه جبدي وااايد ودي طراقات وفناقر اطيرها الملييقه .!!!!
ويسووو احسها مادري شوون لووول احسها ملييقه بهالبارت ماتعطي عمر ويه مادري ليش احسها جي !!
عمر احسه حبووووووووب حيييييل بعد عمري والله ....شكله يموووت فيها الله يخليه لها ويخليها له
ووبدر مسكيييين والله
ويعطييييييييج الف الف الف عافيه والبارت زين طوله لووول
شووووووووكراااااااان حبيتبي وياقلبي الله يخليج لنا وتنزلينا كل البارتات ( امنيه ) لوووول بس صج هم ماتقصرين والله

احبـــــــــــج مواااااااااااه

 

[*الغاليه*]

عاادي عاادي كيوت ماتعدوتي على حنة البناات مو شي يديد لوووول

بالنسبه للباارت حد الاحداااث رروعه وييارب يتمم على يااسمين هالحااال
بس مدرري ليش عندي احسااس غثيث ان هالسعااده مارااح تستمرر ووراهاا هالخااله
الله يعينهااا ويسخر لهااا عمر

يسلموووو غلااي ع البااارت

:: ​

 

[طماطه وبطاطه]

يلا اشوه انها مرتاحة مع عمر .. بس مادري ليش احسه عقب فتره بيقلب عليها على سالفه ولدها احس امه بتف مخه والله اعلم

ثانكس حبيبتي على البارت

 

[JaN JaN]

خوووش بارت :rerrerek:

اممم.. عمر طلع حليو والحمدلله انهم طلعوا بيت بروحهم عن المشاكل .. بس انشالله عمر مايتغير عليها ..مابي اسبق الاحداث

ننطر ونشوف شيصير احسن :016:


والبارت حلو دامه منج بعد جبدي يعطيج الف عافيه :eh_s(21)::eh_s(21)::eh_s(21):