جولي
الحمدلله على السلامة وعاش من شافج
انتي شلونج وشلون عيالج واللوية ؟
احنا تمام ونراكض ورا هاليهال .. انا احاااتي هالريبورت لأن ادري بنتي مبدعة من كل النواحي
هلا والله رفرف ,, انا لويه مع الضيفه اليديده
وعيالي تمام ,, بس انا بصراحة مهملتهم مو مثل قبل ,, مخليتهم يعتمدون على نفسهم شويه وانا بس ادقق على شغلهم
وعندي الصغير للحين يعاني بالعربي قاعده ادورله مدرسى عربي تساعده وتأسسه علشان يكون مستعد حق ثانيه
لانه ابلته اللي ادرسه (لا تعليق) والمنهج صعب يحتاج مدرسة قوية
وبالنسبه لبنتج ,, مسألة التأتأه عباره عن تدريب ,, خل اتدرب على الكلام وان شاءالله شويه شويه اتحسن
وخليها تقرا بصوت عالي قصص والا حفظيها شعر خليها تقوله بصوت عالي
ولا تحطين في بالج انه هالشي ما يروح ,,
انا عندي ولدي اللي باولى وايد عنده أ أ أ أ وبعدين يقول الكلمه بس ما حطينا ببالنا انها مشكله ,,
مجرد انه يفكر شلون يختار الكلمه الصح ,,مع انه ابوه يعصب عليه اذا ياه يتكلم !! وانا نبهته انه اذا بتعصب او ضحكتو عليه راح يتعقد !! الحين بطلو يدققون عليه ,, ونحاول نكلمه وايد بالبيت وان شاءالله يعدون هالمرحله على خير
