اللي عندها اي استشارة قانونية تدخل وانشالله بتلاقي حل

[فووفة]

بيت الوالد اللة يرحمة

السلام عليكم مشكلتي بيت الوالد اللة يرحمة والوالدة بعد متوفية اللة يرحمها مشكلتي مع اخواني وخواتي وحريم اخواني انا ساكنة ببيت عمتي واخواني مانعيني ادخل البيت اللي يقهر حريمهم بلبيت قاعدين وانا برة بيت ابوي ولي نصيب يعني قاعدييين بنصييبي وانا برة واللي يقهر يتكلمووون علي ويسبووني وانا ساكتة عن ححقي صارلي سبع سنوات وانا لي وضعي الخاص واشتغل الححمداللة بس احراج بينالناس مايشوفوووني في بيت اابوي مضاااييقة ححيييلل ومسببلي الموضوووع ازمة نفسية أبي حل لمشكلتي

 

[بنت الأصايل]

رد: بيت الوالد اللة يرحمة

السلام عليكم مشكلتي بيت الوالد اللة يرحمة والوالدة بعد متوفية اللة يرحمها مشكلتي مع اخواني وخواتي وحريم اخواني انا ساكنة ببيت عمتي واخواني مانعيني ادخل البيت اللي يقهر حريمهم بلبيت قاعدين وانا برة بيت ابوي ولي نصيب يعني قاعدييين بنصييبي وانا برة واللي يقهر يتكلمووون علي ويسبووني وانا ساكتة عن ححقي صارلي سبع سنوات وانا لي وضعي الخاص واشتغل الححمداللة بس احراج بينالناس مايشوفوووني في بيت اابوي مضاااييقة ححيييلل ومسببلي الموضوووع ازمة نفسية أبي حل لمشكلتي

عزيزتي الله يعينج بدون شك انتي لج حق في البيت ولج الحق ايضا انج ترفعين دعوى كونك غير ساكنه معهم في البيت وهم المستفيدين والمنتفعين من البيت ممكن تطلبين من المحكمة ان تحكم لك بإجرة انتفاع يعني ( لج الحق قانونا ان يدفعون لك اجرة انتفاع كأنهم مأجرين البيت منك وتحكم لج المحكمة من تاريخ خروجك من بيت والدك الى ان يصدر لك حكم بأجرة الانتفاع )

ايضا من ضمن حقوقك ان تعرضين البيت للبيع كونك احد الورثة وتستلمين نصيبك فيه
او يشترون اخوانك نصيبك في البيت وتاخذينه كاش

 

[شوق والدمعه]

حبيتي يعطيج العافيه ياقلبي

بغيت اسالج اذا وحده مطلقه وصار خلاف بينها وبين اهلها واسكنت بيت يدتها ام ابوها يصير ياخذها لاابو غصب طيب للبيت علما عمر البنت فوق ال ٢١
هل يصير يغصبها تي بيت الابو ولا؟

 

[بنت الأصايل]

حبيتي يعطيج العافيه ياقلبي

بغيت اسالج اذا وحده مطلقه وصار خلاف بينها وبين اهلها واسكنت بيت يدتها ام ابوها يصير ياخذها لاابو غصب طيب للبيت علما عمر البنت فوق ال ٢١
هل يصير يغصبها تي بيت الابو ولا؟

هلا عزيزتي

البنت خلاص طلعت من سلطة ابوها مايقدر ولا يستطيع ان يرجعها لحضانته

الا اذا كانت تحت 21 سنة

 

[sony ericsson]

الســـلام عليـــكم,,,

من تكتمل 21 سنة لايستطيع الاب او الزوج حتى او الاخ تدخل في خصوصياتها
حتى لو توجه الاب للمخفر او الاخ فلا احد يستطيع ان يجبر البنت على العيشة معهم

إختــــي الفاضــــله هذا الكلام موصحيــــــــح!! وغلـــــط!!
شــــلون الزوج مايقدر يجبـــر زوجتـــه العيـــش معه!!
إذا قضايا بيـــت الطاعه ليــــش وجدت!!!!
وأحكام المسكـــن والتأثيــــث لـــيش وجدت!!
والزواااااااااج أصــلا ليـــش وجد!! إذا الزوج مالـــه حــق أن يعيش مع زوجته!!!
هـــذا الكلام عقيــــم ولاصحــــه لـــه حضــرتج محاميــــه وأنا أستغرب هذا الرد منج!
ومن سلطات الزوج والأب على الزوجــه أيضــاً حتــــــى جواز سفرها لاتجدده ولاتستخرجــه إلا بحضــور أحدهما
وهذا القانون مفعل منذ عشــرات السنيـــــن بالكويت حتى تم تغييره مؤخــراً حسب ماعلمت.

اختي الفاضلة ان التعليقات الخاصة بالسؤال التي غير صحيحة وانتي تقومين بالخلط مابين ولاية الزواج ومابين الحياة الشخصية وذلك بأن الكويت دولة قانون وبالتالي من تكتمل 21 سنة لايستطيع الاب او الزوج حتى او الاخ تدخل في خصوصياتها
حتى لو توجه الاب للمخفر او الاخ فلا احد يستطيع ان يجبر البنت على العيشة معهم وهذا واقع موجود مع الاسف



إختــــي الغاليه أنا ضــربت مثــال تعزيزي لولايــة الأب من خــلال المواد التي ذكرتها , وليـــس خلط للأمور!
ولوكانت الأنثــى بــسن 21سنــــه حـــره بإختيـــار مكان إقامتـــها خارج حدود الأســـرة أو تديــر أمورها بنفســها
لمـــــا تنتهــــي حضانة البنت بزواجها ودخوا الزواج بــها!!!
مما بيعني أن البنت تبقـــى خاضعـــــه لولايــة ذويــها وبالتحديد أبيــها حتـــى تتزوج, لا لســـن معيــــن أو شي من هذا !
وإلا لأصبح المجتمـــــــــع فـــي إنفـــلات بدرجـــة كبيـــــره خصوصا إذا كان القانون يحميهم! بإدعائك أن لاسلطه
على البنت التـــي أتمت عمـــر الـ 21سنـــه !!!!!!!!!!!!!

اما ماتذكرينه من ولاية الزواج فإن البنت البكر اذا ارادات ان تزوج نفسها فلا تستطيع الا باذن من وليها وان لم يوافق تلجأ للقضاء

معنـــى ماتقولينـــه أن ولايــة الأب فالزواج مقتصـــره على االبنت البكــر!!!
البكر وغير البكر, وحتــــى التـــي تتطلــــق من زوجها ولها من أبناء وأراد أن يرجعها بعد أن انتهت عدتها ليس لـــها أو لـــه الحـــق بمباشــرة الزواج إلا بإذن من وليـــــــــــــها!!
هــذا الأمـــر يعزز دور ولايــة الأب في شتـــى أمور الحيــاة والزواج أحدها .

أتمنــــــى أن تكـــون قد إتضحـــــت الصـــوره, وأعتذر مـــره أخـــرى على المداخـــله, وإن شاء اللـــه المناقشـــه تضيـــف لـــي.




تحيـــــاتــــــــــي
عبير المحاميــه​

 

[اثمان]

محاميتنا الفاضلات

ماحكم الزوجه الناشر؟وهل تمنع فعلا من الزواج لمده 7 سنوات او طوال عمرها؟

وما حكم نشوز الزوج وتركه لمنزل الزوجيه وعدم قيامه بمسئولياته تجاه الزوجه والاولاد

هل يحق للزوجه ان تطالب بسائق وسياره اضافه الى النفقه لعدم اقامته معاها ومع اولاده؟وهل يحق ان تطالبه باجرة السكن وخصوصا انه لم

يحدث طلاق؟

 

[شوق والدمعه]

حبيبات قلبي مشكورين علا رايكم القانوني

ماقصرتو محامياتنا

بس عندي استشاره اخرى بلوع جبدكم هههه>>امون صح؟

لان كنا في نقاش مع اهلي وحبيت اتاكد بما اني طالبه حقوق بسنه ٢ حبيت اني اتاكد من كلامي اكثر واكثر وقلت اسالكم

الحين الخليججي المتزوج من كويته ما يعطونه بيت بالكويت صح سؤال يعطون الكويتيه الي متزوجه من خليجي الي الديها طفل ال ٥٠ مالت الطفل؟ انا الي قلته انا مايعطونها بس حبيت اتاكد منكم اكثر
وفي شغله ٢ ان الخليجي الي يشتغل باي هيئه حكوميه بلكويت يحق له التقاعد بعد سن ال ٦٠ وفق قانون الخدمه المدنيه؟

ويعطيكم العافيه وماقصرتي بنت الاصايل وجزاج الله خير

 

[puppet]

عندي سؤال عام .. المدعى عليه لين ايي وقت يدفع فيه مصاريف المحكمة ، جم بيطلع عليه ؟؟

وهل طول وقت المحاكمة لها دخل في زيادة المصاريف ؟؟

 

[بنت الأصايل]

محاميتنا الفاضلات

ماحكم الزوجه الناشر؟وهل تمنع فعلا من الزواج لمده 7 سنوات او طوال عمرها؟

وما حكم نشوز الزوج وتركه لمنزل الزوجيه وعدم قيامه بمسئولياته تجاه الزوجه والاولاد

هل يحق للزوجه ان تطالب بسائق وسياره اضافه الى النفقه لعدم اقامته معاها ومع اولاده؟وهل يحق ان تطالبه باجرة السكن وخصوصا انه لم

يحدث طلاق؟

الرجال ماينشز الزوجة بس المرأة يطبق عليها حكم النشوز

يحق للأم الحاضنة والتي صار لها حكم حضانة ان تطلب من المحكمة اجرة مسكن وسائق وسيارة اذا كان اولادها في المدارس او هناك ظرورة للتنقل فتحكم لها المحكمة بالسائق ولسيارة

وبالنسة لسؤالك الاول سوف يتم الرد عليه غدا باذن الله حتى اتأكد تماما من الرد

 

[بنت الأصايل]

حبيبات قلبي مشكورين علا رايكم القانوني

ماقصرتو محامياتنا

بس عندي استشاره اخرى بلوع جبدكم هههه>>امون صح؟

لان كنا في نقاش مع اهلي وحبيت اتاكد بما اني طالبه حقوق بسنه ٢ حبيت اني اتاكد من كلامي اكثر واكثر وقلت اسالكم

الحين الخليججي المتزوج من كويته ما يعطونه بيت بالكويت صح سؤال يعطون الكويتيه الي متزوجه من خليجي الي الديها طفل ال ٥٠ مالت الطفل؟ انا الي قلته انا مايعطونها بس حبيت اتاكد منكم اكثر
وفي شغله ٢ ان الخليجي الي يشتغل باي هيئه حكوميه بلكويت يحق له التقاعد بعد سن ال ٦٠ وفق قانون الخدمه المدنيه؟

ويعطيكم العافيه وماقصرتي بنت الاصايل وجزاج الله خير

حياج اختي العزيزة الموضوع للاستشارات وانا في الخدمة :eh_s(15):

بالنسبة للسؤال الأول مومتأكدة من الجواب فالأفضل تراجعين الهيئة العامة للإسكان

وبالنسبة للسؤال الثاني ان الخليجي يحق له التقاعد هذا الكلام صحيح

 

[ii DareeN ii]

تنبيه اداري


هذا الموضوع خاص بالعضوه بنت الاصايل وهي المختصه فقط بالرد على الاستشارات لذا يرجى الالتزام وعدم تحويل الردود الى نقاشات جانبيه

 

[شمس 20]

شلونج بنت الاصايل

انا موظفه بوزارة قدمت نقل وول نقلي وبروح قسم ثاني والمشكله ان المسؤؤله مو

راضية كلش على انها توقع على اخلاء الطرف لما اخلص شغلي الباقي والمتبقي

شرايج ؟

 

[علوووية]

السلالالالالالام عليكم ورحمة الله وبركاتة
آسفة على الإزعاج بس عندي استفسار ياريت أحصل عليه رد ضلاوووري
اذا الريال مطلق زوجته و عندها منه عيال أعمارهم ما بين 26 سنه و 8 سنوات و ساكنة معاه في نفس البيت علما ان البيت من قسايم القرين يعني أرض و قرض و اسمها معاه بالبيت تقدر الطليقة تبيع البيت و شنو نصيبها من البيت في حالة بيعه ؟ و شنو نصيبها منه في حاله زواجه من أخرى ؟ و هل لها حق و تقدر ترفع قضيه تبيع فيه البيت حتى لو أبناءها ماكانو راضين ؟ و هل نصيبها كمطلقه بالبيت مثل نصيب الزوجه الأخرى اللي على ذمته ؟

 

[بنت الأصايل]

عندي سؤال عام .. المدعى عليه لين ايي وقت يدفع فيه مصاريف المحكمة ، جم بيطلع عليه ؟؟

وهل طول وقت المحاكمة لها دخل في زيادة المصاريف ؟؟

على حسب كل قضية وطلبات صاحب الدعوى فيها
يعني قضايا الايجارات غير قضايا الاحوال الشخصية وغير القروض

 

[علوووية]

ما ريتي علي ((

 

[بنت الأصايل]

شلونج بنت الاصايل

انا موظفه بوزارة قدمت نقل وول نقلي وبروح قسم ثاني والمشكله ان المسؤؤله مو

راضية كلش على انها توقع على اخلاء الطرف لما اخلص شغلي الباقي والمتبقي

شرايج ؟

شوفي اختي حاولي تروحين للي اعلى منها منصب عشان تمشي امورك

ربي يسهل امرك

 

[بنت الأصايل]

السلالالالالالام عليكم ورحمة الله وبركاتة
آسفة على الإزعاج بس عندي استفسار ياريت أحصل عليه رد ضلاوووري
اذا الريال مطلق زوجته و عندها منه عيال أعمارهم ما بين 26 سنه و 8 سنوات و ساكنة معاه في نفس البيت علما ان البيت من قسايم القرين يعني أرض و قرض و اسمها معاه بالبيت تقدر الطليقة تبيع البيت و شنو نصيبها من البيت في حالة بيعه ؟ و شنو نصيبها منه في حاله زواجه من أخرى ؟ و هل لها حق و تقدر ترفع قضيه تبيع فيه البيت حتى لو أبناءها ماكانو راضين ؟ و هل نصيبها كمطلقه بالبيت مثل نصيب الزوجه الأخرى اللي على ذمته ؟

اختي لفاضلة اهم شي يجب التأكد من أن المطلقة مالكة في البيت او لها حق السكن فقط ؟؟

لأن اذا كانت مالكة في البيت لها حق ان تبيعه بدون اخذ موافقة من احد

اما اذا كانت لها حق السكن فقط كونها حاضنة للابناء فليس لها الا ان تسكن في البيت دون ان يكون لها حق في البيع

 

[angel 3ohaa]

مساء الخير
اول شي ابوي و امي عايشين و ابوي عندا املاك عقارات غير مؤجرة كان امسجلها بأسمي مع خواتي بس الوالد تعبان والوالدة اجبرتني اني ابايعها نصيبي بالعقارات من غير ما استلم اي فلوس وناكرة ان لي اي شي و اني ماكنت املك شيي جدام الناس والموضوع صار لة تقريبا سنة و نص ممكن اتقوليلي شنو التطريقة الي اقدر اطلع فيها الأوراق الرسمية الي وقعت عليها وشلون اذا برفع قضية عشان ارد حقي و هل فعلا برد حقي او لا

شكراا و يعطيج العافية

 

[نبـــآطه "]

السلام عليكم


يعطيج العافيه عالجهد بس بغيت استفسر على حالة رفيجتي

امها وابوها متطلقين صارلهم اكثر من سنتين وامهم تزوجت فسقط عنها حق الحضانه

والحين تطلقت الام من زوجها .. اهم بنتين الاولى عمرها 21 والثانية قاصر .. سؤالي الحين تقدر الام اتطالب بحضانه البنتين والا لا

وتقدر اتطالب بحضانه البنت القاصر ؟


عساج على القوه

 

[بنت الأصايل]

السلام عليكم


يعطيج العافيه عالجهد بس بغيت استفسر على حالة رفيجتي

امها وابوها متطلقين صارلهم اكثر من سنتين وامهم تزوجت فسقط عنها حق الحضانه

والحين تطلقت الام من زوجها .. اهم بنتين الاولى عمرها 21 والثانية قاصر .. سؤالي الحين تقدر الام اتطالب بحضانه البنتين والا لا

وتقدر اتطالب بحضانه البنت القاصر ؟


عساج على القوه

هلا اختي طالما الأم تطلقت تقدر تطالب بحضانة البنات وتحكم لها المحكمة بحضانة البنات القاصر والبالغ 21 سنة
وتقدم مايفيد انها مطلقة وتقدم خلو زوجية وترجع لها الحضانة