.·:*¨`*:·. دوانيه المغتربات .·:*¨`*:·.

[كندية]

شلونكم يا حلوين ؟
ممكن انضم لكم ؟ انا مغتربه ... في لندن

بنات وينكم ؟ ترى والله حاسه بملل مو طبيعي والنفسيه زفت ....
مافي وحده تسولف معاي ؟ والله متضايقه

حيااااج الله معااناا.....
انا موجوده و مو موجوده ههههههه قااعده اطبخ وادرس ​

 

[جِراحُ الغَرام]

هلا فيج اختي الكنديه
يعطيج العافيه وربي يوفقج
حسب اللي قريت انج خلصتي ؟ مبروك والفال حق زوجي
صراحه انا توني شهرين في لندن ... بس صراحه اليوم حايشتني كآآآآآآآآبه مو طبيعيه
فقاعده افرفر من صفحه لي صفحه في المنتدى بس اهني على الاقل اسولف مع احد لان ما كو احد شابك على المسن وصراحه
اساسا اللي بالمسن ولا دروا عني اللهم الوالده وام زوجي واختي وبس
واليوم الحمدلله ماكو طبخ لان الغدا مال امس بعطيه حق اليهال ... اما عن نفسي فالجوع ذابحني بس ما ابي اكل غدا امس لانه لحم وانا ما احب اللحم
وزوجي بياكل من برا لانه بالمكتبه يدرس عنده امتحان باجر وميقدر يدرس مع اليهال لانهم قمة الازعاج

 

[كندية]

هلالالالا والله جرااح...اي حبيبتي اناا خلصت ورجعت اكمل سنه تجهييز حق مااستر اذا الله كتب...قلت اكمل مداام انا موجوده...وان شااءالله باااقي لي شهر

انا اسوي جذي اطبخ على شاان يزيد حق اليوم الثااني...لان جدول الجاامعه يوم ارد مبجر ويوم ارد متاخر ...بس هالاسبووع معطله..وامس قااعده 2 بليل اللف ورق عنب هههههههههههههه وحده بتنحااش من الدرااسه باي طريقه ​

 

[جِراحُ الغَرام]

الله يوفقج دنيا واخره حبيبتي
والله يعطيج العافيه صج مجاهده ... ترجعين تطبخين وانت تدرسين ...
انا بطاليه بالبيت بس مجابله ساحرتين صغار مطلعين عيوني ... ومالي خلق الطباخ كل يوم ..
بس والله شهيتيني بورق العنب رحت ادور طريقه حلوه وبجرب سويه بس لما يبدون البنات حضانه ...
زوجي قاعد يتخصص وانا مرافقه معاه مع ساحرتين .. اقصد بنتين ... وقهر ان مرافق الزوج ماكو معاش ...
واهو معاشه زين يكفي اجار الشقه مع ان مو ساكنين بوسط لندن ... هذا غير سعر الحضانه حق ثنتينهم يومين بالاسبوع 400 دينار بالشهر
وبصراحه ابيهم يروحون الحضانه لاني ابي شوي ارتاح لا نوم مثل الاوادم ولا اقعد براحه كل دقيقه مخربين شي ...
تكرمين ادخل دقايق الحنام واطلع لازم اشوف اثار الجريمه بايدهم ... مره شالعين جزء من الفيديو والحمدلله ركبته ومره فراره بالدفايه وركبتها
... خل شوي اتنفس شاريه قصة twilight ولا قادره اقراها منهم ...
سوري فيني كبت زااااايد ازعجتج

 

[كندية]

لووووووووووووووووووووووول عاادي عاادي فضفضي....لا ازعااج ولا شيء ...
الله يخلي لج البنااات....وصح الحضاانه تكسر الظهر ..على شاان جذي الاجاانب ماتشوفين عندهم يهااال وايد لان مو نفس دولناا كل خدم او يحطوون اليهاال عند اهلهم...
عاد تصدقيين انا لا يهاال ولا شيء وهم مااعندي وقت اسوي شيء....كنت شااريه كتب شكثر قريت جم وااحد وصار لهم 5 سنين الحين في كرتووون ...حيااتي كلهاااا ابحااااث صرت اكره شيء اسمه قرااه هههههههههههههه ابي اخذ اجاازه ومااقرا شيء خير شر....

 

[جِراحُ الغَرام]

هههههههه والله سوتالفج حلوه .... مالوم البنات لما يدورونج ... بس انا اللي عندي هدية ربي ... توأم بنات .. اسم الله عليهم يدورون بالصاله وصريخهم قايم ... والمشكله زوجي مهدد اذا عطوه انذار بسبب الازعاج بيرجعنا على اول طياره الكويت
والمشكله ااني محتاره حيييييييييل اقعد او ارد ... زوجي عنده اخو بكندا وزوج اخته بكندا واحنا بلندن ... اخوه زوجته بعد ما تخرجت من الجامعه راحت معاه ومارجعت ... اخته كانت تروح كورس وترجع وان شاء الله بتروح شهر 6 مرافق زوج ... بس تقول مو متشوقه لانها تبي تطلع وتروح وهناك ما تقدر ...
انا الله يسلمج متزوجه من 6 سنوات ونص ... والبنات عمرهم 3 سنوات ... وزوجي توه اول كورس تخصص ... فأول ما راح لندن قعد 3 شهور واحنا بالكويت ... صراحه ما تحملت ... كنت مقابلته 24 ساعه ... وفجأه يروح ... الحمدلله اخذنا الحين معاه ... بس المشكله ان البنات توقعت يعقلون بالعنر هذا بس الى الان ما شفت شي ... يعني اذا بنروج الجمعيه لازم عربانتهم اللي تكون حق التوام وما شاء الله ثقيله فزوجي يدز العربانه وانا ادز عربانة الجمعيه ...وما نروح نص لندن لان الunderground بنص لندن كله سلالم ماكو lift فنتوهق مع عربانة البنات ... ولا تقولين انا نقدر نمشيهم اسم الله عليهم احساس الخطر بصوب وهم بصوب ... فتلقين طلعتنا مرتين بالاسبوع وهالاسبوع راح علينا يوم لان زوجي عنده امتحانين ..
سامحيني بس نسيت اسألج شنو تخصصج ؟

 

[كندية]

هههههههه والله سوتالفج حلوه .... مالوم البنات لما يدورونج ... بس انا اللي عندي هدية ربي ... توأم بنات .. اسم الله عليهم يدورون بالصاله وصريخهم قايم ... والمشكله زوجي مهدد اذا عطوه انذار بسبب الازعاج بيرجعنا على اول طياره الكويت
والمشكله ااني محتاره حيييييييييل اقعد او ارد ... زوجي عنده اخو بكندا وزوج اخته بكندا واحنا بلندن ... اخوه زوجته بعد ما تخرجت من الجامعه راحت معاه ومارجعت ... اخته كانت تروح كورس وترجع وان شاء الله بتروح شهر 6 مرافق زوج ... بس تقول مو متشوقه لانها تبي تطلع وتروح وهناك ما تقدر ...
انا الله يسلمج متزوجه من 6 سنوات ونص ... والبنات عمرهم 3 سنوات ... وزوجي توه اول كورس تخصص ... فأول ما راح لندن قعد 3 شهور واحنا بالكويت ... صراحه ما تحملت ... كنت مقابلته 24 ساعه ... وفجأه يروح ... الحمدلله اخذنا الحين معاه ... بس المشكله ان البنات توقعت يعقلون بالعنر هذا بس الى الان ما شفت شي ... يعني اذا بنروج الجمعيه لازم عربانتهم اللي تكون حق التوام وما شاء الله ثقيله فزوجي يدز العربانه وانا ادز عربانة الجمعيه ...وما نروح نص لندن لان الunderground بنص لندن كله سلالم ماكو lift فنتوهق مع عربانة البنات ... ولا تقولين انا نقدر نمشيهم اسم الله عليهم احساس الخطر بصوب وهم بصوب ... فتلقين طلعتنا مرتين بالاسبوع وهالاسبوع راح علينا يوم لان زوجي عنده امتحانين ..
سامحيني بس نسيت اسألج شنو تخصصج ؟

:eh_s(22): لا جذي اناا اخجل ترى.....

الله يخلييهم لج ...وعلى ساالفة الشطاانه مااله شغل شووفي املج الوحيد يمكن لما يدخلوون الحضاانه يطخووون لان يردوونهم لج ماالهم خلق شيء من كثر مايحووسون فيهم ...بس عاادي يهاال لازم شطاانه...احناا بعمرهم كنااا جذي ...

انا تخصصي علم اجتماااع وان شااءالله اخلص للمره الثانيه الشهر الياي...ودي اكمل بس اخااف الكويت ايووني ويسحبوني من شعري هههههههههه

 

[mr000]

سلام أشلونكم..آنا من الكويت مو مغتربه..الله يوفقكم يارب وينجحج ياكنديه بدراستج ويوفق زوج جراح الغرام..ويعينج عالغربه مع اليهال.. بس آنا ألحين وآنا أقرا مشاركتج..قاعده أفكر آنا قاعده أقنع ولدي ياخذ زوجته وبنته الصغيره معاه لما يروح يكمل ماستر باسكتلندا وهو مومتشجع يعني كلش مايبي يقول كلها سنه ونص وبيتفرغ للدراسه.. ويخاف ينشغل فيهم ويخاف بنته تمرض هناك من البرد ..مادري آنا ماودي يخلي بنته كل هالفتره.. وهم مابي تتأثر دراسته..

 

[mr000]

جراح الغرام والله حضاناتهم غاليه.. وآنا سامعه أنه إذا الياهل أقل من 4 سنوات التعليم العالي أو الحكومه مايدفعون له حق الحضانه يعني تدفعون من حسابكم.. بعد هذي هم مشكله آنا ولدي بيروح إجازه بنص راتب لأن توه سنتين متوظف..بعد إذا زوجته مايعطونها إجازه براتب أو نص راتب هم مشكله..بس بقيت أسألج زوجج شنو تخصصه؟؟ ماعنده فكره عن التخصصات الطبيه يعني شنو أحسن الجامعات حق العلاج الطبيعي.. ولدي مو حاب وايد غلاسكوهو بشهر 1 راح مؤتمر هناك يقول برد موووت الحراره تحت الصفر..أدري كنديه ألحين بتقول خل إيي يشوف البرد عندنا بكندا.. الله يعينكم بس يمكن تعودتوا مع الوقت..

 

[o_mermaid_o]

وطني حبيبي وطني الغالي وطني النجم العالي وطني
شعله مضيئه كلمه جريئه
وطني وطني الغالي وطني
الله الله ياشمس الحياة ياكويت ياكويت يانبض الحياة
الله ياكويت ياكويت الله انتي الحياة
انا كويتي انا كويتي انا النظره انا الفكره انا
انا كويتي انا كويتيى انا الهمه لي الكلمه انا كويتي انا
الله الله ياارض اهلي واجدادي
الله الله يا افراحي واعيادي
الله الله ياكويت الله
دره ولها قلب من ذهب
دره دره
حبها بالقلب انكتب الكويت الكويت
حره ماتعرف صعب
حره حره

رايه في عيون العرب الكويت الكويت
ياحب مايعده عدد
ياشوق مابعده بعد
منصوره في الصوره
والحافظ الله ياكويت

 

[chocolate fondue]

هااااااااااي بناااااااات اشلووووووونكم؟؟؟ شخبااااااااركم؟؟؟

ولهت عليكم بس أمس ما دشيت اليوم قاعده أقرى إللي طافني هههههههههههههه

كنديه حبيبتي اشلوووونج؟؟ اشلون ورق العنب ؟؟؟؟؟ آنا بين فتره و فتره أسوي الواحد يشتهي بعد شنسوي

بطتنا يا حلات بنوتج الله يخليها لج يارب بس صج بدعتي على سالفة الثوب ههههههه شوفي آنا حق ولدي لبسته تي شيرت عادي وحطيت له كليبس على علم الكويت و سويت لهم سويت الشتلات وغرست فيه علم الكويت صغير وايد حلو عطيته يوزع على اللي بصفه كليبسات على علم الكويت و سي دي في صور إحتفالنا بالعيد الوطني واااايد استانسوا و على قولتج الأجانب يحبون الشي البسيط و يحليلهم أي شي تعطينهم يبين في عينهم هذا أحلى شي فيهم و يوم رحت آخذه شفت مدرسته حاطه الكليبس على جاكيتها استانست والله هههههههههههههه

ميرميد يا حلوج والله و إنتي اتغنين الأغاني الوطنيه شخباااااارج؟؟؟

برطم نمله ما بغيتي اتطلين علينا والله لج وحشه

Failakawiya يا عييييييني تسلم الأيادي على هالطبخه و عادي في البدايه مره اتصيب مره اتخيب

irresistable اشلووووووونج بشري عنج حبيبتي اشسويتي ؟؟؟؟

جراح الغرام حياج الله حبيبتي ويانا و الله يخليلج بناتج و يسهل أمورج و يوفق ريلج إن شاء الله

mr000 لا اتعبين نفسج بالبدايه راح يروح ولدج ابروحه بس صدقيني راح يمل و يرد ياخذهم من نفسه و صح ما يندفع حق اليهال إللي أقل من 4 سنوات و بعد ال 4 سنوات يدفعون بس النص و على سالفة البرد آنا بعد في كندا بردهم لا يحتمل بس صدقيني جسمنا أخذ عليه و نمرض مو ما نمرض بعد بني آدم بس مو كثر لما انكون بالكويت هواهم نظيف بره لا اتحاتين و إن شاء الله الله يوفقه بدراسته و يتخصص في الجامعه اللي يبيها

 

[irresistible]

ماشاء الله مو ملاحظين الكويتين زادو بامريكا لوووول صرنا فريج كامل هني

كوكي شلون ورق العنب عندي قوطي و عيزاااااانة اسوي

جراح الغرام حياج الله

بطة شكلها الحرب مستمرة بينج و بين بنتج لاااااا نطري عليها بعد اذا عاشرتهم بتعاند اكثر

فوندو الحمدلله لايعة جبدي كالعادة لوووول

 

[chocolate fondue]

اشسويتي ألحين عطوج علاج ولا شنو بعد التحاليل و الله أحاتيج ؟؟؟؟؟

 

[بطه فيها نطه]

والله شكل الصحن يشوق . . . قلت له انت ذوق أول . . . لووول خايفة . . لازم اجرب فيه اول

يوم اكل قال ممممممممممممممم . . . حلو . . بس في شي غريب

و صج لذذذذذذذيييييييييذذذذذذذذ بس قعدنا نكتشف شنو الغريب

نذوق الدقوس بروحه و الدياي بروحه و العيش بروحه

طلع العيش . . .اهوه لما تحطين وياه دقوس و دياي تضيع السالفة بس لما تاكلينه بروحه . . طعمه غريب مادري ليش

كليناه كله و باقي شويه قالي خليها حق العشا

يالله ماعليه اول مره ... بس انتي لاتكثرين بهارات بفوح الدياي ... يمكن هذا اللي غير نكهه العيش

 

[بطه فيها نطه]

شلونكم يا حلوين ؟
ممكن انضم لكم ؟ انا مغتربه ... في لندن

حياك الله اختي ..

 

[بطه فيها نطه]

شووفي انا معااهاا تبين تحتفليين وتلبسينهم سويه في البيت بس لادزينها المدرسه بثووب وهالسواالف لان رااح يضايقوونهاا المدرسين يمكن يستانوس على هالسوالف بس الطلبه بلعوزونها...وصج بصرااحه بتتفشل وتضاايق..تعرفين اليهااال وبذاات هالسن يعلقوون على اي شيء...
شووفي وعن ساالفة قيمه الوطن حبيبتي القيمه مو بس بلبس والاحتفالات بالعكس ...يعني لو هي بديره اكيد بتلبس وتهيص مع البااجي بس صعب تسوين اللي تبين وانتي مو بديرتج ..شووفي احسن حل ان بهذا التاريخ تسوون شيء خاااص فيكم
ان شااءالله ترديين الديره وتتحتفليين لين تقوولين بس...


وعلى سااالفة الملابس هههههههههههه كلناا جذي توه ابوي زاافني يقووولي ذبحتيني لبسي جاكيت هههههههههه ...انا قانوني اذا -5 0 صيفي وانا نفس بنتج مرضتي مثل البرق ...وهم مااتووووب​

بالعكس كنديه انا بالكويت مااحتفل ... مشاعر عيد الاستقلال بقلوبنا ... مو بكيكه او بمسيره

بس انا تعرفت على ابلاتها والمدرسه وحسيت انه عندهم شغف كبير انهم يعرفون عن الكويت ... تعالي شوفي

المكاتيب اللي اوصلت بعيد الحب لها ... الكل يسألها عن الكويت وعن اللغه العربيه

كل مافي الامر حبيتها تلبس وتلقي كلمه ولو صغيره ... بس سبحان الله اليوم يت وقالتلي باجر

عندي برزنتيشين ... واخترت الموضوع عن الكويت ... وهم طالبين منهم يلبسون ويقدمون

شي مادي ... اكله - صور - اي شي ... وفي النهايه تظل ذكرى حلوه باجر

لها ...

 

[بطه فيها نطه]

سلام أشلونكم..آنا من الكويت مو مغتربه..الله يوفقكم يارب وينجحج ياكنديه بدراستج ويوفق زوج جراح الغرام..ويعينج عالغربه مع اليهال.. بس آنا ألحين وآنا أقرا مشاركتج..قاعده أفكر آنا قاعده أقنع ولدي ياخذ زوجته وبنته الصغيره معاه لما يروح يكمل ماستر باسكتلندا وهو مومتشجع يعني كلش مايبي يقول كلها سنه ونص وبيتفرغ للدراسه.. ويخاف ينشغل فيهم ويخاف بنته تمرض هناك من البرد ..مادري آنا ماودي يخلي بنته كل هالفتره.. وهم مابي تتأثر دراسته..

حياك الله اختي ... والله يوفقك ولدك ان شاء الله

 

[بطه فيها نطه]

وطني حبيبي وطني الغالي وطني النجم العالي وطني
شعله مضيئه كلمه جريئه
وطني وطني الغالي وطني
الله الله ياشمس الحياة ياكويت ياكويت يانبض الحياة
الله ياكويت ياكويت الله انتي الحياة
انا كويتي انا كويتي انا النظره انا الفكره انا
انا كويتي انا كويتيى انا الهمه لي الكلمه انا كويتي انا
الله الله ياارض اهلي واجدادي
الله الله يا افراحي واعيادي
الله الله ياكويت الله
دره ولها قلب من ذهب
دره دره
حبها بالقلب انكتب الكويت الكويت
حره ماتعرف صعب
حره حره

رايه في عيون العرب الكويت الكويت
ياحب مايعده عدد
ياشوق مابعده بعد
منصوره في الصوره
والحافظ الله ياكويت

ياعيني .. :eh_s(9)::eh_s(9):

 

[بطه فيها نطه]

هااااااااااي بناااااااات اشلووووووونكم؟؟؟ شخبااااااااركم؟؟؟



بطتنا يا حلات بنوتج الله يخليها لج يارب بس صج بدعتي على سالفة الثوب ههههههه شوفي آنا حق ولدي لبسته تي شيرت عادي وحطيت له كليبس على علم الكويت و سويت لهم سويت الشتلات وغرست فيه علم الكويت صغير وايد حلو عطيته يوزع على اللي بصفه كليبسات على علم الكويت و سي دي في صور إحتفالنا بالعيد الوطني واااايد استانسوا و على قولتج الأجانب يحبون الشي البسيط و يحليلهم أي شي تعطينهم يبين في عينهم هذا أحلى شي فيهم و يوم رحت آخذه شفت مدرسته حاطه الكليبس على جاكيتها استانست والله هههههههههههههه

ها

حسل خييييييييييير على قولتهم ههههههههه وباجر بتلبس وسويت لها كب كيك بسبوسه ههههههههه

باجر احطلكم صورته ... انتي شخبارك ؟؟؟

 

[بطه فيها نطه]

ماشاء الله مو ملاحظين الكويتين زادو بامريكا لوووول صرنا فريج كامل هني

الله يزيد ويبارك ... وان شاء الله البعثات تزيد ويسهلون امور الطلبه




كوكي شلون ورق العنب عندي قوطي و عيزاااااانة اسوي

انا مثلك ... شاريته تقريبا من شهر ... بس يبيله مقاقه

جراح الغرام حياج الله

بطة شكلها الحرب مستمرة بينج و بين بنتج لاااااا نطري عليها بعد اذا عاشرتهم بتعاند اكثر

والله من خوفي عليها ... بالكويت احنا مقيمين عند المستشفيات والسبه ماعندها مناعه بسرعه تستمرض

والجو اهني حيل بارد ... ومايصلح التي شيرت ... ليه يا الصيف لبسي


فوندو الحمدلله لايعة جبدي كالعادة لوووول

انتي شخبارك ؟؟ بشرينا عنك ؟؟


:fun: