ياكثر ماقالواالf ماتاثر بس طلعووووااا كذابين

[bdora]

شقول يابنات التبريه الاساسيه طلع كل الكلام اللي ينقالنا كذب في كذب:denya:
طلع الف تخفس بالمعدل ولابعد اذا ماعدتيها بالكورس اللي وراه رحتي فيها وطي
والfaتقعد على طول كنج ماعدتي الماده:lkmnkl:
الحين شسوي بنات شكلي بنفصل هالكورس وين اروح منو اكلم:krkrkr:

 

[Anestazya]

اي ادري من زمان مرة خذيت ولعب بالمعدل لعب وكلمتهم التسجيل قالوا اكثر شي يلعب بالمعدل الاف

 

[bdora]

انتي اي كليه حبوبه

 

[بنوتـــ عسل ـــة]

امبييييه صج ؟؟؟

ربي يوفقج والله ما ادري اصلا دايم يقولون الاف ما تأثر ؟؟؟

 

[مطـــيــريهـ فـــوشيـــآ]

تاثر بس كورس ولما تعيدينهاا يرتفع معدلج كانج ماخذتي فيها اف بس لازم تطلعين بدرجه حلوه b.a

 

[زينن ع زين]

يااااااااويلي نفس الكلام قالوا ما تأثر كلششش لأنج راح تعيدينها


يعني لازم اخذهااا الكورس الجاي

الله كريم

 

[أم حمد =)]

طبعا تأثر


موفقة ان شاء الله ..

 

[[..كـــــرك..]]

محد كذاب

اذا خذتي اف عيديها الكورس اللي وراه ع طول وراح تروح عنج الاف كانج ماخذتي اف

عرفتي

عشان جذي قصدقهم ماتاثر

 

[bdora]

ياحبيبتي ياكرك الاف تدخل بحساب المعدل والا لا بمعنى تنقسم مع مجموع الوحدات المسجله والا لا؟؟؟
جاوبيني ياقلبي

 

[miss cute]

الf طبعاً تدخل بالمعدل .. والf = صفر .. علشان جذي المعدل ينزل حيييل


بس لما تعيدين المادة إن شاء الله .. تنشال درجة الf وتستبدل بالدرجة اللي خذيتيها سواء a,b فيرد المعدل يرتفع ..

انا مرة أخذت fa نزل المعدل .. وبعدين لما عدت المادة رد ارتفع ..


لا تحاتين إن شاء الله تتعدل الدرجة .. بس ديريبالج لا تتعودين تاخذين f ولا حتى fa الا إذا حيييل مضطرة وعندج ظروف ..

وحاولي تعيدينها علطووووول الكورس اللي بعده علشان لا تتكيسلين .. كل ما أخرتيها كل ما ثقل همها ...

 

[bdora]

مشكوره ياعمري ميس كيوت
يعني معناتها تدخل بالحسبه لما يحسبون الوحدات المسجله والمجتازه؟؟؟؟

 

[..آيــــآتــ ..]

؛

بناااااااااات بلييز شنو الفرق بين الـ f و الــ fa ؟؟؟

؛

 

[bdora]

الاف بروحها ساقطه
اما الاف اي الغياب بالامتحان مسقطج

 

[..آيــــآتــ ..]

اهاا اوكي

لاني كنت ماخذه d فقلت حق الدكتور يعطيني f

 

[bdora]

ليش لو قاعده على الدي ابرك بس يلااا خيره

 

[غمـــ ^^ ـــازه]

عاد انا عندى هالكورس ماده f يعنى لازم اعيدها الكورس الثاني

 

[bdora]

اي ياغمازه على طول سجليها الكورس الجاي ولاتخلينها بالسيستم يجمعونه مع الوحدات المجتازه
هذا اللي قالوه التسجيل

 

[нάγoηά cнεмίsтяγ]

لا حبيبتي انتي فاهمه غلط . . . الكلام الي سمعتيه مو جذب بس قاعد يصير عندكم سوء فهم

الf تنزل معدل الكورس الحالي فقط . . يعني " تدخل بالمعدل و تنحسب لج زيرو وبالتالي راح ينزل معدلج بالكورس الي أخذتي فـيه إف " حلوووووو . . ؟
بس مجرد ما تعيدينها يرتفع المعدل واااايد لأن تنلغي الf وتنرصد الدرجة اليديده . . و لما تنلغي الإف القديمه وتنرصد لج درجة يديده راح يصير جنها دبل فـ وايد تزيد معدلج

و الfa معروفه انها تخفس المعدل اصلاً . . . وانتي المفروض ما تسمعين كلام الناس
سألي مكتب التسجيل أول بأول
الإف إيه لمه تعيدينها اوكي ترفع لج المعدل ما اقولج ما ترفع بس لو كانت إف راح تنرفع اكثر لأن الإف يلغونها ويبدلونها بالدرجة اليديده بس الإف إيه لأ تتحسرين انها ما كانت إف

انا مجربة الـf و مجربة الـfa و الحمدلله يوم خذيت f و عدتها ارتفع معدلي حييل فرق السما عن الارض
والfa نزلت معدلي وايد لأن لمه تعيدينها ما يلغون الزيرو القديمه . . . وبجذي راح تنزل المعدل


مع العلم ان كل طالب له فرصه ياخذ 5 مرات إف
عشان يلغون له الزيرو القديمه . . . بس الـ الإف السادسه ماراح يلغون لج الزيرو القديمه تصير لج جنها إف إيه

و اتمنى اني وصلت المعلومه

 

[لؤلؤة الكويتْ]

سمرااااا مشكووووره توني أعرف الـ f شنو فايدتها
إنزين شرجي الـ d عفيه <~ مستجده

 

[bdora]

حبوبه سمرا انزين انا عندي اف الكورس اللي طاف بس هالكورس ماخذيتها يعني تنحسب بمعدل هالكورس والا لا....
والاف الحد الاقصى 8 افات عندنا