~ .. خذيني معاج ..~ .. راويتي الاولى .. قصه واقعيه ..!

[Danya =)]

بارت 32

( ما احلل اي احد ينقل القصه من غير ذكر اسمي (


نزلنا انا وامل .. ودخلنا البيت واول ما دخلنا شفنا فيصل بويها .. وكان مصعب حده ..

فيصل : وين كنتوا ؟
انا : قلت لك بمسج
فيصل : اها وليش رايحه ؟
امل : فيصل شفيك شهالاسئله اهيه يايه معاي انا خذيتها
فيصل : ليش ؟ شصاير يعني ؟
امل : فيصل تعال بكلمك .. دانيا انتي روحي ارتاحي
انا : زين


..

ما كنت ادري امل بتكلم فيصل على شنو وليش .. بس حسيت نفسي تعبانه وخدرانه .. أمي ليلحين ببالي ومو قادره اشيل صورتها ..


حطيت يدي على بطني .. افكر بمصير اللي ببطني .. شلون بربيه ؟ وشلون بعيش ؟! ..

قطع حبل افكاري صوت الباب ..

فيصل : دانيا !
انا : هلا ؟
فيصل: شفيج .. انتي متضايقه ؟
انا : لا مافيني شي
فيصل : اممم ضايقتج لما طقيتج ؟
انا : ما يهمني
فيصل : ما يهمج اني طقيتج ؟
انا : عادي صار عندي الشي عادي .. صرت اتوقع كل شي
فيصل : افا .. لي هالدرجه شايله علي ؟
انا : ما يحتاي تسأل هالسؤال انت سويت اللي عليك وخلصت مشكور
فيصل : انزين تسامحيني ؟
انا : خلاص فيصل ما صار شي

قرب مني فيصل .. وقعد يمي .. وحط يده على يدي ..

فيصل : حبيبتي سامحيني .. تنكسر يدي اذا طقيتج سامحيني تكفين
انا : مسموح
فيصل : من قلبج ؟
انا : ..
فيصل : دندوش تكفين سامحيني ترى انا متحسف وايد
انا : خلاص مسموح فيصل ما صار شي
فيصل : قومي خل نطلع تغيرين جو
انا : مابي تعبانه
فيصل : شفيج ؟ بشنو حاسه ؟ بطنج يعورج ؟ شكله بدى يتحرك
انا : هههههههههه شفيك شنو بدى يتحرك تونا بالبدايه
فيصل : وي يعني لي الحين ما يتحرك
انا : لا
فيصل : بلمس بطنج بشوف
انا : هههههههههههههه
فيصل : فدييت هالضحكه يالله مافيج شي وعن العياره خل نطلع
انا : زين بس ابدل
فيصل : اووكي ناطرج ..


بدلت هدومي .. وتجهزت ..

فيصل : ها خلصتي
انا :أي
فيصل : يالله نروح
انا : وين
فيصل : بعدين تعرفين

مسكني فيصل من يدي .. ونزلنا تحت .. وكانت مريم قاعده بالصاله ..

فيصل : انزين متى يكبر بطنج
انا : هههههه شفيك مستعيل ما ادري

واحنا تحت انتبهنا لمريم ..

مريم : ماشاء الله كله تضحكون وبس !
فيصل : اسم الله علينا .. لليش تبينا نبجي ؟
مريم ( تطالعني ) : لو انا بحالكم أبجي
فيصل : وليش نبجي !! بالعكس عايشين حياتنا ومستانسين
مريم : عشتوو .. الله يعينكم بس
فيصل : يالله دانيا نمشي .. عن اذنج مريم


صعدنا السياره ..

فيصل : بوديج مطعم ايننننن .. اكله حده حلوو
انا : اوكي
فيصل : تاكلين اصابعج وراه
انا : ههههههه نشووف
فيصل :أي عشان تمتنين كلي وايد ترى حدج ضعيفه
انا : هممم انزين

وصلنا المطعم وقعدنا ..

انا : فييصل فيصل
فيصل : شفيج ؟
انا ( صرت ابجي ) : خل نطلع
فيصل :لييش ؟!
انا : ما ادري فيصل .. مخنوقه والمكان ما عجبني
فيصل : شفييج .. المكان حده حلو !!

زدت في البجي .. ما ادري ليش كنت ابجي وايد .. بس حسيت بخنقه .. حسيت بعوار .. حسيت بأحساس ما اقدر اوصفه ..

انا : فيصل تكفى .. اذا تبي انت اقعد وانا اروح السياره واذا خلصت تعال
فيصل : اووف دانيا شفيج ؟ توج كنت شحلاتج
انا : ما ادري فيصل مو مرتااحه خل نطلع
فيصل :أووف زين زين خلاص روحي السياره وانا يايج
انا : اوكي

صعدت السياره ونطرت فيصل ..

فيصل : انتي شصار لج ؟
انا : ما ادري فيصل
فيصل : خلاص ولا يهمج .. شرايج نروح البحر ؟
انا ( صرت ابجي ) : لااااااا فيصصصل تكككفى تكفى رجعني البييت بمووت
فيصل : دانيا دانياااااا شفييييييج ؟!
انا : بمووت فيصل ردني البيت .. آآآه

قرب مني فيصل ولمني ..

فيصل : دانيا انا معااج شفيج ليش خاايفه ؟
انا : ما ادري فيصل مره وحده صار لي جذي
فيصل : ميخالف حبيبيتي خل نرجع البيت .. يمكن ترتاحين
انا : أي تكفى


وصلنا البيت ..

البيت ظلام .. الدنيا ظلام بعيني .. شفيني .. جسمي يعورني .. نوبه بجي .. صراخ ..

شصاير بالدنيا ...

وعيت على صوت امل ..

امل : دانيوو
انا : ها .. شنو ؟
امل : دانيا شفيج سرحانه
انا : شفيني .. ما فيني شي
امل : مو عاجبني حالج
انا : امل تعببانه .. احس الدنيا سوده بويهي
امل : ادري حبيبتي حاسه فييج .. انا عندي اقتراح ؟! وان شاء الله توافقين عليه
انا : شنوو
امل : لا تضايقين ولا تعصبين سمعيني وبس .!
انا : اوكي


..



بنات ادري البارت قصصير :eh_s(2):

باجر بكتب لكم طوييل وسامحووني

وتصبحون على خير ​

 

[انا خطر]

دانيا قصير حده

بس كل شي منج حلووو

و شكله مفعول السحر

 

[أم _ أيون]

امبي لااااااااااااااا دانيا والله مايصير ننطرج نطره وآخرتها بارت قصيير حرام علييييييييييييييييييييييييج
بس مسموحه يمكن عندج ظروف

 

[D3laa]

واييييييييييد قصصصصير

بس ماعلييييييه ناااطريييينج باجر ببارت اطوووووول

 

[المستبــده]

تووني اطيح عل قصه

ما تصدقين لو اقولج قريتها كلها اليوووم وما كنت ادري انها قصتج وما كنت اتمنى تكونين انتي صاحبة القصه

ربي يعينج بس انا مستغربه
معقوله تدرين انهاا ام السحوره وساكته !!

المفروض تمسكين عمتج وعمج وتقولين لهم اللي ام سلمان قالته لج
وتاخذون ابوج تودونه لشيخ يقرا علييه حتى لو غصبن علييه

حرام تسكتين وانتي تدرين
والحين مبييين انها مسويه سحر لج ولفيصل واذا ما تداركتي الموضوع
فحطي ابالج انهاا راح تفرقكم عن بعض

وليشما تبين تحملين
صح توج صغيره بس مبين من كلامج انه عقلج كبير مشالله وراح تقدرين تربين الياهل
ترى ماكو احلى من الضناااا
الله يرزقني ويرزق كل محروومه

وسووري طوولت علييج بس لاني قريتها كلها مع بعض

 

[zooz92]

ويييييي شكله كل الا يصييير لج من السحر الله يستر بس

يعطييييج العااافية على الباااارت

نااااطرينج

 

[؛؛دلع بس بسنع؛؛]

رايي من راي الاخت "" مرت ريلها ""

{ تدرين انهاا ام السحور وساكته

المفروض تمسكين عمتج وعمج وتقولين لهم اللي ام سلمان قالته لج
وتاخذون ابوج تودونه لشيخ يقرا علييه حتى لو غصبن علييه

حرام تسكتين وانتي تدرين
والحين مبييين انها مسويه سحر لج ولفيصل واذا ما تداركتي الموضوع
فحطي ابالج انهاا راح تفرقكم عن بعض.}

 

[cute princess]

nice part 7ubi :
mako zaf elyoom la t7ateen
na6reen el new part ;**

 

[UNiQe^PRiNceSs]

thanks 3alla el.part 7ubiii
hathi swalf mnira:gr4uu:
y3l mako mneeera:lkmnkl:
kmlaaay na6ren el.new part ;**

 

[كـرامـيـلا]

ما شاء الله القصه وايد حلوه خلصتها كلها بقعده وحده

ناطرين البارت الياي

 

[maadaa]

مشكورة على البارت حبيبتي


ناطرييينج حبيبتي ....

 

[البارونه*_^رونه]

نااطرينج قلبي
وثانكس عالباااااااااااااارت

 

[امواج الكويت]

احس ان مريم لها تدخل باللي قاعد يصيرلج انتي وفيصل

 

[وردة في نهر الزمان]

حتى انا احس مريم ورها شي بس الله يبعد عنك كل مكروه حبيبتي

 

[miss disaster]

اممممممم


مريم اكيد وراها شي

الله يكفيكم شر العيون




ناطرينج

 

[عطر مذهب]

اشتغل سحر منيروو الخايسه اكرها

و مريم وراخا شي اتوقع اهيا مع منيرو مسوين لكم شي

و ناطرينج

 

[step up]

حيااااااااااااااتي ترا كله من السحر اللي يصير لج واذا حلمتي بكوابيس مكرره ديري بالج وروحي عند شيخ يقرا عليج وعلى فيصل

أحبج

 

[!pink-card!]

thx taty


w waiting

 

[step up]

دندووووووش هذا الاهداء اتمنى يعجبج

 

[step up]

بنات شرايكم بالاهداء حلو ؟