همســات حالـمه
New member
همســات حالـمه
New member
حيااااتي انتييي فدييييييتج على هالتشجييييع
اليوووم الباااااارت وبعد شوي راح ينزل
_03ba:
همســات حالـمه
New member
البارت عذااب موصج
وعبدالله كاسر خاطري والله ما يستاهل
يلا ناطرينج قلبي
اي والله حده ما يستاهل مسكين
بعد عمرررري :****
همســات حالـمه
New member
همســات حالـمه
New member
ترى والله موقفه رجولي بس لو ما كان فهم غللللط :eh_s(14):
ما كان يرضى انه يلعب على كيفه من ورا أبوها واهو كان يبي يحقق رغبة أبوها
اي والله تخيلي !!!
ايييييييه مااااالت علييييه ينررفزز صـــــــج :eh_s(14):
همســات حالـمه
New member
هموووووس انا اتراجع عن كلامي نبي بااارت كل يووووم ما نبي يوم وترك:dddds:
الصراحه مافيني صبر ابي اعرف شصار على عبوود:0bee2e8d89:
ناااطريييينج
لووووووووووول يااا ســـلاااام :dddds:
ان شاء الله بعد شوي راح تعرفيـــن فديـــــتج :***
زهور الجمان
New member
همســات حالـمه
New member
همســات حالـمه
New member
همســات حالـمه
New member
يااا عيووون هموووووس
فديـــــــــــــــت اللي يحااااتيني
بعد عمررري والله انتي بس مثل ما قلتلج على الخااص اليوم مادري شفيني كللله نااايمه!!!
تخيلي قمت من النوم الظهر وبعدين طلعت ولما رجعت المغرب ما حسيت على روحي ونمت وما قعدت الا توني !!
سووري والله ما كان قصدي أكشت فيـكم بس الظاهر كان فيني نقص نووم !!!
حياااااااتي انتي حدج تهبليييييييين ومشكوره على اهتمامج ياا بعد جبدي ... حدي حدي أحبــــــج اممممووواااااااااااااااااه
:tek: :tek:
همســات حالـمه
New member
همســات حالـمه
New member
همســات حالـمه
New member
همســات حالـمه
New member
لووووول بـــعد جبـــدي تسلم ايدج بس عاد انا ما أشرب قهوه لان ما أحبها :tomato2:
الله يعاااااااااااافيــــــج يااا رووووحي انتي وان شاء الله يعجبكم البارت لان طول معاي وايد
تسلميـــــــــن ياالغاليـــــــــــــه :tek:
يالله انا قاعده من الصبح بشووووف البارت
جووود عل و عسى تتطلق عذوب و يا خذها عبدالله المليق
بس شكله سليمان وايد فقير و على نياته... هادلها الخيط و المخيط...
المره تبي واحد شديد عليها مو كل كيفج واللي تبينه سويه ....
ناطرين
جووود عل و عسى تتطلق عذوب و يا خذها عبدالله المليق
بس شكله سليمان وايد فقير و على نياته... هادلها الخيط و المخيط...
المره تبي واحد شديد عليها مو كل كيفج واللي تبينه سويه ....
ناطرين
همســات حالـمه
New member
صبـــــــــــاح البـــــــارت علــى الحلويــــــن
الله وناااسه ماني مصدقه اني منزله البارت الصبــح :ggdw:
رجاااء خــاص : بنات حباببي انتو طلبتكم بليز بليز لحد يسب عبدالله او يغلط عليه لان ما تتصورون شكثر قاعده اتضايق ويأثر فيني هالشي
البارت الخــامــس عشــــر
رهف ساكته ومنصدمه ومو مطاوعها قلبها تشوف اخوها جذي.....
عبدالله يبجي وكان بعدها منهااار
قــــــــويت بلحظة فــــــــراقكـ أداري دمعتـــــــــي لاتطيح
ويــــــــوم أقفيــــــــت!! عجـــــــــــزت وطحــــــت أنــــــــــاكلــــي
عبدالله: الحين شسوي بحياتي اناا؟؟!! ضيعت عذوب مني خلاص
رهف صارت تبي تحاول تهديه : عبدالله حبيبي بس خلاص
عبدالله قام من مكانه وخذا مفتاحه يبي يطلع....
رهف: وين رايح؟؟
عبدالله: بس ماني متحمل اقعد اهني بطلع
رهف: لا عبدالله ما ينفع تسوق وانت بهالحاله !!
عبدالله: بس وخري عني خليني
رهف وقفت جدامه قبل لا يطلع....
رهف: لا ما راح اخليك تروح !!!
عبدالله عصب: بس قلتلج خليني
رهف: انزين اوقف شوي اصبر حاجني
عبدالله: اشتبين رهف؟؟ اشتبين؟!
رهف: بكلمك اقعد شوي
عبدالله: رهف بس ماني متحمل شي
رهف: الحين الساعه 2 وشي وين بتروح؟! اقعد شوي بكلمك
عبدالله وقف : اووف.....دقيقه
ودخل الحمام ( عزكم الله ) عشان يغسل ويهه وهدا شوي وبعدين طلع....
عبدالله: نعم؟؟!
رهف: اااااه
رهف حاولت تبي تتكلم بس ما تدري شتقوله!!
عبدالله: رهف خلاص ماني طالع بس ممكن الحين تخليني بروحي
رهف: لا بقعد اكلمك شوي
عبدالله: ادري ما عندج شي تقولينه!! فطلعي الله يخليج
رهف: مابي اخليك بروحك وانت جذي
عبدالله: رهف ان ما طلعتي ترى باخذ باخذ سويج السياره وبطلع
رهف: خلاص خلاص اوكي بطلع..... ادري انك منقهر بس الله يخليك خلاص لا تضايق روحك اكثر
عبدالله: يلا رهف طلعي
رهف: انزين....اذا احتجت اي شي نادني عفيه
عبدالله: انزين رهف يلا
رهف: انا بيي بعد شوي اطل عليك
عبدالله: اووه ترى أذيتيني !! يلا طلعي
رهف: انزين...تصبح على خير
اول ما طلعت صك الباب وقفله....
رهف دخلت غرفتها وقطت روحها على الفراش وبدت تبجي حييييل.... تبجي على اخوها وعلى رفيجتها....منقهره عليهم الأثنين.... مو مصدقه ان كل هذا يصير ويفترقون بسبب مجرد سوء تفاهم بسيط!!!
ثـاني يوم الصبح دقت عذوب على رهف اللي كانت نايمه وقعدت على صوت التلفون...
رهف واهي دايخه: الوو
عذوب: هاااي رهف
رهف صحصحت شوي : اهليين
عذوب: انتي نايمه صح؟؟
رهف: لا لا حبيبتي عادي
عذوب: بس بغيت اكلمج قبل ما ندخل الطياره.....حبيييبتي راح اووله عليج
رهف اخنقتها العبره : بعد عمري وانا بعد
عذوب: ديري بالج على روحج.... وانا راح احاول اكلمج من هناك
رهف صوتها يرجف وماسكه نفسها ما تبي تبجي : اوكي
عذوب: وحبيبتي وايد مشكوره على امس ما قصرتي معاي
رهف : حبيبتي من صجج!!! ما يصير تشكريني انا اختج
عذوب: الله يخليج لي ...
رهف بدت تبجي...
عذوب: وي رهف قاعده تبجين؟؟!
رهف: هااه؟! لا لا
عذوب : رهووف لا تبجين حرام عليج الحين راح تبجيني معاج
رهف: لا خلاص خلاص....حبيبتي ان شاء الله تروحين وترجعين بالسلامه
عذوب: الله يسلمج بعد عمــري....يلا انا اخليج الحين وبس لا تبجين خلاص
رهف: لا بس خلاص..... وحبيبتي بليز طمنيني عليج بس توصلين
عذوب: ان شاء الله قلبي يلا مع السلامه
رهف: مع السلامه
رهف صكت الخط وغسلت ويهها وراحت غرفة اخوها تطل عليه....
طقت الباب بس محد كان يرد ودخلت وما لقته موجود ودقت عليه وكان جهازه مغلق وبدت تحاتيه...!!
عبدالله طول الليل ما عرف ينام والساعه 6 الصبح طلع من البيت وصفط عند مواقف البحر ونزل يتمشى....
يوم شفت الكون فـي غيابـك شبـه خالـي ’،
صحـت فـي وجـه الزمـان وقلـت أبيـك’،
كنت أدور في عيون الناس إجابـات لسؤالي’،
يمكن أعرف وين رحت !
وليـه رحـتْ ؟
وكيـف أجيـكْ ؟!
كنت أقول لكل شارع ما وطتك أقـدام غالـي...
مـن كثـر مـا كنـت أبـي قربـك وأبيـك !!
مـن كثـر مـا كنـت أبـي قربـك وأبيـك
روابي كانت بشقتها ولحد الحين ما سأل عنها سعود وما مرها كلش....
مرات كانت تتمنى ان يطقها ويعاملها مثل ما يبي بس على الأقل يكون موجود معاها.... زهقت واهي تدق عليه بس ما يرد..... فجأه تسمع صوت عند الباب ويدخل سعود...
روابي استانست وفزت من مكانها على طول رايحتله...
روابي: سعود!!
سعود: مو ياي عشانج انا...وخري
روابي: سعود حرام عليك ليش قاعد تسوي فيني جذي؟!
سعود: اقول ترى مالي خلقج انا
ودخل الغرفه وكان قاعد ياخذ جم شغله من أغراضه....
روابي: سعود بس فهمني!! الحين انا شنو بالنسبه لك؟؟ راعيني على الأقل هالفتره....انا حامل وتعبانه ومحتاجه احد وياي
سعود ما كان قاعد يرد عليها...
روابي: الحين كل اللي تحملته عشانك خلااص نسيته؟؟ انت ليش تكرهني؟؟؟ أصلا انت في مره حبيتني؟؟ انا الحين عرفت ان بالنسبه لك ولا شي.....ولا شي
سعود مو سائل فيها ولا قاعد يرد عليها....
روابي: على الأقل طالعني وانا اكلمك!! رد عليي...قولي شي
سعود: انا مو فاضيلج الحين ... بقعد اجابل مرتي المسكينه التعبانه بسببج
روابي: يعني انت كلش ما كان لك علاقه بشي؟؟ وانا اللي بس انلام بكل هذا..صح؟؟؟
سعود: اووهووو
ودزها على الفراش واهي صرخت....
وش تنتظر يامحرق القلب بالنار
ما تستلم روحي وتقضي عليها
انا رمتني في محبتك الاقدار
والروح سوي اللي تبي اليوم فيها
سعود ما اهتم ومشى.....
روابي بدت تصرخ تناديه: سعوود....سعووود لا ترووح سعوود
وبدت تبجي......
مــر أسبوعيــن وعبدالله بهالفتره كانت صاكه فيه الدنيا وما يتحاجى وكله معصب ونفسيته كانت تعبانه حيـل.....
ريم كانت تحاول تكلمه وتدق عليه بس ما كان يرد عليها.....
وقررت بيوم انها تروحله البيت واول ما وصلت سألت عن رهف وراحتلها...
ريم: رهف بس بسألج عن عبدالله...ابي اعرف شفيه؟؟؟ ليش مو قاعد يكلمني؟!
رهف: ما فيه شي ريم
ريم: وانتي بعد لما ادق عليج ليش ما تردين علي؟؟
رهف عصبت: ريم انا وانتي مو صديقات ومو متى ما احتجتيني دقيتي علي !! الشي اللي بينج وبين اخوي انا مالي شغل فيه
ريم: الشي اللي بيني وبين اخوج!! اهو قالج شي؟؟!
رهف: ريم انا مالي شغل كلميه اهوه
ريم : خلاص مشكوره
ريم طلعت من الغرفه وبدت تفكر وتحاتي ان يكون عبدالله عرف كل شي....
راحت انطرت عبدالله بالصاله تحت لما يوصل...لان محتاجه تكلمه وملت من كثر ما تدق عليه وباليالله يرد عليها ويكلمها فحست ان خلاص شكله عرف كل شي ومتضايق منها وصار ما يبيها....
عقب ما انطرته ساعه تحت ولا يدخل البيت....
ريم قامت من مكانها بسرعه: عبدالله!!
عبدالله: ريم!! شتسوين اهني؟؟
ريم: عبدالله شفيك؟؟؟ ليش ما ترد علي؟؟ واذا رديت تنفس ومالك خلقي؟!
عبدالله: ريم خليني متضايق انا
ريم: متضايق من شنوو؟؟ قولي
عبدالله: بس متضايق !!
ريم: عبدالله شصار فهمني
ريم شافته جذي وكان شكله حيل تعبان حست انها لها علاقه بكل اللي قاعد يصير فيه....
ريم: عبدالله في شي انت مو قاعد تقولي اياه؟؟؟
عبدالله ما طالعها وما رد عليها...
ريم: عبدالله شفيك؟؟؟ في احد كلمك عني؟؟
عبدالله استغرب شوي من كلامها وطالعها وظل ساكت....
ريم اضعفت جدامه: عبدالله لازم تسمعني واللي صار مو ذنبي
عبدالله ساكت يبيها تتكلم للاخر....
ريم: اهو بالجامعه كان على طول يسأل عني ويشوفني اذا محتاجه شي ويهتم فيني وبعدين مره عطاني رقمه وقالي عشان اذا احتجتي شي أساعدج فيه بخصوص الكليه....
عبدالله منصدم وبس ساكت....
ريم: بعدين مع الوقت صار بينا صداقه وصرت اكلمه بالتلفون واشكيله عن مشاكلي وقام يسمعني ويهتم و و بعدين اكتشفت انه يحبني ويبي يتقدملي
عبدالله منصدم : شنوو!!!
ريم: عبدالله والله اني احبك انت
عبدالله: لحظه !! منو هذا؟؟ انتي عن منو تتكلمين؟؟
ريم: مـ مـ مساعـد
عبدالله تبققت عيونه: مساعد!!!!! مساعد رفيجي؟؟؟؟
ريم: عبدالله والله انا احبك انت
عبدالله عصب: تحبيني انا؟؟؟ واناا أقوول طول ما انا مسافر لا انتي ولا اهوو تدقون ولا تسألون عني اكيييييد خوو طايحليه غرام انتي وياااه
ريم: عبدالله اسمعني
عبدالله: بلا عبدالله اسمعني بلا بطيخ...روحي طلعي بره
ريم: عبدالله يعني انت سافرت وتركتني بروحي وانا كنت بعز حاجتي لك
عبدالله: لا والله؟؟ يعني غلطتي الحين!!
ريم: اهو بدا يسمعلي ويريحني فارحتله وفضفضتله عن كل شي
عبدالله: اهاا وانتي تمشين وتشكين حق خلق الله!!!! بس ريم كل شي بيني وبينج انتهى خلاص...
ريم: لا عبدالله اصبر...كلمني...الذنب مو بس ذنبي وانا قلت حق مساعد اني معاك واحبك
عبدالله: لحظه!!! يعني مساعد درا انج حبيبتي وهم ما همه؟؟!
ريم: ااااه اهو قاعد يقول انه يحبني اكثر ومستعد يتقدملي اليوم قبل باجر
عبدالله : بس ريم طلعي بره
ريم: عبدالله انا قلتله اني ابيك انت !!! وانت أصلا مادري متى راح تتقدملي؟!! مساعد تخرج وانت بعدك واهو مستعد من باجر يخطبني
عبدالله وقف مصدوم من كلامها....
ريم: اهو شاريني ويبيني وانت أصلا ما تدري شنو تبي
عبدالله:...........
عفيه علي للحين واقف واسمعك ... ولا كلامك الجبل منه يطيح
مدري اجمع افكاري او اني اجمعك ... اقسملك إني ضعت وضيعت الصحيح
إنت اتكلم وآنا اصلا مو معك ... بأول كلامك وانا ريشه بوسط ريح
اقول في نفسي من اللي ضيعك ... ابفهم اللي صار حتى إني استريح
مادمت بايع انا ماراح امنعك ... وبودعك بطيب رغم إني جريح
وإن كان ظنك إني بضعف واتبعك ... امووووت بحزاني ولا بسمك اصيح
ما اقنعك حبي زمانك يقنعك ... وتذكر كلامي لما في غيري تطيح
هذاك درب البعد روح الله معك ... لكن تاكد مايصح إلا الصحيح
عبدالله بدا يصرخ: ريم طلعي بره
ومشى عنهااا واهي قامت تلاحقه بالصاله.....
عبدالله بدا يطلع من عيونه نار وكان حيل معصب وبدا يصرخ: قاعد أقولج طلعي بره أحسنلج
ريم: عبدالله انا الحين رفضته عشانك
عبدالله: لا والله؟! لا صج ...الله يعطيج العافيه مشكوره
ريم: على فكره وترى عقب ما رفضته قال انه مستعد ينطرني ويبيني
عبدالله يصرخ: عيل شناطره؟؟؟ يلا روحيله
ريم واهي تبجي: عبدالله انا اسفه ما كنت متوقعه ان اللي بيني وبينه راح يتطور جذي
عبدالله: ريم هذا رفيجي وانتي عارفه وانا كنت أسولفلج عنه مرات وجذي تخونيني مع رفيجي
ريم: عبدالله اهو اللي بدا يتمادى معاي بالكلام
عبدالله يصرخ: انتي اللي عطيتيه فرصه....بس ريم لا تحاولين خلاص انا ما ابيج روحيله خل ينفعج... ما أبي أشوف رقعة ويهج
ريم وقفت وصارت تبجي بمكانها.......
عبدالله ما تحمل وطلع بره البيت وريم طلعت وراه وصارت تناديه وتبجي بس ما رد عليها وركب السياره ومشى.....
كان معصب بس بعده مو قادر يستوعب ان مساعد رفيجه من سنين يخونه بهالطريقه!! ولا قادر يصدق ريم اللي وقف معاها متى ما احتاجته وياما سمعلها وساعدها تخونه مع أعز أصدقائه....
وادمـعت عيـونــه.....
أنا أذكر يوم جيتني وبصدرك نزيف طعون ..
سحبت السيف أبفزع لك .. وبسيفي طعنتني ..
http://www.4shared.com/file/82444030/dfdea8ab/______.html?s=1
>>> شعر حامد زيد وراشد الماجد لا يطوفكم
روابي صارت كل يوم تروح بيت أهلها تتغدا وتحاول كثر ما تقدر ما تخلي ابوها يشوفها لان تخاف منه خصوصا انه قايل ما يبي يشوفها كلش....وامها واختها رغد عرفوا ان في مشاكل بينها وبين ريلها بس ساكتين وشايلين ايدهم.....
أم عبدالله: روابي بسألج وابيج تجاوبيني
روابي: هلا يمه
أم عبدالله: اهو قاعد اييج؟ قاعد يصرف عليج؟؟ قاعد يساعدج بشي؟؟
روابي سكتت وكانت حيل منحرجه تقول حق امها انه هاجرها وما يدري عنها صارلها جم أسبوع....
روابي: هاه؟!
أم عبدالله : ردي علي.....قاعد يبات عندج؟؟؟ قاعد يصرف عليج؟؟ قاعد يشوف شنو تبين وشنو محتاجه؟
روابي خافت : اي يمه قلتلج يومين عندي ويومين عند مرته
أم عبدالله: انزين وقاعد يصرف عليج؟؟
روابي سكتت والواقع اهي محتاجه فلوس واهو مو قاعد يصرف عليها كلش...
ام عبدالله: والله صج ما يستحي على ويهه!! .... اكيد بعد متزوج وعنده يهال وين راح يلحق على مصاريفهم ومصاريفج!!! مو هذا اللي كنتي ميته عليه...استانسي الحين
روابي: يمه بس كافي لا تلوميني
أم عبدالله: العيشه اللي انتي فيها الحين هذي من سواتج...وما تلومين الا نفسج
وطلعت أم عبدالله من دارها وارجعت....
أم عبدالله: هاج فلوس تدبرين نفسج فيهم...وانا بشوف اطلب من عبدالله يكلمه
روابي: لا لا لا يمه مابي احد يكلمه
أم عبدالله: ما يصير يعني مهما كان انتي مرته ومجبور يصرف عليج
روابي: لا يمه خلاص انا اكلمه بس تكفين لا تقولين حق عبدالله شي
أم عبدالله: كيفـج أحسن بعد
وطلعت من دارها....
عبدالله راح حق رفيجه مساعد الدوانيه وكان داخل معصب وعلى طول راح يبي يتهاوش معاه وراح طقه والشباب مسكوهم ...
عبدالله معصب: من وراي يا مساعد من وراااي....شلون هنت عليك جذي؟؟
مساعد ساكت ومو قاعد يرد عليه....
عبدالله: ما توقعتك جذي يالخسيس
مساعد: عبدالله انا حبيتها قبل ما ادري انك تحبها
عبدالله: وبعدين عقب ما عرفت ليش ما وخرت هااا
مساعد: أصلا اهي ما تحبك تحبني ولو تحبك جان ما رضت تكلمني من البدايه
عبدالله معصب: بس وخروا عني ... وخروا.... والله انك حقير
مساعد: انا احبها من صجي وابي اتقدملها مو قاعد ألعب
عبدالله: بس هدووني.... تدري شلون اثنينكم خونه واثنينكم تستاهلون بعض بس ما أقول الا حسافه عليك
ومشى عبدالله وطلع واهو حيل مقهور......
أنا وخويي والذيب ترافقنا وعاهدنا ...
ثلاثتنا ما نخلي للخوف داعي ...
خويي من يجينا الليل أنومه على ذراعي ...
خفت الذيب يغدر وخوفي هيج أوجاعي ...
قمت من نومي ...
لقيت الذيب يحرسني ...
وخويي رفييق عمري باااايق متاعي !!...
مـــر أسبوع وعبدالله كانت نفسيته بعدها نفس ما اهي...تعبان....ما ياكل ولا ينام وبس يفكر..... كان مضايقه موضوع مساعد وريم بس اكثر شي كان شاغله ومتعبه اهي عذوب .....
كان قاعد بالكراسي اللي بره بحوش بيتهم وسرحان وشوي جان ينفتح باب السور وتدخل عذوب.....
اول ما شافها تبققت عيونه لي بره....قلبه بدا يرقع بقوه.....اهي بس دخلت شافته ويات صوبه وعلى طول وقفلها.... كان شكلها اينن ومحلوه.... كان وده ياخذها بحضــنه من كثر ما كان مو مصدق انها جدامه...
عبدالله يبلع ريجه: عذوب !!
عذوب كانت مرتبكه شوي وابتسمتله : شلونك عبدالله؟؟
عبدالله كان قلبه يطق حيل : اااه بخير.... متى رجعتي؟
عذوب: أمس وصلت
عبدالله: اهاا... الحمدالله على سلامتج
عذوب لاحظت عليه ان شكله كان تعبان وايد وحست ان فيه شي....
عذوب: عبدالله فيك شي؟؟؟
قعد عبدالله على الكرسي....
عبدالله : لا لا تحاتين ما فيني شي.... رهف داخل روحيلها
عذوب ما طاوعها قلبها تخليه وتروح وقعدت على كرسي....
عذوب: عبدالله انا مو مثل أختك؟؟؟
عبدالله رفع راسه وطالعها وعطاها نظره مكسوره.....
عبدالله: لا تحاتين ماكو شي بس متضايق شوي
عذوب: انزين كلمني يمكن أقدر أساعدك
عذوب اهي الانسانه الوحيده اللي كان يحب ويرتاح يكلمها..... فيها شي يخليه على طول يطلع كل اللي بقلبه لها....
عبدالله: ماكو تهاوشت انا ورفيجي
عذوب: اهاا.... خلاص اهو اللي خسرك انت ليش مزعل روحك؟؟
عبدالله: لا بس احنا سنين نعرف بعض والحين افترقنا على سبب تافه
عذوب: ان شاء الله الأمور تتصلح بينكم
عبدالله: ما أعتقد عذوب....للأسف اني عقب ما خسرته عرفت شكثر قيمته عندي
عذوب: انزين كلمه...حاول انك ترجع كل شي نفس ما كان
عبدالله: أموت وأرجع كل شي نفس ما كان.... بخاطري أتأسفله وأبينله شكثر انا محتاجه وأشرحله شكثر حياتي صعبه بدونه بــس خلاص صعبه الحين
عذوب: لا عبدالله عاد ماكو شي صعب ولو انتو صج ربع راح ترجعون نفس ما كنتوا صدقني
عبدالله سكت.......اهو بكلامه كله يقصدها اهيه مو رفيجه...بس حب يوصلها الكلام لان كان بخاطره يقوله حتى لو ما كانت بطريقه مباشره...
رهف طلعتلهم بره....
رهف: انتي اهنييييي وانا انطرج داخل
وراحت رهف وسلمت عليها ولمتها حيل....
رهف: ولهت علييييييييج حيييل
عذوب: حبيبتي وانا اكثر والله
رهف بغت تسألها شلون كانت سفرتهم وكل شي بس انتبهت انه عبدالله قاعد وما حبت انهم يسولفون جدامه....
رهف: امشي امشي خل ندخل داخل
عذوب: رهف شوفي أخوج متضايق
رهف عارفه انه متضايق وعارفه انه اكيد تضايق اكثر بس شاف عذوب...
رهف: ها عبود...شفيك؟؟
عبدالله: لا ماكو شي
عذوب: متهاوش اهو وصديقه
رهف: بعدك على هالسالفه عبود.... هذا مساعد مالت عليه خله يولي
عبدالله: انا داخل
وقام عبدالله ودش البيت....
عذوب : لا حرام ترى متضايق عليه
رهف: أي متضايق عليه؟! مالت عليه اهو وريم
عذوب: ريم؟!!! ليش؟ شعلاقتها بالموضوع؟!
رهف: تخيلي طلع مساعد وريم يكلمون بعض طول ما كان مسافر
عذوب انصدمت : شنووو؟؟!!!
رهف: اي مسكين وتهاوش معاه وبس الحين ترك ريم خلاص
عذوب قلبها قام يطق بقوه..... مو مصدقه الكلام اللي قاعده تسمعه؟!!
عذوب بقلبها : يعني عبدالله وريم خلاص اتركوا بعض؟!! لاااااااااااء ليش هالشي ما صار من قبل؟!! ليش عقب ما تزوجت؟!!!..... عذوب خلاص بس انتي تزوجتي وما يصير تفكرين بهالطريقه..... انتي تحبين سليمان وسليمان زوجج ويحبج....
عذوب حست جسمها كله بدا ينتفض....
رهف: يلا امشي ندخل
رهف نفسها تقولها عن مشاعر عبدالله اتجاهها بس ما تفكر تسويها لانها ما تبي علاقتها بريلها تخترب واهم توهم متزوجين....
راحوا ودخلوا الغرفه....
رهف: ها سولفيلي.... شلون كان شهر العسل والسفره؟؟؟
عذوب: ااااه والله وايد استانست وسليمان يهبل وماكو مكان ما وداني اياه
رهف: الله ونااااسه.... ووين استانستي أكثر؟؟؟ باريس ولا روما ولا جنيف؟
عذوب: اممممم أكثر شي يمكن جنيف اعجبتني
وظلوا ساعه يسولفون وعذوب قالتلها عن كل شي.........
عذوب: رهف عطشانه خل نروح نشربلنا شي
رهف: يلا امشي
واهم ونازلين تحت انتبهت عذوب على عبدالله قاعد بالصاله تحت بروحه وسرحان.....
عذوب: رهف عبدالله بعده قاعد
رهف: صج!!
عذوب: رهف حرام شكله وايد متضايق
رهف: اي اهو صارله فتره بهالحاله
عذوب: يعني كل هذا زعلان على ريم؟؟
رهف: لا لا ترى أصلا ريم كانت تقوله انه تحبه وتبيه اهوه بس اهو تركها وانصدم من رفيجه لان كان حيل معاه
عذوب: حرااام.....انزين خل نقعد معاه شوي لا نخليه واهو جذي
رهف: امممم يلا كيفج
ومشوا راحوا حق عبدالله......
رهف: قوووه
عبدالله: هلا
رهف: بشنو سرحان؟؟؟
عبدالله: لا عادي بس افكر
عذوب : عبدالله بس لا تزعل روحك الدنيا ما تسوى
عبدالله ابتسملها : ان شاء الله راح احاول
رهف: ترى قلتلها انت ليش زعلان
عبدالله : شنوو؟؟!
رهف: عشان اكتشفت ان رفيجك وريم يكلمون بعض وانت مسافر
عبدالله عصب شوي لان ما كان حاب انها تقول بس ما كان يبي ينفعل جدام عذوب...
عبدالله: انتي كل شي تقولين!! ما تعرفين تسكتين شوي؟؟! كوناا؟!
عذوب: اشدعوه عبدالله يعني للهدرجه يضايقك اني عرفت انت ليش زعلان؟!
عبدالله: لا لا والله مو جذي
رهف: المهم يلا عبدالله فرفش شوي ... حدك مليق وانت جذي
عبدالله: انتي ان شاء الله يايه عشان ترفعين ضغطي
عذوب: اي صح كلام رهف حدك بايخ وانت جذي
عبدالله: انتو شفيكم علي؟! كل واحد قاعده وتستلمني!!
عذوب : ههههه أقول عبدالله مفروض تقول الحمدالله انك عرفتهم على حقيقتهم
عبدالله: صـح.....بس انا مو منصدم بريم من كثر ما انا منصدم بمساعد لان رفيجي من سنين واعرفه عدل وحيل معاه
رهف: اي حيل معاه ؟! أصلا انت بنفسك قلت انه لما كنت مسافر لا يسأل ولا يدق عليك
عبدالله: اي والله ما درى عني
رهف: اي وتقولك الحكمه السودانيه.... الصديغ اللي ما يراسل صديغو دا زاتو ما صديغ
عبدالله وعذوب: هههههههههههههه
عبدالله: ههههههههه تكفين انتي شتقولين !!
رهف: شفيك قاعده أرفع من معنوياتك انا
عبدالله: انزين شايفه زول قاعد جدامج؟!
عذوب: هههههههههههه
رهف: شفيكم انتو ما تقدرون العراقه السودانيه؟! واااي متخلفيـــــــن
عبدالله: انا بوديج السوادن بس عشان اشوف شلون بتعيشين معاهم
رهف: هههههه اللللله رحلــة عمررري
عبدالله وعذوب يضحكون على رهف لان عندها لدغة بالراء..
رهف: واي شفيكم؟؟؟ عادي يعني مو يديد عليكم
عبدالله: بس هاه؟؟ شنوو؟؟ عيدي شقلتي؟؟!
رهف: بس لا تكلمني
عذوب: انزين وانا ما راح توديني السوادن معاها؟؟
عبدالله: أفا عليج انتي بوديج بس عشان تكسبين لغه
عذوب: ههههههههههه
رهف: لا ليش تروح السودان انا أعلمها
عبدالله: اي قعدي وخربطي عليها
رهف: عاد انا خليني ساكته عنك أحسن.... عذوب سمعتيه يتكلم انجليزي؟؟
عذوب: ههههههههههه
عبدالله: رهف بقوم ادوس ببطنج الحين
رهف: ياربي مادري شلون قاعد تدرس بأمريكا؟! شلون ماشي هناك هاه؟!
عبدالله: أصلا صرت فلته بالانجليزي يكون بعلمج
رهف: يلا أشوف تكلم....عذوب عطيه جمله
عذوب: There are far too many good people out there. It’s just a matter of recognizing your own worth
عذوب لانها كانت دارسه الابتدائي كله بأمريكا فانجليزيتها وايد قويه والأكسنت عندها توب....
عبدالله: هههههه هااه؟؟ لحظه لحظه احنا ما اتفقنا على جمل
رهف: انزين خلاص عطيه كلمه
عذوب : هههههههه امممم sefisticated
عبدالله انعفس ويهه: اناا بفهم انتو ليش تقلبون علي جذي فجأه لييييش؟؟!
عذوب ورهف: ههههههههههههه
رهف: انا بعرف انت شهببت بقريداتك الكورس اللي طاف بأمريكا؟!
عبدالله: رهف قولي " فرارينا أسرع من فراريكم " 3 مرات
عذوب: هههههههههههههه
رهف: هههههههه لوو تمووت ماا أقوولها
عبدالله: انزين انزين رهف بسألج الحين لازم تجاوبيني
رهف: انزين تفضل
عبدالله: رهف انتي كنتي بأي ثانويه؟!
رهف: منصوررريه
ويضحكون عليها وعلى لدغتها.....
عذوب : منصوريه شنوو؟؟
رهف: مقرررراات
عبدالله وعذوب :ههههههههههههه
رهف: اووووه بس عاااد انتوو... ياا سخيـفيـن
عبدالله: انزين قولي أمر أمير الأمراء
رهف: ماااابي
عبدالله: انزين قوليها بس 3 مرات
رهف: انا خل أقولها مره عشان أكررررها اووووه
عبدالله وعذوب: ههههههههههههه
رهف: يا مليقين ... يا سخيفين ما أحبــكم
عبدالله وعذوب ظلوا يضحكون عليها واهي قامت تصرخ عليهم عشان يسكتون..
مشــت عذوب وعبدالله رجع انقمت يوم راحت وتذكر انها متزوجه ورايحه حق ريلها واختنق حيــل لدرجه ما قدر يقعد بالبيت وطلع....
ويــن أرووح
بعــد ماضــآقت.. بي الــدنيــآ بدونــكـ
وويــن أبــهــرب مــن .. عــيــونــكـ ؟؟
عـلمــينــي.. !!
أي أرض بتحتضني .. بكل مابي من جــرووح ..!
سـافر عبدالله أمـريــكا عشان يكمل دراسته لان باقيله كورس ويتخرج....
ومــرت 4 أشــهر عبدالله و خلص الكورس بس من كثر ما كانت نفسيته تعبانه.....بسبب عذوب....ووصله خبر ان ريم تزوجت مساعد....فسقط بأكثر من ماده ولازم يقعد بعد كورس ويعيدهم.... قرر ما يرجع هالصيف لانه مو متحمل يرجع ويشوف عذوب ويتعب أكثر وكان ما يبي يواجه أبوه ومنحرج منه لان راح يتأخر بعد أكثر وبيعيد مواد ويخاف يحسسه انه فاشل ويسمعه كلام يسم البدن....
روابي ادخلت بالشهر التاسع.....
كانت بالشقه وكانت امها نايمه عندها بس راحت هاليومين لان أبوها قالها انها ما تستاهل تجابلها.....
وياها الطلق....
كانت بروحها وحيل خايفه وما لقت الا سعود تدق عليه....
سعود هالمره على طول رد الظاهر كان حاسب موعد ولادتها....
روابي: الووو
سعود مخترع: الوو ... هلا؟!
روابي: سعود بولد
سعود: انتي وين؟؟؟؟
روابي: انا بالشقه تعال بس قطني المستشفى
سعود: انزين ياي ياي
ومرها الشقه وصعد فوق يابها وركبها السياره.... اهي شافته حست شكثر كانت ولهانه عليه وشكثر صارله بعيد عنها... طول هالأربع أشهر ما سأل فيها كلش
روابي: ميخالف انت بس قطني وانا ادق على امي او اختي اييوني المستشفى
سعود: لا ميخالف عادي
ووصلوا المستشفى وقرروا يولدونها على طول....
روابي : سعود عفيه ما بلغت أمي بس لوو.....
سعود: ميخالف انا ابلغهم لا تحاتين
كانت تحاتي موضوع ولادتها وانهم عبالهم اهي بالسابع وان اهلها راح يستغربون ويسألون بس قالت انها راح تقولهم انها ولدت امبجر واذا مشت عليهم مشت...
وولــدت روابـي....
كانت قاعده في الغرفه وتفكر...كانت حيل دايخه وتعبانه بس شاغلها موضوع الطلاق....قررت تكلمه عنه على طول اول ما تشوفه لان تخاف لو أجلته يروح وما يرد خاصه انه كان ياي المستشفى مغصوب....
دخل سعود الغرفه....
سعود: الحمدالله على السلامه يبتي بـنت شحلوها اسم الله عليها
روابي كانت منزله راسها وبعدين طالعته : سعود طلقني
سعود تفاجئ: هاااه؟؟
روابي: بس سعود طلقني وقول حق مرتك اني كنت نزوه
سعود: هههههه انتي شكلج قاعده تخربطين من أثر الولاده!! باجر ان شاء الله أمرج ويصير خير
روابي : لا سعود من صجي قاعده اتكلم اناا
سعود: بس بس روابي ارتاحي ويصير خير بعدين
وطلع سعود من الغرفه......
روابي ادمعت عيونها ومن كثر ما كانت تعبانه غفت على طول....
ثــاني يـوم يوها أمها وخواتها وسلموا عليها وقعدوا معاها.....
روابي: يمه أبي اكلمج شوي
أم عبدالله: خير؟؟
روابي: لا يمه بيني وبينج
أم عبدالله: بنات طلعوا شوي بره روحوا الاستراحه
وطلعوا البنات.....
روابي: يمه انا خلاص ابي اتطلق
ام عبدالله: شنوو؟؟؟ من صجج انتي؟؟ توج والده ويايبه بنته
روابي: يمه بس خلاص قررت وهذا انسب شي لي وله
أم عبدالله سكتت...
أم عبدالله: حبيبتي الحمدالله الحين البنت اطلعت واهي بصحتها وخل تعيش بين أمها وابوها أحسن
لما قالتلهم انها ولدت بالسابع صدقوها ولا سألوا ولا شكوا بالموضوع....
روابي تبجي : يمه خلاص هذا قراري النهائي وابي أتطلق يعني أتطلق
أم عبدالله: خلاص دام شكلج عايشه بعذاب معاه تطلقين احسن....انا راح أقول حق أبوج لان مو معقوله تطلقين وتعيشين بروحج !!! لازم تردين عندنا البيت
روابي واهي تبجي :يمه انا قاعده احاتي أبوي ... اعرفه اهو قاسي وصعب يسامح وصعب بكل شي
أم عبدالله: انا راح أحاول اكلمه....خلاص انتي لا تبجين ويصير خير ان شاء الله
عقـب ما مشوا أهل روابي يه سعود....
روابي ما افتحت معاه الموضوع كلش لان ناطره تعرف شنو قرار أبوها لان اذا رفضها ما راح تقدر تسوي شي وراح تضطر تظل معاه...
واهو بعد ما فتح معاها الموضوع كلش.....
سعود كان مستانس على البنت : ها شنو راح تسمينها؟؟
روابي: جوري
سعود: الللله حلو جوري
روابي كانت ساكته وبس تطالع سعود شايل البنت وفرحان فيها....
سعود: روحي نفاس بيت أهلج
روابي ساكته ومالها نفس ترد عليه...
سعود: يا حلاتها البنت بطه اسم الله عليها
سعود كان راهي ويضحك ولا كأن صار شي...... وروابي كانت مستغربه من بروده وساكته....
تح سَب إنيے سآآكت عنَك رٍآضيے !!لا
تَرَى آلسكٌوٍت .>. أحيان لہ ألفَ تَفَسيرٍرٍ
بيت بو عبدالله....
بو عبدالله وام عبدالله قاعدين يتهاوشون ويصرخون....
بوعبدالله: لا كيفها اهي تتحمل المسؤوليه وعشان تعرف مره ثانيه لما ما تسمع الكلام شيصير
أم عبدالله: حرام بنتك محتاجتك توقف معاها.... يعني شلون؟؟؟ تنقط بالشارع ولا تعيش بشقه بروحها أحسن؟؟؟
بوعبدالله: لا لا تطلق خل تتحمله....مو كانت تبيه؟؟ مو كانت تحبه؟؟ مو باعتنا كلنا عشانه؟؟ خل ينفعها
أم عبدالله: يعني معقوله بتحط راسك براس بنتك؟؟؟ هذي ياهل وما تفهم واللي سوته متحسفه عليه الحين و اهي ندمانه على كل شي
بو عبدالله: لا صج!! ندمانه؟؟! عقب شنوو؟؟؟ لا انا ما اسمحلها ترجع البيت أبدااا.... مو كل شي على كيفها!!! وانا كنت محذرها من قبل انها اذا تطلقت مو مشكلتنا وخل تتحمل نتايج أفعالها
أم عبدالله: والله ما ضيعها من البدايه الا دلعك الزايد لها وكله كنت مخليها على راحتها
بوعبدالله: اووهووو لا تقعدين الحين تسمعيني كلام انا مالي خلقه.... انتي السبب وهذي نتيجة تربيتج
وظلوا يتهاوشون وظلت أم عبدالله تحاول تقنعه....
صار المغرب ويات عذوب عند رهف..... وعذوب اقدرت تخلص موادها وتخرجت.... بس رهف باقيلها بعد كورس...
عذوب: رهف عندي لج خبرر
رهف: هااا شنوو؟؟ قوولي
عذوب: امممم اهو يمكن يضايقج شوي بس أبيج تفرحينلي
رهف: اكيد اذا راح يفرحج ما راح يضايقني
عذوب: انا وسليمان كنا متفقين ان نكمل وناخذ ماجستير
رهف: لا والله!!
عذوب: اي وقدمنا على أكثر من جامعه بره وانقبلنا بأكثر من وحده
رهف: صـــــج!!
عذوب: اي بس لان مو صح قلتلج اختي راح تدرس بره وانقبلت بجامعه هم احنا انقبلنا فيها فراح نروح نفس الجامعه كلنا احسن عشان حرام لا تكون بروحها واهي بعد خوش جامعه
رهف : اهااا... حلوو وصح حرام مي تروح بره وبروحها وتوها سنه اولى بس وين؟؟؟
عذوب: أمريكا
رهف: لا والله.....أي جامعه؟؟؟
عذوب: فلوريدا
رهف انصدمت : هااه!!!
عذوب: شفيج؟!
رهف: لا بس هذي الجامعه اللي يدرس فيها عبدالله
عذوب تفاجئت : لاااه والله!!!!!!!
رهف: اي وباقيله بعد كورس....انتو متى رايحين؟؟؟
عذوب : الكورس الياي
رهف: اهاا يعني راح يكون موجود هناك
عذوب:....................
بالمسـتشـفى بليل......
روابي كانت قاعده بالغرفه وضايق خلقهاا ولحد الحين تنطر قرار أبوها.... وكانت بنتها يمها وبس تطالعها......
دخلت عليـها أم عبدالله.....
أم عبدالله: ها يمه شلونج؟؟
روابي : هلا يمه الحمدالله بخير
أم عبدالله: انا كلمت أبوج
روابي خافت وبدا قلبها يطق حيل....
روابي: شقال؟؟؟
أم عبدالله: عقب ما عانيت معاه ورضى بالغصب
روابي: صــــــــج؟؟؟؟
أم عبدالله : بس بـشرط
روابي اخترعت: شنووو؟؟؟
أم عبدالله: انج تـتـنازليــن عـن بنــتج
روابي انصدمت.................
أحــس بـ داخــلي ،، ? نيــران ?..!
وهــج دامي .. وصدى غـاره..
ياتعب منهو مثلي ... غلطته سوء إختياره..؟!
ضــايعـة ? روحي ? بـ متــاهـة..!
وليل مابين نهاره ..
كانت الاحلام ورده ،، وانتهت بؤس وخساره..!
تــــــم البـــــارت الـخامــس عشـــر
ملاحظاتي:
* ريــم من صجها بعدين تزوجت رفيجه..... حرام عبدالله
* شالصدف الأثنين يدرسون بأمريكا وبنفس الوقت.....صح !!!
* صدمــة اليــوم كانت اخر البارت....أبوها يبيها تتنازل عن بنتها تخيلوا!!!! :eh_s(1):
بــنااات باقـي بارتيــن ان شاء الله وتخلــص الروايـــه
الله وناااسه ماني مصدقه اني منزله البارت الصبــح :ggdw:
رجاااء خــاص : بنات حباببي انتو طلبتكم بليز بليز لحد يسب عبدالله او يغلط عليه لان ما تتصورون شكثر قاعده اتضايق ويأثر فيني هالشي
البارت الخــامــس عشــــر
رهف ساكته ومنصدمه ومو مطاوعها قلبها تشوف اخوها جذي.....
عبدالله يبجي وكان بعدها منهااار
قــــــــويت بلحظة فــــــــراقكـ أداري دمعتـــــــــي لاتطيح
ويــــــــوم أقفيــــــــت!! عجـــــــــــزت وطحــــــت أنــــــــــاكلــــي
عبدالله: الحين شسوي بحياتي اناا؟؟!! ضيعت عذوب مني خلاص
رهف صارت تبي تحاول تهديه : عبدالله حبيبي بس خلاص
عبدالله قام من مكانه وخذا مفتاحه يبي يطلع....
رهف: وين رايح؟؟
عبدالله: بس ماني متحمل اقعد اهني بطلع
رهف: لا عبدالله ما ينفع تسوق وانت بهالحاله !!
عبدالله: بس وخري عني خليني
رهف وقفت جدامه قبل لا يطلع....
رهف: لا ما راح اخليك تروح !!!
عبدالله عصب: بس قلتلج خليني
رهف: انزين اوقف شوي اصبر حاجني
عبدالله: اشتبين رهف؟؟ اشتبين؟!
رهف: بكلمك اقعد شوي
عبدالله: رهف بس ماني متحمل شي
رهف: الحين الساعه 2 وشي وين بتروح؟! اقعد شوي بكلمك
عبدالله وقف : اووف.....دقيقه
ودخل الحمام ( عزكم الله ) عشان يغسل ويهه وهدا شوي وبعدين طلع....
عبدالله: نعم؟؟!
رهف: اااااه
رهف حاولت تبي تتكلم بس ما تدري شتقوله!!
عبدالله: رهف خلاص ماني طالع بس ممكن الحين تخليني بروحي
رهف: لا بقعد اكلمك شوي
عبدالله: ادري ما عندج شي تقولينه!! فطلعي الله يخليج
رهف: مابي اخليك بروحك وانت جذي
عبدالله: رهف ان ما طلعتي ترى باخذ باخذ سويج السياره وبطلع
رهف: خلاص خلاص اوكي بطلع..... ادري انك منقهر بس الله يخليك خلاص لا تضايق روحك اكثر
عبدالله: يلا رهف طلعي
رهف: انزين....اذا احتجت اي شي نادني عفيه
عبدالله: انزين رهف يلا
رهف: انا بيي بعد شوي اطل عليك
عبدالله: اووه ترى أذيتيني !! يلا طلعي
رهف: انزين...تصبح على خير
اول ما طلعت صك الباب وقفله....
رهف دخلت غرفتها وقطت روحها على الفراش وبدت تبجي حييييل.... تبجي على اخوها وعلى رفيجتها....منقهره عليهم الأثنين.... مو مصدقه ان كل هذا يصير ويفترقون بسبب مجرد سوء تفاهم بسيط!!!
ثـاني يوم الصبح دقت عذوب على رهف اللي كانت نايمه وقعدت على صوت التلفون...
رهف واهي دايخه: الوو
عذوب: هاااي رهف
رهف صحصحت شوي : اهليين
عذوب: انتي نايمه صح؟؟
رهف: لا لا حبيبتي عادي
عذوب: بس بغيت اكلمج قبل ما ندخل الطياره.....حبيييبتي راح اووله عليج
رهف اخنقتها العبره : بعد عمري وانا بعد
عذوب: ديري بالج على روحج.... وانا راح احاول اكلمج من هناك
رهف صوتها يرجف وماسكه نفسها ما تبي تبجي : اوكي
عذوب: وحبيبتي وايد مشكوره على امس ما قصرتي معاي
رهف : حبيبتي من صجج!!! ما يصير تشكريني انا اختج
عذوب: الله يخليج لي ...
رهف بدت تبجي...
عذوب: وي رهف قاعده تبجين؟؟!
رهف: هااه؟! لا لا
عذوب : رهووف لا تبجين حرام عليج الحين راح تبجيني معاج
رهف: لا خلاص خلاص....حبيبتي ان شاء الله تروحين وترجعين بالسلامه
عذوب: الله يسلمج بعد عمــري....يلا انا اخليج الحين وبس لا تبجين خلاص
رهف: لا بس خلاص..... وحبيبتي بليز طمنيني عليج بس توصلين
عذوب: ان شاء الله قلبي يلا مع السلامه
رهف: مع السلامه
رهف صكت الخط وغسلت ويهها وراحت غرفة اخوها تطل عليه....
طقت الباب بس محد كان يرد ودخلت وما لقته موجود ودقت عليه وكان جهازه مغلق وبدت تحاتيه...!!
عبدالله طول الليل ما عرف ينام والساعه 6 الصبح طلع من البيت وصفط عند مواقف البحر ونزل يتمشى....
يوم شفت الكون فـي غيابـك شبـه خالـي ’،
صحـت فـي وجـه الزمـان وقلـت أبيـك’،
كنت أدور في عيون الناس إجابـات لسؤالي’،
يمكن أعرف وين رحت !
وليـه رحـتْ ؟
وكيـف أجيـكْ ؟!
كنت أقول لكل شارع ما وطتك أقـدام غالـي...
مـن كثـر مـا كنـت أبـي قربـك وأبيـك !!
مـن كثـر مـا كنـت أبـي قربـك وأبيـك
روابي كانت بشقتها ولحد الحين ما سأل عنها سعود وما مرها كلش....
مرات كانت تتمنى ان يطقها ويعاملها مثل ما يبي بس على الأقل يكون موجود معاها.... زهقت واهي تدق عليه بس ما يرد..... فجأه تسمع صوت عند الباب ويدخل سعود...
روابي استانست وفزت من مكانها على طول رايحتله...
روابي: سعود!!
سعود: مو ياي عشانج انا...وخري
روابي: سعود حرام عليك ليش قاعد تسوي فيني جذي؟!
سعود: اقول ترى مالي خلقج انا
ودخل الغرفه وكان قاعد ياخذ جم شغله من أغراضه....
روابي: سعود بس فهمني!! الحين انا شنو بالنسبه لك؟؟ راعيني على الأقل هالفتره....انا حامل وتعبانه ومحتاجه احد وياي
سعود ما كان قاعد يرد عليها...
روابي: الحين كل اللي تحملته عشانك خلااص نسيته؟؟ انت ليش تكرهني؟؟؟ أصلا انت في مره حبيتني؟؟ انا الحين عرفت ان بالنسبه لك ولا شي.....ولا شي
سعود مو سائل فيها ولا قاعد يرد عليها....
روابي: على الأقل طالعني وانا اكلمك!! رد عليي...قولي شي
سعود: انا مو فاضيلج الحين ... بقعد اجابل مرتي المسكينه التعبانه بسببج
روابي: يعني انت كلش ما كان لك علاقه بشي؟؟ وانا اللي بس انلام بكل هذا..صح؟؟؟
سعود: اووهووو
ودزها على الفراش واهي صرخت....
وش تنتظر يامحرق القلب بالنار
ما تستلم روحي وتقضي عليها
انا رمتني في محبتك الاقدار
والروح سوي اللي تبي اليوم فيها
سعود ما اهتم ومشى.....
روابي بدت تصرخ تناديه: سعوود....سعووود لا ترووح سعوود
وبدت تبجي......
مــر أسبوعيــن وعبدالله بهالفتره كانت صاكه فيه الدنيا وما يتحاجى وكله معصب ونفسيته كانت تعبانه حيـل.....
ريم كانت تحاول تكلمه وتدق عليه بس ما كان يرد عليها.....
وقررت بيوم انها تروحله البيت واول ما وصلت سألت عن رهف وراحتلها...
ريم: رهف بس بسألج عن عبدالله...ابي اعرف شفيه؟؟؟ ليش مو قاعد يكلمني؟!
رهف: ما فيه شي ريم
ريم: وانتي بعد لما ادق عليج ليش ما تردين علي؟؟
رهف عصبت: ريم انا وانتي مو صديقات ومو متى ما احتجتيني دقيتي علي !! الشي اللي بينج وبين اخوي انا مالي شغل فيه
ريم: الشي اللي بيني وبين اخوج!! اهو قالج شي؟؟!
رهف: ريم انا مالي شغل كلميه اهوه
ريم : خلاص مشكوره
ريم طلعت من الغرفه وبدت تفكر وتحاتي ان يكون عبدالله عرف كل شي....
راحت انطرت عبدالله بالصاله تحت لما يوصل...لان محتاجه تكلمه وملت من كثر ما تدق عليه وباليالله يرد عليها ويكلمها فحست ان خلاص شكله عرف كل شي ومتضايق منها وصار ما يبيها....
عقب ما انطرته ساعه تحت ولا يدخل البيت....
ريم قامت من مكانها بسرعه: عبدالله!!
عبدالله: ريم!! شتسوين اهني؟؟
ريم: عبدالله شفيك؟؟؟ ليش ما ترد علي؟؟ واذا رديت تنفس ومالك خلقي؟!
عبدالله: ريم خليني متضايق انا
ريم: متضايق من شنوو؟؟ قولي
عبدالله: بس متضايق !!
ريم: عبدالله شصار فهمني
ريم شافته جذي وكان شكله حيل تعبان حست انها لها علاقه بكل اللي قاعد يصير فيه....
ريم: عبدالله في شي انت مو قاعد تقولي اياه؟؟؟
عبدالله ما طالعها وما رد عليها...
ريم: عبدالله شفيك؟؟؟ في احد كلمك عني؟؟
عبدالله استغرب شوي من كلامها وطالعها وظل ساكت....
ريم اضعفت جدامه: عبدالله لازم تسمعني واللي صار مو ذنبي
عبدالله ساكت يبيها تتكلم للاخر....
ريم: اهو بالجامعه كان على طول يسأل عني ويشوفني اذا محتاجه شي ويهتم فيني وبعدين مره عطاني رقمه وقالي عشان اذا احتجتي شي أساعدج فيه بخصوص الكليه....
عبدالله منصدم وبس ساكت....
ريم: بعدين مع الوقت صار بينا صداقه وصرت اكلمه بالتلفون واشكيله عن مشاكلي وقام يسمعني ويهتم و و بعدين اكتشفت انه يحبني ويبي يتقدملي
عبدالله منصدم : شنوو!!!
ريم: عبدالله والله اني احبك انت
عبدالله: لحظه !! منو هذا؟؟ انتي عن منو تتكلمين؟؟
ريم: مـ مـ مساعـد
عبدالله تبققت عيونه: مساعد!!!!! مساعد رفيجي؟؟؟؟
ريم: عبدالله والله انا احبك انت
عبدالله عصب: تحبيني انا؟؟؟ واناا أقوول طول ما انا مسافر لا انتي ولا اهوو تدقون ولا تسألون عني اكيييييد خوو طايحليه غرام انتي وياااه
ريم: عبدالله اسمعني
عبدالله: بلا عبدالله اسمعني بلا بطيخ...روحي طلعي بره
ريم: عبدالله يعني انت سافرت وتركتني بروحي وانا كنت بعز حاجتي لك
عبدالله: لا والله؟؟ يعني غلطتي الحين!!
ريم: اهو بدا يسمعلي ويريحني فارحتله وفضفضتله عن كل شي
عبدالله: اهاا وانتي تمشين وتشكين حق خلق الله!!!! بس ريم كل شي بيني وبينج انتهى خلاص...
ريم: لا عبدالله اصبر...كلمني...الذنب مو بس ذنبي وانا قلت حق مساعد اني معاك واحبك
عبدالله: لحظه!!! يعني مساعد درا انج حبيبتي وهم ما همه؟؟!
ريم: ااااه اهو قاعد يقول انه يحبني اكثر ومستعد يتقدملي اليوم قبل باجر
عبدالله : بس ريم طلعي بره
ريم: عبدالله انا قلتله اني ابيك انت !!! وانت أصلا مادري متى راح تتقدملي؟!! مساعد تخرج وانت بعدك واهو مستعد من باجر يخطبني
عبدالله وقف مصدوم من كلامها....
ريم: اهو شاريني ويبيني وانت أصلا ما تدري شنو تبي
عبدالله:...........
عفيه علي للحين واقف واسمعك ... ولا كلامك الجبل منه يطيح
مدري اجمع افكاري او اني اجمعك ... اقسملك إني ضعت وضيعت الصحيح
إنت اتكلم وآنا اصلا مو معك ... بأول كلامك وانا ريشه بوسط ريح
اقول في نفسي من اللي ضيعك ... ابفهم اللي صار حتى إني استريح
مادمت بايع انا ماراح امنعك ... وبودعك بطيب رغم إني جريح
وإن كان ظنك إني بضعف واتبعك ... امووووت بحزاني ولا بسمك اصيح
ما اقنعك حبي زمانك يقنعك ... وتذكر كلامي لما في غيري تطيح
هذاك درب البعد روح الله معك ... لكن تاكد مايصح إلا الصحيح
عبدالله بدا يصرخ: ريم طلعي بره
ومشى عنهااا واهي قامت تلاحقه بالصاله.....
عبدالله بدا يطلع من عيونه نار وكان حيل معصب وبدا يصرخ: قاعد أقولج طلعي بره أحسنلج
ريم: عبدالله انا الحين رفضته عشانك
عبدالله: لا والله؟! لا صج ...الله يعطيج العافيه مشكوره
ريم: على فكره وترى عقب ما رفضته قال انه مستعد ينطرني ويبيني
عبدالله يصرخ: عيل شناطره؟؟؟ يلا روحيله
ريم واهي تبجي: عبدالله انا اسفه ما كنت متوقعه ان اللي بيني وبينه راح يتطور جذي
عبدالله: ريم هذا رفيجي وانتي عارفه وانا كنت أسولفلج عنه مرات وجذي تخونيني مع رفيجي
ريم: عبدالله اهو اللي بدا يتمادى معاي بالكلام
عبدالله يصرخ: انتي اللي عطيتيه فرصه....بس ريم لا تحاولين خلاص انا ما ابيج روحيله خل ينفعج... ما أبي أشوف رقعة ويهج
ريم وقفت وصارت تبجي بمكانها.......
عبدالله ما تحمل وطلع بره البيت وريم طلعت وراه وصارت تناديه وتبجي بس ما رد عليها وركب السياره ومشى.....
كان معصب بس بعده مو قادر يستوعب ان مساعد رفيجه من سنين يخونه بهالطريقه!! ولا قادر يصدق ريم اللي وقف معاها متى ما احتاجته وياما سمعلها وساعدها تخونه مع أعز أصدقائه....
وادمـعت عيـونــه.....
أنا أذكر يوم جيتني وبصدرك نزيف طعون ..
سحبت السيف أبفزع لك .. وبسيفي طعنتني ..
http://www.4shared.com/file/82444030/dfdea8ab/______.html?s=1
>>> شعر حامد زيد وراشد الماجد لا يطوفكم
روابي صارت كل يوم تروح بيت أهلها تتغدا وتحاول كثر ما تقدر ما تخلي ابوها يشوفها لان تخاف منه خصوصا انه قايل ما يبي يشوفها كلش....وامها واختها رغد عرفوا ان في مشاكل بينها وبين ريلها بس ساكتين وشايلين ايدهم.....
أم عبدالله: روابي بسألج وابيج تجاوبيني
روابي: هلا يمه
أم عبدالله: اهو قاعد اييج؟ قاعد يصرف عليج؟؟ قاعد يساعدج بشي؟؟
روابي سكتت وكانت حيل منحرجه تقول حق امها انه هاجرها وما يدري عنها صارلها جم أسبوع....
روابي: هاه؟!
أم عبدالله : ردي علي.....قاعد يبات عندج؟؟؟ قاعد يصرف عليج؟؟ قاعد يشوف شنو تبين وشنو محتاجه؟
روابي خافت : اي يمه قلتلج يومين عندي ويومين عند مرته
أم عبدالله: انزين وقاعد يصرف عليج؟؟
روابي سكتت والواقع اهي محتاجه فلوس واهو مو قاعد يصرف عليها كلش...
ام عبدالله: والله صج ما يستحي على ويهه!! .... اكيد بعد متزوج وعنده يهال وين راح يلحق على مصاريفهم ومصاريفج!!! مو هذا اللي كنتي ميته عليه...استانسي الحين
روابي: يمه بس كافي لا تلوميني
أم عبدالله: العيشه اللي انتي فيها الحين هذي من سواتج...وما تلومين الا نفسج
وطلعت أم عبدالله من دارها وارجعت....
أم عبدالله: هاج فلوس تدبرين نفسج فيهم...وانا بشوف اطلب من عبدالله يكلمه
روابي: لا لا لا يمه مابي احد يكلمه
أم عبدالله: ما يصير يعني مهما كان انتي مرته ومجبور يصرف عليج
روابي: لا يمه خلاص انا اكلمه بس تكفين لا تقولين حق عبدالله شي
أم عبدالله: كيفـج أحسن بعد
وطلعت من دارها....
عبدالله راح حق رفيجه مساعد الدوانيه وكان داخل معصب وعلى طول راح يبي يتهاوش معاه وراح طقه والشباب مسكوهم ...
عبدالله معصب: من وراي يا مساعد من وراااي....شلون هنت عليك جذي؟؟
مساعد ساكت ومو قاعد يرد عليه....
عبدالله: ما توقعتك جذي يالخسيس
مساعد: عبدالله انا حبيتها قبل ما ادري انك تحبها
عبدالله: وبعدين عقب ما عرفت ليش ما وخرت هااا
مساعد: أصلا اهي ما تحبك تحبني ولو تحبك جان ما رضت تكلمني من البدايه
عبدالله معصب: بس وخروا عني ... وخروا.... والله انك حقير
مساعد: انا احبها من صجي وابي اتقدملها مو قاعد ألعب
عبدالله: بس هدووني.... تدري شلون اثنينكم خونه واثنينكم تستاهلون بعض بس ما أقول الا حسافه عليك
ومشى عبدالله وطلع واهو حيل مقهور......
أنا وخويي والذيب ترافقنا وعاهدنا ...
ثلاثتنا ما نخلي للخوف داعي ...
خويي من يجينا الليل أنومه على ذراعي ...
خفت الذيب يغدر وخوفي هيج أوجاعي ...
قمت من نومي ...
لقيت الذيب يحرسني ...
وخويي رفييق عمري باااايق متاعي !!...
مـــر أسبوع وعبدالله كانت نفسيته بعدها نفس ما اهي...تعبان....ما ياكل ولا ينام وبس يفكر..... كان مضايقه موضوع مساعد وريم بس اكثر شي كان شاغله ومتعبه اهي عذوب .....
كان قاعد بالكراسي اللي بره بحوش بيتهم وسرحان وشوي جان ينفتح باب السور وتدخل عذوب.....
اول ما شافها تبققت عيونه لي بره....قلبه بدا يرقع بقوه.....اهي بس دخلت شافته ويات صوبه وعلى طول وقفلها.... كان شكلها اينن ومحلوه.... كان وده ياخذها بحضــنه من كثر ما كان مو مصدق انها جدامه...
عبدالله يبلع ريجه: عذوب !!
عذوب كانت مرتبكه شوي وابتسمتله : شلونك عبدالله؟؟
عبدالله كان قلبه يطق حيل : اااه بخير.... متى رجعتي؟
عذوب: أمس وصلت
عبدالله: اهاا... الحمدالله على سلامتج
عذوب لاحظت عليه ان شكله كان تعبان وايد وحست ان فيه شي....
عذوب: عبدالله فيك شي؟؟؟
قعد عبدالله على الكرسي....
عبدالله : لا لا تحاتين ما فيني شي.... رهف داخل روحيلها
عذوب ما طاوعها قلبها تخليه وتروح وقعدت على كرسي....
عذوب: عبدالله انا مو مثل أختك؟؟؟
عبدالله رفع راسه وطالعها وعطاها نظره مكسوره.....
عبدالله: لا تحاتين ماكو شي بس متضايق شوي
عذوب: انزين كلمني يمكن أقدر أساعدك
عذوب اهي الانسانه الوحيده اللي كان يحب ويرتاح يكلمها..... فيها شي يخليه على طول يطلع كل اللي بقلبه لها....
عبدالله: ماكو تهاوشت انا ورفيجي
عذوب: اهاا.... خلاص اهو اللي خسرك انت ليش مزعل روحك؟؟
عبدالله: لا بس احنا سنين نعرف بعض والحين افترقنا على سبب تافه
عذوب: ان شاء الله الأمور تتصلح بينكم
عبدالله: ما أعتقد عذوب....للأسف اني عقب ما خسرته عرفت شكثر قيمته عندي
عذوب: انزين كلمه...حاول انك ترجع كل شي نفس ما كان
عبدالله: أموت وأرجع كل شي نفس ما كان.... بخاطري أتأسفله وأبينله شكثر انا محتاجه وأشرحله شكثر حياتي صعبه بدونه بــس خلاص صعبه الحين
عذوب: لا عبدالله عاد ماكو شي صعب ولو انتو صج ربع راح ترجعون نفس ما كنتوا صدقني
عبدالله سكت.......اهو بكلامه كله يقصدها اهيه مو رفيجه...بس حب يوصلها الكلام لان كان بخاطره يقوله حتى لو ما كانت بطريقه مباشره...
رهف طلعتلهم بره....
رهف: انتي اهنييييي وانا انطرج داخل
وراحت رهف وسلمت عليها ولمتها حيل....
رهف: ولهت علييييييييج حيييل
عذوب: حبيبتي وانا اكثر والله
رهف بغت تسألها شلون كانت سفرتهم وكل شي بس انتبهت انه عبدالله قاعد وما حبت انهم يسولفون جدامه....
رهف: امشي امشي خل ندخل داخل
عذوب: رهف شوفي أخوج متضايق
رهف عارفه انه متضايق وعارفه انه اكيد تضايق اكثر بس شاف عذوب...
رهف: ها عبود...شفيك؟؟
عبدالله: لا ماكو شي
عذوب: متهاوش اهو وصديقه
رهف: بعدك على هالسالفه عبود.... هذا مساعد مالت عليه خله يولي
عبدالله: انا داخل
وقام عبدالله ودش البيت....
عذوب : لا حرام ترى متضايق عليه
رهف: أي متضايق عليه؟! مالت عليه اهو وريم
عذوب: ريم؟!!! ليش؟ شعلاقتها بالموضوع؟!
رهف: تخيلي طلع مساعد وريم يكلمون بعض طول ما كان مسافر
عذوب انصدمت : شنووو؟؟!!!
رهف: اي مسكين وتهاوش معاه وبس الحين ترك ريم خلاص
عذوب قلبها قام يطق بقوه..... مو مصدقه الكلام اللي قاعده تسمعه؟!!
عذوب بقلبها : يعني عبدالله وريم خلاص اتركوا بعض؟!! لاااااااااااء ليش هالشي ما صار من قبل؟!! ليش عقب ما تزوجت؟!!!..... عذوب خلاص بس انتي تزوجتي وما يصير تفكرين بهالطريقه..... انتي تحبين سليمان وسليمان زوجج ويحبج....
عذوب حست جسمها كله بدا ينتفض....
رهف: يلا امشي ندخل
رهف نفسها تقولها عن مشاعر عبدالله اتجاهها بس ما تفكر تسويها لانها ما تبي علاقتها بريلها تخترب واهم توهم متزوجين....
راحوا ودخلوا الغرفه....
رهف: ها سولفيلي.... شلون كان شهر العسل والسفره؟؟؟
عذوب: ااااه والله وايد استانست وسليمان يهبل وماكو مكان ما وداني اياه
رهف: الله ونااااسه.... ووين استانستي أكثر؟؟؟ باريس ولا روما ولا جنيف؟
عذوب: اممممم أكثر شي يمكن جنيف اعجبتني
وظلوا ساعه يسولفون وعذوب قالتلها عن كل شي.........
عذوب: رهف عطشانه خل نروح نشربلنا شي
رهف: يلا امشي
واهم ونازلين تحت انتبهت عذوب على عبدالله قاعد بالصاله تحت بروحه وسرحان.....
عذوب: رهف عبدالله بعده قاعد
رهف: صج!!
عذوب: رهف حرام شكله وايد متضايق
رهف: اي اهو صارله فتره بهالحاله
عذوب: يعني كل هذا زعلان على ريم؟؟
رهف: لا لا ترى أصلا ريم كانت تقوله انه تحبه وتبيه اهوه بس اهو تركها وانصدم من رفيجه لان كان حيل معاه
عذوب: حرااام.....انزين خل نقعد معاه شوي لا نخليه واهو جذي
رهف: امممم يلا كيفج
ومشوا راحوا حق عبدالله......
رهف: قوووه
عبدالله: هلا
رهف: بشنو سرحان؟؟؟
عبدالله: لا عادي بس افكر
عذوب : عبدالله بس لا تزعل روحك الدنيا ما تسوى
عبدالله ابتسملها : ان شاء الله راح احاول
رهف: ترى قلتلها انت ليش زعلان
عبدالله : شنوو؟؟!
رهف: عشان اكتشفت ان رفيجك وريم يكلمون بعض وانت مسافر
عبدالله عصب شوي لان ما كان حاب انها تقول بس ما كان يبي ينفعل جدام عذوب...
عبدالله: انتي كل شي تقولين!! ما تعرفين تسكتين شوي؟؟! كوناا؟!
عذوب: اشدعوه عبدالله يعني للهدرجه يضايقك اني عرفت انت ليش زعلان؟!
عبدالله: لا لا والله مو جذي
رهف: المهم يلا عبدالله فرفش شوي ... حدك مليق وانت جذي
عبدالله: انتي ان شاء الله يايه عشان ترفعين ضغطي
عذوب: اي صح كلام رهف حدك بايخ وانت جذي
عبدالله: انتو شفيكم علي؟! كل واحد قاعده وتستلمني!!
عذوب : ههههه أقول عبدالله مفروض تقول الحمدالله انك عرفتهم على حقيقتهم
عبدالله: صـح.....بس انا مو منصدم بريم من كثر ما انا منصدم بمساعد لان رفيجي من سنين واعرفه عدل وحيل معاه
رهف: اي حيل معاه ؟! أصلا انت بنفسك قلت انه لما كنت مسافر لا يسأل ولا يدق عليك
عبدالله: اي والله ما درى عني
رهف: اي وتقولك الحكمه السودانيه.... الصديغ اللي ما يراسل صديغو دا زاتو ما صديغ
عبدالله وعذوب: هههههههههههههه
عبدالله: ههههههههه تكفين انتي شتقولين !!
رهف: شفيك قاعده أرفع من معنوياتك انا
عبدالله: انزين شايفه زول قاعد جدامج؟!
عذوب: هههههههههههه
رهف: شفيكم انتو ما تقدرون العراقه السودانيه؟! واااي متخلفيـــــــن
عبدالله: انا بوديج السوادن بس عشان اشوف شلون بتعيشين معاهم
رهف: هههههه اللللله رحلــة عمررري
عبدالله وعذوب يضحكون على رهف لان عندها لدغة بالراء..
رهف: واي شفيكم؟؟؟ عادي يعني مو يديد عليكم
عبدالله: بس هاه؟؟ شنوو؟؟ عيدي شقلتي؟؟!
رهف: بس لا تكلمني
عذوب: انزين وانا ما راح توديني السوادن معاها؟؟
عبدالله: أفا عليج انتي بوديج بس عشان تكسبين لغه
عذوب: ههههههههههه
رهف: لا ليش تروح السودان انا أعلمها
عبدالله: اي قعدي وخربطي عليها
رهف: عاد انا خليني ساكته عنك أحسن.... عذوب سمعتيه يتكلم انجليزي؟؟
عذوب: ههههههههههه
عبدالله: رهف بقوم ادوس ببطنج الحين
رهف: ياربي مادري شلون قاعد تدرس بأمريكا؟! شلون ماشي هناك هاه؟!
عبدالله: أصلا صرت فلته بالانجليزي يكون بعلمج
رهف: يلا أشوف تكلم....عذوب عطيه جمله
عذوب: There are far too many good people out there. It’s just a matter of recognizing your own worth
عذوب لانها كانت دارسه الابتدائي كله بأمريكا فانجليزيتها وايد قويه والأكسنت عندها توب....
عبدالله: هههههه هااه؟؟ لحظه لحظه احنا ما اتفقنا على جمل
رهف: انزين خلاص عطيه كلمه
عذوب : هههههههه امممم sefisticated
عبدالله انعفس ويهه: اناا بفهم انتو ليش تقلبون علي جذي فجأه لييييش؟؟!
عذوب ورهف: ههههههههههههه
رهف: انا بعرف انت شهببت بقريداتك الكورس اللي طاف بأمريكا؟!
عبدالله: رهف قولي " فرارينا أسرع من فراريكم " 3 مرات
عذوب: هههههههههههههه
رهف: هههههههه لوو تمووت ماا أقوولها
عبدالله: انزين انزين رهف بسألج الحين لازم تجاوبيني
رهف: انزين تفضل
عبدالله: رهف انتي كنتي بأي ثانويه؟!
رهف: منصوررريه
ويضحكون عليها وعلى لدغتها.....
عذوب : منصوريه شنوو؟؟
رهف: مقرررراات
عبدالله وعذوب :ههههههههههههه
رهف: اووووه بس عاااد انتوو... ياا سخيـفيـن
عبدالله: انزين قولي أمر أمير الأمراء
رهف: ماااابي
عبدالله: انزين قوليها بس 3 مرات
رهف: انا خل أقولها مره عشان أكررررها اووووه
عبدالله وعذوب: ههههههههههههه
رهف: يا مليقين ... يا سخيفين ما أحبــكم
عبدالله وعذوب ظلوا يضحكون عليها واهي قامت تصرخ عليهم عشان يسكتون..
مشــت عذوب وعبدالله رجع انقمت يوم راحت وتذكر انها متزوجه ورايحه حق ريلها واختنق حيــل لدرجه ما قدر يقعد بالبيت وطلع....
ويــن أرووح
بعــد ماضــآقت.. بي الــدنيــآ بدونــكـ
وويــن أبــهــرب مــن .. عــيــونــكـ ؟؟
عـلمــينــي.. !!
أي أرض بتحتضني .. بكل مابي من جــرووح ..!
سـافر عبدالله أمـريــكا عشان يكمل دراسته لان باقيله كورس ويتخرج....
ومــرت 4 أشــهر عبدالله و خلص الكورس بس من كثر ما كانت نفسيته تعبانه.....بسبب عذوب....ووصله خبر ان ريم تزوجت مساعد....فسقط بأكثر من ماده ولازم يقعد بعد كورس ويعيدهم.... قرر ما يرجع هالصيف لانه مو متحمل يرجع ويشوف عذوب ويتعب أكثر وكان ما يبي يواجه أبوه ومنحرج منه لان راح يتأخر بعد أكثر وبيعيد مواد ويخاف يحسسه انه فاشل ويسمعه كلام يسم البدن....
روابي ادخلت بالشهر التاسع.....
كانت بالشقه وكانت امها نايمه عندها بس راحت هاليومين لان أبوها قالها انها ما تستاهل تجابلها.....
وياها الطلق....
كانت بروحها وحيل خايفه وما لقت الا سعود تدق عليه....
سعود هالمره على طول رد الظاهر كان حاسب موعد ولادتها....
روابي: الووو
سعود مخترع: الوو ... هلا؟!
روابي: سعود بولد
سعود: انتي وين؟؟؟؟
روابي: انا بالشقه تعال بس قطني المستشفى
سعود: انزين ياي ياي
ومرها الشقه وصعد فوق يابها وركبها السياره.... اهي شافته حست شكثر كانت ولهانه عليه وشكثر صارله بعيد عنها... طول هالأربع أشهر ما سأل فيها كلش
روابي: ميخالف انت بس قطني وانا ادق على امي او اختي اييوني المستشفى
سعود: لا ميخالف عادي
ووصلوا المستشفى وقرروا يولدونها على طول....
روابي : سعود عفيه ما بلغت أمي بس لوو.....
سعود: ميخالف انا ابلغهم لا تحاتين
كانت تحاتي موضوع ولادتها وانهم عبالهم اهي بالسابع وان اهلها راح يستغربون ويسألون بس قالت انها راح تقولهم انها ولدت امبجر واذا مشت عليهم مشت...
وولــدت روابـي....
كانت قاعده في الغرفه وتفكر...كانت حيل دايخه وتعبانه بس شاغلها موضوع الطلاق....قررت تكلمه عنه على طول اول ما تشوفه لان تخاف لو أجلته يروح وما يرد خاصه انه كان ياي المستشفى مغصوب....
دخل سعود الغرفه....
سعود: الحمدالله على السلامه يبتي بـنت شحلوها اسم الله عليها
روابي كانت منزله راسها وبعدين طالعته : سعود طلقني
سعود تفاجئ: هاااه؟؟
روابي: بس سعود طلقني وقول حق مرتك اني كنت نزوه
سعود: هههههه انتي شكلج قاعده تخربطين من أثر الولاده!! باجر ان شاء الله أمرج ويصير خير
روابي : لا سعود من صجي قاعده اتكلم اناا
سعود: بس بس روابي ارتاحي ويصير خير بعدين
وطلع سعود من الغرفه......
روابي ادمعت عيونها ومن كثر ما كانت تعبانه غفت على طول....
ثــاني يـوم يوها أمها وخواتها وسلموا عليها وقعدوا معاها.....
روابي: يمه أبي اكلمج شوي
أم عبدالله: خير؟؟
روابي: لا يمه بيني وبينج
أم عبدالله: بنات طلعوا شوي بره روحوا الاستراحه
وطلعوا البنات.....
روابي: يمه انا خلاص ابي اتطلق
ام عبدالله: شنوو؟؟؟ من صجج انتي؟؟ توج والده ويايبه بنته
روابي: يمه بس خلاص قررت وهذا انسب شي لي وله
أم عبدالله سكتت...
أم عبدالله: حبيبتي الحمدالله الحين البنت اطلعت واهي بصحتها وخل تعيش بين أمها وابوها أحسن
لما قالتلهم انها ولدت بالسابع صدقوها ولا سألوا ولا شكوا بالموضوع....
روابي تبجي : يمه خلاص هذا قراري النهائي وابي أتطلق يعني أتطلق
أم عبدالله: خلاص دام شكلج عايشه بعذاب معاه تطلقين احسن....انا راح أقول حق أبوج لان مو معقوله تطلقين وتعيشين بروحج !!! لازم تردين عندنا البيت
روابي واهي تبجي :يمه انا قاعده احاتي أبوي ... اعرفه اهو قاسي وصعب يسامح وصعب بكل شي
أم عبدالله: انا راح أحاول اكلمه....خلاص انتي لا تبجين ويصير خير ان شاء الله
عقـب ما مشوا أهل روابي يه سعود....
روابي ما افتحت معاه الموضوع كلش لان ناطره تعرف شنو قرار أبوها لان اذا رفضها ما راح تقدر تسوي شي وراح تضطر تظل معاه...
واهو بعد ما فتح معاها الموضوع كلش.....
سعود كان مستانس على البنت : ها شنو راح تسمينها؟؟
روابي: جوري
سعود: الللله حلو جوري
روابي كانت ساكته وبس تطالع سعود شايل البنت وفرحان فيها....
سعود: روحي نفاس بيت أهلج
روابي ساكته ومالها نفس ترد عليه...
سعود: يا حلاتها البنت بطه اسم الله عليها
سعود كان راهي ويضحك ولا كأن صار شي...... وروابي كانت مستغربه من بروده وساكته....
تح سَب إنيے سآآكت عنَك رٍآضيے !!لا
تَرَى آلسكٌوٍت .>. أحيان لہ ألفَ تَفَسيرٍرٍ
بيت بو عبدالله....
بو عبدالله وام عبدالله قاعدين يتهاوشون ويصرخون....
بوعبدالله: لا كيفها اهي تتحمل المسؤوليه وعشان تعرف مره ثانيه لما ما تسمع الكلام شيصير
أم عبدالله: حرام بنتك محتاجتك توقف معاها.... يعني شلون؟؟؟ تنقط بالشارع ولا تعيش بشقه بروحها أحسن؟؟؟
بوعبدالله: لا لا تطلق خل تتحمله....مو كانت تبيه؟؟ مو كانت تحبه؟؟ مو باعتنا كلنا عشانه؟؟ خل ينفعها
أم عبدالله: يعني معقوله بتحط راسك براس بنتك؟؟؟ هذي ياهل وما تفهم واللي سوته متحسفه عليه الحين و اهي ندمانه على كل شي
بو عبدالله: لا صج!! ندمانه؟؟! عقب شنوو؟؟؟ لا انا ما اسمحلها ترجع البيت أبدااا.... مو كل شي على كيفها!!! وانا كنت محذرها من قبل انها اذا تطلقت مو مشكلتنا وخل تتحمل نتايج أفعالها
أم عبدالله: والله ما ضيعها من البدايه الا دلعك الزايد لها وكله كنت مخليها على راحتها
بوعبدالله: اووهووو لا تقعدين الحين تسمعيني كلام انا مالي خلقه.... انتي السبب وهذي نتيجة تربيتج
وظلوا يتهاوشون وظلت أم عبدالله تحاول تقنعه....
صار المغرب ويات عذوب عند رهف..... وعذوب اقدرت تخلص موادها وتخرجت.... بس رهف باقيلها بعد كورس...
عذوب: رهف عندي لج خبرر
رهف: هااا شنوو؟؟ قوولي
عذوب: امممم اهو يمكن يضايقج شوي بس أبيج تفرحينلي
رهف: اكيد اذا راح يفرحج ما راح يضايقني
عذوب: انا وسليمان كنا متفقين ان نكمل وناخذ ماجستير
رهف: لا والله!!
عذوب: اي وقدمنا على أكثر من جامعه بره وانقبلنا بأكثر من وحده
رهف: صـــــج!!
عذوب: اي بس لان مو صح قلتلج اختي راح تدرس بره وانقبلت بجامعه هم احنا انقبلنا فيها فراح نروح نفس الجامعه كلنا احسن عشان حرام لا تكون بروحها واهي بعد خوش جامعه
رهف : اهااا... حلوو وصح حرام مي تروح بره وبروحها وتوها سنه اولى بس وين؟؟؟
عذوب: أمريكا
رهف: لا والله.....أي جامعه؟؟؟
عذوب: فلوريدا
رهف انصدمت : هااه!!!
عذوب: شفيج؟!
رهف: لا بس هذي الجامعه اللي يدرس فيها عبدالله
عذوب تفاجئت : لاااه والله!!!!!!!
رهف: اي وباقيله بعد كورس....انتو متى رايحين؟؟؟
عذوب : الكورس الياي
رهف: اهاا يعني راح يكون موجود هناك
عذوب:....................
بالمسـتشـفى بليل......
روابي كانت قاعده بالغرفه وضايق خلقهاا ولحد الحين تنطر قرار أبوها.... وكانت بنتها يمها وبس تطالعها......
دخلت عليـها أم عبدالله.....
أم عبدالله: ها يمه شلونج؟؟
روابي : هلا يمه الحمدالله بخير
أم عبدالله: انا كلمت أبوج
روابي خافت وبدا قلبها يطق حيل....
روابي: شقال؟؟؟
أم عبدالله: عقب ما عانيت معاه ورضى بالغصب
روابي: صــــــــج؟؟؟؟
أم عبدالله : بس بـشرط
روابي اخترعت: شنووو؟؟؟
أم عبدالله: انج تـتـنازليــن عـن بنــتج
روابي انصدمت.................
أحــس بـ داخــلي ،، ? نيــران ?..!
وهــج دامي .. وصدى غـاره..
ياتعب منهو مثلي ... غلطته سوء إختياره..؟!
ضــايعـة ? روحي ? بـ متــاهـة..!
وليل مابين نهاره ..
كانت الاحلام ورده ،، وانتهت بؤس وخساره..!
تــــــم البـــــارت الـخامــس عشـــر
ملاحظاتي:
* ريــم من صجها بعدين تزوجت رفيجه..... حرام عبدالله
* شالصدف الأثنين يدرسون بأمريكا وبنفس الوقت.....صح !!!
* صدمــة اليــوم كانت اخر البارت....أبوها يبيها تتنازل عن بنتها تخيلوا!!!! :eh_s(1):
بــنااات باقـي بارتيــن ان شاء الله وتخلــص الروايـــه
التعديل الأخير:
