وناستنا في رشاقتنا (( الجزء الثالث ))

[مس يو]

هلا والله بطه رشيقه انا بخير دامج بخير حووووووووووبي..

العنونه ماتشوفين شر يالغاليه الحين خلي اللاب عنج واقري المعوذات 3 مرات واقري آية الكرسي وان شاء الله بترتاحين..

 

[Ya7aLaTi]

ماخلق اتحجى
خليني اهني اقرا سوالفكم يمكن اضحك

وااااي نووروو بعد عوومري لا تضيقين خلقج.. ماكوو أحد يستاهل تضيقين خلقج علشانه

قعدي ضحكي وونسي عمرج أحسنلج

 

[بــ زايد ــنت]

هلا والله بناااااات

شحالكم شخباركم عساكم طيبين

من من حبيبتي والله وحشتيني وااايد كل ما ادخل هنيه ما القاج مادري متى تدخلون


بنات خلال 15 يوم كم تقريبا اقدر انزل لو سويت رجيم متن صحي مع رياضه

 

[el3aNoOoNa]

ان شاء الله
يمكن بتييني الدوره عرفتي
صاكه فيني الدنيا اعوذ بالله
مس يو حياتي قريت حبيبتي

 

[mn.mn]

يا حلاتي الشر ما اييج

مس يو بالعافية

العنونة ترى يمكن لانها بتييج ما فيج الا العافية

بنت زايد بعد عمري والله اتوقع ممكن تنزلين 4 او 5 كيلوات خلال 15 يوم

الحين اخليكم تصبحون على خير

 

[al7noona]

لالالا اليوم حدكم موعاجبيني شفيكم سمالله عليكم من الضيقه ماكو الا العافيه لاتتضايقون ترى الدنيا ماتسوى



منمن واضوى حتى انا عندي جهاز الاوربت تراك بس الحين علي الدوره لما تخلص ببدي العب فيه وانا حدي 10 دقايق بس انشالله اخليها ربع ساعه

مس وبطه عليكم بالف عااافيه

 

[مس يو]

بنت زايد هلا وغلا فيج مثل ماقالتلج من من بس يمكن تنزلين اكثر ان شاء الله..

من من والحنونه الله يعافيكم حبايبي

 

[al7noona]

بنااات سولفوا شفيكم ساكتين اليوم


بروح اكل كورن فليكس يوعانه هههههه

 

[" أضـــــوى "]

الحنووووووووونه ايننننننننن الاوربت يضعف حييييييييل بس ياربي متعب اوووووف ..امبيه جعت بطني يعورني شسوووووي ؟؟ مليت من العنب ..رجيمي قاسي حييييييييل


بطوووطه ..اخبارنا تسرج ياااااااااقلبي

 

[al7noona]

اضوي ايي حيل يتعب انا حسافه انا مااستمر عليه يعني مرتين ولا ثلاث بالشهر لووووووووووووووووووول وايد تعبت نفسي


اكلي كورن فليكس قلديني ولا اكلي فواكه عادي مايضر

 

[" أضـــــوى "]

تهقين لو اكل كورن فليكس لووو شوووي عادي

امبيه احس ببجي .. حايشتني دووووووووخه

الحنوونه انتي جم يبيلج تنزلين ؟؟؟

 

[al7noona]

اي عادي اكلي مو زين تسوين بنفسج جذي تمنعين نفسج بعدين اييلج يوم وتنفجعين على الاكل
لازم تخففين الاكل وتوخرين عن الاكل الي يمتنج احسن لج

انا ودي يصير وزني 70 احمد ربي واشكره ان وصل 70 واكيد ان وصلت ال70 راح اطمع وابي انزل اكثر بس الحين اتمنى اوصل سبعين

يعني باقيلي 7 كيلوات انشالله
انا لو انزل بالاسبوع على الاقل كيلو او كيلو ونص جان وزني بسرع نزل ومابقى شي واخلص ال70 بس وين ياحسره ينزل بالاسبوعين كيلو او كيلو ونص





انتي جم وزنج وشكثر تبين تضعفين؟؟

 

[mn.mn]

صباااااااااااح الخير

الحنونة هلا والله وان شاء الله تردين تلعبين على الاوربتراك لان صج صج يشد الجسم

اضوى خلي هالرجيمات القاسية وسوي رجيم حلو ومنوع والله جربي رجيمات المطوع وماراح تندمين

ريوقي اليوم كورن فليكس وحليب

 

[teenaa]

صباح الخير انا ادري وزني زاااااااايد

يمكن كيلو ونص


بس انا من اليوم راح اسكر حلجي وحالفه حلف

تدرون ليش


والله عندي رفيجتي من تشوفني خقيت تقولي اكلي امشي انا بطلع معاج وتوطلني ماادري ليش


من اليوم باديه بقوه

الله يخليكم اوقفوا معاي والله حاسه بتانيب الضمير وضيقه

 

[mn.mn]

هلا والله تينا حبيبتي ان شاء الله بتردين تلتزمين مثل اول واحسن وميخالف طلعي وروحي واكلي بس بحدود

لا تسوين هالرجيمات القاسية مثل الكورن فليكس وغيره ما كو احلى من الرجيم المنوع والمريح

ترى والله رجيمات المطوع حلوة انا كنت اطلع آكل بدون ما أتقيد وهذا اللي شجعني على اني استمر

 

[teenaa]

نفسيتي تعبانه انا مااحب التزم برجيم معين

وودي اسوي بس حاسه بضيقه والله

يمكن علشان الدوره راح تييني هالفتره ولا ماادري شنو احس مو مثل اول الكل يقول شفيج احس بضيقه من داخلي مو مرتاحه من شي بس ودي اطلع حرتي بالكل علشان لا اجذب عليج

انا حبوب السد الشهيه قاطعتهم من مده لان سوتلي اعراض جانبيه بس اليوم رديت لهم والحمدلله من قمت لين الحين مو شاربه غير النسكافي ومغثوثه مع ان امي زافتني وقالت ماابي اشوفج تاخذينهم بس احس غصبا عني

باخذهم كل يومين بدال كل يوم

لان من غيرهم حيل راح اتعب

منمن والله ماادري شفيني

حتى ودي ادش التجمعات اقول لا ماابي ادش ماادري ليش

 

[teenaa]

وحدي حدي خايفه اوقف عالميزان لان راح افجرها بجي اذا وقفت ووزني زايد بعد كل هالتعب

 

[mn.mn]

تعوذي من ابليس وما كو الا العافية وارقي نفسج لان صج نفوس الناس تفزززززززززززز

وخلي الحبوب تولي وان شااء الله فترة وتعدي ولا توزنين الحين التزمي لي نهاية الاسبوع ووزني السبت عشان التقرير

 

[teenaa]

انا انشالله مقرره اني ما اوزن الا يوم السبت لاني حيل خايفه من الميزان


ومشكوره منمن حبيبتي


بشري جم صرتي ؟

 

[mn.mn]

العفو قلبوووووووووووو وان شاء الله ماتكونين زايدة على الاقل الوزن ثابت هم نعمة

انا الله يسلمج اليوم 80.7 وان شاء الله لي تقرير الأحد اكون مودعة ال 80 للأبد

الحين انا بطلع عندي شغل والسناك راح يكون تركش كوفي اشوفكم بليل