الدوام والفلوس اهم ولا عيالج

[BaLLoNa]

السلام عليكم امهات بقولكم شي انا حدي مقهورة والله وادري الكل راح يطب فيني عقب هلموضوع بس شسوي لازم اقول الي في قلبي .. ليششش اكثركم قاعدين تخلون عيالكم ويا الخدم بروحهم بلبيت والله شلقلب الي عليكم شلثقة اكيد اتشوفين الخدامة جدامج اتدلع الياهل او طيبة وياه بس من وراج ماتدرين شيصيرر انا والله ما اداوم بس عشان ولدي ماقدر اخليه بروحه ويا خدامة انتو اكيد راح اتقولون الحياة ،مصارفيها وانتوو ليش تبون هلمصروف مو عشان عيالكم؟ شفايدة المصروف و ولدج قاعد بنطق بلبيت او يمكن تتحرش فيه الخدامة جنسيا والله ترا كل شي يسوون ماعندهم ضمير قريت اكثر من موضوع عن امهات شاكين بخدمهم ومع هذا يخلونهم بروحهم وياهم ساعات لما اقرا المواضيع اتخيل الياهل شلون ينطق والله قلبي يعورنيييي والمساكين مايقدرون يقولون شيييي ديروو بالكم امهات والله سوري اذا كلامي يزعل احد بس مو منييي*

 

[tmtmt]

والله انا قمت ما ادش اي موضوع في خدم ويها عشان كلامي يزعل الكل ...

انا نفس حالتج ما احب الخدامه اتجيسها كلللش ولا داومت تقعد عند ابوها لنه دوامه شفتات
بس الحين والله قاعده افكر اقدم استقالتي بسبة هالسالفه ...لنه اذا وسخت قاعده ايتاذن من الدوام وارد اغسلها بس انا مدرسه والاحد بداومون البنات مو على كيفي الاستئذان ..

بصلي استخاره وبشوف شصير معاي على الاستقاله

امي تقول يبيها جدام عيني والخدامه معاها .. قتلها لا لا لا مابي الخدامه تجيسها والله يقدرنه ويقوينه

 

[omm aljawa]

انا معاكم ان الخدم يخرعوون

بس عاد ما توصل انج تطلعيين من الدوام وماتشتغليين خيير شر ؟؟!

انا اشووف ان الدنيا بخيييييير والحضانات السنعه بكل مكان والله خيير حافظ

منها يتعلمون ويستفيدون ويتعودوون باجر على الروضه

احسن لهم من قعدت البييت

صلو صلاة الاستخارة والله يحفظ لكم عيالكم

وبالتوفيق

 

[صمت الليل]

وأنا معاكم ,,,, بصراحه أفكر نفس التفكير بغي أستقيل وقاااعده أستخير والله كريم ,,,,,, ودي افتح مشغل وأقعد بالبيت يكون عندي شغل خاص وجذيه برتاح ....

 

[tmtmt]

انا معاكم ان الخدم يخرعوون

بس عاد ما توصل انج تطلعيين من الدوام وماتشتغليين خيير شر ؟؟!

انا اشووف ان الدنيا بخيييييير والحضانات السنعه بكل مكان والله خيير حافظ

منها يتعلمون ويستفيدون ويتعودوون باجر على الروضه

احسن لهم من قعدت البييت

صلو صلاة الاستخارة والله يحفظ لكم عيالكم

وبالتوفيق

عيزت وانا ادور حضانه ياخذون لعمر 8 شهور ماكو صعب تلقين مكان قريب يم دوامج ولا بيتج ..

في حضانه اسمها ليلى كير تاخذ حتى مواليد .. بس ادق عليهم ما يشيلونه ادري انهم بالزهرا بس وين بالضبط بنر اشوفهم مادري

 

[كوارين]

انا عندي اعيالي اهم من الدوام والفلووووووووووس

 

[toto2006]

انا بصراحه هالموضوع وايد محيرني
عندي بنت وولد ولدي 5 اشهرصار فيه التهاب بالمخ و عابلت فيه ليما الحين صار احسن الحمدلله بسيبيله متابعه مستمره من ناحيه العلاج الطبيعي و متابعه حركاته و كلامه علشان ما يتأخرعن غيره .. الحين انا باجازه وضع بعدين قررت اخذ اجازه بدون راتب .. افكر اخذ تقاعد بس ابي اسأل هل في شي اسمه تقاعد لرعايه اسره .. مابي اخذ تقاعد طبي و افاول على عمري و انا مافينيشي.. وما اقدر اخذ اجازه طول عمري لويعطوني نص المعاش و اقعد بالبيت مواااااااااااااااافقه

 

[د.شريفة]

والله العيال اهم مليون مره من الفلوووس
بس هم الله يخلي لنا اهلنا يمسكون عيالنا واهما انتف صغار وبعدين الله يعافي الحضانات منها يستفيدون ويتعلمون ومنها احفظ لهم من الخدامه

 

[في بحرهم عذبوني]

عيالي اهم من الدوام
بس ما اقولج ان الدوام و الفلوس مو مهمين بالعكس

 

[مي الحلوة]

انا نزل اسمي بالديوان وبصراحة ما داومت ..خفت على عيالي..وزوجي قال انا عندي عيالي اهم من الفلوس..
واذا داومت قلبي ما رااح يرتاح..انا بصراحة كل شيء اسويه لعيالي يعنى الخدامة ما تلمسهم..وانا حاسة بالامهات
بس بعد شنو يسوون عندهم التزامات..والله يحفظ عيالنا من كل مكروم..

 

[عيش و مرق]

مجبرن اخاك لابطل .......... عندنا التزامات محتاجين المعاش يعنى نبي لعبال ونبى الدوام انا اشكثر اوس وس ومرات مانام اليل من التفكير بس شسوى مو قرار سهل اهد الدوام عشان جذى انا وديت بنتى الحضانه ولاتقعد اتجابل الخدامه

 

[نطوووعه]

هم انا استغرب من اللي تخلي عيالها عند الخدم و تطلع يعني احنا نعلم عيالنا ما يكلموون ناس غرب ومخلينهم عند غريبه ترعاهم!! الله لا يحوووجني اوكل امر عيالي لخدامه عسى الله يخليني لعيالي و يعطيني الصحه و العافيه عشان اجابلهم والا انا اعرف ناس يسافروون و بيبيهم اللي بالاشعر بالبيت ويا الهدامه تخيلوووو ولاااا عيااالهم يموتوووون على امهم و ابوووهم يعد


دنيا معكووووسه

 

[بنت باباتي]

الخدامه ماتمسك بنتي خير شر واذا بروح الدوام احطها عند امي وانا راده اخذها صج تعب بس بالي يكون متطمن عليها

بس في ناس ماعندهم احط يمسك عيالهم

ممكن تحط الخدامه وتحط بث مباشر عن طريق النت بدون ماتدري الخدامه وتكون متطمنه والله يعين

 

[أم حيدر]

مع احترامي حق رايج وراي الخوات - مافي ام حنونة بالدنيا تبي تخلي عيالها مع شخص غيرها سواءا خدم ولا غيره

لكن - وحطي تحت كلمة لكن مليوووووووون خط يا عزيزتي

لما الزوجين يقررون انهم بينجبون طفل لهالدنيا لازم في قرارة نفسهم عارفين انهم قد المسؤولية

هذا الطفل له احتياجات عاطفية ومادية - يبي حياة كريمة يعيشها بشكل معتدل يبي مستقبل مضمون يبي دراسة تكفل عيشته يبي تطبيب اذا مرض - بتقوليلي زوجج بروحه بيقدر؟ اذا يقدر الله يهنيج بس الشريحه الاكبر في وقتنا الحالي الزوج ما يقدر - مسكين بيلحق على شنو ولا شنو ولا شنو ؟؟؟؟


وانا أكيدة اذا كبروا عيالي بيفهمون عدل ليش كنت اتركهم واطلع واداوم - بيترحمون علينا وبيقولون امنا وابونا ما خلونا نحتاج أحد ....



لا تظنين سهل علي وعلى كثير من أمثالي ان نخلي عيالنا ونطلع - منو تصحله الراحه وما يرتاح؟ بس يقولج شجابرك على المر

ان كنت لا تدري فتلك مصيبة وان كنت تدري فالمصيبة أعظم.....

والآية اللي بتوقيعي تحرسكم يا عيالي

 

[Om JooD]

الحين العيال اهم من اي شي بالدنيا

بس لما يكبرون العيال ويعتمدون ع نفسهم

اهني راح تقعدين اتجابلين الطوف يعني

كلها سنه ونص ويدوشون حضانه وروضة ومدرسة وماراح يحتاجون الخدامة ابد

وخلال هالسنه ونص انحاول ما يحتكون معاها حييل يا عند الخالة او الوالدة

وانتهت السالفة..ضمنتي وظيفتج الا انتي محتاجتها اساسا ووفريتي لج فليسات لعيالج بعد

لا تعقدون الموضوع واذا كلش كلش كاميرا مراقبة وكان الله غفورا رحيم

 

[lailalaila]

صح لسانج و هذا رايي

 

[aso00ora]

ام جوود انا الصراحه اايد الي قلتييه كلامج كله صح

وبعديين الددنياا صارت غااليه ومتطلباات الحياة كثرت واليهال صارو يبوون اكثر من قبل

ولله يعينااا

 

[ام نوونه]

انا لو شنوو ماخلي ولدي عند الخدامه انا الحين تخرجت وقاعده
بالبيت ما اقدر اخلي ولدي دقيقه عندها ما اامن حق الخدم
واصلا انا توني اييب خدامه وما احبها تمسك ولدي احبه كله
عندي ما ابيه يتعلق فيها كلش
عيل انا شنو دوري والوظيفه والفلوس بالطقاق
اهم شي ولدي

 

[السوري 2008]

والله العيال اغلى ما في الكون الفلوس بالطقاق تروح مثل رمش العين بس الدنيا هذه انت ملزومة فيها
والاية الكريمة من سورة الكهف ( المال والبنون زينة الحياة الدنيا ) بينت مجرى الحياة.
انا اداوم واخلي عيالي عند امي بس امي تعبت خلاص واضطريت اخليهم عند الخدامة بس الحمدالله الحين كبروا و بالمدارس ومتفوقين والله
يحفظهم لي يارب

 

[أم روعة]

اعيالي اهم طبعا ,, و احسن حل الحضانه عشان تكونين متطمنه عليهم وانتي بالدوام