اتفه سبب طلاق مر علي ؟؟؟؟؟؟

[بيتي بوب بس كويتيه]

خوش موضوع
ذكرتوني ببنت تطلقت علشان تحب الهياته والثانيه تطلقت علشان مصاصه مالت بنتها >> تناجرت مع ريلها اهوا يقولها ليش معلمتها على المصاصه

 

[عسل مرت قيمر]

استغفر الله العظيم واتوب اليه


ربي يهدي الجميع ان شاء الله


.
.
.

 

[حرم راشد الماجد]

انا اخصائية نفسية وكنت اشغل باصلاح ذا البين
تخيلوا وحدة مر علينا بى طلق ليش ؟
لانها وصت زوجها على كيكة قبل ما يطلع ونسى يجيب الكيكة
فلما رجع البيت وكانوا وهم متزوجين طلبت الطلاق
غذرها الاخت
من اولها اطلب منه وينسى ؟؟؟
وفعلا تطلقت

؟؟؟؟؟؟؟؟؟؟؟؟؟؟



لووووووووووووووووووووووووووووووول

 

[اتعبني غروري 7]

لمن كنت ماخه ثقافه اسلاميه .. كان دكتورنا وايد يسولفلنا عن سوالف تصير معاه بالمحكمه

فمره قالنا عن وحده عمرها ((( 17 سنه ))) بعدها تدرس بالثانويه .. ويايه مع امها تبي تتطلق ..

يقول امها شوي وتلمني من القهر الي فيها وتبي احد يوقف معاها وتبجي بجي تقول انا الغلطانه الي زوجتها انا الغلطانه الي بعت بنتي واهي صغيره ... تتوقعون ليش تبي تتطلق ؟؟؟؟

على فكره ثالث يوم من عرسها هاا !!


تقول قعدني بالفندق 3 ايام من عقب العرس على قلااااص عصييير !!! حتى ما طلبلي شي .. ما عشاني ؟؟؟؟


_______________________


وهذا واحد من اهلنا .. تزوج عن حب .. ولو تقوله ابي القمر اييبه ويحطه بايدها ..

بس مره قالها اكويلي هالقميص .. قااالت وييه اسم الله عليك انا ما اجيس الاوتي .. وتكبر السالفه

الريال حاول يردها .. وراحلها .. واهله راحولها ... والمصيبه تقول (( انا مغصوبه عليه ما ابيه ))

شلوون؟ مو كنتو تحبون بعض ؟ مالت حتى مالت

يعني تطلقت عشان قمييييييييص !!

ــــــــــــــــــــــــــــــــــــــــــــــــــــــــــــــ

اما هالسالفه نسيت منو قايلي اياها .. اعتقد قاريتها بالمنتدى !!

الريل راد من بره .. وفصخ جوتيه وانسدح .. قالها شيلي الجوتي حطيه عند الباب ..

وبس !!!!!!!!! تطلقت عشان جوتي .. عشان انا ما اجندس اخذ جوتيك من الارض !!!

والريل ميييييييييييت ويردها .. ذلته ذل ...

والحين اهو تزوج غيرها وياب عيال .. واهي ميته حره ومتحسفه

 

[حرم راشد الماجد]

لمن كنت ماخه ثقافه اسلاميه .. كان دكتورنا وايد يسولفلنا عن سوالف تصير معاه بالمحكمه

فمره قالنا عن وحده عمرها ((( 17 سنه ))) بعدها تدرس بالثانويه .. ويايه مع امها تبي تتطلق ..

يقول امها شوي وتلمني من القهر الي فيها وتبي احد يوقف معاها وتبجي بجي تقول انا الغلطانه الي زوجتها انا الغلطانه الي بعت بنتي واهي صغيره ... تتوقعون ليش تبي تتطلق ؟؟؟؟

على فكره ثالث يوم من عرسها هاا !!


تقول قعدني بالفندق 3 ايام من عقب العرس على قلااااص عصييير !!! حتى ما طلبلي شي .. ما عشاني ؟؟؟؟


_______________________


وهذا واحد من اهلنا .. تزوج عن حب .. ولو تقوله ابي القمر اييبه ويحطه بايدها ..

بس مره قالها اكويلي هالقميص .. قااالت وييه اسم الله عليك انا ما اجيس الاوتي .. وتكبر السالفه

الريال حاول يردها .. وراحلها .. واهله راحولها ... والمصيبه تقول (( انا مغصوبه عليه ما ابيه ))

شلوون؟ مو كنتو تحبون بعض ؟ مالت حتى مالت

يعني تطلقت عشان قمييييييييص !!

ــــــــــــــــــــــــــــــــــــــــــــــــــــــــــــــ

اما هالسالفه نسيت منو قايلي اياها .. اعتقد قاريتها بالمنتدى !!

الريل راد من بره .. وفصخ جوتيه وانسدح .. قالها شيلي الجوتي حطيه عند الباب ..

وبس !!!!!!!!! تطلقت عشان جوتي .. عشان انا ما اجندس اخذ جوتيك من الارض !!!

والريل ميييييييييييت ويردها .. ذلته ذل ...

والحين اهو تزوج غيرها وياب عيال .. واهي ميته حره ومتحسفه

امبيه الاولى تضحك

بس بصراحه الريال البخيل مايتعاشر

 

[حرم راشد الماجد]

خوش موضوع
ذكرتوني ببنت تطلقت علشان تحب الهياته والثانيه تطلقت علشان مصاصه مالت بنتها >> تناجرت مع ريلها اهوا يقولها ليش معلمتها على المصاصه

شرايج مره خالي تهاوش ويا مرته عالمضاد يقول لها عطي الصبي مضاد حيوي وهي تقول لا مابيه يتعود عالادوية بس ماطلقها :dddds:

 

[noorq8]

اهما ساكنين ابشقه مافيها الا حمام واحد تكرمين واهي كانت تسبح واهو مسكين مااقدر يمسكها هههههههه ودخل عليها الحمام وسواها واهي حست انه هذا الشي مومن مستواها وطلبت الطلاق ولا كانت زعلانه قبلها بعد استغفر الله في نااس ماتحمد الله على النعمه اللي عندها

لاتستغربين قبل فتره قريت مشاركه لوحده من البنات ريلها طلقها من شهر العسل وهم مسافرين........... لأنها لما دخلت الحمام بالفندق طلعت ونست تسحب السيفون أجلكم الله وردها مطلقه يقول لاعت جبدي منها :eh_s(1):

 

[ام الحوراء زينب]

مشكوووووورة حبيبتي على الموضوع الروووعه والله الغلط على الاثنين

 

[امل 84]

مشكورين على الموضوع خطوة الطلاق خطوة صعبة ولها عواقب كثيرة وفيها ضياع اسرة بقولكم عن وحده اعرفها تطلقت عشان كانت تبي زوجها يوديها المستوصف ولانها كانت عند اهلها زايرتهم وتعبت وطلبت يوديها قالها ناطرتني اااااااااااانا أوديج (وكانت حامل) قررت انها اضل عند أهلها وتزعل لما يتسنع راح طلقها ماله خلق يتحمل مسؤلية الاخ (ريايل أخر زمن)

 

[حرم راشد الماجد]

اللي جذي فرقاه شنو يعني بس يعرفون ينزوجون

 

[امل 84]

يعرفون يبون عيال بس مايعرفون يتحملون مسؤليتهم
لووووووووول على قولتكم

 

[حرم راشد الماجد]

هههههههههههههههههههههههههههههههههههههههههه
حلوة على قولتنا

 

[سبائك]

ياربي سترك اسباب تعور القلب


اذكر مره قريت قصه بالمنتدى واحد طلق مرته بشهر العسل لانها حطت عدساتها بقلاص الماي الي يم راسها واهو ما يدري لما قام من النوم شرب الماي بالعدسات الي فيه!!!

 

[حرم راشد الماجد]

لووووووووووووووووووووووووووووووول

والله العظيم بنت خالتي سوتها بس ما تطلقت الحمدلله


كانت لابسة عدسات وهي يايه من المعهد فصختهم وهي بالفراش وحطتهم بالقلاص
لما يا ريلها جان يزيد الماي بالقلاص ويشرب جان تقول له عدسااااااااااااااااتي





ولا تكرمين يتفل الماي ولا وحده من العدسات بحلجه
لووووووووووووووووووووووووووووووووووول

 

[rawan22]

من رايي ان الطلاق يجي من تراكمات ومواقف واخر شي يحصل موقف يحصل بسببه الطلاق

يعني مثل القشه اللي قسمت ظهر البعير

وكل شي قسمه ونصيب

 

[Anwaar]

يا ربي لا تبلانا

 

[um khaled]

مرت علي قصتين
الاولى ان الريال يدخن واهله ما قالو الصج يوم زوجوها
الثانيه تبي تروح عرس بنت عم يدت خال ام اهلها .. وتبي نفنوف قال والله ما اقدر قالت طلقني
الله يهديهم

 

[@أحلاهم وأتحداهم@]

اي والله اسباب الطلاق صارت سخيفه وايد ومالها معنى ذكرتيني ابسالفه ولد خالي طلق مرته الانه ماتسويله سلصه اهو من النوع الي اكله بس سلصه وهمه كانو ساكنين بيت خالي ابشقه بس الله لايوريج شقته كلمة ازباله اشويه عليها وصخه وكله ملابسه على الارض الريال مل وطلقه بعد ماتهوش معاها على سالفت السلطه الي مارضه اتسويها الانه امسويه بدي كير وميني كير وهيه ابيت ابوها ماتدخل المطبخ
بس هم اهو ماصبر عليها وللعلم كان ماخذها على حب

 

[حرم راشد الماجد]

الله يعينه


ما ينلام

بس برايي الطلاق مو هو الحل لو انا منه امسك لها خيزرانه منقعه بماي وملح واذا ما اشتغلت السبها اخليها تتذكر حليب امها الحلو
لووووووووووووووووووووووووووووووووووووووووووووووووول

 

[ألول_85]

اي الله يكفينا شر الطلاق بس انا بمذهبي المره مو مجبوره تطبخ حق ريلها بس لها ثواب كبير اذا طبخت و خدمته و لحمدلله ريلي يقدر هالشي .

بصراحه في مرات البنات ما عندهم سالفه و مرات الشباب اهم اللي غلطانين هم اهم يبون يهيتون و ما يبون يشيلون مسئوليه