رودي للاستشارات الهندسية

[zgirtia]

شدعوه سكبتي فيني

 

[eman79]

مرحبا ايمان
بالنسبة للمكتب اقترح انك تحطين الديكور مودرن
وانا شايفة عند نكست بعض الاكسسوارات وايد وايد راقية ومسوين عليهم خصم 50%
فيبيلك تمرينهم وتلقطين منهم وعندك دبنهامز عندهم فازات وردة ناعمين جدا ومودرن

وبالنسبة للغرفة شرايك بالوان جوكلت بار فوشيا مع بني
او اذا بخاطرك البرتقالي هم حلو ودخلي معاه لمسات ذهبية او برونز
او حطي ورق جدران

مشكوره حبيبتي و موفقه

 

[rudy]

انا محتاره بالالوان مادري شنو اصبغ شقتي اول مره ااثث

الصاله يايه بالطول شريت جلسه لونها حشيشي والكوشيات بيج ابني وفيها خشب بني قامج من تحت الجلسه امريكيه وساده وبسيطه بس الكوشيات مشيره مادري شصبغ الطوف مشتهيه ورق جدران شنو يناسبني الوان؟؟

وغرفة النوم بني بس موقامج حيل حيل شنو احط لون ورق جدران ؟؟؟ وعلى فكره فيه رخام درجات البيج والبني ؟؟

بانتظاركم

ليش ما تخذين لون من الوان الكوشايات المشيرة بهالطريقة راح تسوين دمج بين الطوفة والاثاث وراح يطلع لك لون ما كنتي تفكرين فيه
بالنسبة لغرفة النوم ولونها البني هذي امرها سهل لأن اغلب الالوان تمشي مع البني في لون حلو لون الكريم كراميل لما يصير فيه زعفران وايد مادري عرفتي الدرجة يعني اصفر بس مو الفاقع لا تلقينه في اغلب مجلات الديكور
او السماوي المائل للرمادي وايد حلو ولون بارد وعندك الرمادي وهو سيد الالوان حاليا.

ونشاء الله اكون فدتك
وانا اذا تاخرت بالرد معناه ان السؤال يبيلة تفكير شوي ​

 

[jours]

رودي حبيبتي انا ودي احط ورق جدران حق غرفة ولدي بس مابي كل الطوف بس طوفة وحدة ويكون على شكل رسوم متحركة والثلاث طوف الباجية اصبغها شرايج اصبغها كلها لون واحد ؟؟؟؟
وووين احصل ورق جدران على شكل رسوم متحركة وسعره مايكون وايد غالي

مشكورة

 

[zoya_m]

خوووش موضوع تسلم اوخيتي رودي عالمجهود بارك الله فيج

 

[أم بشبوشة]

السلام انا عندي مشكله سراميك غرفة النوم لونة ازرق فصبغت الطوفة لون اصفر وزينتها بقلوب حب لون احمر والاكسسوارات لونة احمر و نثرت قلوب اصغر علي ستارتي وهي لونها ازرق سؤالي ابي اغير من غرفتي ملييت بس ما اقدر اغير لون السراميك وملييت من القلوب اللى بالغرفة بلييييز ساعدوني

 

[اخت فروحه]

السلام عليكم
اشلونج رودي ان شاء الله بخير


انا ناوية اسوي غرفتي النوم في بيتي الجديد ان شاء الله نظام موديرن بالديكور والاثاث والصبغ بس محتارة بالستارة موعارفة شلون شكل الستاير الموديرن

اذا ممكن توصفينهم لي او تحطين صور وجزاج الله خير

 

[حيل احبك]

يعطيج العافيه اخت رودي على المجهوود

انا ساكنه عند حمولتي وشقتي حييييييييييييييييييل صغيره اللي ابيه منج

انا عندي باب الشقه اول ماتدشين مااعرف بالمتر بس بقوولج 3 سيراميكاات موالكباار حيل اللي يووسط وبويهج على طووول بااب المطبخ التحضيري ((طبعاا المطبخ فااااااااااااااااااااااااااضي)) لان موقاعده استعمله على ايدج اليمين باااب الصاااله

يعني هم مو بعيد عن باااب الشقه وعلى ايدج اليساار بااب غرفتي الممر ناخذ بالطووول والا العرض كلش ضيج

عشاان جذي مو متشجعه اسووي فيه شي .. شرايج الممر طويل وضيج شنوو ممكن احط فيه والمطبخ انا حاطه فيه الغساااله بس شنوممكن استفيد منه ؟؟؟

اتمنى انج فهمتي لي واعذريني لاني موقاعده اشرح لج عدل

 

[هتان مون]

[]مرحبا رودي + كيكه ويعطيكم الللف عافيه

انا بسوي صالتي مودرن وشريت قنفه الجلد اللي عالاطراق اسود والمقعد احمر ومخداته حمر وشريت كرسي ثاني اللي جاي طوالي ماعرف شسمه عندكم بالكويت اللي تفس السرير <<<امحق شرح ههههههههه
المهم لونه اسود وطاوله طعام قزاز والقطعه اللي تحت الطاوله سوده والكراسي بيضه ومحتاره فورق الجدار خاطري فالاسود اللي منقش بس ريلي مايحب الالوان الغامجه لقيت ورق جدران الارضيه اوف وايت وفيه نقشات موزعه العيدان سوده ومتفرع منها عيدان وورود حمره واورنج بس النقشهات صغيره بس تبين الالوان وورق الجدران الثاني اللي معاه اقصد اللي الوانه نفس الالوان يجيج مخطط بس مو مخطط كامل لا خطوط موزعه بالطول اورنج واسود واحمر اشرايج الارضيه شاسوي فيها اي لون احط وورق الجدارن شلون اوزعه ؟؟

شوفي فكرتي وعطيني فكرتج
انا قلت الطوفه ورى طاوله الطعام اصبغها احمر والطوفه الي عاليمين اللي فيها الدريشه احط فيها ورق الجدار المنقش والطوفه اللي مجابلتها احط المخطط اوكي وبيت طاولة الطعام والكرسي بسوي طوفه صغيرة كانه حاجز بس مو عريضه لا عاديه بصبغها اوف وايت وبخلي الرسام يرسم عليها ورده وحده (يعني الطوفه ضعيييفه بس لورده وحده ) وطوفه التلفزيون قلت بصبغها احمر وبحط من الجبس الضعيف بسوي بوردر نفس اللي فالصورة اللي بحطها بس بصبغه اسود وداخل البورد ورق الجدار المخطط وبعلق البلازما داخل هالبوردر (البوردر ماخذه فكرته من صوته حطيتيها بس مادري باي صفه اللي الطوفه سوده والبوردر وردي بسوي نفس الشي بس اعرض طبها عشان احط التلفزيون)
والجز الثاني اللي تشوفينه ورى دريشه كبيرة قلت بسوي الستارة رومانيه (حطيتي صورتها انتي هي بيضه وعالاطراق اسود (اشرايج اغير اللون اختاريلي لون على ذوقج ) وبخلي النجار يسويلي كرسي كامل من الخشب وتحته ادراج وبصبغه ابيض وبحط فوقه مخدات ومقعد وبخلي المخدات ملونه ومنقششه والجزء الصغير اللي تشوفينه وله باب هاي المطبخ بس مطبخ صغير لاني فبيت اهل زوجي والمطبخ هذا للخفايف

عطيني افكارج الحلوة ابي كل شي حتى الجبس اللي فالطوفه اشرحيلي شلون اسويه والارضيه اي لون وابي احط ارفف عشان احط الشموع عليهم بس ابيهم فوق شوي عشان محد يطالهم اييي والطوفه اللي اللي بصبغها احمر ورى طاوله الطعام بحط فيها لوحه كبيرة شوي فيها الوان ناريه احمر واصفر وبرتقالي


اي وفي نقطه بعد الكراسي حقت طاوله الطعام بيضه وارضيه ورق الجدران اوف وايت على بيج عادي ؟؟ ولا اغر ورق الجدران ؟؟

بليز ردي انطر ردج انا اليوم لازم اروح اختار الارضيه ..

وشكرا حبوبه
دورت على باركي لون اورنج فااااتح مالقيت اكثرهم بني غامج واللي جاي عالعنابي بس ماعجبني او بني فاتح مالقيت الدرجه اللي ابيها

 

[هتان مون]

اشكثر بدليات معلش من السرعه ههههههههه
الاطراق <<< الاطراف
تفس <<< نفس
وبيت طاوله الطعام <<< بين طاولة الطعام


نفس فالصورة اللي بحطها <<< حاولت احط الصورة بس ماعرفت شلون

صوته <<< صورة حطيتيها

والجز << الجزء

عالاطراق << عالاطراف اشفيني عالطراقات اليوم هههههههههههه
اغر << اغير
وشكرا حبيبتي

 

[للحين خجوله]

يعطيك العافية وايدحلووووووووووووووووووو

 

[اللياان]

السلام عليكم عسولات
بدي اوريكم جلسه اشتريتها ومحتاره في


لون البويه بدي ذوووقكم



انا قلت بحط جدار اسود وفيه دوائر فوشي ووردي

بس باقي الجدران مدري وش اختار لون خاصه ان الصاله

صغيرره
بدي افكاركم ضروري الله يسعدكم

http://www.up.arjwan.com/up/arjwan_o7QIEPJ3x.JPG

--------------------------------------------------------------------------------

 

[هبونه]

السلام عليكم اشلونج رودي انا عندي غرفتين جلوس بلون واحد (بيت حماي يديد وهو صابغ اللون يعني مضطرة اتقبله )
لونه اخضر فاهي ومحتارة شنو اركب معاه الوان واشلون انسق الغرفتين وهم كبار وايد ؟؟؟ ومشكوره

 

[أم بشبوشة]

[:0bee2e8d89:

 

[أم بشبوشة]

لبش ماكو رد

 

[كويتية KW]

الله يعطيك العافية يا الحلوة
انا اثاث غرفتى لونه بنى غامق شنو برايك اصبغ لون الغرفة مع الديكور
وعندى زوايا فى السرداب شلون استغلها لانها استقبالى

 

[rudy]

السلام انا عندي مشكله سراميك غرفة النوم لونة ازرق فصبغت الطوفة لون اصفر وزينتها بقلوب حب لون احمر والاكسسوارات لونة احمر و نثرت قلوب اصغر علي ستارتي وهي لونها ازرق سؤالي ابي اغير من غرفتي ملييت بس ما اقدر اغير لون السراميك وملييت من القلوب اللى بالغرفة بلييييز ساعدوني

الله يهديك قلوب في غرفة النوم
اول شي شيلي القلوب اذا تقدرين واذا ما ينشالون عيدي صبغ الغرفة او ركبي ورق جدران
وبالنسبة للارضية غطيها بسجاد موكيت وخليه فاتح( اوف وايت - بيج - رمادي فاتح) واذا ما تحبين السجاد ركبي مكانة رول بلاستك الي يصير نقشته مثل ارضيات الباركيه​

 

[rudy]

السلام عليكم
اشلونج رودي ان شاء الله بخير


انا ناوية اسوي غرفتي النوم في بيتي الجديد ان شاء الله نظام موديرن بالديكور والاثاث والصبغ بس محتارة بالستارة موعارفة شلون شكل الستاير الموديرن

اذا ممكن توصفينهم لي او تحطين صور وجزاج الله خير

الستاير الموديرن النواع عندك موديرن كلاسك وهي الي تيي مخمل ومخرمة من فوق البايب داخل فيها تلقين مثلهم عند ايكيا بس ايكيا ما عنده مخمل
وعندك الموديرن الي ايي على شكل قطع مستطيلة بجنب بعض عرض القطعة الوحدة 50سم وطولها من الرتفاع الستارة
وعلى العموم الموديرن مافيه تفاصيل زايدة مثل( هدب - كراكيش - مسكات - مشجر - .....الخ)
ومرة شفت ستاير الخيوط عرفتيهم يبيعهم ميداس ايضا هذولي موديرن

 

[rudy]

يعطيج العافيه اخت رودي على المجهوود

انا ساكنه عند حمولتي وشقتي حييييييييييييييييييل صغيره اللي ابيه منج

انا عندي باب الشقه اول ماتدشين مااعرف بالمتر بس بقوولج 3 سيراميكاات موالكباار حيل اللي يووسط وبويهج على طووول بااب المطبخ التحضيري ((طبعاا المطبخ فااااااااااااااااااااااااااضي)) لان موقاعده استعمله على ايدج اليمين باااب الصاااله

يعني هم مو بعيد عن باااب الشقه وعلى ايدج اليساار بااب غرفتي الممر ناخذ بالطووول والا العرض كلش ضيج

عشاان جذي مو متشجعه اسووي فيه شي .. شرايج الممر طويل وضيج شنوو ممكن احط فيه والمطبخ انا حاطه فيه الغساااله بس شنوممكن استفيد منه ؟؟؟

اتمنى انج فهمتي لي واعذريني لاني موقاعده اشرح لج عدل

ياريت توضحين اكثر وتبينين انتي شنو الي ناقصك عشان اقدر افيدك

راح اعطيك بعض الافكار

اذا الممر يستحمل حطي فيه خزانة واذا كان صغير زينيه بمراية وعلاق للملابس
وياريت تحددين المساحة عشان افيدك اكثر

 

[rudy]

اشكثر بدليات معلش من السرعه ههههههههه
الاطراق <<< الاطراف
تفس <<< نفس
وبيت طاوله الطعام <<< بين طاولة الطعام


نفس فالصورة اللي بحطها <<< حاولت احط الصورة بس ماعرفت شلون

صوته <<< صورة حطيتيها

والجز << الجزء

عالاطراق << عالاطراف اشفيني عالطراقات اليوم هههههههههههه
اغر << اغير
وشكرا حبيبتي

العفو اختي
بالنسبة لذوقك حلو ما فيه عيب وحسه مرتب بس اذا تبين تقرين رايي تفضلي:

شوفي اختي انتي الحين شريتي الاثاث وماتقدرين تغيرينة وبما ان الاثاث احمر وهذا لون قوي اقترح انك اتهدينة بالوان ما تكون نارية مثل البرتقالي والاحمر واقترح الارضية تكون سيراميك لونه رمادي بس مو فاتح خليه وسط وبتعدي عن الصبغ الاحمر الا اذا كانت الاضائة عندك كافية وبالنسبة لورق الجدران اختاري اللون الابيض الجاكار من جهة والرمادي من جهة ثانية والحين الجاكار القديم راحت موضته وطلع مكانه جاكار موديرن يصير على شكل دوائر وخطوط اتيي على الوان معدنية مثل الذهبي والفضي والرمادي​