تسلمين ايفا ان شاء الله انا بسوي الي اقدر عليه و الباجي على الله
عفيه كلمينا عن سنه رابعه وواي حيل خايفه منها احس بنتعمق اكثر و تزيد الصعوبه !!!
منو درسج هالسنه و تنصحينا نأخذ عندهم و لا انحطهم بالبلاك ليست لوووول
لااااااتخاااااافين ولا شي سهاااااااااااالات اسهل من 3 بوااااااااااااااااايد مافي لا صعوبه ولاشي
شوفي بقولج عن ماده ماده عشان تستفيدين وفي دكاتره ماراح اقدر اعلق عليهم وايد لان صج صج لا تعليق
دولي
يوسف العلي
ماشالله الدكتور شرحه حلوو ومنظم بس يحب المشااركه ويحسب لها الف حساب وعاااادي ينقصج باعمال السنه اذا ما كنتي
تشاركين وماشالله يحفظ الاسماء بسرعه حتى لو ما كنتي تشاركين واخر السنه يعطي فرصه للي مايشاركون ويقولهم شاركوا
طبعا انا ما كنت اشارك وقالي شاركي ولا شاااركت ولما كلمته قالي راح اعطيج 6 من 10 بالشفوي!! خسبقني بس اخر شي
عطاني 10 وامتحاناته سهله وتصليحه حلو بس ما يعطي بونص ابدااا ابدااا ومرة عطانا هوم وورك ومرة عطانه كوز
وعطانه تعويضي بس قال الي تدش التعويضي تعتبر درجه امتحانها ملغيه حتى لو كانت درجه التعويضي انزل
وبالنسبه لي العلي وااااااااايد احسن من السمدان لان السمدان امتحاناته كانت سهله بس ما كان يعطي درجات وكل البنات
كانوا مزفتين وهمن عطاهم تعويضي بس اعمال السنه كانت مش ولا بد
تجاري
عبدالفضيل وطبعا هل دكتور محتكر الماده
الشرح مووووو حلوو وما ينفهم وكل البنات ينحااشون من محاضرته وما يدخلون الا عل حضور والغياب كان الوضع حدده
مهزززززززززززززله بس الحق ينقال الدكتوور حيييييييييل طيب ومحترم وامتحاناته سهله ويعطي تعويضي وبونص ويرفع
الكل يعني من ناحيه الدرجات حييييييييييييييييل كريييييييييييم
مدني
خالد الهندياني
الدكتور حييييييييل طيب وشرحه مش ولا بد ومحد يحضر عنده :krkrkr:
الامتحان كان مشترك اهوا وبو الليل فاول مدتيرم كان سهل بس ماخذينا قريدات لان التصليح شوي شديد اما 2 مدتيرم
كان صععععععب وما حليت فيه بس قريدي كان حلووو :eh_s(1): وعطانه بونص ورفعنا ودبل الدرجه الاحسن
اما بوالليل فدرجات طلبته ماكنت حلوة كان مبدع فيهم بس بصرااااااااااااااحه ما انصح بولا واحد فيهم :krkrkr:
اصول الفقه
سارة الهاجري كانت محتكرة الماده للطالبات حييييييييييييييل حيييييييييييييل طيبه حدهاااااااااااا اتينننننننننننننننننن وشرحها
عجيييييييييييب لايعلى عليه وامتحاناتها سهله وتعطي بونص يعني كريمه بالدرجات وشهادتي فيها مجروووحه حيييييل احبها
تنفيذ
مساعد العنزي
مشالله شرحه حييييييييييل حييييييييييييل حلوووووو ويسأل شفوي عشان تدرسين اول باول والمدتيرم الاول كان حييييييل
سهل اما المدتيرم ال 2 كان صعععععب وخبصنااااا تخبص بس حراااااااام خف ايده بالتصليح ورفع الكل ودبل الدرجه الاحسن
وتقدرين تسوين بحث او برزنتيشن عشان يعطيج بونص عليه والدكتور حييييييييل حبووووب ويحب يسااعد الطلبه انا كنت
اكرهه حييييييييل وكان يغثني بس من خذيت عنده حبيته من اول يوم جد حيييييل احبه واحترمه ايننننننننننن عسى ربي يوفقه
دنيا واخره لان ساعدني بوااايد اشياء بالماده وبرا الماده ماشالله عليه باله طويييييل ويحب الطالب الي يحضر ويسال ويناقش
اهم شي عنده انج تفهمين .... انصح فيه وبشده
وفي يوسف الصليلي بصرااحه الاغلبيه يمدحون شرحه وفي اقليه يذمون فيه وامتحاناته حييييييييل سهله ويعطي درجات
يعني الدكتورين زينين بس انتي سالي عن الصليلي لاني ماعرف طريقته
بحري
اياد سعد الله كان محتكر الماده :eh_s(16):
الماده المفروض انها تكون اسهل ماده بس بدددددع فينا الله لا يسامحه صج صج اكرهههههههههههههههههههههه من كل قلبي
الشرح زين بس الامتحان كان حييييييييييل صعععععععععععب والدفعه كلها كانت مزفته وعطانا تعويضي وكان سهل بس همن
ما يبت قريد
صج كنت متأزمه حيييييييل حييييييييييييييل وميته خوووووووف كنت متوقعه اني اسقط عيشني برعب وخلاني
اكرهه واكره الماده وعطانه قضيه عليها 15 درجه ورفع الكل باعمال السنه وبس ماراح اعلق عليه لاني جد اكرهه واكره
اسلوووبه وطريقة تعامله كلش كلش ما يحترم الطالب وبس يدقر وبس ما بي اعلق اكثر No comment !!
اجراءات
مبارك النويبت :krkrkr:
وهذا بعد لاااااااااااااااااااااااااااتعليييييييييييييييييييييييييييييق من قلـــــــــــــــــــب !!!
ما يشرح ولا يداوم والمحاضره ربع ساعه ياخذ الغياب وربع ساعه يشرح واذا طول ثلث ساعه وامتحانه سهل ويعطي درجات
بس ما يعطي 15 بالمدتيرم ولا 40 باعمال السنه وكلش كلش ما انصح فيه .. انا خذيت عنده لاني كنت ابي العب بسنه 4
وكنت ابي ماده اخذ فيها قريد حلو باعمال السنه وبدون ما اتعب وفعلا هذا الي صار بس كليناها بالفاينل كل الماده كانت على
راسنا يعني قريداتنا على حسب جهدنا في الماده ودراستنا لان الدكتور ما كان له دوور بتاتااااااااااااا
وهم هذا ماراح اعلق عليه عشان البنات ما يشيشون علي لان في كلام عنه ماقدر اقوله والي بياخذ عنده بعرف شنو اقصد
نصيحه لاتاخذين عنده
عندج السماك وسعيد عبداللطيف شرحهم حلو والبنات يمدحونهم اخذي عند اي واحد فيهم وسالي البنات الي ماخذين عندهم
اهما راح يفيدونج اكثر مني بس ابتعدي عن النويبت
والاختياري
منظمات وظواهر عند صفوت
الماده سهله بس كلهاااااااا حفظ وطبعا صفوت غني عن التعريف ما يشرح ولا بطيخ والامتحانات سهله
اهو يعطيج اسئله الامتحان وكل الي عليج تحفظين الاجوبه وتدشين الامتحان وتسمعين الي حافظته:krkrkr:
الماده تلوع الجبد والدكتور اييب اليهد بس كيفج تبين تاخذينها اخذيها انا مالي شغل لان رفيجتي بلشتني فيها وطووول السنه
اقولها كله منج لووووووووووووول وما بقى احد ما درى اني سجلت الماده بسبتها هههههههههههه
وباجي المواد مادري عنهم بس جنه تحكيم الي يدرسها يوسف العلي سهله لان في تحكيم مادتين وحده تحكيم خاص وال2 جنه
تحكيم دولي مادري شسمها بصرااحه بس ماده العلي يقولون سهله والعلي متسااهل فيها
وااااااااااااااااااااااي تعبت بس تستاهلوووون واي سؤال انا حاااضرة
