قووه بنات.. واي وين اختفيتوا واخيرا حصلت الموضوع
شلونكم شخباركم؟ شلونكم مع السيل.. واي مشطبين على كل شي ماكو شي حسبي الله عليهم لوووووول
اسوله : حبيبتي انا الحين بكاليفورنيا. والله عادي الوضع يونس وزحمه والناس طالعين وداشين وولا جنه في شي
تطمني.
زوزووو: اشلونج يا الطيبه ؟؟ من زمان عنج فاقدينج والله ...
اختكم بالله : من صججججج بتردين الديره ؟؟؟؟؟؟
مادري انا اشوفها مو عدله .. والله ترى كلنا بروحنا قاعدين
كنديه شتقول عيل؟
يعني الغربه تعتبر وقت شده المفروض ماتخلين ريلج اب هالوقت وتكونين له عووون ...
استخيري يا الغاليه وفكري فيها مره ثانيه ...
روح الدنيا : وعليكم السلام والرحمه ...
لاتخافين وتحاتين ترى سهالات ان شالله لي تغربتي...
والواحد بيكون مثل ما اهو حاب يصير...
حابه تكونين بالغربه حزينه بتصيرين حزينه ... حابه تكونين مغلقه وياءسه بتكونين
حابه تنعزلين عن الناس بتنعزلين ... حابه تعيشين حياتج وتسمتعين بالي فيها بتستانسين .. حابه تشغلين وقت فراغج
وتستفيدين من وقتج بتشغلين ...
يعني انتي بييدج وبقرارج تحددين وظعج بالغربه شلون بيكون ...
اول شهور ممكن تكون صعبه عليج بس صدقيني الامور كلها بتيسرلج باذن الله ... علما بس تتعودين على المكان وتاخذين وظعج
وبالعكس ايجابيات الغربه اكثر من مساوءها بوجهة نظري..
وبخصوص الدراسه تقدرين تقدمين توفل بالكويت او بالديره الي بتبتعثين لها ... وانا افضل تقدمين بالكويت لين ما تنجحين تالي تسافرين.. ليش تسافرين وتالي تقدمين وتنطرين وحاله بالغربه .. يعني خلج بالديره مرتاحه بين اهلج وقدمي ومته مانجحتي ظبطي امورج وطيري ...
وبالعكس امريكا لا تتصورين انها كلها عصابات وجرايم .. احنا الافلام قاصه علينا لووول
بالعكس شعب لطيف وودود واكثر شعب يحترم جميع الجنسيات وماعندهم تفرقه وحزازيات ولا ينظرون للحجاب نظره بايخه ..
اب اوربا كنت اشوف نظرات الاوربين للحجاب شلون كانت ... وتعاملهم مش ولابد ..
لكن امريكا عكسسس تماما.. اخلاقهم راقيه حيل حيل ... فلا تتخوفين منها بالعكس...
واي سؤال احنا بالخدمه
والله يسهل امورج ان شالله
.. 
