والله كنت صوره طبق الاصل عنج
كنت مع رفيجاتي نكته واسولف وغشمرجيه والبنات يدورون القعده معاي دواره ..بس من يصير السالفهه فيها حريم كبار و لا جيرانا و لا رفيجات خالتي و لا ناس مو ماخذه عليهم حتى حريم خوالي استحي حدي ولا تشوفيني جني ياهل انخش اسلم ع السريع واطلع واللي يقولي شلونج ما ارد ادور الباب دواره ولا اقعد و اسكت و لا اشرب جاي وقهوه حالي حالهم و لا اكل جني معاقبه
والله كنت نقيض شخصيتي مع رفيجاتي
كانت مصيبه وكبيره وطامه كبره لما احد يقولي جيبي الشغله الفلانيه لي جدام احد غريب .. مثال : اصب استكانة جاي حق وحده غريبه و لا شي تلاقيني ويهي يقطر عرق واحمر وودي لو الله يدزلي احد من السما يصب عني ..امبيه وزاسوي معركه بالصينيه و الشكر و حوسه الله لا يوريج ...بس قمت اجرب اجرب اجرب
لين تعودت وقلت خلاص غيري مو احسن مني هذا انا كبرهم و بعمرهم واحلى منهم و مو ناقصني شي ومحبوبه اكثر منهم ليش انا بهالشغله بالذات مو زينه ليش ما اثبت لنفسي قبل النس ان انا قويه وواثقه بنفسي ومو خجوله و مرتبكه ومتلعثمه على طول
دايم اثبتي لنفسج قبل غيرج اوثقي بنفسج بعدين غيرج سمعي نفسج طيعي عقلج كلمي روحج ..ترا ماله داعي دوا وحبوب وطبيب نفسي او اخصائي ..العلاج الصحيح و السليم تكوزنين انتي طبيبة نفسج ..وتحاولين اتخيلين انتج رايحه للطبيب جيبي ورقه وقلم ..سئلي روحج بدال الطبيب ..ليش زايرتني ؟؟؟ ابي دوا حق الخجل ؟؟؟ ليش في دوا حق الخجل ؟؟؟ لا بس انا مليت من الخجل و الارتباك ؟؟؟ كل الناس جذي ؟؟؟ لا بس انا ؟؟!! ليش بس انتي شفرق عنج عنهم؟؟؟ ماكو بس انا جذي >> النتيجه ماكو جواب ...بتقعدين تبسبسين ...ليش لان انتي اللي اقنعتي روحج بفكرة انج خجوله ومرتبكه ويمكن زاد
عليها مواقف سلبيه للحين محتفظه فيها جنا صايرتلج امس و تعليقات من ناس سلبيين جنج سامعتها امس و مازلتي محتفظه بجرح التعليق وبحرارته بالضبط كأنه صار من فتره بسيطه
...لا لا لا لا خلج انسانه ايجابيه وخري عن كل شي يعطيجد اشارات سلبيه
جيبي سلتين وحده سلة الايجابيات ووحده السلبيات
وهاتي اوراق صغار كتبي عليهم اسماء الناس السلبيه والمواقف كتبي كل شي بروحه على كل ورقه وصفطي الورقه وقطيها بالسله و بالنفس الشي للإيجابيات
بس شنو الفرق ...سلة السلبيات عقب مانقط الورقه فيها مانرد نفيحها ابد ونقطهم من حياتنا ونخليهم على الهامش مو بس على الورق ...سلة الايجابيات بتزيد ان شاء الله كل يوم موقف ايجابي و لا احساس و لا شخص و لا تعليق و لا شعور ايجابي بتكتبين على الورقه الوتصفطينها و بتحطينها بالسله بكل بإبتسامه ومسموح لج انج تردين تقري الاوراق اللي فيها مره ثانيه
واسمتتعي بشعورج وانتي تقرين كمية الاوراق الايجابيه
عطي نفسج مساحه للقراءه و التعلم و الله يا بنات القراءه بهدوء وبجو هادي عجيبه تعطيج مساحه كبيره انج تفهمين نفسج وتنمين قدراتج وتوسعين خيالج ....
تبون اكشف لكم سر تغيري الكبير و مازلت في تغير وللأفضل بإذن الله ...والله يا بنات اني خليت الاغاني تدرون ليش لاني عقب ما اسمعها احس بإكتئاب مادري ليش وعقب ما اسمع جم اغنيه احس ماكو شي اسويه واقعد عاد افكر بكل شي مو حلو وسلبي بحياتي ..البعض يعتقد ان الاغاني بتهديه وتخليه ريلكس وغيره ...اا الغرب الغرب نفسهم اهل الكفر سووو دراسه عن الاغاني وتأثريها على الصحه النفسيه فما بالكم دينا اللي راحمنا وعلمنا بمضرتها وحرمها من خوفه علينا سبحانك يارب رحيم وحكيم ما خلانا نحتاج ان ندرس ونبحث عشان نكتشف الاشياء اللي تضرنا بالعكس بين لنا كل شي سبحانه ..بس وين عاد اللي يطبق
ومسكت صلاتي قبل استغفر الله شبه معدومه حافظت عليها الحين الحمدالله واحس ربي قريب يمي ...وفي حديث عن الرسول عليه الصلاة و السلام ما اذكره بالضبط بالحرف الواحد ان الواحد لو قرب من الله خطوه الله سبحانه وتعالى يقرب منه ضعف
وبنات ترا الراديو ..القاناه الثانيه الكويتيه بالتحديد واذاعة القران فيها برامج مو طبيعيه تعلمج حيل عن نفسج و الثفه و الاعتماد و المسؤوليه مواضيع احنا نبحث فيها حيل داخل نفسنا مو عارفين شلون نوصل لها و لا نطبقها ..يستضيفون دكاتره و اخصائيين و يخلون الناس اتكلم عن تجاربهم وتحسيبن براحه مع هالبرامج جنهم يتكلمون عنج
والله يا بنات لا تطوفون على روحكم مثل هالكنز
عندي كلام وايد بس ماودي اطول عليكم
