ولدي والمميه مايشربها !!!

السلام عليكم


ياحلو الياهل والله ويا حلوووو تعبهم


بنات انا ولدي تقريبا عمره شهرين واسبووعين <<<< حاسبتهاا
يعني داش بالشهر الثالث

يشرب بالمميه رقمين ومرات رقم ونص :eh_s(2): ولا بعد لمن يخلص يرجعه كلاااا

وااايد عصل ووزنه بس 5 كيلووو

اسملا عليه عظامه ماخذ كل وزنه ولا هو عصل
انا ما ابيه متين ابي يشرب حاله حال الي بعمره


بنات اوديه عند الدكتوور يشووف قصته ولا هالشي طبيعي عاادي لان انا بجريه وماعرف اذا وزنه زين او يشرب عدل
لان رفيجتي قالت المفروض يشرب لي 120 يعني 4 ارقاام


بتقولون معدته صغيره اي معدته صغيره لان يرجع واااايد

وحفاظاته لي الحين البسه رقم واحد لمن ولدته ولي الحين يلبس بيبي بوورن
كتكووتي

مدمنة ككاو قال:

هلا ام عزوز حبيبتي شلونج وشلون عزيزان؟

شوفي اذا تبين تعرفين زيادة وزنه مناسبه ولا لا قارنيه باول ما ولديه لا تقارنينه بعمره
يعني البيبي المفروض يزيد من نص كيلو لي كيلو الا ربع بالشهر انتي حسبي عاد

واهو صج شويه يشرب بالنسبه حق عمره بس اتوقع على حسب الياهل
بس اهم شي انج كل ساعتين تعطينه خليج منتظمه عالساعتين
وعشان لا يرجع وايد جربي اشتري له نفس الحليب اللي عندج بس ضد الارتجاع
واذا بترضعينه خليه نص قعده مو منسدح وشربيه رقم واحد وتريعيه ونطري 10 دقايق وردي شربيه الباجي وتريعيه
بتلاحظين الترجيع راح يقل نسبيا

وما عليه الا العافيه شيخ الشباب

أنقر للتوسيع...

حبيبتي والله دايما تفيديني باشيااء وكلامج مثل كلام الدكتور
بس للأسف وزنه من ولادته بس زاد كيلو ونص
والله مثل الي كتبته اسويه له بس همن يرجع خلاص هذا طبع بولدي مهما سويت بظل يرجع وانا راضيه بهالشي خلاص استسلمت:eh_s(4):
تخيلي اعطيه كل ساعتين متيصير رضعته الثاانيه خلال هالسااعتين المميه كلها يرجعها مايصير وقت المميه الثانيه الا ميت يوووع

love love قال:

يمكن حليبه ثقيل؟؟ شنو حليبه؟

جربي اس 26 ممتاز

أنقر للتوسيع...

اس 26 جربته هو للارتجاع مثل الشي
من صدري بعد يرجع
والدكتور قالي غير اس 26 وعطيه نان خفيف مثل الشي

maha_89 قال:

تقريبا نفس عمر بنتي ونفس الوزن
لا تحاتين انا راجعت الدكتور قالي عادي
واي كنت احاتي وايد انها ماتشرب الحليب تينني يوم ترجعه
عاد انا ابيها تكبر شوي ابي البسها ملابس ال0-3 وساع موحلوين عليها لووول
معاناه

أنقر للتوسيع...

اي عمر بنتج مثل عمر ولدي
البسه نيوبوورن:d