مآ آبي كريم آسآس ؟!

امممممم والله حبوبه على حسب اذا انتي بشرتج فيها عيوب ولالا
انا احب المكياج بس الحين قمت ما احط لاني بديت امل ... قمت احط حمايه من لوريال وفوقها بودره بوبا بس عشان اغطي شوي اثار الحبوب والكل قالي شكلج ناعم .... انتي جربي حطي بس مرطب وبودره وشوفي
وفي انواع كريمات خفيفه وحلوه تعطيج تغطيه وبنفس الوقت شكلج يكون طبيعي

يعطيج الف عافيه
لآ الحمدلله بشتري ما فيها حبوب او اي شي
بس صوب الوجنتين افتح من باقي الويه وتحت العين اغمج من باقي الويه

عيل بس حطي مرطب و بعدها واقي و بعدها كومباكت رح يناسبج ان شاء الله

اي تصدقين مثل مشكلتي
قبل كنت احط بس اولاي بعدين كومباكت
بس الحين الهالات زادت وايد عندي ولوعت جبدي مو راضية تروح


فأبي كونسيلر مناسب يغطيهم ومابي فاونديشين
للعلم لونهم غامج وايد وبشرتي جافه مافيها حبوب الحمدلله
بس مادري شلون اخشهم

أحسن شي وأرخص شي

بودرة كريميه ماركة ايروقانس arrogance تلقينها بسوق السالمية عند محل المكياج الي تحت يم برجوا وريميل وهالسوالف

خفييييييفة حدها وتغطي العيوب ولا جنج حاطه شي

عن تجربة طبعا

انا احط مرطب غير دهني من البودي شوب تبع زيت شجرة الجاي لان بشرتي دهنيه في اماكن معينه و بعدين كومباكت ماكس فاكتور الذهبيه تغطيتها روعه وجنه مو حاطه شي ومايطلع اوفر بالمره

طيب راح اقولك سر بس ماتقولى لاحد عليه ولا تخلى احد بالمنتدى يسمعنا ههههههههههههههه

والله والله انا استخدمت كريم روعه وعرفته عن طريق الصدفه البحته وهو كريم عادى مثل فير اند لافلى وهذى الكريمات وصراحه انا

شخصيا ما اؤمن بهالكريمات

المهم شريت واحد من مصر مدحوه خوات زوجى والله رووووووووووعه بيفتح الوجه درجه او درجتين ويوحد لون البشره

وهذا من اول استخدام والله العظيم

اول غسلت وجهى ونشفته تماااااام وحطيت الكريم بشكل عادى جدا وفجأه الاحظ وجهى كله نور وتوحد لونه وصار ناصع

والله راح تدعيلى الكريم من مصر واسمه moon light

مون لايت وسعره تقريبا 3 او 4 دك

والله راح تشوفى وجهك كأنه مغسول ونظيف وكأنك حاطه اساس بس بدون اساس

وان شالله تدعيلى بعد ماتستخدميه

واتمنى اكون افادتك

أنا عن نفسي عندي هالات غامجه فلما ما يكون ودي أحط ميك اب أستخدم واقي فيه ترطيب ولون ومضاد لعلامات التقدم فالسن ماركة (كوفر ديرم) وكونسيلر لانكوم الخوووورااافه ومن عقبها بالفرشاه أحط اللوس باودر ميك اب فور افر أو ديور(كل وحده أحلى من الثانيه) وبس

دام انتي بشرتج حلوة و مافيها عيوب أخذي هذي الطريقة ان شاء الله تعجبج

انتي استخدمي الحماية اللي تحبينها ( البنات يمدحون مرطب اولاي بالتوت البري يعطي لون وردي للبشرة للامانة ما استخدمته لكن سمعت عنه مدح )

بعدين اخذي كونسيلر حلو يناسبج انا استخدم ايف سان لوران الذهبي اللي فيه فرشه استخدم رقم 1 احط كمية تحت عيوني و اوزعها و بعدين ابتدي اطبطب عليها بصبعي لين تندمج مع البشرة تمام و تتثبت ,, بعدين اطبطب عليها ببودرة ديور شوي بس عشان التثبيت البودرة رقمها 2 !!
هالطريقة بتعطي لون فاتح و منور تحت عيونج و بتحسين ويهج فريش !!

كملي حطي مسكرا و كحل بس و شويه بلشر مو وايد لان تذكري انتي مو حاطة اساس و قلوس

طبعا هاللوك يصلح للبنات اللي اصلا بشراتهم حلوة و مو محتاجة شي لكن اذا بشرتج فيها عيوب لازم تعالجينها و على العموم المكياج ما يطلع حلو على البشرة اللي فيها عيوب لازم تعالجينها و تهتمين فيها

حطي المرطب والحمايه وكونسيلر تحت عيونج وباجي الويه لوز باودر هذي اخف واحلى طريقه للصبح