المساعد الشخصي الرقمي

مشاهدة النسخة كاملة : هديه حق رمضان


السفيرة عزيزة
09-10-2004, 11:12:22 PM
بنات اشلونكم و شخباركم


ابي مساعدة بليييييييييييييييييييييز

ابي هديه حلوة

حق رمضان
حق امي و خالتي

تدرون حريم كبار
و ودي اعطيهم شي بمناسبه الشهر الكريم

عطوني افكار

يلا بروح السوق

Dancing^Queen
11-10-2004, 10:52:07 PM
انا خذيت حق خالتي ام ريلي خذيتها وافترينا واهي اختارت
شرت الجدور اللي يحفظون الحراره ثلاثه كبار ومطاره قهوه
وامي انا شايفه لها مطارتين خشب وياهم صينيتهم ومرسوم عليهم منظر طبيعي عليههم كلهم ماعدا الغطا طبعا اتينن اتشوق وشكلها يديد مو مثل ملوت اول

سمسميه
11-10-2004, 11:14:13 PM
كوين شفتهم الي عليهم منظر طبيعي حلوين
عزيزه...انا شريت لهم هيل و زعفران و هالسوالف ادري فيهم طافحين مطاطير واماعين

Dancing^Queen
11-10-2004, 11:35:26 PM
سمسميه
غشاااااااااااشه
راحه الباشا ومو معلمه؟؟
اعترفي


عيل شنو بتاخذين لامج؟

سمسميه
11-10-2004, 11:38:12 PM
لا رحت المعلم.الي بحولي.........جكيتيني..ترى المعلم عنده اشياء حلوه..وبعد سمعت الحين ان في معرض اماعين بارض المعارض

السفيرة عزيزة
11-10-2004, 11:39:53 PM
مطاطير صاجة طافحين منهم

بس هيل و زعفران توة اخوي يايب لهم من السعودية و ايران

يعني هم طافحين ابي شي غير

بلللللللللللللللللللللللل للللليز

سمسميه
11-10-2004, 11:43:19 PM
انزين ليش ما تييبين لهم من المحل الي بالجابريه الي يبيع غريبه ودرابيل داخل طاسه معدن يعني غبقه اول يوم رمضان فكره حلوه

السفيرة عزيزة
11-10-2004, 11:45:21 PM
صراحة سمسميه هذي خوش فكرة

دليني مكانه بروح اليوم

يلا بسرعه

Dancing^Queen
11-10-2004, 11:47:42 PM
اتعرفين صالون استر؟
تحته علي طول


يعني صوب تشامبينز
وزين قلتليلي سمسميه انهم بالمحاميد علشان ماشتريها

سمسميه
11-10-2004, 11:48:02 PM
مكانه يم النادي الصحي تشامبيون ..عرفتيه؟؟
بس انا موذاكره اسم المحل بالضبك انتي لما تروحين هناك عند النادي حوسي يمه شوي وتلقينه ان شالله

سمسميه
11-10-2004, 11:51:12 PM
تشامبيون=تشامبيز
كوين بالمعلم مو المحاميد

السفيرة عزيزة
11-10-2004, 11:53:27 PM
سمسميه كوين
شنو اللي بالمحاميد؟؟؟؟؟؟؟؟؟؟؟؟؟؟

سمسميه
11-10-2004, 11:54:51 PM
المطاطير والصواني

Dancing^Queen
11-10-2004, 11:55:13 PM
شوفي روحي الجابريه
لفي عند بنت الديك وهارديز
وامشي سيييييييييييييييدا اللفه اللي قبل تشامبينز (علي يمينج)
(قبل مس تريزور)
وقبل لتل جيم
حلو؟
امشي سيدا
بعدين اول ا دخله يسار امشي تلقين استر واهو تحته

اخذي وياه صندوق خشب سنع وحطي فيه قش حطي عبايه حلوه زينه ووياها هالحلو (بيض القطا حلو مالهم وعندهم كيك برهش عنونو)

السفيرة عزيزة
11-10-2004, 11:58:54 PM
مرسي اوي كوين

خوش حركة

ان شاء الله اليوم بروح

ثانكيو سمسميه

سمسميه
12-10-2004, 12:04:29 AM
ويلكم يا حبيبتي

mooolaaa
12-10-2004, 10:59:17 PM
دهن العود حلو بهالمناسبة

السفيرة عزيزة
12-10-2004, 11:44:46 PM
مولا
دهن العود عطيتهم منه وايد وايد


فكرت سمسميه حلوة

اذا ما جربتيها جربيها

ترى وايد حلوة

مرسي على المرور

جوريه
12-10-2004, 11:50:48 PM
بعد تييبون شي برمضان امممممممممممممممممممممممم ممممممممممممم هذا ماكان بالحسبه يالهوووووووووووووي

كوينو من وين المطاطير وبجم؟

Dancing^Queen
12-10-2004, 11:57:41 PM
لمطاطير من سوق الباشا (ياباشا ياباشا) بخيطان وسعرهم تقريبا 17 اهم ويا صينيتهم اول ماتنزلين وين المحاسب ؟ قباله بالضبط
وساليه عن طقم الصحون البرازيلي اللي من كل شي درزن هذا شريته لي بمناسبه رمضان
والله و بس اشتري هدايا للناس لي بعد

جوريه
13-10-2004, 12:40:22 AM
هاهاهاهاهاهاهاهاها يا حليلج كوينوووووووووووو

ابي شي ارخص واي هالشهر تقطعنا تقطيييييييييييييييييييييي يييييع
ذهب – عمليه – عيد – قرقيعان – لبس قرقيعان –دراريع بعد هدايا لرمضان الللله يعيبنه من معاش لو بنك مركزي جان خلص

السفيرة عزيزة
13-10-2004, 12:55:59 AM
جوريه
اخذي الحلو و الداربيل
بس مو شرط العبايه و اللذي منه
بس فكرة حلوة جربيها

جمانه
19-10-2004, 02:41:16 AM
كوين .........نصيحه مني لا تاخذين المطاطير ......خذيتهم وطاحوا بجبدى ...قولي ليش؟؟؟؟يبردون الشاي والقهوه...........ثلج .........وبعد مره او مرتين بعدين تسرب وتفشلتج اذا حطيتيها بالصينيه...وسلامتكم..........سب ان الله اذا مو الماني ولا ما كو فايده

Dancing^Queen
19-10-2004, 03:03:09 AM
لاااااااااااااااااااااااا واللـــــــــــــــــــــ ــــــــــــــــــــــــه

زين قلتيلي لانهم حيل بخاطري وسبحان الله نسيت
امي قالتلي مابي غرقت مطاطير <<< هين خل تصير منااسبه تركض تشتري تقول ماعندي


فشريت لها دراعه او بالاحرى دفعت فلوس دراعه اهي مختارتها

leza_q8
19-10-2004, 03:28:25 AM
السلام عليكم ورحمة الله ..

شوفي عزيزه اللزيزه .. انا شريت حك خالتي هزا الجهاز إلي بالغانم مال حفظ القراءن وتعليمه للسديس ب35 شيك وعملي ومفيد وخزيت لها ملفعين شيك وبطاقه حلوه

السفيرة عزيزة
26-10-2004, 02:02:30 AM
كوييييييييييييييييييييييي ن

مشكورة وايد المحل ما شاء الله عليج عالوصف بالضبط

ما يضيع

اللي يبي شي خلتدليه كوين

مرشي اوي

Dancing^Queen
27-10-2004, 12:32:27 AM
بعد البي زوزو علشان اودرهم كلهم

اسكدينيا
14-08-2005, 01:06:58 PM
ما كو احلى من خاتم ذهب تلبسه برمضان وبكل مكان ولي سالوها قالت من جنتي فلانه شيء حلو ورزه ويحبونه الكبار والذهب ذهب اين ما ذهب المشكله خالتي تحب الالماس انا يبت لها ذهب مرت حماي يابت خاتم الماس طبعا كل واحد وقدرته والله يهنيها

beauty
16-08-2005, 04:38:59 AM
عندكم رقم المحل؟؟؟؟؟؟؟؟

New Mum
12-09-2005, 08:45:06 PM
انا مجهزه هدية رمضان من الخين ...
شريت حق خالتي صينيه خشب كبيره من المحل اللي فوق بالمطار و مفرش شخلوه فوقها و شريت لها قرآن بعلبه خشب كشخه ,, وشريت من الأوقاف دراعه حلوه واستكانات عنابيه و بمر الشايع بشتري بخور ودهن عوووود وودي بلفه زينه بس مادري من وين؟؟ افيدونا

رفرف
13-09-2005, 02:57:20 AM
انا شريت حق خالتي دراعة ومادري قاعدة افكر بموضوع الخاتم بس الميزانية تعبانة حدها الا جان اشتريلها خاتم بعيد الاضحى !!

وامي كل سنة ناخذلها انا وخواتي بدلة العيد وشي ثاني مرة خذينا مصحف مغلف ومرة دراعة جنه وعموما امي اشتريلها على طول بدون مناسبة ...

نفيشه
13-09-2005, 04:04:49 AM
انا للحين قاعده افكر شاخذ حق امي وابوي بعد لا يصير بخاطرة كلا ناسينه
ابوي ودي اخذ دشداشة من دشاديشة وافصل له بدون لايدري حق رمضان
راح احتاج مساعدة امي و ريلي
وامي خذيت لها دراعه وطقمين دولكات وقلاصات للماي
وكنبل ناعم
وودي اخذ لها حق اول يوم برمضان شي من المحل اللي قلتوا عنه بالجابرية

أحب الخير
13-09-2005, 04:08:10 AM
آنه دايم اشتري مكسرات في بالرفاعي تشكيله حلوه معاها زعفران و سوالف راقيه حتى تغليفها حلو

New Mum
13-09-2005, 04:27:25 AM
باركولي خلصت هخدية خالتي بس انهد حيلي من الصبح فازعه ابي اخلصها قبل لا ألها
المهم شريت لها بخور و دهن عود من الشايع و شريت عبايه مع لفتها وايد ناعمين من الاختيار الأول في ليلى جاليري و رحت الروضه غلفتهم بس انكسرت استكانه شنو غلقت :(
ويمي مره عوده نشبت بلعومي الله يا حلو الاستكانات من ووين و حق عروس هذي دزة عروس واي واي تحقيق هي هي هي المهم الحمدالله التغليف وايد حلو وباقي اوديهم ادعولي يوصلون بالسلامه خايفه ينكسرون :(

نفيشه
14-09-2005, 12:46:35 AM
نيو مام
عليها بالعافية انشالله
بس من وين خذيتي الاستاكانات وشلون صايرين؟

New Mum
14-09-2005, 02:59:47 AM
من الشلاحي بالأوقاف ... والله زوينين مو وايد عاجبيني قي وايد أحلى بس ماشاء الله الناس ما خلوا شي ما ألقى إلا على نص درزن بالقصب لقولي درزن ووحده نكسرت صاروا 11 :(
عنابين بذهبي وحجمهم حلو راهي والدزن ب 33 وخرده :)

نفيشه
14-09-2005, 03:29:26 AM
عليكم بالعافيه شوقتيني بمر اشوفهم من زمان ما شريت استكانات

New Mum
14-09-2005, 05:27:22 AM
يعافيج نفيشه :)

معلمه متميزه
15-09-2005, 02:30:21 PM
يحليلكم ..

بسسسسسسسسس لا تفجون لنا ابواب ماكو فلوسسسسس

الله يعين عاد اختي ولادتها بتصير اخر رمضان ويبيلي دراريع استقبل فيهم الاوادم واستكانات يدد ومطاطير غير اغراض العيد واااااااااااااااااااااااا ي حووووووسه ..

امي يبيلها هديه بعد عمري والله شكلي باخذلها شي ان شاء الله ..

تسلمون على التنبيه ..

BlUe SkY GuRl
18-09-2005, 11:37:42 PM
والله خوش افكار منكم

kajool
19-09-2005, 01:16:21 AM
افكاركم وايد حلوه عجبتني كلها مواعيين والحمدالله لا امي ناقصة ولا خالتي
بس لفت انتباهي كويييييييييييييييييييييين صج صج عفيه اظاهر اني بشتري عزيزه بروح انا بعد بإذن الله
فوق هذا كله انا فكرت بطريقه ثانيه انا قلت شهر روضان عباده وفعل خيرات
فراح اسوي بر الوالدين حق امي وابوي الله يرحمه وراح اقترح على اخواني ان انسوي فطور جماعي في رمضان في المسجد لهم
واتمنى ان الله يتقبل منا ومنهم

under shadow
20-09-2005, 02:32:55 PM
بخور ودهن عوووود انا اقووول احسن شي لهم

وهم المطاطير حلوين

under shadow
20-09-2005, 02:41:09 PM
خوووش راي كاجوال انا بعد اؤيد هالفكره الصدقه الجاريه اهي اللي تنفع بهالزمن