اشرايكم البدلة جاهز والا تفصيل احسن

حبيبتى الله يهنيهم
ويتمم عليكم فرحتكم
على حسب ميزانيتج
انا افضل الجاهز
ماحب اغامر بموديل اخاف يطلعه لي شئ ثاني عنج البستان فيه والمهلب والسالميه انا توني مشتريه حق عرس بنت اختي 120 من فؤاد سركيس بالسالميه مقابل العنجري وعندج في يمه محل الما هذول عندهم سياسه البدله ماتكون منها وااايد وبعدين ياخذون بيانات العرس حتى لايصيرون 2 لابسين بنفس العرس نفس البدله
وعندج مجمع زهره في اشياء اما عن الاسعار فروحي شوفي وعلى حسب ميزانيتج
واذا بتخيطين انا مادحين لي خياطه اسمها ليليان فلبنيه بالاوقاف الجهه اللي مقابله لاند مارك يعني المواقف الخلفيه روحي شوفي وانشالله تحصلين

هم على حسب الميزانيه وحسب الجسم الله يوفقج

السلام عليكم ... الله يهنيكم ويدم عليكم الأفراح دائما ... أنا أحب بدلت العرس تكون تفصال خاصة أن المتزوج هو أخوج لازم تطلعين بشي غير .

لو في جاهز عاجبج اخذيه لان احيان مدة شهر مايمديج تخلصين

انا اقول تفصال
في خيايط الاوقاف من وره اشتريلج خام حلو وفصليه احلى

وي ما يمديج تفصلين
انا اقول ركضي حق الجاهز بس عاد الجاهز بالنهاية عباره عن تصميم مصمم روحي شوفي ليلى جاليري يهبل

الله يتمم على المعاريس

عندج ليلى جاليري احيانا تلاقين في اشياء سعرها معقول

وهم التفصال حلو لانه انتي تختارين اللون والمديل

وهم الجاهز اريح اذا مالج مقاقة كل شوي روحي الخياط يضبط الطول ولى يوسع البدله ولى يضيجها


والله يوفق الجميع يارب

eman12
سما النوير
وجدان المشاعر
قطووة
.>zajel<.
عاشقة الكاكاو
ام طلال
دار سلوى
shahad_Q8
الله يبارك فيكم والفال حق حبايبكم ان شاء الله
و...............
شكراااااااااااااااااااا لكم عالاقتراحات المفيدة

الصراحه يعتمد عالجسم اذا متناسق الجاهز أحسن لكن اذا في زوائد فالتفصيل أفضل عشان تقدرين تغطين اللي ماتبينه يطلع وتبرزين اللي تبينه