المساعد الشخصي الرقمي

مشاهدة النسخة كاملة : إجاباتكم محل إهتمامي .


حنيني للجنة *
13-07-2009, 12:55:08 PM
\\\

السلام عليكم ورحمة الله وبركاته ..
مرحباً بالأحبة الكرام .
أسعد الله أوقاتكم بالخير و البركه ..

\\
لدي تحقيق . و أطلب من الجميع هنا أن يتجاوبن معي . وإجاباتكن محل إهتمامي . يا غاليات ..



اسأل الله أن يبارك بكن ويحفظكن ويردكن للوطن و الأهل سالمات غانمات ..



>>


لنبدأ يا أحبة :

س1 / حيــاتك في مجتمع مختلف كيف تمارسيها ؟
س2/ هل أثر عليك بعدك عن الأهل و الوطن ؟
س3 / كيف تدبرين أمور معيشتك أنتِ ومحرمك ؟
س4 / معاناتك التي واجهتيها مع محرمك ؟
5/ حديثنا عن مواقفك التي واجهتيها هناك . واذكري لنا موقف أثار بك ؟

واخيراً . ماذا قدمتِ لإسلامك ؟


\\\
\\\
\\\\\


اختكم .. حنيني للجنة ..سائلين الله عز و جل ان يرزقنا الجنة و إياكن .



هدفي من من التحقيق

هو متابعتكن و النظر لإحوالكن .. و الوقوف معكن في الغربة ..


موفقااات جميعاً .

راجيةالجنة**
14-07-2009, 07:27:30 PM
ياااااااارب يهون عليج ويهون على كل المغتربات والله قلوبنا معاكم

حنيني للجنة *
16-07-2009, 08:08:16 PM
انتظر الحبيبااااات


جزاهن الله خيراً


وشكراً لمرورك اختي الكريمة :)

علماً أني لسيت مغتربة ,, لكن أعمل على هذا التحقيق من أجل عملي الصحفي في أحد المواقع النسائية الإسلامية

وهدفي من هذا الموضوع هو التعرف على حال المبتعثات واهتماماتهن
ومدى معاناتهن


دعواتي لكِ بالتوفيق والسعادة في الدنيا والآخرة

black_arno0oBa
18-07-2009, 06:11:15 AM
هلا حبوبه مشكوره على الموضوع الحياة ما نقدر نمارسها بشكل طبيعي صايرين جهاد مع انفسنا ونحاول نصبر على الي ابتلينا فيه الشوق والولهه حق الديره واهل الديره وامور المعيشه تعودنا للأسف على الخدم والدلع الودلال بالكويت واهني بالغربه بالغصب نشتغل وندير امور البيت بروحنا والله يعين وضطرين نعيش نفس اهل الديره بوسائل النقل وطريقه الجمعيه وشيلت الاغراض والحوسه

black_arno0oBa
18-07-2009, 06:12:41 AM
والله يعين واسألكم الدعاء لأبني بالشفاء العاجل انشاءالله يشفي وليدي ومضى المسلمين

فلونة احلى وردة
08-08-2009, 05:48:03 PM
عسى الله يشفي وليدج يا ارنووووووووبة
وبلاج من الخرابيط
ادعي ربج
ترى الدعاء *** شفتة بعيني ويا الغالية
سوالها معجزة
احسني الظن بالله
يا ارنوبة
وتستاهلين كل الخير
وربي يشافي وليدج
امييييييييييييييييييييييي ييييين

اكابر
22-09-2009, 02:35:18 AM
يالغاليه انا عن نفسي صارلي شهرين بس بهالشهرين طلعت روحي الفراق حده صعب وخصوصا انه ماعندي احد لا امي ولا ابوي ولا ريلي بس انا وام ريلي وابوه وبنتي بالكويت مخليتها عمرها 3 اشهر وقلبي متقطع عليها .. انا تاقلمت على العيشه وبالعكس ما اثرت فيني انا اللي احس نفسي اثرت وايد اجنبيات يسإلوني عن الحجاب واللبس وعن الدين الصيام وعن الطقوس اللي نمارسها بدينا يعني عبالهم مثلهم لانه بعضهم مايتبعون اي دين سمواوي ..معاناتي كانت مع الاكل للحين ماني قادره اتقبل اكلهم دايما احسه زفر اووانتو بكرامه نيس ومو نظيف مادري حتى لما اروح اماكن ذبح اسلامي تلوع جبدي استغفر الله .. وبالنسبه لمعانتي مع محرمي انا اذيتهم بالبجي بكل مكان ابجي واي حزه يطرون علي اهلي فيها ..وامورنا اهني ماشي حالها العرب اهني اييد وحده وواحدهم يساعد الثاني .. وبالنسبه لاكثر المواقف اللي اثرت فيني الموقف الاول تعامل الامريكان معانا كمسلمين وعرب تعاملهم ويانا حده راقي بالعكس اهما ايونا ويسلفون ويانا ودايما يبتسمون بويهنا .. والموقف الثاني لما مشى عني القطار بنيويورك وانا ما ادري جم رقم رحلتنا ولا عندي جوازي ولا اي اثبات حسيت روحي خلااااااااااص انتهييت وضعت بديره ما اعرف فيها ىاحد .. سوري طولت عليج

Om_il3ubed
22-09-2009, 05:22:10 AM
س1 / حيــاتك في مجتمع مختلف كيف تمارسيها ؟

حياة جدا سهله وبسيطه خصوصا ان الشعب الاسترالي شعب يتقبل كل الديانات :)

س2/ هل أثر عليك بعدك عن الأهل و الوطن ؟
اكيييد الغربه صعبه وموهينه.. بس الحمدلله الواحد يحط هدفه جدامه ويسعى له وتمر السنين بسرعه

س3 / كيف تدبرين أمور معيشتك أنتِ ومحرمك ؟

والله الحمدلله ماشي الحال التعليم العالي و المكتب الثقافي والسفاره مو مقصرين معانا بشي .. 24 ساعه سهرانين على راحتنا و موفرين لنا كل سبل الراحه

س4 / معاناتك التي واجهتيها مع محرمك ؟

بالنسبه لي متعوده على الغربه والسفر.. اما هو فكانت اول مره يترك اهله فتره طويله .. وايد تعب خصوصا اول شهر.. بس بعدين تعرف عالشباب الكويتيين ومشى الحال الحمدلله

5/ حديثنا عن مواقفك التي واجهتيها هناك . واذكري لنا موقف أثار بك ؟

والله كثيره المواقف الي تصير خصوصا مع العرب جنه موشايفين في حياتهم وحده خليجيه ومحجبه .. بس الشعب الاسترالي كلمه روعه شوي عليه... حتى في مطار سدني عالجوازات .. شافتني متحجبه جان تقولي Salam alaikom
ودلتني على اماكن المساجد و المحلات الي تبيع الاكل الحلال وبصراحه الفرحه ماسعتني :)

واخيراً . ماذا قدمتِ لإسلامك ؟
كثيرين الي يسالون عن سبب لبس الحجاب وشنو يعني الاسلام.. والصدمه اني شفت وايدييين مايعرفون شنو الاسلام ولا حتى شنو المسيحيه او اي ديانه ثانيه والسبب انهم ممنوعين من دراستها عشان يبتعدون عن الفتن.


وشكرا لج :)