حبوب زهرة الربيع

السلام عليكم ورحمة الله وبركاته انا من جدة وصفتها لي دكتورة مخ واعصاب عشان كنت اعاني من الالم شديدة قبل الدورة والان ارتحت وصفت بشرتي وزاد وزني شوية مع انها قالت الدكتورة ما تزيد الوزن وشعري صار زي ماكنت شباب غزر وطول وجلدي صار ناعم وادعولي ..

أنقر للتوسيع...

أنا بصراحه ماقدر استغني عنها والله اليوم آخر شيء جايبه كرتون لأني واجهة صعوبه الشهر اللي فات مدري شكله انسحب من البنات
بس بصراحه لسببين .\

1 - الحمدلله ألم الدوره خف كثير يعني اقدر استحمله مب زي قبل لازم مهديء ،
2 - بشرتي معها مدري ليه أحس أحلى .. احيانا اذا نسيتها كم يوم او تكاسلت تتغير : ( .!

شوفي هي ماتوقع لها دخل فـ حب الشباب او آثاره ، لا ياقلبي هي لنضارة البشره وتحسسها اتوقع بس ،

يعني مثلا انا من النوع اللي اذا تغطيت وطلعت اول مارجع البيت يكون وجهي محمررر من الحر وفيه زي الحبوب الصغيره تقهرني !
الحين الحمدلله مااعاني منها مثل قبل ،
بعدين أعتقد هي مكمل غذائي ماراح يضرك اذا مانفعك خصوصا انك ماتاخذين زياده عن حاجة الجسم ،
وانا أعترررف بصراحه اني مقصره فـ حق جسمي والتغذيه طوول الاجازه خرابيط

انا بصراحه استخدمتها اول ماقريت الموضوع .. وموعدي عند د.احمد العيسى قررب فـ راح اسأله واقولكم ان شاء الله وش رأيه فيها : )
بالتوفيق ،

ودعواتكم

أنقر للتوسيع...

شوفوا حبيباتي انا بقولكم تجربتي معها ..
اولا : انا اخذهم من g n c
العلبه فيها 100 حبه وانا اخذ اللي علبته صفراء
ثانيا : استمريت عليهم 9 شهور .. ما شاء الله
وكنت اخذ حبتين بعد العشاء ..
اللي لا حظته ولا حظه غيري ان بشرتي ما شاء الله حييييل
صفت وفتحت شوي يعني بين قوسين نظاره واشراق ..
وانا ما سمنتني با العكس نحفتني لا ني مثل ما قلت اخذهم بعد العشاء
وهم مثل اي فيتامينات اخرى تعمل على تسريع عملية الهضم فأنام
وانا خفيفه الحمد لله حتى لو اني ما كله كبسة لحم لوووووووووول
وهذا اللي خلاني ما استغنى عنها بس اللي تبي تسمن تاكلهم اثناء النهار
عشان تحس بالجوع وتاكل اكثر يعني النتيجه حسب استخدامكم لها ..
وهي تشبه بتركيبها زيت كبد الحوت ..
وتهدي من الام الدوره ..
يعني بين قوسين انا ما استغنى عنها
لكن في الصيفية اللي راحت شهرين ما استخدمتها وحسيت بفرق
وحتى بشرتي تأثرت ورجعت اخذهم من رمضان هذا وان شاء الله
ما انقطع ..

اتمنى اني اكون افدتكم ..

أنقر للتوسيع...

انااا استخدمها من اكثر من شهرين روووعه وردت خدودى وكانت عندى مشكله شفايفى متشققه عالجتهم وعطتهم لون وردى ما شاءالله ، والجلد نعومه

بس لاحظت فتحت شهيتى لااكل وهاذا مااابيه فقطعتها هالشهر

أنقر للتوسيع...

السلام عليكم

مرحبا اختي ..انا استخدمتها وبصراحة حلوة وانا ما وصفها لي الدكتور انا رحت الصيدليه وكنت ابي شي يسمن وجهي وانا اساسا مليانه بس وجهي نحيف ووصفها لي قالي ممتازه وفعلا استخدمتها وسمن وجهي بس مو حيل لا صار فيه مثل ماتقولين نضارة وحيويه يعني حسيت وجهي صحي بس للأسف جسمي بعد سمن وتركزت عندي السمنه بالخلفيه والبطن والجنوب وهذا اللي ضايقني حيل وخلاني اتركها لأني مابي انتفخ كل شي ولا الاحباط لما تلبسين ملابسج ويطلع شكلج غلط مافي خصر ..هي مشكلتها انها خلتني اصير مشفوحه على العيشه يعني تقريبا زاد وزني خلال هالفتره 4 كيلو 5 كيلو فتركتها بس فعلا كانت ممتازه للوجه نضاااااره بس انا جسمي عندي اهم <<< بدت تسوي ريجيم
وانتي اذا نحيفه وعادي عندج تسمنين تقدرين تستخدمينها بس نصيحه من اخت اي حبوب تستخدمينها لا تستمرين فيها فترات طويله مهما كان اسمها حبوب يعني استخدميها قبل المناسبات بين فترات ومن خاف سلم وانا اختج وبالتوفيق ****لله والله يرزقج باللي في بالج
مع اجمل تحية

أنقر للتوسيع...

استخدمتها

بشكل متقطع

واستمرين عليها 4 شهور

ارتحت من الم الدووووووره الحمدالله اكبر نعمه حصلتها

وصفى وجهي بالذات بقع الحبوب كان عندي بقعه وراحت ونعمت جسمي مررررررره

ونفسيتي كانت حلوه بالمرررررررررره

وبرجع لها بس عقب تزوجت صرت اخاف احمل وهي ماتنفع ابد للحمل وصرت كل فتره اتركها

أنقر للتوسيع...

انا جربتها لاني نحيفه وزني 50 ااستخخدمتها شهرين مازدت ولا كيلو بس شعري طال بشرتي صارت صافيه

أنقر للتوسيع...

لقيت الحل...

:sm12:

أنا شخصيا جربته.. و قررت ما أكتب عنه الا لمن أجربه بنفسي...
قالت عنه مريضة في عيادات سرطان الثدى (الله يكفي السامعين الشر).. كان عندها الآم في الصدر.. و الدكتور كتب لها هذي الحبوب و قال لها انه تجي بعد 3 شهور عشان تقول لنا اذا نفع ولا لأ... لمن جت وسألتها.. أول شي قالت لي انه ولا مرة في حياتها بشرتها صفت لهذي الدرجة.. كانت مرررة مبسوطة.. لدرجه انه كنت أسألها عن الآلام.. وكانت تطنشني و تكلمني عن بشرتها كيف صارت صافيه...

الحبوب.. ماهي أدوية ولا غيره.. هي كبسولات زيوت.. مررررة مفيده.. وأنا جربتها على مدى 6 أو 7 شهور الآن.. و من جد يا بنات.. الفرق واضح جدا جدا... أنا بشرتي دهنية مرة.. ومن النوع الي لمن أتوتر أو ألبس الماسك حق الجراحة أو حتى النقاب أحسها تقب حبوب.. صغااار و على الخدين بس.. كانوا مسويين لي أزمة.. الحين.. مفيش! الحمدلله....




الكبسولات اسمها evening primrose oil أو زيوت زهرة المساء (الظاهر اسمها كذا بالعربي)... واسم الماده الي فيها أو الـ active ingredient الي (بعد الله سبحانه) يحسن البشرة هو gamma-linolenic acid ..

اذا كان عندك اكزيما.. أو حساسية جلد.. بعض الناس ياخذ نفس الكبسوله و يعصرها و يحط الزيت حقها على الجلد نفسه.. أنا شخصيا ما سويت هالحركة.. لكن الي سووها يقولون انه الحساسية تحسنت بشكل كبير.. جربوا..


صورة الزهرة

الكبسولات هذي ممكن أي أحد ياكلها.. ما عدا الي عندهم الحالات التالية:

الحامل أو المرضعة...
الي عندها صرع.. أو تاكل حبوب للصرع...
الي عندهم شيزوفرينيا و ياكلوا لها حبوب الـ neuroleptics
الي عندهم مشاكل في السيوله الزائده للدم..

احذري انه تاكلين هذي الكبسولات مع كبسولات زيوت ثانية.. مثلا زيوت الأسماك أو كبسولات الثوم أو الجنسنج... لأنه ممكن تزيد سيوله الدم عندك.. الحالة هذي نفسها مهي خطيرة.. لكن خطورتها في انه اذا انجرحتي.. النزيف يطول الين ما يوقف..
أكل الفيتامينات مثل centrum ما منه ضرر ان شاء الله اذا أخذتيه مع هذي الكبسولات... بالعكس.. انصحك أنه تاخذيها..


الكبسولات أو الزيت..

الجرعة: ما بين كبسولة (500 ملغرام) الى 3 كبسولات في اليوم... و الـ 3 كبسولات مو شرط موزعة على اليوم.. تقدرين تاكلينها في نفس الوقت.. مثلا قبل النوم.. أو أول ما تقومين الصباح...

وين ممكن تلاقينها...
في الصيدليات.. أو الـ health shops مثل gnc ...

أنقر للتوسيع...

السلام عليكم ورحمة الله وبركاته

أنا أستخدمتها وبصراحة عجبتني ..

نضارة وأحس كأني طول اليوم حاطة أساس على وجهي

ولكن سمعت وقرأت أنها تزيد الوزن

لكن الحمد لله كان وزني ثابت

لكن فترة إستخدامها سويت رجيم .. ومانزل وزني

أتمنى أكون أفدتك

أنقر للتوسيع...

اكلتها فوق الثلاث شهور حبه وحده 1000جم قبل النوم ..كثير من زميلاتي فترة ماشفتهم مدحوا بشرتي وقالوا صفت ووردت..النفسية قبل الدورة اهون شوي والالام خفت كثير..بس اني حسيت اني سمنت يمكن زدت 3 كيلو...اتوقع تحسنت النفسية واتجهت للاكل...اعتقد الكل كذا زعلانين نفش الخلق بالاكل راضين برضو نعبر عن الفرح بالاكل

أنقر للتوسيع...

والله يا اختي زهرة الربيع نتائجها معي من ناحية البشرة وااو ماشاء الله ، خدود و صفاوة يالله الجنة
و النفسية تمام التمام و راحة مع العلم إني بنت نرفوزة مرة
لكني تركتها لأنها تفختني يعني ألاحظ إني أنتفخ و مو ذاك الزود بالأكل ، أكلي العادي مافيه جديد ، فعشان كذا نفسيتي تعبت لأني ما أبي أصير ذات بشرة حلوة و دبية بنفس الوقت .... لذلك تركت تلك الحبوب و الله يعوض علينا و الحمدلله انفشييت خخخخخ قسم تحسين نفسك بالونة

أنقر للتوسيع...

هلا اختي انا بقولك تجريتي لي ثلاث شهور استخدمها بصراحه رووعه الحبوب وحتي زاد سعرها من الشركه من كثر اللي يشترونها
اولا نظمت الدوره عندي وبعد اعطتني نضاره لبشرتي حلو واعطتني بعد صفاء لعيني احس نفسيتي ارتاحت معها يعني بصراحه حسيت بصحه بعدها ودعواتك لي والله يوفقك

أنقر للتوسيع...

انا والله استخدمتها والله على مااقول شهيد رائعه لتنظيم الهرمونات شفي اكيد تحسين للبشره والشعر واضح حتى الالام الدوره الله يكرمك تخف والنفسيه ترتاح حاجات حلوه بس اهم شئ لاتستمرين عليها اكثرمن 6 شهور وراء بعض ارتاحي شهرين وبعدين ارجعي استخدميها واستعميلها وادعيلي من جد روعه وبسسسسسسسس

أنقر للتوسيع...

انا جربتها لعلاج الاام الروماتيزم بس ما ناسبت بشرتي

ابدا تنفخ وجهي وطلع حبوب بعد ...

بس الالام الدورة زي السحر ماحسيت باي شيء هذا الشهر راااحه

وانا اتعب كثيييير لما تجيني الدورة واحيان اروح المستشفى ...


جربيها يمكن تناسبك ..

أنقر للتوسيع...

أنا صارلي 3 أسابيع استخدمها وحسيت بشرتي أصفى والحبوب اللي تحت الجلد اختفى!
بس أسألكم،، اذا كان ينظم الهرمونات،،،،،،،،،،، ممكن انها تعمل على تكبير الــــــــــــ البووبز؟؟؟؟؟؟

أنقر للتوسيع...

بصراحة انا استخدمتها اسبوع وسببتلي اسهال شديد فخفت على نفسي وبعدين قريت في المنتديات انو تفتحيها وتدهني بشرتك من الخارج استمريت اسبوع بس مافي تغير فتركتها.......................

أنقر للتوسيع...

أنا توني مستخدمتها وشريتها بستين ريال الكرتون لونه برتقالي وقالى الدكتور انها كويسه مع حبوب منع الحمل بس بشرط ما تتركينهم ولا يوم تستمرين حتى تخلص الكرتونه لانه اذا تركتهم ولخبطت فيهم العب فى الهرمونات والحبوب وظيفتها تنظيم الهرمونات فااذا انتظمت الهرمونات صارة بشرتك فيها نظاره هذا السبب وسلامتكم

أنقر للتوسيع...