المساعد الشخصي الرقمي

مشاهدة النسخة كاملة : انتبهـــي .... لاتصفي مفاتن صديقتك لزوجك ...


^SwEeTa^
29-09-2004, 01:45:15 PM
هناك بعض الزوجات وبطيبة قلبها وحسن نيتها ,اذا رأت اختا اوصديقة عندها شئ من جمال ,او دفعة من نشاط ,تاخذ في وصفها لزوجها .وتبدا تمتدحها امامه بل لدرجة انها باكثار ذكرها في كل مناسبة او بلا مناسبة ,جعلت قلب زوجها يتحرك ولاتعلم ان القلب والاذن يعشقان قبل العين احيانا,وقد تكون هذه الزوجه تعيش مع زوجها بسعادة بالغة وهناء باحسن حال,وفجأة تبدا تتعكر بينهما الحياة ,وهي لا تدري ماسبب ذلك ,ويتدخل الشيطان ليكمل هدم الاسره لانه وجد الطريق لذلك مفتوحا.يبدا الشيطان بالزوج فيشغلة دائما ببذل الحيلة ,واستخدام كل وسيلة لرؤية تلك المرأه ,وياخذ في تتبع اخبارها ,ومعرفة احوالها ,وهل هي متزوجه او عزباء ,بل ويبحث عن عنوانها ,ويسأل عن عمرها ,ويحصل علي رقم هاتفها................الخ وقد يكون مع زوجتة بالفراش فيوهمه الشيطان بها ,ويتخيل انها بين يدية ..ويصور له الوهم والخيالات.وماذا بعد؟يبدا الرجل يكره زوجته ,ويتفنن في اذيتها ومضايقتها,والصاق اقبح الصفات بها امام الاخرين ,وذلك ليمنح نفسة المبرر والعذر بذلك الطريق الشيطاني الذي سلكه.والذي دفعته اليه زوجته دفعا حين وصفت له محاسن ومفاتن امرأة اخري وقد نهي الاسلام وشرعه عن وصف محاسنها للرجال,وقد يكون عنده اولاد واسرة كبيرة ,فتنقلب الحياة الي جحيم لا يطاق ,والرجل لا يتجرأ علي التصريح بتعلقة بتلك المرأة الاخري لاسباب مادية او نفسية او اجتماعية.ولكنه يختلق من المشاكل ما يعصف بكيان الاسرة ,فيتشرد الاطفال ,ويقبل الرجل علي لقتراف بعض المحرمات كالتدخين او يقوده الشيطان الي ابعد من ذلك ,فيوصله الي حبائل الخمر والرذيلة ,وربما المخدرات والزنا وهلم جرا.فما النتيجة اذن؟يهمل بيته ويترك تربية ابناءهويضيع اسرة زكيان كان مستقرا لولا غلطة بدأت من زوجة طيبه لا تعي خوافي الامور.وصدق رسول الله صلي الله عليه وسلم :((لا تباشر المرأة المرأة فتصفها لزوجها كأنه ينظر اليها ))متفق عليه.

توتة البنوووتة$
30-09-2004, 06:18:04 PM
شكرررررررررررررررررررا

srabeel
01-10-2004, 03:35:11 AM
إيه والله صاجه وايد أقرى عن حريم رياييلهم ياخذون صديقاتهم بسبه المدح جدام الريل

مشكوووره على التنبيه

^SwEeTa^
07-10-2004, 12:30:15 PM
هلا و الله حبيباتي نورتو

درابيل .. انا سمعت ان واحد اول ما ماتت مرته خطب رفيجتها بدون لا يشوفها .. تدرين ليش؟؟؟

لأن مرته كانت تمدحله طباخها .. و كانت تطرش لهم منه تصدقين عاد !! :)

نفيشه
09-10-2004, 02:15:38 PM
عاد الرياييل زاهبين قطيعه حشى متطرفين يبون الشارة
المرة لازم تفتح 100 عين وعين وتسوي اللي ما يتسوى وهالريال قاعد مثل العلة السودة بس يبي الغفله

mooolaaa
12-10-2004, 11:18:05 PM
مشكورة وكلامج 100% صح

شمس و قمر
13-10-2004, 01:29:04 PM
اعرف وحده عدلللللل زوجها تزوج رفيجتها الي اقرب من خواتها مع انها جيكره

بس لان مرته كله تمدحها وتمدح اخلاقها ودينها

والرجال ماصدق على الله خطبها وتزوجها وقط مرته وبناتها عند اهلها

^SwEeTa^
14-10-2004, 01:17:00 PM
نفشفش

هدي هدي حبيبة قلبي .. مفيش حاجه تستاهل العزاااب ده :) لا تعورين قلبج على احد


مولا

العفو حبوبه ..و انتي عسل صافي 100 % :)


مطلع الشمس

صاجه و الله .. قالوها من قبل ( خاويني و اخاويج .. اخذ ريلج و اخليج ) :)

وردة النرجس
24-05-2006, 01:00:02 AM
شكرا عزيزتي على الموضوع المهم لأنه حقا إن لم تفتح المرأة عينها ضاع من يدها زوجها

وأتمنى لكل المتزوجات الإستقرار والأمان النفسي

سلمتي على الموضوع

زيـنـه
24-05-2006, 01:21:07 AM
كلام صحيح 100% .

أميرة الورد
24-05-2006, 01:26:44 AM
نفوووش ايه والله صاجه متطرفين هههههههههههه


موضوعج 100% صحححححححححح والوحده لازم تحاول انها تنتبه حتى لو كانت تسولف مع خواتها او اي أحد والريل موجود المفروض تنتبه هالشي لا يحمد عقباه

nonti
24-05-2006, 01:29:28 AM
مشكوره , انا مرات انسى و امدح .
:o

ام مارية
24-05-2006, 11:49:39 PM
صح كلامج وحده اعرفها رفيجة اختي صارلها الموقف هذا كانت تمدح زوجها عند وحده موبس رفيجتها من اهلهم تخيلوا طلق رفيجة اختي واخذا رفيجتها وعندها عيال ثلاثه بس الحمدالله الله عوضها وتزوجت.

وحده بعد نعرفها كانت راده من العرس اهي واختها وزوجها كان قاعد بالغرفه اللي يمهم علي اساس انه نايم وبعدين قاعده تسولف مع اختها تمدح البنت تقول حلوه والله حام هذي مطلقه وقامت تمدحها والريال ماصدق خبر بس ينطر احد يطقه سلف وتزوجها لما سالته ليش تزوجت قال انت واختج مدحتوها .


وحده مع اختي بالمدرسه بالمسائي تقص قصتها حق اختي تقول كانت متزوجه ولد خالها ورفيجتها معها بالمدرسه علي طول تييهم وكانت لما تزورهم تكشخ وطبعا الزوج علي طووول يسمع وتزوجها وكشت بزوجته.

دلوعة زوجي
25-05-2006, 01:13:24 PM
حبيبتي صح كلامج بس مو كل الرياييل في رياييل ما يفكرون ولا يحطون عينهم على اي وحده غير مرته وفي رياييل مايصدقون ... يلا يلا الوحده شتقووول الحذر على قولتج :) تسلمين غلاتي

إمرأة مثالية
25-05-2006, 01:39:07 PM
كلام من ذهب

اثمان
14-09-2008, 12:47:50 AM
يعطيج العافيه

*^*مــــزيــــانــــا*^*
14-09-2008, 12:51:50 AM
هم انا اعرف ناس جذي

الله يهديم يا ربي ويصلحهم


أاااااال يا مأمن الرجــال ..يا مأمن الميه في الغربال :krkrkr:

الله يستر علينا

مشكوره اختي على النصيحه الحلوه

اللي يمكن يكون في ناس كثير ما يدرووون عنهاا

او ما نتبهوا لهالشي

جزاج الله خير


مزيانا

ابلة مبتسمة
14-09-2008, 02:03:34 AM
والله كلامج صح 100%

الله يعينا على هالرياييل ...

مشكووورة حبيبتي ...

bedour18
14-09-2008, 02:39:57 AM
أكييييييييييييييييييييييي ييييد أصلا ما يصير توصفين أي وحدة لزوجج
أساسا حرام

الأمل الوقاد
15-09-2008, 10:23:14 PM
الله يعينا على هالرياييل .

درقاء
15-09-2008, 10:35:10 PM
تصدقين عاد انا على نياتي
عادي اسولف عن رفيجتي ،، بس عاد ما اوصف جسمها ولاّ شي
مثلا اقول يا حلوها تهبل خوش وحده رفيجة عمري اموت فيها ما استغني عنها
وسنعه وحبوبه ولي مغامرات عنها ،،
وانا لما اناديها باسمها اناديها بدلعها ،، مو متعوده اقول مثلا
فاطمه لأ اقول فطوم ، فطومه
ايمان ، امونه

فهمتوا ،،

فريلي من كثر ما تعود على اسمها قام يسألني بعض المرات ها منو تكلمين ( فطوم )
تنبط جبدي :@
انا ما انتبهت الا بعد جم مره ،،
حرام انا ادري انه مو قصده ،، بس لأنه تعود عالاسم مني
بس لما افكر فيها يضيق خلقي تصدقون ،، مداري ليش !!!

وبعدين اهلي يقولون لي ،،
خلاص الحين مو 24 ساعه وياها واتصالات الحين انتي تزوجتي خلاص خففي وبعدين مو تقولين لها كل شي
كونها مو متزوجه وخففي شوي شوي ،،

مادري بنات شرايكم ؟

[..كـــــرك..]
16-09-2008, 01:43:13 AM
والله الشرهه مو عليه لان هو خالص خخخخخخخخ

الشرهه على الرفيجه اللي بتاخذه

^SwEeTa^
09-10-2008, 10:56:19 AM
واااااي .. منين مطلعين الموضوع ههههه قديم

بس صج صج تنبط جبدي انا من هالسالفة!!!

الوحده تقعد تمدح برفيجتها و لا بالمذيعة الفلانية .. حتى إذا طلعت بالتلفزيون .. تلاقين الزوجة تبي تذم المذيعة و لا الممثلة .. ويع طا الخصر .. ويع طا الصدر .. و تفتح عيون الريال على أشياء ممكن ما يكون منتبه لها .. انتي تشوفينها شينة بس يمكن تحلينها بعين الريال إذا طاحت عيونه على مناطق معينه من جسمها و انتي ما تدرين

اصحوا!

Mrs P!NK
09-10-2008, 11:28:13 AM
لوول اي والله الموضوع حده قديم
بس زين للتذكير
والوحده لازم تنتبه عدل

^SwEeTa^
09-10-2008, 11:36:45 AM
Mrs P!NK

رجاءا لا تضحكين .. يعني شنو ذنبنا إذا صرنا ديناصورات بالمنتدى ههههههههههههههه :)

حياج الله حبيبتي .. نورتيني

أسيره
09-10-2008, 01:00:47 PM
اي والله صح كلامكم
ومشكوره حبيبتي على التنبيه

دلـع ^ العجـمان
09-10-2008, 01:05:52 PM
مشكووووره على الموضوووع ...

flooonah
09-10-2008, 03:22:06 PM
مشكوووووووره

m7romah
09-10-2008, 03:33:17 PM
صح كلامج وايد من الحريم ينسون انهم تمادون بمدحه صديقاتهم عند ازواجهم
وهذا شي غلط بس ما ينتبهون الا اذا تزوج عليها
شكرا اختي عالمووضوع

^SwEeTa^
10-10-2008, 11:16:06 AM
حياكم الله حبيباتي

نورتوا الموضوع