المساعد الشخصي الرقمي

مشاهدة النسخة كاملة : هل تقبلين أن يتزوج زوجج عليج ؟؟؟


@ الرسامة @
22-12-2004, 07:13:28 AM
موضوعي اليوم شوي يرفع الضغط


بس اهو واقع وما يندرى اذا فيه وحدة منا الحين عايشته !!!


بس سؤالي لكم والسؤال اهني طبعا للمرأة




هل تقبلين أن يتزوج عليك زوجك ؟؟؟















هااااااااااااااااا اشقلتووووووووووو ؟؟؟؟؟؟




اذا نعم جان زين تفهمونا بالسبب
واذا لاء فالسالفة مفهومة 0000000000

















-

بنت العز
22-12-2004, 07:27:48 AM
طبعااااا ارفض و بشدددددده

توتو الحلوة
22-12-2004, 09:04:41 AM
اي شي يتزوج علي

ماكو شغل

جوريه
22-12-2004, 12:28:35 PM
خل يزهب قبره قبل لا يفكر حتى انه يتزوج خخخخخخخخخخخخخخخخخخخخ

انا مو عن ميته عليه بس كرامتي عندي فوق كل شي

كاشونه
22-12-2004, 12:59:43 PM
لا ارفض بشده الانه مانولدت بعد الي تاخذه مني
الا اذا ناوي يموت هذاشي ثانيه ههههههههههه

Naa7Laa
22-12-2004, 01:04:47 PM
اي هين عشان اشرب من دمه واتأكد انه ميت

^SwEeTa^
22-12-2004, 01:44:15 PM
لا تعليق !!!!!!!

نفيشه
22-12-2004, 03:31:14 PM
لا طبعا
جان اقطعه واكيسة باكياس زبالة سود واوزع لحمه بكل عاير

Dancing^Queen
23-12-2004, 12:47:21 AM
ستحيل



الشريجه تحر لو انها بالقبر

@ الرسامة @
23-12-2004, 01:27:53 PM
بنات شوي شوي !!!!!!






هدو بالكم ؟؟؟؟؟؟؟؟؟؟

Queen-q8
23-12-2004, 01:56:18 PM
اي بال يا الرسامة ... انتي خليتي فيها بال .. سؤالج طير البال وراعي البال ....


حبيبتي الضرة مرة وعن نفسي اذا ناوي يتزوج خلي يروح وياخذ اربع مو واحدة ... وهذا اللي اقوله دايما اذا يابلي طاري الزواج مرة ثانية على بونا قشمرة ...

اقوله البنات وايد روح نقواخذ بالجملة لاني زي الفريك ما بحبك شريك ...





بس تدرون السؤال هذا غالبا وتقريبا 99% راح يكون الرد عليه بلا بس لازم يكون السؤال للاخريات ...

هل تقبلين الزواج بمتزوج .....؟؟؟


اعتقد قبل فترة وطويلة كان الشاذات اهم اللي يوافقون وكان يطلع عيييب ويتكلمون عنها الناس وتكون وتصير منبوذة ...

لكن اللي حاصل الحين المتأخرات عن الزواج وتقريبا كلهم ما عندهم مانع ياخذون متزوج دام انهم بيتزوجون ويدخلون القفص الذهبي ...

وحتى البنات من تتطلق واهي صغيرة تاخذ متزوج وعنده كووووم يهال ..


فالعيب بالبنات اللي خلوا حتى اللي مايفكر بالزواج يفكر,,, يعني هالزمن صار يخوف والوحدة ماتضمن ريلها وان ضمنته ما تضمن هالبنات اللي غرامهم المتزوج حتى المغازل ما يخلونه بحاله ...

brettey
24-12-2004, 09:41:46 PM
نجوم السما اقرب له اذا كان ناوي يموت على ايدي يسويها والله اشنقه واحفر قبره بايدي الا هالسالفه ذبح على طول

السفيرة عزيزة
24-12-2004, 10:00:51 PM
اقبل طبعا ليش ما اقبل


يا بنات هدوا بالكم


الشرع حلل اربع


و هو من حقه انه يتزوج
بدال الوحدة ثلاث


و هذا الشرع

بعد تبون تخالفون الشرع


ما عندكم سالفه


انا اقول

اذا يبي يتزوج عليه بالعافيه


مبروك عليه



بس بالاول













































































































يطلقني
و يدفع نفقتي
و نفقه عياله
و فلوس البيت
و الخدامه
و السايق
و السفرات
و الروحات
و الييات




يعني بالمفتشر



افلسه
و اخليه بيزة ما يسوى

هم صابرة عليه
هم يفكر يتزوج

صج ما يستحي

Maltesers
25-12-2004, 03:07:43 AM
اي والله صاجه السفيرة عزيزة .. هم صابرين عليهم وهم يتزوجون علينه


صج ما يستحون ..

نفيشه
25-12-2004, 03:08:35 AM
يزينج يا عزوز والله شككتيني بولائج واخلاصج لحزب مناصرة المراة ظالمة او مظلومة بس بعدين تطمنت عليج ... هذا العشم فيج

مال ذبح هالرياييل

بس انا افكر بهالدنيا ما يندرى شنو خاشة لنا ؟؟
والريال ما يتزوج مني والطريج ... راح يدور له عذر وسبب فشلون لو ان السبب صج موجود
مثلا لو المرة تعرضت لحادث واعاقة لا سمح الله؟؟
او احترق ويهها؟؟
او طاحت وصارت لها مضاعفات؟؟
او مرضت مرض جايج؟؟

تتوقعون بيظل مخلص لها؟
ولا راح يجابلها بازمتها ويوقف معاها؟؟؟


غسلوااااااااااااااا ايدكم من قلب
من باجر يروح ويطق على راسها بدال الوحده اربع ويتمسكن بعد وهو المظلوم والي منكسر خاطرة ويسوي روحة جدام الناس يائس ومتحطم
افففففففففففففففففففففففف فففففففففف
حقدت عليهم اكثر ما انا حاقدة
وعليا عليننا لو ننحط بهالمواقف والله نبيع الدنيا ونجابلهم ولا نسخى فيهم وهم ما يعجب

يمعودين خلوننا نمشيها طول بعرض واله يستر من الياي
وعسى اله يسخرهم لنا ولا يشوفون غيرنا

السفيرة عزيزة
25-12-2004, 09:40:46 PM
يزينج يا عزوز والله شككتيني بولائج واخلاصج لحزب مناصرة المراة ظالمة او مظلومة بس بعدين تطمنت عليج ... هذا العشم فيج





مو تيني من الضحك و الله


بس اقولج

سمعتي عن المرة اللي تزوجت عمي

بعدين عقب الزواج قالها عطيني وحدة من عيونج علشان اشوف فيها جمالج

و المسكينه صدقت و عطته وحدة من عيونها

عاد قالها عقب ما اخذ عينها

قال انتي عرة و اخذ عليها وحدة ثانيه
يمال عينه البط

شفتي ان الرياييل مالهم امان

و في وحدة بعد هذى انا اعرفها

الله يسلمج
هذي وحدة عطوها ابرة بالغلط بالمستوصف
و ماتت في وقتها
يعني كان موتها مفاجاءة
عاد عيالها و اهلها
كانوا ميتين من البجي
و من الصدمه

و اهو و ينه عمى بعينه
كان رايح يخطب
تصدقون
تقول اخت مرته اليديده
تقول انتوا كنتوا تبجون تبتدفنون اختكم
و هو قاعد عندنا يخطب


تصدقون هذا

الله ياخذة

نفيشه
27-12-2004, 02:51:31 PM
قطططططططططططططططططططططططط طططططع
جنهم ما يصبرون عن المرة فحول يعني
ولي خذوا المرة يتنحون ويلزمون بريك توهقوا خلاص
يكشتون فيها وينسون انهم تزوجوا قطع
ما يملى عينهم غير التراب

السفيرة عزيزة
27-12-2004, 09:52:23 PM
اي و الله صاجه نفوش ما يملي عينهم الا التراب


مو نفجر فيهم احسن

و نفتك من جنس الرجال هذا كله

راح يصير احسن كون

نساء فقط

@ الرسامة @
30-12-2004, 01:42:40 PM
ههههههههههههههههههههههههه ههههههههههههههههههههههههه ههههههههههههههه



والله اني ضحكت حيل يوم شفت ردودكم







واقتنعت ان الوحدة فينا مستعدة انها تذبح ريلها على انه تلقاه متزوج غيرها










بس ما لاحظتو ان هالايام الرياييل استخفووووووو ؟؟؟؟؟؟؟

نفيشه
30-12-2004, 03:11:28 PM
استخفوا وبس؟؟
بس ترى كلا من هالبنات والغناوي اللي ترفع الضغط مصيبه

@ الرسامة @
31-12-2004, 09:44:04 AM
نفيشة والله انج صاجة هالبنات لين اتشوفينهم بالسوقة عيونج بروها تفررررررررر



شلون هالرياييل ؟؟؟؟؟؟؟؟

طير الحب
01-01-2005, 09:01:13 AM
اذا ناوى على عمره يسويها..........

وراح تسمعون ( فى الكويت وزجه تحنط زوجها......)

نفيشه
02-01-2005, 02:29:29 PM
حلوه برضو فكرة التحنيك
يصير عبرة لمن لا يعتبر

السفيرة عزيزة
02-01-2005, 09:30:01 PM
هههههههههههههه


اما سالفه عبرة لمن لا يعتبر حلوة

تذكرون بنات سالفه اللي قطعت ريلها و حطته بجياس

اذكر اول ما صارت السالفه

امي قعدت جان تقول حق ابوي
و انت طالع هات لنا اجياس

جان يقول

لا خلاص انا استسلم و ارفع الرايه البيضا


خخخخخخخخخخخخخخخخخخخخخخخخخ خخخخخخخخ

مسكين بسرعه اخترع
قال حريم مالهم امان

متغربة
03-01-2005, 03:06:19 PM
عايدي لية معصبين من ناحيتي ماعندي مانع بعدين قالتها اختنا انه فيه بنات

تطلقوا صغار وترملو صغار ومعروف انه نصيبهم لازم رجال متزوج ماراح ياخذهم ولد بيت

بس النقطة هل هو بيعدل او بيخاف من الاولى او بيميل للثانيه اعرف واحدة تطلقت وعمرها 24

وواحدة ترملت عمرها 17 طيب بصراحة الي بتقدمون لازم يكون متزوج بالذات اذا كانو

مسكينات عندهم اطفال من زواج سابق يعني ماتبي رجال على طول عندها لانه

عيالها لهم حق وبرضة المرأة من غير رجال ماتعيش في زمنا هذا لو على الاقل

تحس انه فيه امان

لو تزوج علي بصلي وبادعي ربي انها ان كان فيها خير انها تتسخر لي وان كان فيها شر الله يبعدها عنه وعني

نفيشه
04-01-2005, 08:43:31 AM
اكيد في حالات لازم يتزوج الريال ثانية لكن هالايام الرياييل عيايرة و اعذارهم مثل ويوههم
وينقدون على حريمهم وهم ما ينعابون وتلاقينه كله عيوب من راسة ليمن ريوله
وعذره الوحيد انه مو كفو وما يبين بعينه العشرة ولا السنين
و زوجته اهي اللي تنظلم بالاول والاخر
بالاول صبرت وتحملت غثاه وبالاخر يجازيها بمرة ثانية على قلبها
فاللي مضطرة تتزوج ريال عنده مره لازم تتحرى وتسال ولا تقبل انها تظلم مرته القبلية وعياله
يمكن مرته ما فيها شي بس اهو عيار

رفرف
04-01-2005, 01:03:55 PM
والله لي بغى يتزوج مهو سائلني ...

انا ماقول حرام ... بس لو الود ودي اكيد ماوافق ..

السفيرة عزيزة
04-01-2005, 11:29:08 PM
متغربه شوفي حبيبتي

صج الشرع حلل اربع

و صج ان في حريم ارامل و مطلقات

بس يا حياتي هذول ليش ياخذهم ريال عنده مرة و عيال
و هالمرة مو مقصره عليه بشي
بالعكس قايمه فيه و بعياله

انا اقول هالحريم المطلقات و الارامل
ياخذونهم المطلقين و الارامل
او الريال اللي مرته ما تييب عيال مثلا
او اللي مرته تعبانه و ما تقدر تقوم بواجباته
اللي مريضه مثلا
مو وحده قايمه بعياله و ببيته و فيه اهو شخصيا


لا لا لا

المره هذي ما تستاهل الغثى
و لا تستاهل هالمعاماه من ريلها
محد يرضى ان يشاركه بشي

و سلا متكم

Queen-q8
11-01-2005, 12:01:30 AM
أكرركلامي للمرة الثانية اللي قلته في ردي الاول ومحد انتبه ولا رد علي ...


بنات الحين البنات ما يقعدون عند الريل اما لعيب فيها او فيه خو الحين البنات الحمدلله والشكر اغلبهم رايحين فيها وما تقتنع ريال لا وحتى عند ريلها تغازل وهالنمومنة ما تطول عند الريال خصوصا السنع ....

وفي بعد المتعنفقات اللي ما تترس عينها الا اللي يمشي على امرها والاخت ما تتحمل ولا تصبر لا حدها شهرين و3 ...


والله الحين اعرف وايد بنات منهم من اهلي تصدقون اسباب الطلاق صارت واهية ما عندها سالفة .,...اللي مو من مستواي واللي من اول ليلة منحاشة والله المعرس قصير والا بخيل واهي ما قعدت الا جم شهر ....

ولما تتطلق تتحسف وساعتها ما عندها الا المتزوج وهالمطلقات الصغار شكثرهم وكل وحدة ما تمانع خصوصا اذا الريال زين ....

ويعد سوري على هالكلمة البنات اللي طافهم قطار الزواج والله نبي نستانس بحياتنا والا ناطرتلها واحد تعش سنة وكشت فيها وتزوج واللي ما اكتشفت ان الزواج مهم الا بعد الثلاثين ....


طبعا انا ما اقصد اللي ما يالها نصيب بالمرة انا اقصد اللي يليلها وترد على ابونا ابي واحد لها مواصفات قياسية لما اكثروا العوانس ( سوري على هالكلمة )



الخيارات والنماين كثرت وصارت الحريم تخطب نفسها للريال وتلاحقه لما تيننه والا اللي اخوها يعرضها لرفيجه واللي رفيجه يزينله وحده سامع عنها والريال تلاقينه ما طرى بباله الزواج بس يشيشونه على طول راح يتزوج ...


والمسكينة بالاخر المرة والمشكلة ان 80% بالمية ما يعدل اصلا ينسى الاولى والعيال وتصير الثانية اهي حياته ...


شلون ما تبونهم يفكرون بالزواج ؟.



مع هالمغريات بعض الحريم وخصوصا من نوعية وظيفية معروفة تعرض نفسها للزواج مو مهم متزوج وشكثر عنده المهم ابي اتزوج ايبلي ولد يشيلني ولما تتزوج الريال تستولي على الاولي والتالي ....




لا تقولين المرة الثانية زينة اذا طلعت خووووش وحدة هم بيتغير عليج لا ارادي اليديدة غير وتنويع يعني بيهب معاها ومو بعيدة يتعلق فيها .....

ولو كنتي اسنع منها يشوف العكس....


ياخواتي والله صار موضه والبنات الحين ام 17 و25 تتزوج متزوج واهي بنت شلون ما تخلون الريايل يفكرون بالزواج ثانية ثالثة ورابعة ....

السفيرة عزيزة
11-01-2005, 01:07:16 AM
غالي الاثمان
احنا ندري ان في مغريات وايد
و ان في اسباب وايد بعد

بس السؤال هني

انتي ترضين انه يتزوج عليج و لا لا؟؟؟؟؟

و شنو راح تسوين

هذا هو السؤال

ودمتم

Dancing^Queen
11-01-2005, 01:23:31 AM
شرط تعدد الزواج العدل




والانسان مايعدل
حتا بقلبه اضعف الايمان
يارب لاتبلانا الا كل بلوه حسنه

السفيرة عزيزة
11-01-2005, 01:36:22 AM
بس كوين الانسان شي طبيعي ان ما يعدل بقلبه

الرسول عليه الصلاة و السلام قال
اللهم حاسبني فيما املك و لا تحاسبني فيما لا املك


و اللي ما يملكه اهو قلبه

عاد العدل اهني يكون بالمعامله مو القلب

بس العدل بالمعامله شي صعب جدا جدا جدا


و دمتم

kajool
11-01-2005, 01:44:46 AM
بصراحة انا لا اقبل ان سي السيد يتزوج علي
لاني زي الفريك ما احب شريك
بس عندي بنت خالتي خطبت لزوجها بنفسها بالرغم انها مو مقصره معاه وعندها منه ولد
بس مع الاسف طلق الثانيه لانها طلعت تغير عليه من الاولى وهذا غير انه حطت عليه ديون وبلاوي
اللهم عافينا واعفو عنا

Dancing^Queen
11-01-2005, 01:54:39 AM
عفيه عليها بنت خالتج !!! قوووووووووويه

kajool
11-01-2005, 02:00:08 AM
بس بصراحه اذا انا كنت مكانها يمكن اسوي مثلها (لانها تعبانه ومريضه نفسيا)
بس الحمدالله اني مو في مكانها

Dancing^Queen
12-01-2005, 12:36:47 AM
ياربي محد ينحط مكانها ياكاجول
معقوله احد يصدر حكم انه يذبح نفسه بنفسه؟

الرياييل مايعدلون
بيطير بالثانيه اليديده وبينسا ام عياله

فروحة توحة
12-01-2005, 01:22:53 AM
ميخالف يتزوج على هااااااااااا بس يطلقني

@ الرسامة @
12-01-2005, 10:37:35 AM
انا ملاحظة ان النتيجة 100 ب المئة بلا اقبل !!

Dancing^Queen
13-01-2005, 03:35:06 AM
خوش رسامه

كويتيه مول
11-02-2005, 01:28:05 PM
بأمه خير يتزوج علي مو كافي متحمله غثاه وغثاء أهله

وتاليها يتزوج علي احتمال تصير عمليه ارهابيه ابيتهم

واحشنى موت
06-05-2006, 04:01:36 AM
انا هالموضوع يحسسنى بقشعريره واذا السؤال لى شخصياااااا لااااااااااااااا وألف لااااااااااا لانى ولله الحمد مو ناقصنى شى وماله حق يتزوج على وضيقة القبر ولا ضيقة الصدر لان الشريكه ماورااها الا الهم والتعب

سارا ديور
06-05-2006, 04:11:44 AM
ههههههه

أقبل والقلب داعيله

لأن المثل يقول ماتعرف قديري ليما تجرب غيري وهذا الميدان ياعليوان ههههههههههه

همس الورود
06-05-2006, 04:45:31 AM
لااااااااااااااا والف لااااااااااااااا أما أنا بروحي ولا لأأأأأأأأأأأأأ

جرح الليالي
06-05-2006, 07:33:06 AM
مو بس بالمشمش ولا بس هين

الا بالمشامش وهينات بعد

انا قلت له تبي تتزوج عادي بس ورقتي قبل ورقتها

هذا اللي بقى

New Mum
06-05-2006, 07:41:08 AM
لول والله حاله ليش عاد ؟؟
الله لا اييب هذا اليوم لا لنا ولا لكم :)

bnt_kwt
06-05-2006, 08:53:57 AM
مسحيل
صحيح انه الشرع حلله اربع
بس كيفه اربعه غيري انا ما اكون منهم :)
وخل يلقى وحده تتحمله وتتحمل سوالفه وحركاته مثلي

ذكريات
06-05-2006, 09:08:26 AM
لااااااااااااااا وي وي سمله علينا

الله لا اييب ذاك اليوم

إلى جنة الفردوس
06-05-2006, 09:37:31 AM
أول كانوا يقولون :

عساني أشكيه و لا أبكيه

والحين احنا نقول :

عساني أبكيه و لا أشكيه

ام طلال
06-05-2006, 09:40:41 AM
الله لاييب ذاك اليوم والله اذبحه واذبحها خوش والله اهو ده اللي ناقص كمان

bambena
06-05-2006, 11:04:07 AM
شي اكيد مااوافق بس اذا صار لاقدر الله اكبر عقلي واخليها تصغر عقلها عشان يعرف وين الحق ويطلقها ويردلي

ظلال القرآن
06-05-2006, 12:12:39 PM
لا طبعا
جان اقطعه واكيسة باكياس زبالة سود واوزع لحمه بكل عاير


انا سيم سيم اختي ريا >>>>اووو اقصد نفيشه