المساعد الشخصي الرقمي

مشاهدة النسخة كاملة : بنات تكفون موديلات حق البيت ناعمه وحلوه


معكرونه أسبكتى يم يم
07-05-2006, 12:56:46 PM
السلام عليكم .............


بنات تكفون منو عندها شغلات حلوه حق ملابس البيت ................انا شريت خام قطن العادى ملون وأبي موديلات حلوه حقه ...............ماأحب اخيطه عادى واحسنى استهلك افكارى .........


تكفون بنات عطونى شغلات حلوه حق البيت وتكون ناعمه يعنى مابي الدراعه اتضايقنى ......... :d

معكرونه أسبكتى يم يم
08-05-2006, 12:25:18 AM
شدعوه ماكو رد يبا ماطلبنا لبن العصفور

\ بدوية ذووق /
08-05-2006, 12:32:43 AM
والله انا نفس حالتج مشكلتي في دراريع البيت ؟؟ والحريم اللي يخيطون اكلوني اكل اسعارهم نار واحس مليت من كثر ما ادور موديلات بس الحين صرت اروحللحريم واشوف اذا عجبني عندهم موديلات ناعمة وسلة اروحاسوي نفسها وتطلع علي ارخص حيييل ...

Pinky Dream
08-05-2006, 01:50:19 AM
بالعكس الحريم صارت دراريعهم ارخص من السوق بعد
دراعه تهبل واكثر من خامه عليها بس ب15 دينار وانتي لو تشترين الخام وتحوسين بالموديل وتودينه الخياط يمكن يطلع اكثر من 15
الحريم هذول اشوفهم بمعارض الخيريه اللي بالرقه والصباحيه والله اخذت منهم اشحلات دراريعهم احلا من العربيد وانعم

معكرونه أسبكتى يم يم
08-05-2006, 04:53:03 AM
يابنات انا اتكلم عن شغل البيت ................ يعنى دراعات عاديه حق البيت مو اذا ياج احد ..... انتم فاهمين ....

.:. عبرة مُوادع .:.
08-05-2006, 07:38:08 AM
معكروونه انا عندي افكاار حلوهـ

خااامتج قطن ملونه روحي اشتري قطن سااده نفس الوان الخاامه

يعني مثلا خاامتج اللون الرئيسي فيهاا احمر مشجر ومعاها وردي وبرتقالي وسمااوي

تشترين قطن ساده وردي وسماوي وبرتقالي حلوووووو

شتسوين تسوين دراعتج المشجره عادي كلوش

بنهااية الكم حطي خامه ورديه موشرط بزمه سويهاا كشكش صاك على اليد موو واسع

والكم الثاني حطي برتقالي او سماوي وكشكش نفس الطريقه

وسويها سبعه صغيره من جدااام وبداية السبعه سوي ورده صغيره

الورده هذي شلون صايره ؟ تجمعين الخامات مع بعض الوردي والبرتقالي والمشجر كله حلووووو

يعني سويلج ورده حلوه ونزلي منهاا خيوط الوان عاد انتي تفنني

ومن وراا تكون الخامه المشجره مافيها شي حطي بنص الظهر خط بالعرض من الخام الوردي

تحتهاا بشبرين او اكثر خط من لون ثاني

وتحتهاا بشبرين خط بلون ثاني

يعني من ورا كلها خطوط بالعرض بس متباعده عرفتي ؟؟

اتمنى فهمتي ؟؟ هالدرااعه صج مالت بيت بس ذررررررربه يعني مثلا احد زايرج من اهلج

لا تكشين وحاله البسي نفس طقة هالدراعه يدرون انج ذرررربه!!

آآآسفه على الإطاله

معكرونه أسبكتى يم يم
08-05-2006, 09:48:22 AM
صج طريقتج ذربه .............. تسلمين حبووووبه ..........