منو الي زارة الصين

شلونكم بنات شخباركم ..


حبيباتي منو الي سافرت الصين ... وشنو تنصحني حلوة ولا اسوقتها حلوه رخيصه ولا غاليه

وشكثر احط مصرف معاي .. ساعدوني .. الله وفقكم ...

مشاركة: منو الي زارة الصين

فراشة حبيبتى انا زرت الصين واستانست وايد فيها

لان احب طابعهم اهم مع اليابان وعموما شرق اسيا

بسهذا من زمان يمكن الحين طلعت سوالف عجيبة بعد اهم فى يوم وليلة يطلعون فناتق

بس بصراحة ما تتفوت

وعلى فكرة زورى اى مكتب سياحى واخذى كتيبات تفيدج

مشاركة: منو الي زارة الصين

مشكورة حبيبتي انت الوحيده الي عبرتيني وان شاء الله اروح واخذ كتيبات

مشاركة: منو الي زارة الصين

هلا
انا ان شاء الله ناويه اروح الصين على شهر 7 ...عشان ابي اشتري اثات و ادوات صحيه ( سراميك و مغاسل ..و السوالف هاذي ...)..يمدحون الاغراض هناك و يقولون فررق الاسعار عن الكويت ...
كنت كتبت موضوع قبل و البنات جابو لي معلومات واجد ..
ابدور لج الرابط و احطه لج ....
بس انتي رايحه سياحه و لا تسوق ؟؟؟

اذا سياحه بس ما تسوى ..التذكرة يمكن ب 460 ..دينار هذا غير الاقامه و المصرف ...

مشاركة: منو الي زارة الصين

انا باذن الله راح اروح شهر 8
والله ما اعرف شي عن الصين للحين

مشاركة: منو الي زارة الصين



انا ما زرتها بس رفيجتي خالتها توها راجعه من الصين و حيل تشتكي من الجوو

تقول رطوبه تصك على رطوبة الكويت .. بس حييييييييل تمدح اسوقتهم و تقول انها

تهبببببببببببل و بضايعهم حلوه .. و رخيصه تقول انها ساعات درجه اولى تقليد بالكويتي

على ربع و نص دينار و جناط تقليد درجه اولى ما تتعدى 10 دنانير يا بلاااااااااااااااااااااش ..

انا اخوي كله بالصين
واهوا الحين هناك وللحين مارد
خير امري شنو تبين تعرفين عنه

شوفي حبيبتي ..

اخوي راح مع زوجته وعياله شهر 6 ويقول بالنسبة للأكل ماكو الا بيتزا وماكدونالد ويقول ان المنيو مالهم غير هناك وفي اشياء روعة وحلوة من سلطات ومقبلات وان في تقريبا 20 نوع مقبلات في المنيو يعني ما راح تمليون لو قعدتي مدة طويلة .
وبالنسبة للسوق يقول اخوي ان شحن 180 كيلو من هناك اغراض له ولزوجته وعياله ... وتقول زوجته ان السوق زوغة وحلو وان الاشياء اسعارها رخيصة وايد حتي ان هي شرت من هناك موبايل سعره 6 دنانير لونه ذهبي وشكله حلو .
وطبعا تقول عن الجناط التقليد من هناك اسعارها وايد نازلة مع اني ما احب الاشياء التقليد فما تهمني .
وان هي شرت من هناك حق اليهال كل واحد له 40 بدلة و14 جوتي وكل بدله طبعا معاها اكسسواراتها من ترجية وقلب وجنطة ..
وتبين الصراحة كل زوارة عيال اخوي قاعدين يلبسون بدلة جديده من هناك بس صج عاديين وما فيهم زهوة وجنهم من هدوم المعلم لان خامتهم لينين ...
ومبين عليهم الكواي وهم اول لبسة ... يعني شغل جملة عرفتي ..

واتمني ان اكون افدتج واذا تبين اي استفسار انا حاضرة ..

معلي اسمحولي عالمادخله .... حبيبتي نبيله ماقصرتي بس سؤال الله لايهينج

اشلون كان الجو هناك والناس .. وتسـلمين

والله مثل ما قالوا البنات رطوبة وخيسة ومطر ساعات بس هالحجي بشهر ستة ... والناس هناك وايد حبوبين ومالهم شغل فيج ... واخوي يقول ان لقى شوية صعوبة بالتواصل مع الناس هناك لان ما يعرفون انجليزي ولا عربي طبعا وان علشان تشرح لهم مرته شنو موديل الجنطة تاخذ ساعة وعلشان يروحون يجيبونه من المخزن ساعة ثانية ويمكن يطلع صح ويمكن مو نفس الموديل اللي ببالج بس بشكل عام يقول الديرة حلوة وايد وراح يرد لها الصيف الجاي وان شاء الله تستانسين بالعافية

مشكوره نبيله .. انا ان شاء الله بروح على الشهر الجاي

وبجيك عالجو قبل ماروح عشان لا توهق ..

والسموحه منج نبيله دشيت عرض بموضوعج من قلب