المساعد الشخصي الرقمي

مشاهدة النسخة كاملة : هل القفازات بدعه . ؟


.:. عبرة مُوادع .:.
02-04-2006, 03:06:29 AM
السلام عليكم ورحمة الله وبركاااته ...

خواتي بغيت اسألكم ( هل القفازات بدعه ؟ )

امس سمعت وحده تقول إن الدسوس بدعه

وأنااا ناويه البسهم

وانتوا تعرفون ان كل بدعه ضلاله وكل ضلاله في النار

اتمنى انكم ماتقصرون معاااي :)

كويتية أمورة
02-04-2006, 03:18:35 AM
والله اول مرة اسمع انها بدعه بس عموما انا البس الدسوس عشان احمي ايدي يعني مافيها شي مو حرام
تدرين شمس وحر وجو الله لايوريج والايد تنشف وتسمر وتطلع فيها بقع فالاحسن نلبس دسوس حمايه لها

.:. عبرة مُوادع .:.
02-04-2006, 03:59:38 AM
هلاااا كويتيه

انا سمعتهااا من وحده فيهااا دين ..

حبيبة أهلها
02-04-2006, 05:00:07 AM
غريبة اول مرة اسمع

أسمى حب
02-04-2006, 05:05:41 AM
أول مره اسمع هالشئ


وأشوف شكثر بنات ملتزمات معاي يلبسونها وعمره محد قالنا أنها حرام .

.:. عبرة مُوادع .:.
02-04-2006, 05:22:19 AM
انا مثلكم اول مره اسمع . . . عشان جذي ابي اتأكد

العروب
24-04-2006, 10:39:26 AM
حكم لبس القفاز للنساء ..



سئل الشيخ صالح الفوزان حفظه الله السؤال التالي ..

س : ماحكم خروج يدي المرأة في السوق خاصة ، وهل يفضل لبس قفاز أسود لليدين .. أو الأبيض علما بأن البعض قال لاحرج في ظهورها .. وأن لبس القفاز ادعاء للتدين ما رأي فضيلتكم في ذلك .؟؟

فأجاب الشيخ حفظه الله .. : يجب على المرأة أن تستر وجهها وكفيها وسائر بدنها عن الرجال الذين هم ليسوا محارم لها .. فإذا خرجت إلى السوق .. فإنه يتأكد عليها ذلك .. وكذلك أمرت بأن ترخي ثيابها وأن تزيد فيها .. لتستر عقبيها .. فستر الكفين من باب أولى .. لأن ظهور الكفين فيه فتنة .. ويجب على المرأة أن تسترهما عن الرجال .. الذين ليسوا محارما لها .. وسواء سترتهما في ثوبها أو في عبائتها أو في القفازين ..

المصدر : نور على الدرب .. فتاوى فضيلة الشيخ صالح بن فوزان بن عبدالله الفوزان .. ص 113

أوركيد
28-04-2006, 01:57:57 AM
جزااج الله خير العروب...

اول مرة اسمع انها بدعة ...

اعييز
28-04-2006, 05:47:41 AM
حياتي شيين بقولج اياهم حطيهم على قولتهم حلأة بودانيك ..

اول شي قاعده عامة حقج في أي حكم تسمعينه ، قوليلها شنو دليلج؟! فيه آيه فيها هالحكم ان حرام او بدعة...الخ ؟ فيه حديث؟ الصحابة سووه؟ ....الخ هذا بالنسبة لأي حكم تسمعينه حتى لو كان شيخ سئليه عن الدليل وصدقيني راح ترتاحين ..


اما البدعة واهيا النقطة الثانيه فهي اي عبادة تقام ويعملها الناس للتقرب إلى الله ولا أصل لها لا في كتاب ولا سنه ..!

إذاً نرجع لحكم الدسوس!!!!! ... الدسوس مثلا احنا نلبسها عشان انصلي والا انصوم فيها ؟!!!!!!! هل قاعدين نلبسها عشان تكمل عباداتنا؟!!!!!


البدعة ابسط مثال لها : اني اجتهد في صلاة من الصلوات ماقال لنا عنها الرسول صلى الله عليه وسلم .. تخيلي مثلا اصلي الظهر 5 ركعات!!! مع ان نيتي صح ابي التقرب لله عز وجل .. بس العبادات الأصل فيها التوقيف .. شنو يعني توقيف يعني نوقف عليها لما يوصلنا حكم من الله او من رسوله صلى الله عليه وسلم .. هل نعملها ام لا ... وهالشي نعرفه من المشايخ الثقاااااااااااات ...



مابي اطول عليج بس حدي انصدمت من اللي قالت لج!!! يزاها الله خير بس اجتهادها مو بمكانه ابداً ابداً ابداً ومثل مااتخرعج خرعيها .. حذريها من اللي يفتي بدون علم !

البـتول
28-04-2006, 06:12:44 AM
السلام عليكم ورحمة الله وبركاته

جزاك الله كل خير العروب

طال السكوت
28-04-2006, 06:26:27 AM
العروب + اعييز

جزاكم الله كل خير وما شاء الله عليكم .....كلامكم ما بعده كلام .......كفيتوا ووفيتوا يالغاليات

وفعلا اختي بشاير دقي عالحرمه ولا زوريها .....وقولي لها : اقربكم للفتوى اقربكم للنار

واذا كان ولازم ولابد .......تبي تفتي .....خل تجييب الدليل من القران والسنه

الله يهديها بس تبي تحرم الناس الاجر ...........ليش؟؟؟

وانا اول ما كنت البس .....بس صار لي 3سنين الحمدلله صرت البسهم .....تدرين ليش ؟؟؟؟

لان اليد فتنه ( اضافر وصبغ او حنا و مرطب وانوثة)

بالعكس لما لبستهم صرت امشي وانا واثقه اني ما راح اسمح للي يسوى واللي ما يسوى يتمقل

بايدي.....اصونها من الحراره ؟؟

حرارة الجو وحرارة جهنم ........الله يقينا وياكم حرها وسعيرها.....وسلامتج

.:. عبرة مُوادع .:.
29-04-2006, 07:00:10 AM
العرووب ما قصرتي


اعييز عزيزتي البنت قالت سمعت انها بدعه وقالت لي تأكدي ما افتت ولا جابت شي من عندهااا


ومشكوووره

.:. عبرة مُوادع .:.
29-04-2006, 07:04:53 AM
طربيزه يا ألبي والله البنت قالتهاا عن حسن نيه مو قصدهاا تحرم الاجر لا حراام

بالعكس اهي اخلاق وخوش وحده بس لما سمعتني اسووولف قالت انا سمعت انها بدعه

حتى ما قالتلي لا تلبسين قالتلي تأكدي لي ولج ...

وجزاااكم الله خيييررررر كلكم ....

طال السكوت
29-04-2006, 10:43:25 AM
اجمعين يالغاليه.........

إيلاف
10-05-2006, 05:09:04 AM
جزاكم الله خير

!! الواصليّـــــة !!
21-09-2008, 11:29:05 PM
عبرة !!!

القفازات بدعه !!! وانتي كل من تعطيج فتوى مشيتيها لها !!

اذا اكبار المشايخ مايفتون الا بعد اجتهاد .. هذي الله يهداها اسردتها لج ولا همها ؟!!

لو بدعه كان ماامرنا الرسول صلى الله عليه وسلم بعدم لبس النقاب والقفازين اثناء العمره والحج !!!!

والله انا من لبستهم واحس اني اميرة <<< خوش اسم ها ؟

وتقصيرنا باقي باقي لو مهما عملنا ياعبرة ,,

الله يرحمنا برحمته ..

وردة-الكويت
22-09-2008, 03:02:01 AM
جزاج الله خير ياعروب

Life.Rosy
22-09-2008, 07:12:17 AM
ينازعون الدين ويحرمون حتى يُكرهوا غيرهم .. سبحان الله .. لا أعلم لما يقومون بهذا الشي..
أختي العزيزة بارك الله فيكِ ليس كل ما يقال من غير فتوى أو دليل نستمع له .. فستر المرأة يديها أفضل من إظهارها ..
وجزى الله عنا خير الجزاء من قامت بجلب الفتوى لنا =)

Life.Rosy
22-09-2008, 07:14:39 AM
وهدى الله من قامت بالفتوى من غير دراية وعلم .. >> يعني بالكويتي >> ترا مو قصدي أحش فيها بس والله استغربت حيييل ناس
تقول هالكلام والرسول - صلى الله عليه وسلم - يقول (( الحلال بين والحرام بين ... ))