المساعد الشخصي الرقمي

مشاهدة النسخة كاملة : بقت كمبيوتر ريلي وشنو لقيت


الانثى الصعبة
29-10-2008, 09:47:15 PM
بنات امس نزلت الخدامة لسيارة ابو الشباب واهو نايم وقلتلها ييبي اللابتوب من السيارة وشنو لقييييييييييييييييييت



داز ايميلات حق بنات ولما واجهتة قالي مو انه يمن واحد من اخواني لان مادري وصكر الموضوع بس حبيباتي عندي طلب اذا بتشيك على الماسنجر شلون ادخل والله ماعرف لان سمعت في طريقة تعرفين منو الي داخل وشنو كاتب لان كله بالانجليزي ارجو الافادة لاني محترة حدييييييييييييييييييييييي يييييييييييي واهوه مطنش:0bee2e8d89:

احلى من الحلى
29-10-2008, 09:48:53 PM
ماانصحج انا سويتها وحدى انقثيت من الهوايل والله
ونفستى اتعبت
يالله الله كريم الله يسخره لى
ودير بالج على زوجج

بنت الارسنال
29-10-2008, 09:52:13 PM
لا تدورين وتنبشيييين والله انتي الخسرانة

أسرار الطبيعة
29-10-2008, 09:53:11 PM
( لا تسألوا عن أشياء أن تبدَ لكم تسؤكم )

عآآاليه
29-10-2008, 09:54:34 PM
وانااا انغثييييييييييييييت



نصيحه كاافي اللي شفتيه

حاولي تكسبينه


عسا الله يهديهم ويسخرهم لنااا...

عيون زوجها
29-10-2008, 09:57:37 PM
انشالله ما امر بهالشي
بس نصيحه دامج شاكه بريلج لاتسوينها
مو عشان تظلين غشيمه
لا
عشان حتى لو عرفتي بيقولج رفيحي مو انا
وراح تكبر المشاكل
لا تنبشين ليش تأذين عمرج

الشهد كله
29-10-2008, 10:17:57 PM
" ولا تتجسسوا ولا يغتب بعضكم بعضا "
حبيبتي اخذيها نصيحة أخت لا تنبشين وراه والله تتعبين وتشوفين الهوايل وما تقدرين تسوين شي !!!!!!
الانترنت بروحه مشكلة العصر ، وشبابنا مشفح يستغلونه بطريقة خاطئة ومحرمة وما بيدنا الحل حق هالمشكلة
فنصيحتي لج دام خراب سلوكه وأخلاقه برا البيت طنشي ولا اديرين بال ، ما عليج إلا إنج تهتمين بنفسم وبيتج
وعيالج وبس وغير جذيه ادعي له بالهداية في كل فرض تصلينه ، وعسى الله يهديه ويصلحه ...........

الانثى الصعبة
29-10-2008, 10:24:11 PM
اهوه مايرضى اشتري لابتوب لان موواثق من نفسه عباله راح اسوي سواتة غلطانة الي تثق بالريال واذا عالتفتيش لازم وضروري تبيني اسكت لين تمشي المية من تحتي واحسن شي عشان افشلة لان وياه ماينفع التطنيش

انصاريه قمره
29-10-2008, 10:37:45 PM
يا روووحي انتي :(
والله قلبي يعورني لاني نفس حالتج
شنسوي يا بنات :( شنسوي
انا ادري يحبني وماخذته حب بس ليش يسوي جذي مادري
قمت اخليه يلطم كل شوي انبش من ورااه كره نفسه بس بسمع النصيحه وبعطيه طاف
وبأدي واجبتي الزوجيه وراح اصلي وادعي وبالنهايه هذاا ريلي وحبيبي اللي ما لي غنى عنه
كنت اضن انه بس انا عندي هالمشكله اثاري الكل الله يعناااااا:(

احلى من الحلى
29-10-2008, 10:40:17 PM
بس همن مانحط اللوم على الشباب بس هم البنات يعنى لو كل وحده صانت نفسها وماغازلت ماراح يكون الشاب جدامه احده يكلمه صح
خصوصا البنات الى يشون اغلبهم كويتيات يعنى المفروض يحسون بغيرهم ويدرون انه الدنيا كما تدين تدااااااااااااان
وراح ايهم اليوم اذا تزوجو ازواجهم يخونوهم مع غيرهم
والله كريم

ام الغالين
29-10-2008, 10:43:32 PM
لا تدورين وتنبشيييين والله انتي الخسرانة
ما عليج إلا إنج تهتمين بنفسم وبيتج
وعيالج وبس وغير جذيه ادعي له بالهداية في كل فرض تصلينه ، وعسى الله يهديه ويصلحه

lala2
29-10-2008, 10:47:21 PM
السلام عليكم
التجسس منهي عنه لان نتائجة وخيمة وراح تزيدك هم ماتتخفف
انتي مدام مرضيه ربك من ناحيته خليه ... كل يتحمل ذنبه لاتخلينه يشيلك ذنوب ترا بالاخر محد راح يسرك
فوضي امرك لله ومن استعان به ربح
والدعاء اهم شي ترا يقلب من حال الى حال اذا كان صادق
وتعوذي من الشيطانن ولا تسمعين اي شي يعينك على الشر....والله يهديه ....

water.melon
29-10-2008, 10:56:45 PM
انا بالعكس اقولج جيكي و تأكدي و اذا لقيتي شي واجهي المشكلة
ليش البنات يبون يتهربون ؟؟
يمكن مع النصيحة و الكلام ريلج يقتنع و يردلج و مايفكر بهالخرابيط مره ثانيه يمكن تقدرين تقنعينه ..
ليش تغمضين عيونج و تخلينه ماشي بطريج الغلط !!
هذا ريلج و بيكون معاج العمر كله ماراح تقدرين تعيشين معاه و انتي خاشه بقلبج
واجهي المشكلة و حاولي تحلينها بيدج و انشالله بتكونونين قدها والله يحنن قلب ريلج عليج و مايشوف غير يااااااااارب

الشهد كله
29-10-2008, 11:02:12 PM
اهوه مايرضى اشتري لابتوب لان موواثق من نفسه عباله راح اسوي سواتة غلطانة الي تثق بالريال واذا عالتفتيش لازم وضروري تبيني اسكت لين تمشي المية من تحتي واحسن شي عشان افشلة لان وياه ماينفع التطنيش

حبيبتي لي متى وانتي تنبشين وراج عيال وبيت وراح تلهين فيهم ، انتي توج بالألف والباء ما مرت عليج 10 سنين
خيرتج راح تتحسفين على اللي قاعدة تسوينه وتقولين ياليتني ما لاحقتك عشان ما تنصدمين ، وصدقيني التجسس ما وراه
إلا الغولون العصبي والشيب والأعصاب وسألي مجربة ، بلا عوار راس ، وعلى فكرة الريال كل ما تواجهينه
يزيد ، ويتحذر في نفس الوقت ، راح يخلص شغله برا ويرجع وانتي الخسرانة ، مسكي عليه ولا يمسك عليج الزلة
عشان تجمعين اللي شفتيه واللي سمعتيه وتواجهينه بشهود بس مو الحين كل ما تصيدين شغلة حطيتيها في ويهه
حفظي حق المستقبل والأيام تركض ، والله المستعان !!!!!!!!!!!

جوك احلى جو
29-10-2008, 11:03:24 PM
وهم غلط انج تسكتين انا اقول انتي مسكي الدليل وواجهيه مو تواجهينهه من غير دليل والله يعهديه ان شاءالله

جوري الحلوة
29-10-2008, 11:12:14 PM
وهم غلط انج تسكتين انا اقول انتي مسكي الدليل وواجهيه مو تواجهينهه من غير دليل والله يعهديه ان شاءالله



لا ليش تسوي جذي، اول شي مايصير تجسس وثاني شي المفروض بدال ماتدور مشاكل تدعين الله يهديه
يعني اهيه اذا نبشت ولقت دليل حتى لو صور مثلا شنو بتستفيد لما تواجهه؟ يعني خلاص ماراح يخونها ؟ يمكن يزيد ويكلم اكثر
اخر شي مشاكل وطلاق

انا اقول ابتعدي عن المشاكل ولاتعوذي من ابليس لان شحقة تخسرين زوجج على هالشغلات

منااي
29-10-2008, 11:21:08 PM
حبيبتي نفس اللي صارلي بس انا لقيت فيديوات بنات ووصاخة قعدت ابجي دم من القهر ويوم واجهتا قالي مو انا هذا رفيجي بس من يومها وانا ادعي انه الله يبعده عن هالبلاوي وصج الحمدلله واايد تعدل والله يصبرج ويهديه لج

غنوة ستايل
29-10-2008, 11:33:09 PM
يتنغثين
وتشوفين ريلج بشكل ثاني
وتتعرفين على شخصية ريلج الخفيه !!!
وتقعدين تبجين
وتصدعين
و اتهاوشين
وتدعين عليه
وتحرقين اعصابج
ويهد البيت
وتحترقين زياده
و تعصبين اكثر واكثر اكثر
وتبجين اكثر
ويرد البيت
ويحبج على راسج
ويقول ما راح اعيدها
وتبسمين
و يضحك
و تضحكين
و تردين تحطين راسج وتنامين
بس عقلج يقول .. اصيدك المره اليايه !!

فليش ؟؟ من البدااااااايه عشان لا تبجين وراسج يعورج وتدعين على اليوم اللي تزوجتيه فيه ... لا انبش ولا ادور ولا اسوي شي ..
بس قولي عسى الله يهديك يارب ويبعد عنك بنااات الحرام

الانثى الصعبة
29-10-2008, 11:44:42 PM
ياه شي على شي اهله من صوب واهوه من صوب وانه اكره الخيانة بجميع اشكالها وحاولت اطنش بس حسيت اني راح انجلط شنو تبوني اداري عليه ليه طاح الفاس بالراس شنو راح استفيد وانه دايم ادعي ربي ان الله يهديه ويبعد عنه بنات الحرام بس حبيباتي ماقلتولي اشلون اشيك على ماسنجرة عشان طقتين بالراس توجع عشان يتادب

هدوء
29-10-2008, 11:52:03 PM
راح تتعبين والله .. وهو بيقولج مو انا رفيجي او اخوي
وآخرتها انتي اللي ماكلتها هم وشك وتاكلين بعمرج


ادعي ربج الله يهديه ويسخره لج ..

جنى الامورة
29-10-2008, 11:57:10 PM
الاحسن انج ماتدورين لان راح يلف يلف ويرجعلج لأنج ام عياله ولاتعكرين مزاجج بهالسوالف ولا ترى راح تتعبين

الانثى الصعبة
30-10-2008, 12:08:18 AM
الله يخليكم لي والله جني شاكية لامي واختي عسى الله يبعد عن ازواجكم بنات الحرام ويسخرهم لكم امين

احلى من الحلى
30-10-2008, 12:12:06 AM
انا حاسه بمعاناتج لانى متزوج زوجى عن حب وكنت شاكه ونزلت برنامج وشفت بلاوى من عقبها احس انه حبه قل عن قبل
واهو السبب
الله يسامحه ويهديه اهو جدامى مايدش الماسجر بس الخوف اذا راح الدوام حسبى الله عليهم اهم الى خربوه
الله يسخر رياييلنا لنا امين يارب

7alawa
30-10-2008, 12:17:42 AM
حبيبتي احسن لج و اريح لج انج تصدقينه

لا تدورين و تنبشن الا اذا ناويه تخربين بيتج
و تذكري اهو تزوجج انتي ما تزوج اللي علاmsn
الله يسخره لج و يهدي :)

جمر بردان...
30-10-2008, 12:21:41 AM
عمه بعينهم هالرياييل هابين هبه اللهم ياكافي مادري شفيهم على هالمسنجر والبنات الله لايوفق كل وحده تكلم واحد متزوج والبنات صايرين قليلات حيا ولا يسوون روحهم يغارون بعد حسبي الله ونعم الوكيل حسبي الله ونعم الوكيل حسبي الله ونعم الوكيل لاحول الله ولا قوة الا بالله حقريه وحاولي تسوين لج برنامج انتي معاه لهيه معاج ومع بيتج وعيالج تفنني بمعاملتج معاه كل شوي طلعي له بسالفه وشكل يديد خليه يلهى عن هالزفت الكمبيوتر الله يكون بعوننا وعون الجميع عليج بالدعااااااااااااء وقيام الليل
تقبلي مروري

الانثى الصعبة
30-10-2008, 12:25:02 AM
لالحين ماجاوبتوني بالتفصيل اشلون ادخل عاماسنجر احس انه مخبي شي

احلى من الحلى
30-10-2008, 12:29:11 AM
لالحين ماجاوبتوني بالتفصيل اشلون ادخل عاماسنجر احس انه مخبي شي

والله انا ماابى اقولج لانه صج ابى مصلحتج والله اذا شفتى شى تكرهينه
خلاص بابنت الحلال طنشى
غيري حياتج
اذا شبك قعدى يمه لاتخلينى يقعد بروحه
والله كريم

الريشة
30-10-2008, 01:13:49 AM
لازم يكون زوجك حاط اختيار حفظ الرسايل بالماسنجر ماله لأنه اذا مو حاطه ما راح تقدرين تشوفينهم

جربي دشي على الماسنجر و اختاري ملف
بعدين دشي على إظهار تاريخ الرسايل
و بعدين حطي ايميل الشخص اللي تبينه

***كلي شموخ***
30-10-2008, 01:27:17 AM
اذا عندج دليل قوي واجهيه
واذا انتي جااكه وما عندج دليل حتى اذا اهوه مسوي راح يجذب لان اغلب الرياجيل ماكو ضميييييييير عادي .. للاسف هاذي درااسه وتوها صايره ان الرياجيل اغلبهم ما عندهم ضمير عكس النساء الي اكثرهم يكون عندهم ضمير ...


:( فنصيحتي لج اذا عندج الدليل واجهيه ولا تسكتيييييين ولازم يكون الدليل القوي ..

الانثى الصعبة
30-10-2008, 01:57:36 AM
واي وناسة احس اني راح اطيح على شي جايد مشكورين عالتفاعل والله لايوريكن مغازلات الزوج شششششششششششكرا

كلي نظر
30-10-2008, 02:06:12 AM
انا نفسج كان يكلم رفيجته ووعن مغامراته بالماضي معاه والمشكله أسمه وعن قصة زواجنا واجهاضي كانو يتكلمون بالموضوع ويحلف مو هووو الي قهرني سالها شلونج قالتله سوده جان يعطيها اسم خلطتي الي دايما يشتريها لي من العطار هذا الي قهرني قالها استعمليها تعدلج ولما شفت وقت المحادثه كان يقولي نعسان ولما نعسني رحت نمت واخرتها جا نام نعاااااااااااااااي وع ذكرتيني والمكشله يحلف والله مو هو


لاتنبشين دام حاط لاب توب بالسياره معناه عنده بلا العمى بعيوووونهم مو تارسين عينهم

عطر الكادي
30-10-2008, 02:07:39 AM
لا لا لا تواجهينه .. لانه راح يعتذر ويرد يغلط ويخربط مرة ثانية وثالثة ويمكن جدامج .. وراح تكبر السالفة .. انت صبري وقومي بواجباته وزيادة .. واهتمي بنفسج وعيالج .. وحاولي تشغلينه بطلعات وروحات وحاولي تجذبينه لج وتبعدينه عن بنات الحرام ..بس همن خليج منتبه لتصرفاته .. واذا طحت على ادله خليها عندج ولا تكشفينها الا بوقتها لي صار ما صار .. خليج احسن منه .. بالكلام الحلو والمعاملة السنعة لزوجج واهله .. واهم شي تقربي من ربج بالصلاة تالي الليل والدعاء والصدقات .. وربي ان شاء الله ما يخليج ويعينج ويعينا ..صدقيني ترى مهما خربطوا مردهم لنا ولعيالهم .. قلبي معاج

بنات حواء2
30-10-2008, 06:24:16 AM
حبيبتي انتي غلط من فوق لي تحت تدرين ليش
لأنج اول شي بواقه اي لانج بقتي لابتوب ريلج من غير اذنه
و شكاكه اي شكاكه لانج اضطريتي تبوقين عشان تطفين نار شكج
حتى لو هو غلطان انتي لبستي نفسج الغلط
لاتزعلين من كلامي يمكن اتقيل عليج بس يمكن يصحيج و ينقذ حياتج من الغرق و ينقذج من الشيب ترى الشك و الغيره الزايده
و انا اختج ما تييب ال الشي و عمات العين و الريال بسرعه بينحاش و بيدورله وحده ثانيه غيرج
خو اهمه يبون الشاره
لا ياحبيبتي
خليج قويه
خليج جبل و يا جبل لا يهزك ريح
تزينيله تكشخيله خليه مايشوف غيرج كلام حلو و كلام غزل و حبيبي و حياتي و انتي رايحه و انتي راده
و طبخيله و حطي جدامه سوي نفسج تعبانه تدلعيله
جذي تاخذين قلب ريلج و تخلينه مايشوف ول ا يفكر بغيرج
و اذا كان يقعد على لانترنت وايد قوليله خله و تعال اقعد معاي مشتهيه اسمع صوتك و اسولف معاك
تتوقعين الرييايل شلي يجذبهم في البنات الوقحات الي بلانترنت خو اهمه لا شافوهم و لا غدى الشر بس الاسلوب الكلام الحلو الي للاسف مو محصلينه في بيتهم يحصلونه عند هلبنات الي ما عندهم لا شغل ول ا مشغله غير ريلج وريل غيرج
بس انتي موجوده في البيت بكبرج على قولتهم بلحمج و بشحمج
تشيطري هله هله بالكشخه السنعه العطور الدهن عود البخور
الكلام الحلو الدلع الحلو مو الحنه
شسويلج حبيبي سنو تبي حياتي
من عيوني
اول مايدش البيت يعطيك العافيه قلاص بارد ييبيله
جذي تاخذين قلبه و تنسينه بنات بليس الي ماهمهم الا خراب البيوت
اما انج تبوقين الابتوب من وراه و هسوالف انا اشوف انج راح تخسرينه وراح تطيحين من عينه
لو كان كلامي قوي عليج بس راح يفيدج و راح تطبقينه
هذي قمة الرضا من جهتي انا و هذا الهدف الاساي من ردي على موضوعج اني اعقلج
و يمكن اذكرج اذا كنتي ناسيه و اتمنى ما اكون ظلمتج
بس هذا كلام العقل و المنطق

GaZoZiYa
30-10-2008, 06:54:49 AM
لا تسويين بنفسج جذي.. اهوا مريح عالآآآآآآآآآآآخر وانتي مقهوووورة...

طنشي و صيري زينه معاه دلليه و صدقيني راح يحس بتأنيب الضمير

Anastasia
30-10-2008, 08:37:21 AM
لاااا بناااات يستاهل خل تقظبه بشي .. شنوو اهما يسرسرون ويخربون واحنا مغير انزل روسنا وانتصدد يعني ما نشووف ؟؟
.
شوفي دشي حق الدوكيومنتس ********s اكو ملف اسمه سجل محادثاتي مادري شسمه بالانجليزي .. اذا مالقيتيه معناته مسوي الغاء حفظ للمحادثات .. بس اذا لقيته بطليه راح تلاقين ملف للاشهر بطليهم راح تلاقين صفحات ويب باسماء ايميلات .. هذيله اهما المحادثات .. نبشييييهم عدل مدلل وسويلهم كوبي احسن بعد ومااوصيج فيه ..
.

بنات حواء2
30-10-2008, 08:47:32 AM
جو جو حرام عليج تخربين بيتها

@ الرسامة @
30-10-2008, 08:53:16 AM
لا تتعلمين اريحلج
ترى السالفة وراها تعب

.. مـــلاكـ ..
30-10-2008, 08:55:12 AM
لاتعورين قلبج ولاتشوفين شي
ادعي الله يهديه ويخليه لج
وبس
:)

Anastasia
30-10-2008, 09:33:43 AM
لا لا لا .. هذا مو خراب بيت ولا شي ..
.
الحين اهو يوم سوا سواته ماخاف من ربه !! ماحشم مرته ؟؟ ماحترم رجولته هاللي بس مطلعها على حريمه ؟؟
.
عيل خل ياكلها .. ليمتى احنا صايرين نعام نخليهم يسرحون ويمرحون واحنا نتصدد ونخش روسنا بالارض اهوا الغلطان مو انتي عشان اقعد احسب الف حساب قبل لا اواجهه المفروض اهوا اللي يخاف
.. ليمتى الريال يسوي اللي يبي وياااويييييلها المرة لاتنفست وقالت ليش سويت .. و
اهيا خل ترفع التلفون ولا تطق السيارة سلف وما تقوله .. يقلب الدنيا على راسها .. ليييش ليييش مو بس احنا اللي انتحاسب .. حتى اهما .. دام اهو جذي عيل ليش يوهق بنت الناس معااه .. اهوا اللي اختار يكون ريل وابو .. خل يكون قدها .. واذا قصرر يتحاسب شنو السالفة مو بس فرااش وخلصناا ..

nice-girl
30-10-2008, 09:34:08 AM
حبيبتي من تجربه شخصيه والله
لا دورين وراه دامج شاكه لانه بتلقين شي مايسرج
انا اقووول خليها على الله

البطريقة البردانة
30-10-2008, 09:43:44 AM
إحتضنيه أكثر ....عاطفيا و نفسيا و حاولي تتفهمين و تستوعبين شخصيته أكثر و عامليه مش الياهل ...صدقيني راح تشوفين انه صار خاتم بصبعج و مستحيل يطالع غيرج ...لإنى لقى من تستوعبه بشكل كلي خو هلبنات نزوات و تعدي بس لازم تكونين له الملجأ الدافي....

ملح بدويه
30-10-2008, 10:28:57 AM
قطي عليه نغزات

توته كيوته
30-10-2008, 10:51:54 AM
لا اتنبشين من وراه ...

بنات حواء2
30-10-2008, 12:54:10 PM
لا لا لا .. هذا مو خراب بيت ولا شي ..
.
الحين اهو يوم سوا سواته ماخاف من ربه !! ماحشم مرته ؟؟ ماحترم رجولته هاللي بس مطلعها على حريمه ؟؟
.
عيل خل ياكلها .. ليمتى احنا صايرين نعام نخليهم يسرحون ويمرحون واحنا نتصدد ونخش روسنا بالارض اهوا الغلطان مو انتي عشان اقعد احسب الف حساب قبل لا اواجهه المفروض اهوا اللي يخاف
.. ليمتى الريال يسوي اللي يبي وياااويييييلها المرة لاتنفست وقالت ليش سويت .. و
اهيا خل ترفع التلفون ولا تطق السيارة سلف وما تقوله .. يقلب الدنيا على راسها .. ليييش ليييش مو بس احنا اللي انتحاسب .. حتى اهما .. دام اهو جذي عيل ليش يوهق بنت الناس معااه .. اهوا اللي اختار يكون ريل وابو .. خل يكون قدها .. واذا قصرر يتحاسب شنو السالفة مو بس فرااش وخلصناا ..

كلامج صح و في محله و على عيني وراسي بس انا قصدي لا تنبش وراه صدقيني بما ان الانسان يمشي في الطريج الغلط لابد انه ينكشف صدقيني ريل اختي كان طول عمره خربوطي و اختي تمشي و تنبش من وراه ما استفادت الا التجاعيد و الشعر يحت و 14 اعصاب و النفسيه حشاج زفت و تتعبث ليل نهار من وراه ما جكته و لا قدرت تصيد علي خيط لين ذاك اليوم الي ابوي شافه مع مره بمطعم <<<<<<<<< يعني لا تعب اختي و تنبشها من وراه كشفه منو الي كشفه ((( الله )))
و انا انصح صاحبة الموضوع عشان ما ابيها تتعب ترى و الله احنه مو عايشين حالها تخيلي انتي حطي حالج مكانها تعب و ارهاق خاصتن و انه ريلها ينكر و ينسب الشي هذا حق احد من ربعه
انا معاج الريياييل خرابيطهم وايد اوكي بس مهمن كان تبقى هي المره باجر لي تطلقت لا تنسين احنه في مجتمع مايرحم المطلقه يحارب هلكلمه حرام و هي بنيه في عمر الزوهور
انا معاج رياييل هلايام يفتقدون الرجوله
اسم رجل و الاخلاقيات و التصرفات عديم الرجوله

فجر الغلا
30-10-2008, 01:00:01 PM
ماانصحج انا سويتها وحدى انقثيت من الهوايل والله
ونفستى اتعبت
يالله الله كريم الله يسخره لى
ودير بالج على زوجج

صح كلامج صج يا اختي لا تنبشين وخلي كل شي على الله
وديري بالج على ريلج من بنات ابليس إلي شكثرهم حوفي ريلج
وطوفي وادعيله الله يهديه ويبعده عن هالسوالف والله يعينج

ba6bo6a1
30-10-2008, 01:04:50 PM
الله يعينج

بنت عطا
30-10-2008, 01:06:45 PM
انا عن نفسي بفتش وبواجهه باللي اشوفه

وماراح اسكت له ابدا<<<<يمكن سكوتي يوديه لشي اكبر

وشلوون اقوم بواجباتي صوبه وانا مو مرتاحه ولامطمنه اذا اهو جايب لي امراض وبلاوي

هبووونة
30-10-2008, 01:11:35 PM
انا رايي من راي البنات


عوار قلب ومرض


بس انتي الظاهر مثلي عندج فضووووووووووووووووووووووو ل قاتل


بس نصيحة مني لج


حاولي تضغطين على نفسج ولا تدورين وتنبشين


وحاولي تقربين له وتلهينه بطريقتج


والله يهديلج ياه انشالله

رشروش
30-10-2008, 01:22:14 PM
يقلبى والله كلنا على هالحال ما لنا غير ان ندعيلهم بالهدايه وما انصحج تنبشين من وراه لانج راح تتعبين خليج بذكر ربى اهو الوحيد قادر على هدايته الله يصلحه لج ويصلح جميع ازواج المسلماااااات

saratee
30-10-2008, 02:32:46 PM
حبيبتي لا تحاولين تنبشين من وراه لانج انتي الخسرانه لان يقدر يبرر سواته وانتي بتعيشين بشك وقهر

Bella^^swan
30-10-2008, 02:42:17 PM
يا قلبي انتي والله ..

لا تنبشين .. شلج بعوار القلب .. كافي اللي شفتيه ..

ScarletteO'Hara
30-10-2008, 03:21:46 PM
ليش تنبشين و تعورين راسج؟؟؟
انتي مبدئيا واحنهي بالي لقيتيه و انشالله الله يهديه
بس والله اذا تبين ريلج لا تتجسسين عليه

ScarletteO'Hara
30-10-2008, 03:22:47 PM
واحنهي= واجهي

*عاشقه الورد*
30-10-2008, 05:18:58 PM
واي واي كلنا نفس المشاكل

رييايل الكويت كلهم نفس الشي ....المشكله ما نقدر انطنش نطنش يوم يومين ماكو فااايده الشك وارنا ورانا يعني متى بنرتاح من بنات ابليس واللي اغلبهم يدون انهم متزوجين


يبا حاولي اطنشين ترى ما جدامج غير هالحل والله يسخرهم لنا

واااي فتحتوا جرح قديم وربي

بسبوووسه
30-10-2008, 05:25:14 PM
اختي ليش تدورين الطلايب وتيبين المشاكل و الحره حق نفسج

راح تتعبين صدقيني
الله يهديج

jeenan-77
31-10-2008, 04:11:34 AM
شوفي يقلبي حاسه فيج وكل كلام البنات صح
وانتي عندج فضوووول بتعرفين
راح اعطيج طريقه تسجل المحادثات بالوقت والتاريخ والأسماء وامر طباعة اذا تبين تطبعين المحادثات
وابي تدعيلي ولزوجي وبنتي

ღ خجلانة ღ
31-10-2008, 04:38:38 AM
لا تنبشين وراهـ


انتي دورين عوار الراس !!!

ماكنتوشه
31-10-2008, 11:08:12 AM
الله يهديه ان شاء الله

الست اصيله
31-10-2008, 11:27:22 AM
عليك بالدعاء

ام عمار
31-10-2008, 11:31:57 AM
رأيي ما تسكتي ويكبر الموضوع وواجهيه واذا تأكدتي انه هو قولي لأمه او لأهله

ريمااس
31-10-2008, 12:09:20 PM
كلهم الرياجيل جذيه
واذا ماتبين تخربين بيتج انسي وطنشي
وصدقيني هذي كلها نزوات وتضييع وقت
ولو قالوا له تزوج اللي ويااك بالماسنجر ماراح يرضى بغيرج
انتي الاصل والاولى والاخيره
انا انصحج طنشي وربي اعيالج وادعي له
كل هالمجتمع الحين جذيه بس بالاخير بيرجع يعض اصابع الندم
هالكلام وربي من تجربه شخصيه
انتي عايفه نفسج لا تعبين نفسج وتمرضين من القهر واهو عايش ومبسووط
والله يهدي زوجج ويسخره لج وازواجنا جميعاا
"(دعاء الزوجه لزوجها)"
اللهم أنت الحمد الحنان المنان بديع السماوات والأرض أنت الله الواحد الأحد الفرد الصمد اسألك باسمك الاعظم أن تهديني وتهدي زوجي وابنائي وتجعلنا من عبادك الصالحين المتقين وان تحسن خاتمتنا وتضلنا تحت ضل عرشك يوم لاضل إلا ضلك.. اللهم ارزقني وده وحبه وارزقه ودي وحبي..
اللهم اجعل زوجي حبيبا حليما كريما هينا لينا معي..
اللهم اجعله أبا لي في الحنان واخا لي في الطاعه وحبيبا في الفراش واجعلني اما له في الحنان واختا له في الطاعه وحبيبه في الفراش..
اللهم يامؤلف القلوب ألف بين قلبي وقلب زوجي على محبتك وطاعتك.. اللهم اجعلني نورا بين عيني زوجي.. اللهم ارزقني حبه وارزقه حبي وارزقنا حب وجهك الكريم وطاعتك.. اللهم اجعلني نورا بين عينيه..
اللهم اعصم قلبه عن المعاصي..
يارب تسخر لي زوجي وتحنن قلبه علي..
يارب تضع لي في قلبه مواضع الرحمه والألفه والموده من عندك.. اللهم جملني في عينه وجمله في عيني وحببني إلى قلبه وارزقني ذريه صالحه منه..
اللهم لاتفرق بيني وبينه..
اللهم ياولي نعمتي وملاذي في كربتي اجعل شدته وقوته بردا وسلاما كما جعلت النار بردا وسلاما على ابراهيم..
اللهم ألن قلب زوجي وسخره لي.. اللهم احفظه لي ياأرحم الراحمين ياذا الجلال والإكرام..
اللهم آمين... .. .