تبين الصج و ما تزعلين اختي عروس الدنيا ؟؟؟ بالذمه ماتزعلين؟؟
انا كل اجناطي ماركات ارخص جنطه عندي اب 350 يعني من ال 500 وطالع وشي منهم ليميتد اديشن بس يوم شفت اللي عارضتهم هونت شنو هذولا؟؟ و شالاسعار ؟؟ يعني انا جنطتي اب 600 مثلا ولابستها 3 مرات بس ابجم ببيعها لج؟؟؟
و اتوقع اغلب اللي يشترون ما يشترون ابهالاسعار يبون اشياء ارخيصه
هو ليش ازعل ... انا عارضه جناط البنات بس مو معناته كلهم ماشين على ذوقي حبيبتي .. في جناط كانوا يعجبوني و ادقدق على اهلي اقولهم لا تطوفونهم... و في جناط مو ذوقي .. و مروا علي جناط قلت مستحيل ينباعون و انباعوا والله
الناس اذواق ..
و الجنطه الي تشترينها ب 600 لي يتيي بتبيعينها لازم تبيعينها رخيصه
الجوتشي الي عارضتها الحين ب 280
سعرها بوتيك دبي 540 و الله العظيم
و البنت شايلتها 3 ايام العيد بسسسس ... و شوفي اشكثر منزله من السعر .. المستعمل يضل مستعمل مره مرتيين النتيجه وحده
و انا ما اشتري الجنطه حبيبتي
انا اعرضها بسسسس و اخذ عموله عند البيع ..
و بعد وايد جناط و مسحت صورهم بناء على طلب البنات ... بايعه 2 شانيل كل وحده فيهم سعرها كان الشي الفلاني و انباعوا تحت 100
بعت اشياء سعرها الاصلي بال 600 على 150
و في جناط على لبسه وحده و بس و باعوهم البنات بنص السعر و اقل ...
و في اشياء عارضتها انا جديده و لا لبسه و هم منزله بالسعر ... المسالة عند اغلب البنات الي قاعد ابيعلهم مو مسالة احتياج فلوس لا
المساله عدم استخدام الشي ... الي يفكرون بهذي الطريقه جناطهم تنباع بسررررررررررررررررعه
الجنطه ماركه و مكلفتني اوكي بس وينها ؟؟ بالكبت ؟؟ السنه الي فاتت لبستها ؟؟؟
انزين و اهي بالكبت بتفيدني و لا لو بعتها حتى لو بربع السعر ؟؟؟
في بنات يفكرون بهذا المنطق و انا منهم ... في جناط احتاج السبييس الي ماخذينه اكثر ما احتاجهم .. لوووول
و يا ريت ما تزعلين انتي مني على التوضيح الطويل