حضانة

السلام عليكم

عندي مشروعي الخاص ((حضانة اطفال))
درست الموضوع ورتبته من اكثر من 10 سنوات
المادة كانت سبب عدم تطبيقي له
والحين لما توفرت المادة
محتارة
بأي منطقة افتتح المشروع خصوصا انه انتشر في جميع المناطق اللهم بارك
ساعدوني شرايكم بأي منطقة مناسبة وتنقصها هذي الخدمة؟

موفقة اختي ان شاء الله...صاجة ما شاء الله بكل منطقة تلقين فوق الحضانتين..!

اممممممممم اتوقع بغرب مشرف !

وان شاء الله البنات يفيدونا اكثر

انا اقولج

فتحي بشرق - انا موظفة بشرق وعيزت ادور حضانة اقرب شي الدسمة

وشرق منطقة مكاتب ودوامات وااااايد موظفات يفضلون حضانة قريبة من دوامهم وانا اولهم

شرايج فيني

مشكورين ع الرد
بدرس المنطقتين واشوف
وبانتظار خواتي

كنت مفكرة بالفيحا
مادري شرايكم

عسى ماشر ولا وحدة عندها فكرة
صراحة ماتعودت من بناتنا ما يساعدون؟؟؟؟؟؟؟؟؟؟؟؟؟؟ظ

شرق فكره حلوة فكري بمطقه دوامات ووزارات ... بس وخري كثر ما تقدرين عن الزحمه

خبري بالفيحا فيها جم حضانه ... انتي شوفي نفسج حسب اذا لقيتي مكان يناسبج من حيث الحجم و الايجار و مواقف السيارات ... و الله يوفقج اختي

http://www.q8yat.net/showthread.php?t=183340

دشي موضوعي وان شاء الله تستفيدين

جزاكم الله خير

والله لو تحطين بالمناطق القريبه مثل الفردوس ولا العارضيه احسن وايد ولا صباح الناصر وانا اشتغل عندج سكرتيره ههههههههههههههههه

شوفي بكل مناطق الكويت فيهم الا الدوحه والصليبخات وغرناطه ما ادري ليش ناسينهم

اليرموووك
لانه عندنا بس 2
2
كلا فل نفس اللي يسجلووون
السنه اللي وراها نفس الطلاب

احسن شي شرق

اغلب الدوامات هناك وانا ما ارتحت الا يوم دخلت ولدي حضانه المثنى بشرق لان اخذه على طول بعد الدوام احسن ما اطق درب بهالزحمه لي المنطقه اللي فيها الحضانه الا ماكو احد كل اليهال مشوا بس ولدي قاعد !

المنطقه الرابعه صليبيخات الدوحه وصباح الناصر ما فيهم حضانه

الله يوفقج

el5aldeya mafeha ela 1 chena fet7y feha wetha feta7ty 9ob7 o 3a9er bashte`3el 3endech el3a9er lol

حبوبه وين قررتي تفتحين

:ada:بشرى لصاحبات الحضانات يوجد لدينا برنامج لحفظ بيانات الاطفال و المشرفات يغنيج عن الملفات و الاوراق :gathering:

فووووووووووووووق
الله يوفقج حبيبتي

تبين مشروع ناجح
فتحي بالفروانيه لان احنا نداوم بالداخليه ومافي حضانات جريبه منا خاصة ان هناك وايد ادارات حق وزارتنا و بنك التسليف ورانا وفي وايد موظفين وفي كذا بنك ولان مقابل خيطان والضجيج وبهالمنطقه وايد مدرسات ويبون احد يمسك عيالهم
وطبعا الضجيج في اكثر من وزاره هناك والمطار ومقابل الفروانيه عشان جذي انصحج بالفروانيه
لان هالمنطقه بعيده عن سكنا واحنا نبي شي جريب
وفي وايد عمارات واراضي يم الدوام شوفي لج مكان