المساعد الشخصي الرقمي

مشاهدة النسخة كاملة : حركاتي مجهولة السبب! شنو حركاتج؟


الصفحات : [1] 2

coffee
01-10-2008, 08:30:47 PM
أهلين بنات ديرتي :)

سالفتي اليوم عن حركات اسويها على غير معنى

اول شي ما اتحمل اشوف منظر معلق عوي احس الدنيا كلها تصير عويه .. فدايما اعدل المناظر حتى لو كنت بمكان عام

الشي الثاني اقلامي تقولون جني طارتهم هههه احب العب بالشغله اللي تثبت القلم والنتيجه اني اكسرها ويصير قلمي هتلي

الشي الثالث ما اقدر اشوف مشبك شعر وما العب فيه افتح واسكر .. وهالشي يخلي اختي تخاف تخلي مشبك يمي لاني كاسره جم واحد لها مسكينه لول

هل عندكم حركات من هالقبيل وما اتعرفون السبب؟

Toffeeya
01-10-2008, 08:43:38 PM
موضوووع حلوووو :)

انا عندي واايد حركات مجهوله يعني عدي و خربطي ههههههه

اول شي لازززززم كل ما البس خاتم اقعد ادخله و اطلعه من صبعي وبس هاذي حالتي وكله خواتمي ضايعين اختي تقولي انتي شكلج اذا انخطبتي دبلتج من ثاني يوم ضايعه هههههه

بعد عندي حركه تبط الجبد لما اسوق دايم احط موبايلي بحظني ولما انزل طااااخ بالقاع هالحركه صارت الف مره بس مايووز والتلفون تشلخ حبيبي والله لو يتكلم جان قال ياويلتي ويلنتااه

ولي رجعه لا تذكرت الباجي :)

bronzya_cool
01-10-2008, 08:49:06 PM
موضوووع حلوووو :)

انا عندي واايد حركات مجهوله يعني عدي و خربطي ههههههه

اول شي لازززززم كل ما البس خاتم اقعد ادخله و اطلعه من صبعي وبس هاذي حالتي وكله خواتمي ضايعين اختي تقولي انتي شكلج اذا انخطبتي دبلتج من ثاني يوم ضايعه هههههه

بعد عندي حركه تبط الجبد لما اسوق دايم احط موبايلي بحظني ولما انزل طااااخ بالقاع هالحركه صارت الف مره بس مايووز والتلفون تشلخ حبيبي والله لو يتكلم جان قال ياويلتي ويلنتااه

ولي رجعه لا تذكرت الباجي :)
لوووووووووووووووووووووووو وووووووووول نفس حركت الخاتم ودي اعرف السر فيها

bronzya_cool
01-10-2008, 08:52:21 PM
امبي انا عندي حركات وايد مادري شنو تفسيرها يعني مثلا اذا مريت على كافيه وفي ناس وايد قاعدين واحس انهم كلهم يطالعوني مادري ليش على طول اطالع ساعتي يعني بشوف الوقت ولو تسأليني جم الساعه مادري لوووووووووووووووووووول
وفي شغله ثانيه ماعرف اتكلم الا لما احرك ايدي لازم اعبر خخخخخخخخ ريلي قام يمسك ايدي لما اتكلم عشان ما احركها يقولي يالله تكلمي بدون ماتحركين ايدج والله اسكت ماعرف اتكلم لووووووووووووووووول يضيع الكلام اللي بقوله امبي مادري ليش هالحركات الغريبه

بطاطا
01-10-2008, 09:09:42 PM
هههههههههههههههه

عيل انا حالتي حالة



اذا طولت التلفزيون ماحب رقم فردي لازم زوجي

اذا شفت كلمات مكتووبة لازم اكتب الكلمة بصبعي على ريولي و بدون نقاط بعدين ارسم الفراغات اللي داخل حرف الصاد او الواو و احط النقااط بعدين و تلقيني اندمج و انا اكتب و حالتي حاله

لما اسوق ريولي اليساااار اضغط فيها تحت و تكون سيييييدة لين احس اني شوي و اقظ الارضية بالسيااارة


لما اسلم على ناس ما اعرفهم بس اعرف اساميهم اقول اساميهم وانا ابووسهم يعني هلا فاطمة هلا مريم جذي احسها تقول ادري اني مريم ههههههه


لما البس ملفعي الصق بالمنظرة و اطااالعه مادري ليش جنه راح يتغير اذا شفته من بعيييد بس

اذا شريت شي ارد البيت اطلعه من الجيس اشوفه و جذي و بعدين ارده بالجيس ثاني يوم اعلقه مادري ليش ؟

اذا قعدت و جفست ريولي لازم العب بصبعي الكبيييير احووس حوووس من جذي قمت البس دلاغات


وووووووووو اذا تذكرت برد :) لان هالاشياء وايد افكر فيها


الموضوع حلووو :) تسلمين

^DanaH^
01-10-2008, 09:27:45 PM
الصراحه موضوع حلوووووو ....


بالنسبه لي انا اذا قعدت مع وحده وسولفت لا اراديا اقلد طريقتها بالكلام حتى ضحكتها .... والحين انا لاصقه فيني ضحكه وحده تخررررع وابي اتخلص منها مو قادره هذي بالذات ضحكتها علقت فيني واختي تقولي وييييع شالضحكه جنج فلانه اقولهااااااااا اييييييييي شسوي :(

ووو فيني شغله مووووووشي لما اقعد مع بنات او يمعه اهل واشوف وحده فيها شي غلط بلبسها او مكياجها طوووووووووول القعده اخز هالشغله واحاول ما اركز لان البنت راح تنتبه بس انسى وارد اخززززز ....

وأخيرااااان وهالشي اتمنى يتغير فيني لما اسولف عن موقف صارلي او سالفه احب امثل الموقف بالحررررف يعني هالشغله مع رفيجاتج اوكي تمشي بس مع ناس مايعرفونج بيقولون شالخفيفه هذي يحسون انج مو تكانه !!! ههههههههه

وسلامتكم شرايكم بالعقد النفسيه هههههههه


:)

شندوخه
01-10-2008, 09:31:49 PM
انا في حركه اسويها من وانا ياهل والكل يظحك علي مستحيل انام من غير لا اسويها حتى لو تعبانه وبموت من التعب

الاصبع الابهام والسبابه احط فيهم خصله شعر من راسي ووافللها عشان احس بنعومه الشعر <-- حده يظيق خلقي بعد الشاور

ولم اسولف بالتلفون لازم ارسم مكعبات بورقه وقلم واذا ماعندي ورقه وقلم ارسمهم بالغنفه اللي تحتي

واذا ييت انام لازم اخز السقف واحاول اكون مثلثات بالديكور

coffee
01-10-2008, 10:14:01 PM
toffeeya هههههه ديري بالج الخاتم امره هين بس التلفون تحذري يطيح وبتييبينه وانتي تسوقين.. وحياج الله عسوله واعيونج الحلوه وبانتظارج :)

bronzya- cool ههههه تجيكونه مقاسكم والا لا.. لووووووووووووووووول اما سالفة الساعه عجيبه ههههه واي ضحكتيني!! واي هههه دمج عسل

بطاطا ههههههههههههههههههه رقم زوجي شكلج متعقده من الرياضيات.. وانا نفسج يا كرهي على غير معنى اقول الاسامي!! حتى بالسوالف كله اقول الاسم جني خايفه اضيع لول.. مرورج الحلو وحياج الله وبانتظارج :)

Danah لوووووووووووووووووووول دامها اتخرع تركيها عنج ههه .. اعيونج الحلوه وحياج الله حبيبتي :)

شندوخه ههههههه هذي عقده هندسيه فيثاغورثيه.. واعرف ناس نفسج لي تحجو بالتلفون لازم ايدهم تحوس يا يكتبون يا يلعبون باصابعهم يا يجفسون لبسهم المهم الايد مو خاليه.. وحياج الله عسوله :)

coffee
01-10-2008, 10:17:11 PM
ذكرت حركه يالله لا تاثمني لووووووووووووووووووووول
وانا بالصلاة والاهل حوالي يصلون لا اشم ريحه ! استغفر الله وانا اصلي انفخ بخشمي واللي حولي يضحكون وتخترب الصلاة فمحد يصلي يمي خاصه بالحرم .. لوووووووووول شسوي ما اقدر احس بموت من الريحه الله يهداهم خياس.. يعني شكو انافخ جني تيس مادري اللي يسمع بتروح الريحه

coffee
01-10-2008, 10:27:36 PM
وغير النفخه اذا احد يمي مريض يكح والا يعاطس والا يشفط خشمه المهم مريض لازم اقمت انسمي لول يعني يكون خايفه من الجراثيم او ان يعاديني.. والطبع الثاني هالوسواس الله يفكنا من شره لي ييت بزور مريض بالمستشفى او اذا سافرت لازم آخذ بندول على الريج لول يعني يكون حمايه !! ههههه

Lemon Juice
01-10-2008, 10:31:59 PM
اي اي هههههه عندي حركات غريبه

مثلا ً لما نروح مطعم ناكل وانخلص .. على ماييبون لنا الفاتوره أقعد أطلع كلينكس رطب من جنطتي وامسح الطاوله

شكو مادري !! خو بينظفونها عقبنا

ولما أكون عند الكاشير بأي مكان .. عقب ما أدفع أقعد أرتب فلوسي يعني الدنانير يم بعض والانصاف والارباع.. لاا ولازم ويوهم مرتبه يعني مو واحد مقلوب والثاني عدل

والناس تنطر وراي .. عادي ما عندي مشكله لوووووول خصوصا بالجمعيه أحس اللي وراي بيفلعني بأكبر ما عنده

غير جذي مرات أبدع لما أصب بانزين .. الناس تصب يا Full يا مبلغ محدد مثلا ً دينارين

انا أقوله صبلي بـ 600 فلس !!

وفي شغلات ثانيه بس والله هذي اللي ذاكرتها الحين

أشوف هذي الأمور عاديه (طبعا تكون بشكل معقول .. مو وسواس)

موجوده بكل انسان وتختلف من شخص للثاني .. وتعتمد على شخصيته

coffee
01-10-2008, 10:38:17 PM
zain_kw لوووووووووووووووووووووووو ووووووووووول على ال 600 بدعتي قولي الباجي يمكن تحبين الترتيب بس اما البنزين صج ضحكتيني يعني شكلج عارفه اردودج جم بدون لا اتحسبين ههه !! وحياج الله حبيبتي

Lemon Juice
01-10-2008, 10:49:44 PM
ههههههههههههههههه اييي أقوولج انا أستغرب من هالشغله

يعني عالاقل خل أقول ديناار اشوي أهون من 600 فلس

جاي الضحى
01-10-2008, 10:51:36 PM
إذا رحت صوب الشامبوات بالجمعية لازم امسك شعري و العب
فيه...<<<<يعني عندي شعر من جذيه بشتري شامبو؟؟؟ ما أدري ليش...


إذا دقيت تلفون...لازم الرقم الأخير أهوس عليه...<<<يعني إذا ما رعصته حيل...ماراح
يوصل الرقم...الله أعلم...وإذا رمونت التلفزيون ما يفر هم أرعص الدقم حيل...البطاريه
خلصت ....غيريها...لأ أتم أرعص...

و أهم شي لا تشوفون ويهي وأنا أحط حمره...أسوي حركات بخشمي..تعرفين حركة إلي جنة
تصغرين خشمج...أنا تنبط جبدي من روحي...ولا تشوفون ويهي وأنا أطلع التلفزيون...أسوي
حركات لا إرديية في ويهي و حواجبي من كثر ما اندمج...لدرجة أمي واختي قامو
يراقبوني...ويقلون جاي...انتبهي...ويهج بليز...

الكويتـ80ـية
01-10-2008, 10:54:28 PM
أنا عندي حركات أسويها بوجهي لا إراديه ... أحسها سخيفة و ما أدري شلووون تروح.. أخشمي فيه شي و أشده يسار أو سمين .. أحس هالشي عصبي ... هههههههههه

coffee
01-10-2008, 11:03:49 PM
zain_kw والله ضحكتيني الله يونسج حبيبتي دوم :)

جاي الضحى لووول الرعصه الاخيره معناتها "حول" .. ههههههه يبيله من يصطر يمج وانتي تطالعين التلفزيون.. حياج الله عسوله وويهج بليز

الكويتيه 80 هههههه بنسطرج يم جاي الضحى عيل.. حياج الله حبيبتي

الكويتـ80ـية
01-10-2008, 11:10:32 PM
الله يحييييييييييييييج يا قلب هههههههههه

عن قريب
02-10-2008, 12:07:39 AM
خخخخخخخخخخخخخخخخخخخ


قسم انكم إبدااع


لا عاد أنا غيير خخخخخخخخخ
أنا إذا عصبت أميل حلجي للجهه اليسار مادري ليش !!

أحس الجهال مايفهمون ال بذي الطريقه ((مره أنا عصبت على أختي الصغيره وكانوا معاها بنات خالاتي الصغار هي من شافتني لاويه حلجي قالت:(لوَت حلجها خلاص ان ماذلفنا بتنفخ علينا نار :q) هني أنا عرفت ان الموضوع غلط خخخخخخخخخ<<<<<- - - بعد إيش بعد ما خليتي الجهال يتمصخرون عليج .. الحمدلله والشكرهع هع هع هع هع هع ه ع هع


وفي طبوع وااجد مثلا اذا كنت توني مشقره حواجبي أو أبي أرسمهم بالمكياج أرفع أطراافهم كأني معصبه مادري ليش


وهم الفلووس لازم تكوون مرتبه (يعني الدنانير وداخلهم الأنصاص وداخلهم الأربااع )

و..و..و..و..و..و..و بسماذكر لي عوده اذا تذكرت ؛)

i'am THE ONE
02-10-2008, 12:11:43 AM
سبحان الله تري فعلا اكيد هالحركات لها معنى

سابقه جيلها
02-10-2008, 12:37:19 AM
ههههههههههههههههههههه لي عوده

أم منصور
02-10-2008, 12:49:23 AM
ارجع اكتب لكم

تـــرف
02-10-2008, 01:10:59 AM
ههههههههههههههههههههههههه ه لا عاد شوفو حركتي للي مال امها داعي

مثلن اذا كنت انطر نتيجت امتحان مرت علي مثلن خدمتنا وقميصها في ازرارات اقعد اعدهم نجحت ما نجحت لين تروح

وانا رقبتي معلقه عليها واذا النتيجه ماعجبتني اقول استغفرالله شهالخرابيط خخخخخخخخخخخخخخ

غيدآء
02-10-2008, 01:14:51 AM
ههههههههههههههههههههههههه هههه

انا اذا عصبت وماسكه اعصابي يعني متحمله روحي افل شعري وارجع المه مادري ليش @@

واذا يمي ريموت المكيف اشغله اذا كان مطفي او اطفيه اذا مشغل لوووووووووووووووووووووووو ووول

حركات ما احس فيها الا وين ووييييييييييييييييين

BaTTy
02-10-2008, 01:17:46 AM
لوول والله خوووش موضوع
و كل واحد اكيد عنده حركات غريبه
انا مادري هذي حركات او اطبااع مادري لوول المهم
الله يسلمكم لما اكلم احد لازم يكون شي بيدي اتعبث فيه و اذا كانت ايدي فاضيه لا شعوريا تمتد حق اي شي جدامي العب فيه
و مره يافشلتييييييي مسكت نظارة الدكتور وانا اكلمه اهوا يتكلم و عينه على ايدي انه هذي من صجها @@
وانا مادري شسالفه بعدين استووووعبت اني ماسكه نظارته و ساعات مثلا وانا احاسب اي شي جدامي امسكه انطر يخلص :\
قمت كله اخلي تلفوني بيدي و طبعا كله ضايع لوول
و سالفة لما اقوم من السياره و يطيح التلفون يوصل نص الشارع بييييييييييييييه باليوم اذا طلعت مرتين تصير مرتين لازم لازم لازم

و الله يسلمكم بالجمعيه لازم اخد من ورااااااا احس الي جدام مستعمل مو يديد

و تدرون انه محد شايف ريوولي :\
الا من يوم كنت صغيييره محد محد محد اوريه ريولي ابي اعرف السبب ماادري انا مو عارفه 24 ساعه يا علي السليبر يا دلاغ و جنطتي ما تخلى من الدلاغات و جواتيي تكرمون مسكره :( اعتقد هالشي عقده بس ماني عارفه سببها بالضبط شاكه شوي بس مادري

اذا عندي ياهل بس امسك ايده و افقص باصاابعه ماقدر اهدهم افقص افقص ليما يبجوون لانه حرام ساعات اعورهم :\
و وايد اقعد اشم ايدهم و ريلهم لول

ما اكل شي لونه اسود لو شنوووو ولا احب ريحته ولا احب امسكه

اذا ايد تبللت مستحيييييييييييل ما تتبلل الثانيه و ريوولي بعد لاازم
و باليوم ادهن ايدي و ريلي فوق ال 10 مرااات !! خاصه قبل لا انام مادري هم ليش
و اذا تذكرت بعد اقولكم لوول

BaTTy
02-10-2008, 01:19:20 AM
لوووول ايييي حتى انا بنت جابر
لما اعصب افل شعري و المشكلة افله و اعدله شوي و اقعد لووووول
او افتح تلفوني مادري شسوي اطقلي فره بالمنيو و اقطه لول

[ . . Jee Jee . . ]
02-10-2008, 02:03:01 AM
ههههههههههههه ياحلوج يا كوفي... يهبل موضوعج... وردود البنات تهبل.. بس انتي شلون خطرلج؟ ترى الموضوع حيل حلو ونهائيا مو مكرر ( من زمان ماشفت موضوع ماشكيت في مكرر )

واذا غيرت القناة اشيل بار المعلومات بسرعه قبل لا تطلع الصورة عشان الصورة تكون بدون شي.. وماحب اطول واقصر:/

ماعرف اقعد بمكان مو مرتب.. وفي شي واحد يتكرر بشكل داااااااااائم...

لما اتحجى بالفون لازم اوقف وافتر ... ماعرف اتحجى بالتلفون وانا قاعده !!! حاولت مرة ما اوقف.. لقيتني معه السوالف وبحماسة واقفه ...

الغريب انه صرت حتى فون البيت افتر فيه !

جنتي نوف
02-10-2008, 05:16:34 AM
ذكرت حركه يالله لا تاثمني لووووووووووووووووووووول
وانا بالصلاة والاهل حوالي يصلون لا اشم ريحه ! استغفر الله وانا اصلي انفخ بخشمي واللي حولي يضحكون وتخترب الصلاة فمحد يصلي يمي خاصه بالحرم .. لوووووووووول شسوي ما اقدر احس بموت من الريحه الله يهداهم خياس.. يعني شكو انافخ جني تيس مادري اللي يسمع بتروح الريحه
ههههههههههههههههههههههههه هههه يالله موتييني من الضحك :dddds::dddds:

فيونكة قطرية
02-10-2008, 05:47:24 AM
ههههههههههههههه بنات حركاتكم تمووووووووت ضحك وانا بعد عندي حركات..:krkrkr:
أول شي نفس حركة الأخت بطاطا.. اذا بطول ع صوت التلفزيوووووووون لازم لازم لازم عدد زوجي.. يمكن لأني بطبيعتي احب الارقام الزوجية.. هههههههه بس صج اتنزرفز اذا شفت رقم فردي ع التلفزيون..

ثاني شي.. اني لما تلصق رموشي احيان ببعض.. ماااااااااامسك عيني ولا اعدل رموشي بيدي.. لااااء .. اقعد امط ويهي وحلجي على تحت وافتح عيوووووووني على الاخير لين ما رموشي تتفرق عن بعض.. عادي هذي الحركة ابدااااااااع تقلب ويهي فوق تحت..

ثالث شي.. اني لما انام لااااااااازم لااااااااااازم يكون جنبي قلاص ماي وكلينكس ماعرف انام بدون الماي جنبي حتى لو ما اشربه لوووووووول..وغالبا ما اقوم من النوم الصبح والماي منكت وحالته حالة :O_SHH_:

وفيني شي مثلا اذا اختي قرصت ايدي اليمين لازم بعد اخليها تقرص ايدي اليسار عشان يصير تعادل بين الجهتييييين لوووووول والله مادري ليش هالحالة..!!:dddds:




وووووووبس ... هذول اللي اتذكرهم واذا تذكرت زيادة برجع :)

هبووونة
02-10-2008, 05:57:07 AM
ايييييييييييييييييييييييي يييييييه


موضوعج المفروض الواحد يبطل مخه عدددددددددددددل ويتذكر


انا فيني حركة لا ارادية وما ادري متى الله بيفكني منها الا وهي


اكل الشفايف<البراطم>


اذا كشخت وتسنعت وحطيت ذيك الحمرة حق زوارة ولا عرس ما يمديني اوصل الا الحمرة كلها طايرة وحلجي صاير ابيض من كثر التعظظ ليش ما ادري


ثاني شي عندي وسواس ليه احد كح او عطس تشوفيني لا اراديا حطيت ايديني على خشمي عشان لا انعدي<<<جنه صج الحين زليوووون ميكروب ناطريني اشيل ايديني عشان يدخلون


ولما امر من جدام ناس وايد تلقيني قمت امشي بسرعة وانا مبتسمة <<<<مصدقة روحها اشواريا واللي يمشون معاي مو ملحقين علي يقولولي انتي ليش كل ما تمرين من يم احد قاعد تقومين تركضين


طبعا لازم لما اكون سرحانة العب باظافري واتمقل فيهم واطالعهم جنه محد غيري عنده اظافر وخصوصا اذا كنت مصبغتهم بعد

وهذا اللي تذكرته الحين اذا صار شي ثاني مو مكتشفته ليلحين راح اقوله انشالله



اي تذكرت بعد


عندي حركة باااااااااااااااااااااااا اايخة


اني دايما اشم شفايفي


فهمتوا علي شلون



يعني ازم شفايفي وارفعهم صوب خشمي واشمهم


وشكلي يصير حدددددددددددددده مسخرة

wa7da_3asal
02-10-2008, 06:10:38 AM
يعطيكم العافيه ضحكتونييي
:)

~RouNa~
02-10-2008, 06:14:27 AM
لوووووووووووووول

أنا لما اتكلم بالتلفون لازم اكتب اللي اقوله

يعني رفيجتي قالت شي اكتبه واكتب ردي وساعات اسرح واخليها :p

استغفر الله لما اصلي اقعد اخز السيّاده واطلع اشكاال

عندي سياده فيها مارد وسياده ثانيه عليها طبعات ريول جلب عزكم الله

اخر شي امي شرت لي سياده ساده مافيها ولااا شي عشاان اخشع :p

اذا تذكرت بعد اقولكم

!! بطاطه !!
02-10-2008, 06:22:38 AM
ذكرت حركه يالله لا تاثمني لووووووووووووووووووووول
وانا بالصلاة والاهل حوالي يصلون لا اشم ريحه ! استغفر الله وانا اصلي انفخ بخشمي واللي حولي يضحكون وتخترب الصلاة فمحد يصلي يمي خاصه بالحرم .. لوووووووووول شسوي ما اقدر احس بموت من الريحه الله يهداهم خياس.. يعني شكو انافخ جني تيس مادري اللي يسمع بتروح الريحه


:krkrkr::krkrkr::krkrkr::krkrkr:

غربــــة اِحساس
02-10-2008, 07:36:09 AM
ضحكتوني ضحك يمال العافية والستر

انا بعد احب تكون ارقام الصوت بالتلفزيون زوجية

واحب ابلع ريجي ثلاث مرات ورا بعض مو مره مرتين لا لا 3 ورا بعض <<< عقده نفسية

احب وانا اسولف ااشر بايدي واحيان بجسمي يعني اتفاعل مع السالفة رفيجاتي يقولون كانج ترقصين وتسولفين ههههههههههه

خليتوني اطلع العقد الي عندي : )

جوك احلى جو
02-10-2008, 07:54:24 AM
خوش موضوع عندي شغلات غريبه بس ماتحظرني كلها

انا من النوع اذا مسكت بطاط مقلي لازم تشوفيني انشفه من الدهن يعني كل لقمه بطاطا لازم انشفها وحده وحده وااغلب الوقت تشوفين اكل البطاطا بس اطراف البطاطا تشوفينها مقصوص
وحتي النقانق لازم افقصه وطلع الدهن ما ارتاح اكله بدهن
حتي السمبوسه لازم اكسر الجزء اليابس
يعني اغلب شغلي لازم احورف بطريقه اكلي ما اكل الشي بطريقه طبيعيه ههههههههههههههههههههههههه هههه

فديتوني..q8
02-10-2008, 08:01:39 AM
موضوعج حلو آختي ..
آنآ صآرلي شهر تقريبآ معلقة على كلمة [[آهم شي آنتوآ مستآنسين ]] < وربي لوعت جبد آلنآس
وبعدين لآزم لمآ آستحي من شغلة على طول آحط آيدي على رقبتي حتى لمآ آسوي جذي يقولون يحليلهآ آستحت ..
ولآزم لآزم آحط ريل على ريل وآنآ قآعدة وكل يوم آنزف بآلمدرسة :( .. يسلمووووو على آلموضوع
وآهم شي تكونون مستآنسين :p

.
02-10-2008, 08:42:17 AM
انا اغلب حركاتي الغريبه فسرتها خخ..

انا لي نمت لازم ظلمه الباب متسكر و والستاره بعد وساعات حتى ليت الممر اسكره واغطي ويهي واذا صار حر اطلع ريولي خخخخخ..

عكس وانا قاعده لازم اشغل كل الليتات..

والصبح افضل اضاءه الشمس بس مافتح الدرايش اللي تحت اخاف احد يشوفني خخخ افتح دريشه داري..

مااحب احد عزكم الله يمشي بجوتيه ع الزوليه وااااااي ودي اكفخهم تشوفين من احد يمشي ع زوليه واهو لابس جوتيه وانتي بكرامه انا واختي نخز ريوله بكراهيه وحقد خخخخخخخخخخخخخخخخخخخ..

وماحب امشي حافيه ع السراميك او الكاشي تشوفوني اذا مضطره امشي ع اطراف اصابعي..

لما توتر اتحرك وايد مااقدر اثبت وساعات اجلب بالشغله ماهداها ولي هديتها انسى اهي وين وساعات لي توترت او فاضيه اقطع براطمي خخ..

احب المكان يكون فيه ناس..

يعني ماحب اشبك بداري بروحي احب اشبك بالصاله عساس كل من يمر عندي..

واشغل التلفزيون ماحب الهدوء..

بس اذا كنت بروحي بمكان عام مثل الجامعه احب امشي بالاماكن المفتوحه واللي فيها ناس بس مو مصبنه ..

وما احب الزحمه ولا احب المكان الفاضي اخاف يطلع لي شي اتوهق واتصروع..

احب الطلعه الصبح احس الصبح امان اكثر << اقصد اذا بروح مع رفيجتي او خواتي..

والوقت اطول الصبح من ايذن المغر احب اكون بيتنا ..

<<سندريلا الكويت..

وايد شغلات بعد..


مشكوره ع الموضوع..

almazyona
02-10-2008, 09:14:18 AM
هههههههههههههههه

عيل انا حالتي حالة



اذا طولت التلفزيون ماحب رقم فردي لازم زوجي

اذا شفت كلمات مكتووبة لازم اكتب الكلمة بصبعي على ريولي و بدون نقاط بعدين ارسم الفراغات اللي داخل حرف الصاد او الواو و احط النقااط بعدين و تلقيني اندمج و انا اكتب و حالتي حاله





لوووووووول نفس الحاااالة بالضبط!!!! حتى لمن احد يسولف معاااي اكتب السوالف بريولي عالارض !! ليييش مادري:p_03ba:

سبائك
02-10-2008, 10:11:53 AM
رووووووووووووووووووووووعه الموضوع يعطيج العافيه كوفي:)

سالفة العدد الزوجي انا بعد مثلكم سبحان الله!!!!

والمناظر بعد والله انا مثلج كوفي ما اواطن اشوف منظر عوي حتى لونتيفه

وفطست من الضحك على الاخت الي تمش طاولة المطعم لاني انا اسوي جذي ساعات:krkrkr: ههههههههههه زين بعد ما احط الصحون فوق بعضها واوديهم مبطخ المطعم هذا الي قاصر لوووووووول

اسوووره
02-10-2008, 10:12:55 AM
ههههههههههههههههههههههههه ههههههههههههههههههههههههه هههههه ههههههههههههههههههههههههه هههههههههههههههههههههه ههههههههههههههههههههههههه هههههههههههه والله العظيم ظحتوني من قبل بس الحمدلله طلعنا كلنا عقد خخخخخخخخخخخخخخخخخ
انا بالنسبة لي سالفة الرقم الزوجي لاااااااااااااااااازم بالتلفزيون و السياره ... اخاف من الهدوء اذا ماكو صوت بطني يعورني عوار اللمحاتات تعرفونه ... لمن اخذ شور لازم الماي حااااااااار يصلخ ولا ماحس اني تسبحت واحسني ليلحين وصخه الحمدلله والشكر اصلخ نفسي على بو ان نظافة تلاقوني اطلع من الحمام عزكم الله حمممممررررة حتى ريلي مرة قالي ذكرتيني بسشمونت بنتج لما كنتي تغيرين بامبرزها :0bee2e8d89: لا ولمن اشيل الفوطة عن شعري اشوف الدخان يطلع من فوق راسي :eh_s(14): ... ايييييييييييييي بعد اذا احد يسولف وانا اطالعه اعيوني لازم تطالع عيونه اليمين واليسار تتم عيوني رايحه يمين يسار يسار يمين :eh_s(6):
مادري هذا الي اذكره و لي عودة اذا ذكرت شي ثاني ...
اب اب يله بنات وناسه والله ضحكت من كل قلبي والموضوع حده حلو مثل صاحبتة مشكوره حبيبتي صج موضوع مميز اول مره اشوفه ...

zyoonaaq8
02-10-2008, 11:11:15 AM
هههههههههههههههههههه
امبيه بنات والله طلعنا كلنا جذي نفس الحالة
انا لما انام طبعا لازم اطفي الليت واخلي التلفزيون شغال واقصر الصوت وانام على بطني واغطي ويهي كله بالكفر كله واطلع بس خشمي لوووووووول

وهم عندي حركة لما اتكلم بالتلفون لازم اطقطق اصابعي لو مليون مرة تلاقين صبعي يعورني من كثر ما اسحب فيه

ولما احط ميك اب عندي منظرتين وحدة قريبه ووحدة بعيدة لازم اطل بالقريبة بعدين اروح البعيدة واسوي حركات بويهي

ولما البس لازم اهزلي جم هزة عالخفيف جدام المنظرة

وبس لا تذكرت شي برد اكتب

Bamya
02-10-2008, 11:26:08 AM
لوووووووووووووول موضوعج عجيييييييب عاد عندي حركات عبيطة لين الراااس

مثلا لما أمشي لااازم لاااازم ايدي اليمين مرفوعة سواء شايلة فيها جنطة او مو شايله فيها شي مااادري ليش ما اعرف امشي الا رافعتها وجافستها << متخيله ؟؟ لووول

ودايما اذا اندمجت بالتلفزون ايدي تحوووووس على اطراف وعقدة خيوط البلوزة او البنطلون واظافري تقررررض بالخيوط .. على ما يخلص الفلم البلوزة منتفه لوووول واااي انقهر على هدومي بس شسوي انسى

لما ادش داري اول شي اروح الحمام تكرمين اطل بالمنظره وارجع منظرة الغرفة هم بعد اطل فيها << اتاكد من ويهي ما تغير من الحمام لين الدار؟ لووووول هبله

لما اضحك لازم احط ايدي على حلجي << جنها ضحكة مستحية خخخ

لما اشوف شي غريب او سخيف او مصخرة اطالع وارفع حواجبي << رفيجتي لزقت فيها هالحركة مني

اذا سولفت امثل الاحداث بايدي << فظييييحة اذا بمكان عام انسى عمري لووول

اذا طلبت من ستاربكس لااااازم كل شوي اطلع العود وادخله بالقوطي طاااالع داااخل طااالع داااخل << واذا اندمجت بسالفة تلقين العود شغااااال رايح رااد لوووول

اذا بتمكيج او بعدل شعري بالمنظرة ويهي لازم يكون معصب

اذا سمعت خبر حلووو ويفرّح لاااازم اركض ابلغ كل اللي بالبيت ومن الوناسه اناقز بالطريج لوووووووووووووووووووووووو وووول

بس اذا تذكرت ارجع اكمل لج ابداعاتي ^_^

~RouNa~
02-10-2008, 11:45:44 AM
لووووووووووووووول

باميه حركاتج تضحك

انا اذا سمعت خبر يوّنس

اروح ابلغ كل اللي بالبيت بس ما اناقز نفس باميه

امشي مشيه مادري اشلوون صايره ماعرف اشرحهاا

بالكلاام :p

Q8ia_100%
02-10-2008, 12:02:55 PM
عيل انا اذا ساكته وماعندي شي وحاسه بملل لازم اصفن واسرح وبعدين اقول (اشدراني)
انزين من اسألج؟

soseta
02-10-2008, 12:04:06 PM
أول شي نفس حركة الأخت بطاطا.. اذا بطول ع صوت التلفزيوووووووون لازم لازم لازم عدد زوجي.. يمكن لأني بطبيعتي احب الارقام الزوجية.. هههههههه بس صج اتنزرفز اذا شفت رقم فردي ع التلفزيون..

وفيني شي مثلا اذا اختي قرصت ايدي اليمين لازم بعد اخليها تقرص ايدي اليسار عشان يصير تعادل بين الجهتييييين لوووووول والله مادري ليش هالحالة..!!:dddds:




)

@@
امبيه وربي عبالي بس انا اللي احب الارقام الزوجيه واسوي هالحركات , لأزم كل شي زوجي , اذا بطول او بقصر على التلفزيون لازم عدد زوجي , واذا بتلفوني هم نفس الشي الصوت زوجي وهم اللابتوب , تخيلي مره بالمسنجر قاعده اطالع والا رقم فردي جان اضيف نفسي عشان يصير زوجي كااااااااااااااك , واذا صار العكس احذف نفسي ..
فيني هوس الارقام الزوجيه كلش مااواطن الرقم الفردي ..

وسالفه القرصه اعتقد مرتبطه بالاشياء الزوجيه , انا لما ابوس ياهل لازم الخدين ولازم عدد زوجي كااااااااك ..


وبعد مممممم , لما اتمكيج لازم ادش بالمنظره واوخر بعيد , لأزم اشوف ويهي زوم وبدون زوم كاااااك ..
ولما اخلص احط مكياج لازم اروح تكرمون الحمام اشوف شكلي , ولازم امر على كل الاضاءات اللي بالبيت واشوف ويهي اشلون لوووووول ..


وفيه بعد شي , مااحب احد يشوف جسمي , يعني ايدي وريولي مستحيل اطلعهم لا بالبيت ولا بعرس , الا نااااادر ..
مااحب احد يطالعهم , واذا لبست حق البيت جم قصير حيل لازم فوقه جاكيت يرقع اللبس المهم ان ماتبين ايدي ولازم البس دلاغ مااحب , هذي اعتقد عقده لوووول ..


وصارلي سنه او اكثر متعوده على صابون معين اتسبح فيه , واغسل ايدي فيه , اذا كنت بتسبح وهالنوع من الصابون مخلص ماارتاح لازم اتسبح مرتين باليوم احس اني وصخه لووووول ..

واذا ماغسلت ايدي فيه احس ان ايدي فيها جراثيم ..

امبييييييه وايد اشياء مو متذكره ..

بس الموضوع يهبببببببل وايد عجبني

soseta
02-10-2008, 12:06:14 PM
ايييي على طاري السرحان ..
انا لما بدرس والماده صعبه لازم لازم اسرح , المشكله لما افكر اقول انا بشنو سرحانه ماادري ..
والله ماكو شي ببالي بس المهم ان شكلي سرحان عشان لاادرس لوووووووووووول

وايام الثانويه اذا اسبوع امتحانات لاتشوفون شكلي , اهمال مو طبيعي , حتى ويهي بالمنظره مااشوفه ماادري ليش ..

وامبيه وايد اشياء ببالي بس مو عارفه اكتبها

غربــــة اِحساس
02-10-2008, 12:17:37 PM
تخيلي مره بالمسنجر قاعده اطالع والا رقم فردي جان اضيف نفسي عشان يصير زوجي كااااااااااااااك , واذا صار العكس احذف نفسي ..
فيني هوس الارقام الزوجيه كلش مااواطن الرقم الفردي ..

ههههههههههههههههه امبيه مثلي تعالي لايكون انتى اختى بس ضايعه من امي

شيهانه
02-10-2008, 12:57:08 PM
ابييييييييييييه حسبالي بس انا .. اثاري لي اشابيه

مشكوووووورين كركرت لين قلت بس ..

@@حصونه@@
02-10-2008, 02:01:05 PM
يحليلكم بنات تونسون عليكم حركات عجيبه حدا

انا اذ :eh_s(14):عصبت ما ادري ليش ارفع حواجبي اخز:P_03BA: اللي ازقه الله يعينا لوووووووووووووووول هههههههههههه

بنفسجية
02-10-2008, 02:01:31 PM
وااااااااي ضحكتوني شكثر بنات :dddds:
انا خل اقولكم اشيائي الغريبة ،
اتعقد اذا شفت بلاك او ليت
مفتوح! امشي و اصكصك
ليت الصالة ليت الدار
حتى لو احد موجود
على الاقل اخفف من الليتات
الي يكونون فاتحينها :dddds:
و كلا اجيك على بلاكات الكهربا
و اسكرهم و اتنرفز اذا احد نساه
مفتوح ، و بوكي لازم احط فلوس
ومعاهم فواتير ميمعه حتى لو قدم
فاتورة جمعية فاتورة محل
على شان يترسون البوك
و احس نفسي غنية
و المشكلة اغلب المرات
اكون عبالي ماعندي فلوس
و اتوهق ، تالي القى بيزة
مني و بيزة مناك ضايعين بين
الفواتير و مانتبهت لهم :krkrkr:
وعندي كفر ثرو خفيف
يتنقل معاي في ارجاء المنزل
وين ماروح و مارضى احد
يجيسه اخاف تعلق فيه ريحة
هالاحد لاني متعودة على ريحته
واحبببببببببببببببببببببب ببه
امي تزفني تقولي وديه
المصبغه خستي فيه
وانا ارفض بشدة
اقولها على يوم استغفليني وانا
نايمة و وديه المصبغة و
صدميني بالامر الواقع :tomato2:
هذا الي ببالي الحين ،
شرايكم بطبايعي بس ؟
طماشة مو ؟

supermarket
02-10-2008, 02:18:12 PM
هههههههههههه فطست من الضحك على مواقفكم

اسمحي لي كوفي اول شي ابدي اعجابي بمواضيعج

وثاني شي موضوعج مميز واكيد لها دلالات نفسية

انا فيني طبع اذا كنت اشرب بيبسي بالعلبة وقاعدة اسولف لازم افقص العلبة وساعات مع الاندماج اقص العلبة بالنص

وانا مثل باتي دايما بالجمعية اخذ من ورا احس ان اللي جدام مستعمل

وهم مثل بسالفة ايدي اذا غسلت وحدة يا اغسل الثانية او اني افركها بالمبللة علشان اتبلل

لما احس اني متضايقة او يايني ارق اقوم من السرير واطق فوق حدر وارجع قواعدي سالمة :)

اما النوم فله طقوس خااااصة : اكون ماسكة الابهام باصابعي الاربعة علشان مايخرعني بالليل

ونفس الشي ايدي اللي ماكون نايمة عليها احطها تحت جتفي اللي نايمة عليه علشان تثبت

ولااااازم اكون مغطية اذني سواء حر والا برد اتغطى لي اذني

اي وبعد ....

مفتاح الغرف لازم اقفلهم مرتين ( فرتين ) دايما يضحكون علي : شنوا خايفة الباب ينحاش !!

وصارلي بالفترة الاخيرة وايد اكل شفايفي لدرجة ساعات اندمج ويوصل حلجي عند اذني :( والفشلة بالاماكن العامة

اي وتذكرت ايام الثانوية والجامعة بالفاينل كل مادرست جم صفحة لازم اروح تكرمين الحمام واصفن وانا قاعدة ببيت الراحة واسمع اللي حفظتة :)
ويمكن في شي بعد لي تذكرت ارجع :)

&الشيهانة&
02-10-2008, 02:28:09 PM
مشكوووووووورة خوووووووووووووووش موضووووووووووووووووووع

Eng.shosha
02-10-2008, 02:29:28 PM
هههههههههههههههههههه مت من الضحك

انا لما انام لازم ريل داخل الكفر وريل بره ما ادري ليش .. ولازم خرمس واسكر الباب

اذا بتكلم بالتلفون لازم وانا امشي ما اعرف وانا قاعده وحتى لو واقفه لازم امشي مو واقفه لوول حمدلله والشكر

ولما البس و اخلص لازم اشوف وراي شلون صاير :p

ولما اتربع لازم العب بابهام ريلي احسه وده يقولي يرحم امج وخررررررررري :D

لما أدرس لازم بين صفحه وصفحه اريح وعلبو اني اريح اقعد اشخبط عالصفه لما تصير جنها كراسه مو حق دراسه :p

وهالايام تعودت اذا بروح دار اختي ارقص بداوي بالممر علما اوصل :dddds:

ومشكووووووووووووووره موضوع مميز

soseta
02-10-2008, 02:42:34 PM
ههههههههههههههههه امبيه مثلي تعالي لايكون انتى اختى بس ضايعه من امي

هههههههههههههههههه اشوه فيه وحده نفسيه عندها هوس ارقام زوجيه ..
انا عبالي بس بروحي , كنت اقول هذا مرض نفسي يمكن :krkrkr::krkrkr:

نونيا
02-10-2008, 03:15:37 PM
لوووووووووووووووووول
يا حلوكم بس
انا فيني طبع اذا عصبت اشوف فوق اتطير عيوني :s
yslmoo

miss_avocado
02-10-2008, 03:18:47 PM
واي الموضوع لوووووووووووووووووووووووو ووول
انا في عقد وايد الحمدله و الشكر بقول اللي ذاكرتهم
لما انام لازم احط الكفر تحت ريولي و لاماعرف انام
لما اسبح لازم الشامبو قبل الشور جيل و لا ماعرف
اذا شربت ماي من البطل لازم افقصه ؟؟
اذا استحيت من شي تلاقيني احك خدي اليسار لا شعوريا
انا اموت على شي اسمه قرايه و اذا شريت كتاب قبل لا اقرى اول صفحه تلاقيني قاريه الصفحه الاخير لاااااازم حتى المقالات بالجراي و الجريده بكبرها دايم ابديها من الاخير ؟؟
و اشياء وااايد و بالاوي هههه

فيونكة قطرية
02-10-2008, 06:17:20 PM
تذكرت حركات ثانية اسويها وقلت ارجع :)..الموضوع راااااااائع ويهبل ويونس الصراحة يحسسني اني مو مينونة لانه عبالي قبل ان انا بروحي اللي اسوي جذي:dddds:

أول شي ..لما اشوف نفسي بالمنظرة لااااااااازم اضحك واتبوسم لين خدودي تنقز وسااااااااااعتها بس يرتاح بالي واحس اني اوكي.. لوووول.. وطبعا ابتسم لكل المناظر سواء ف البيت .. السوق.. ف السيارة .. اي مكان :ggdw:

وبعد في حركة اسويها اني لما افكر بروحي لازم لازم العب بشعري ولا ماااااتجيني الافكار من غير هالحركة..

وفيني حالة طبعا اذا بكلم نفسي غالبا القى نفسي اقلب انقليزي لسبب اجهله بس يمكن لان التحلطم اسهل بالانقلش لوووووووول.. وطبعا اذا دمعت عيوني وصحت لازم اوقف جدام المنظرة واسوي حركات بويهي اكسر خاطر نفسي واكمل الصياااح واشوف الدموع وهي تنززل :krkrkr:

لحد الحين هاي اللي اتذكره.. :)

Pop^*^CoRN
02-10-2008, 06:45:04 PM
لووووووووووووووول اشوة مو بس انا

خل اقولكم الحاجات و المحتاجات اللي عندي

لما انام لازم لازم اتغطى كلي ماعدا وجهي اذوني لازم داخل اللحاف برد ولا حر مو مهم و انام على نص بطن لوووووول يعني الحوض و الرجول عادي على اليسار و جتوفي و بطني على اليمين >> و اقول ليش ظهري يعورني خخخخخ

و لما اتكلم بالتلفون اسوي شغله من ال2 يا اني ارسم مكعبات ولا اكتب السوالف اللي نسولفها

و دايم اذا مسكت شعري و لقيت شعرة مسكينه توها طالعه لازم اشلعها من عرجها >> و ابي شعري يكثف خير ان شاء الله

و شنو بعد

احب اني اقعد بمكان هادي لما اشبك و اتنرفز لما يكون عندي احد بغرفتي

و اذا لقيت شي فيني رديت لوووول

coffee
02-10-2008, 09:28:55 PM
عن قريب هههههههه جذي اليهال بيضحكون بدال لا يخافون .. وحياج الله حبيبتي وبانتظارج :)

I'm the one كل شي جايز.. سبحان الله

سابقه جيلها- ام منصور.. بانتظاركم حبايبي

ترف لوووول تري الحال من بعضه لي ترددت بالطلعه اشوف اي شي ان شاءالله لو احرف كلمه اروح ماروح اروح ماروح

bent jaber ههه اعجبتني حركة الشعر.. انا نفسج افرغ الطاقه بس مو لي عصبت عادة اذا مصدومه او في خبر مو زين تلقيني احوس بالبيت

Batty لوول عاد مالقيتي الا نظارته فقير .. انا نفسج ما اخذ اللي جدام لول .. حرام علييييج اجرمتي باليهال ههههه

Jee Jee حبيبتي الحلا والزين عندج :) والله شقولج من قصة الوي اللي تحوشني لي احد طلب مني قلم لوول .. هههههه بدعتي بالفون ما ينفع لج بالبيت الا وايرليس .. حياج الله

جنتي نوف ههههه عسا دوم هالضحكه .. اقولج محد يصلي يمي لووووووووول

فطفووطه هههههه اعجبتني سالفة التعادل

هبووونه لوووووووووووول شنو بعد هذي شمة الشفايف يديده علي هههه

wa7da_3asal الله يعافيج حبيبتي عسا دوم هالضحكه :)

Rouna - almazyona هههه فيكم عقدة من الاملاء..

جمال اكون ههههه عسا دوم هالضحكه

غربة احساس لووووووووووووووووول على نمط طالق بالثلاثه والثالثه ثابته ههههه .. عسا دوم هالضحكه وحياج الله

جوك احلى جو هههه اذا بطاطه بطاطه بالعون برد الاكل .. وحياج الله

فديتونيq8 اعيونج الحلوه حبيبتي :) واهم شي انتي مستانسه هههههه

رونه حياج الله حبيبتي :) هههههه انا نفسج يويله اللي يقرب يم افراشي اذا مو حافي لول

سبائك مرورج الروعه والله يعافيج حبيبتي :) هههههه اشسالفة العدد الزوجي ما عمري صادفت احد بهلاحاله مع ان ماشاءالله تكررت اهني وايد.. لول على سالفة الطاوله شكل المطاعم تنطركم نطره

اسوووره عسا دوم هالضحكه ههه وترى انا نفسج بسالفة يمين يسار تقولين بنخطر شارع لوول بس احاول اثبت اعيوني لان فشله الناس من اغير مكان اعيوني يلتفتون يحسبون احد ياي .. اعيونج الحلوه حبيبتي ما قصرتي :)

Zyoonaaq8 لوووووووول على الهزه.. انا نفسج ترى بالنومه لازم اسوي الكفر عبايه لول بس هذا لي كنت بنام ومستاحشه.. وبانتظارج

lonely
02-10-2008, 09:30:22 PM
لوووووووووووووووووول


بدعتوو والله



والله خوووش موضوع

قاعده ادور في احد نفسي الحمدالله لقيت جم وحده


اول شي لما اكون بالسياره لازم اعد المبطات الصغيره اللي تكون عالجسر عرفتوهاا ؟..؟؟ واعد الشبااات واسرح وارد اعدهم مره ثانيه شسوي ماكو شغل


واذا تكلمت بالتلفون وبيدي قلم اكتب اخر كلمه اقولها لازم اكتبهاا....,,,,,, هذي الحمدالله في نفسي



لما ارد البيت من عزيمه او طلعه لازم انتف رموشي اوخر المسكره ما ادري ليش



وايام المدارس حزة الامتحانات بالذات ينزل علي يوم النظافه العالمي ودي اعدل داري وهدومي والبيت كله




ولما اشرب عصير لازم اعضض القوطي وانتفه بعدين ينقط بالزباله تكرمون واذا كنت ماكله بطاط او كاكاو لازم الجيس ادخله داخل القوطي


احب اطالع نفسي بالمنظره وانا ابجي ما ادري ليش


وووبس


في اشياء وايد بس هذا اللي اتذكره

لامـــــار
02-10-2008, 09:59:19 PM
:dddds:

الحمدلله والشكر :tomato2:


انا عندي مشكله معقده حياااااتي الرقم الفردي<< :eh_s(14):
صوت التلفزيون لازم فردي
واذا صعدت الدرج اقعد اعد بهالطريقه >> أ 1 أ2 أ3 أ4 أ5
:eh_s(1):

والشي اللي صج يوترني ويخليني اعصب على نفسي و يصير فيني ضرب من ضروووب الجنون اهيا>>
لمن اربي اظافري لازم امرر كل اظفر 3 مرات على اسناني فهمتوا ؟؟ ما اكلهم لاكن امررهم كأني انظفهم مثلا من بقايا الاكل
بس مو هني المشكله ؟؟؟ على اخر اظفر اتخربط
وارد من جدييييييييييييييييييييييي يييييييد :eh_s(14):

اي ولمن اتسبح لازم اغسل شعري مره اووووو 3 مرات ونفس الشي جسمي
:krkrkr:

والشي اللي صج احسه عقده نفسيه بس الحمدلله محد يدري عنه
لانه معاااي من الصغر << باصبع السبابه اكتب الكلمات اللي اسمعها بالهوا
ومرات اغلط بالكتابه واتنرفز :eh_s(14): :eh_s(14):


هالحركات مسببتلي اعصاااااب بشكل مو طبيعي خاصة العدد الفردي و الكتابه بالهوا



:krkrkr:

coffee
02-10-2008, 10:04:35 PM
Bamya متخيله متخيله لوووووووول بس عسا مو جف ايدج امبطل لا يبقششونج.. لووووووووووول على سالفة المنظره.. وحياج الله حبيبتي وبانتظارج

Q8tia 100% لوووووووووووووول ذكرتيني اذا مستعيله وراده على التلفون اقول الحمدلله بخير والناس ما اسالوني توهم لول

soseta لووووووووول على سالفة الماسنجر.. واسعدني اعجابج بالموضوع ومرورج وحياج الله حبيبتي :)

شيهانه ههه عسا دوم حبيبتي وحياج الله :)

حصونه هههه حياج الله وبدليتج قويه لول

ام كفر اقصد بنفسجيه ههههه حدج طماشه.. وانا نفسج بسالفة الليتات وحتى لو الاجهزه مسكره بلاكاتها لازم اشلع الواير

supermarket حياتي والله من ذوقج ويشرفني رايج الطيب وعسا دوم هالضحكه :) هههههه انا نفسج بسالفة لي حاشني ارق احوس ورد الفراش وطبع العيايز البايخ اللي فيني لي معدتي عورتني وحسيت ان الاكل ثقيل لازم اخلي احد يطق ظهري لول اللي يسمع ياهل توه راضع.. وعلى طاري تقفل البيبان انا مادري ليش لي قفلت سيارتي لازم ارعص القفل مره من اقريب ولي بعدت ارعص ثانيه لول .. وحياج الله وبانتظارج

الشيهانه تسلمين وحيياج الله حبيبتي :) وبانتظار مشاركتج

ام عبدالمحسن لووووووول اتخيلج بالممر .. انا على طاري تطالعين لبسج من ورا انا ما ادري ليش لي رشيت الكلونيا ارش داير مدار لوووول وحياج الله حبيبتي :)

نونيا هههههههه حياج الله :)

miss_avocado لوووووول نفسي اقرا الجريده من ورا لي جدام اللي يسمع تصفح جريده بالانجليزي ولابد اكون قاعده على القنفه وافرشها على الارض واجندس .. ولازم بعد القرايه اغسل ايدي خبركم الحبر يلصق يعني تعذيب اونلاين وايد ابرك.. وما احب جريده تحوشني هههه احسها تلوث

فطفووطه حبيبتي تنورين :) ههههه لا افا عليج منتي ابروحج .. لووووووووووووول اما حركاتج جدام المنظره وانتي تبجين تحفه يعني اللي بيعاقبج يقعدج ابييت مافيه منظره.. وعساج دوم مستانسه وحياج الله

Pop_corn هههههه اح عاد من عرجها حرام عليييج لول.. اشوف زادت ظاهرة العبايه وقت النوم لول.. وحياج الله وبانتظارج

coffee
02-10-2008, 10:12:36 PM
lonely ههههه حياج الله :) افا عليج طبي وتخيري لول.. مادري ليش الاجرام بالقوطي فقير.. لا انا لي خلصت اكل وصحني فيه بقايا لازم ارتبها او اسوي فيها رسمات خاصه اذا بمطعم والقعده طولت

لامار هههههه اتاكدين من اظافرج مو تركيب لول وحياج الله

coffee
02-10-2008, 10:15:49 PM
يا جماعه فيني شغله ملاحظتها
اذا انا على اليوتيرن او بفرعي وبطلع على شارع رئيسي فيه سيارات لازم اقصر على المسجل لووووول زين شكو الصوت..يعني اطالع باذوني مادري.. لا وما ارد على اللي يمي الا لما اخلص من هاللفه !

لامـــــار
02-10-2008, 10:17:43 PM
خخخخخخخخخخخخخخخخخخخخخخخخخ آآآآآآه يا بطني


لوووووووووووول انتي بهاااااذي مثل حركة ابوي

كنت الاحظه قبل بس اسكت خخخخخخخخخخخخخخخ اقول بقلبي خخخ الحمدلله والشكر
ماقدر اتكلم بعد ابووووي ههههههههههههههههههههههههه ههههههههههه

(كويتيه عسل)
02-10-2008, 10:31:41 PM
هههههههههههههههههههههه :dddds:

لي عوده علشان اقرى كل اردود :krkrkr:

معنى عندي كوميدينتين حق سريري بس انا اذا بنام لازم على السرير اسطر
كل الريموتات الكنترول(5ريموتات ) يمي + معاهم الموبايل + ويمهم اللاب توب <<<<<ماادري شنو الحكمه هههههههههههه ولا اسطرهم بالترتيب من الطويل لي القصير

عاد تلفوني فضي صاير طقم مع الريموتات مره كنت نايمه وتلفوني رن وكانت الرنه عاليه وكنت حاطه
نغمة اغنية روك قعدت مخترعه ودايخه وقضبت الريموت وحطيته على اذوني عبالي التلفون هههههههههههههههه

ابوي عيز يشتريلي قاعدات حق الموبايل علشان مااحطه يمي وانا نايمه
بس مااعرف موقادره
اول ماابوي يابلي قاعده حطيت الموبيل على القاعده
ولما تلفوني يرن ارد عليه واقوم وارد احطه يمي على السرير يم الريموتات ههههههههههه <<<<<يم خواته


اول ماادخل غرفتي اول شي اسويه ابطل التلفزيون
واذا كنت توني يايه من الطلعه اول شي اسويه ابطل التلفزيون قبل لاابدل مااعرف ويظل طول اليوم
مبطل مااسكره الا كنت بروح اقعد بالصاله مده طويله اذا دقيقه وارد يظل مبطل
حتى لما اصلي استغفر الله احط ميوت بس مااسكره ولما انام ساعات يظل مبطل للليوم الثاني وساعات اوقته ويتسكر بروحه

ولما ما اقعد من النوم اول شي اسويه قبل لااقوم من السرير ابطل التلفزيون بالريموت بعدين اقوم
وساعات اقعد افرفر بالقنوات بعدين اقوم من السرير هههههههههههه


وماادري ليش ساعات انام بالعرض هههههههه سريري حق نفرين وعريض


وايام الامتحانات انام على الكتب والاوراق على السرير
عاد سريري عريض وحق نفرين تخيلو شكله كله كتب واوراق واقلام وساعات الشرشف يتدمر من الحبر اذا كان مومسكر معنى عندي غرفة مكتب شكبرها وعندي بغرفة النوم كرسين وطاولة
بس احب ادرس على السرير واستمتع لما يكون عليه اوراق واكتب


احب الوان الملابس في الكتبت تكون اللي لونها احمر مع بعض ويتدرج بعدين البرتقالي مع بعض وتتدرج الالوان.... ـ
لــحـــد آخر الكبت يكون لون القمصان اللي لونهم اسود حتى الميك آب نقس الشي والكتب والاقلام احب ارتبهم على حسب تدريج الالوان


وبين فترة وفترة اهب بلزمه واعلق عليها اما اكون سامعتها من احد وضحكتني واستانست عليها
يت فترة علقت على كلمة كانوا الطلبه يقولونها لي بعد مايطق الجرس كلا يقولونلي ((أبله بشيــل)) وكل اللي بالبيت صاروا يقولونها على ضحك ينادوني ويقولونلي فلانلانه (يعني أنا) أبله بشيل هههههههههه حتى الخدامه تتغشمر معاي تقول ابله بشيل هههههههههههههههههههه

ومره هبيت بجملة بكلمة عبدالعزيز النمش الله يرحمه قايلها بمسرحية بيت بو صالح لما قال:اياني وياك تتناجر مع البنت وتكسر شبابها واقولها نفس طريقة عبدالعزيز النمش كل مااخوي يناجرني ويكون حده معصب اقوله هالجمله يضحك ههههههههههه ويرضى ههههههههههه حتى ساعات
لما يكون طالع وابي اتحرش فيه اطرشله مسج بس اكون كاتبه هالجمله ههههههههههههه


لما اقرى الجريده لازم ابدا من ورا لي جدام مااعرف يعني من آخر صفحه لي الصفحه الاولى هههههههههههه


لما يصير لي شي يونيس مثلا اخذت امتياز وشلون عرفت اني اخذت امتياز
لازم افتر على كل اللي بالبيت واسولفلهم
واذا احد موموجود اتصل عليه واقولهم واسولفهم بالتفصيل الممل
واتضايق اذا احد قالي اختصري طفورتي هذي اذا احد قالي اختصري وانا حدي مستانسه
ابي اقول السالفه بالتفصيل الممل


عندي وايد شغلات لي رجعه انشالله اذا تذكرت

coffee
02-10-2008, 10:42:13 PM
لامار لووووووووووول هههه الله يخليه لج ان شاءالله

كويتيه عسل هههه اما نومة العرض متعه.. وحياج الله

Bamya
02-10-2008, 11:09:00 PM
بـــــــــــــاك في جعبتي بلاوي لوووول

نكمل

لما اوقف عند الاشارة أو اكون داشة بزحمة لاااازم اوطي المسجلة أحس انها تشوش على مخي

لما ادش بيت يدي لااازم اول شي اسويه ادش المطبخ اشرب ماي << حتى قبل لا اقط الجنطة خخخ مادري ليش

كل ما اقعد بالصالة لااااازم أتلحف << على قولة ابوي متنسية

اذا حطيت حمرة لونها احمر كل شوي لساني يحوووووس عالاسنان اللي جدام<< يلوعون جبدي اللي حمرتهم لازقة باسنانهم فأخاف اصير منهم كركركركركركر

اذا رفيجتي قاعده تقول لي سالفة وحسيت انها تضحّك أضحك قبل لا اعرف شاللي يضحك لووووووووووووووووووووول طبعا اهي تتنّح خو ما كملت خوو

اذا وقفت عاللاااين اليسار بالخط السريع كل دقيقة اطل بالمراية اجيك احد ياي شااااخط والا المكان امان

ها بس؟؟ ^_^

اكمل بعدين اذا تذكرت

سلملم يا قميييييل

coffee
02-10-2008, 11:17:16 PM
Bamya لووووووووووول ذكرتيني وانا ياهل ما ادري شنو المتعه من امجابل البراده وشرب الماي ولما نشرب لازم ايييح يعني باذلين مجهود .. هههه الثلاث الاشياء الاخيره اللي ذكرتيهم فينيي بعد لوووووووول والله قمتو تذكروني بحركات انا ناسيتها.. لاااا بعد نبي وبانتظارج

DBDOB3 DES
03-10-2008, 12:22:33 AM
انا حركاتي ماتخلص
1- اذا بفكر لازم عزكم الله احرك صبعي الكبير اللي برجولي
2- اذا جيت انام اتلحف وماتشوفين الاخشمي بس علشان اتنفس ومااعرف انا الا لازم كمبل لوالكهربا مقطوعه لوووووول
3-لمن اسلم على احد وانا منحرجه منه ادوس على رجولهم هههه ودايم تصير
4-اذا لبست ملفعي يجيني النوم ماادري ليش بس تشوفيني فاجه حلجي واتثاااااااوب
بعد اكمل والا خلاص ههههههههه

لامـــــار
03-10-2008, 12:24:52 AM
لااااااااا يوقف


خخخخخخخخخخخخخخخخخخخ كملي

عيون^عليا
03-10-2008, 12:29:53 AM
مممممممممممممممممممممممم



دايما جهازي على الصامت



الرسايل المرسله >>ديليت



مرات اذا بغيت اصكر الباب او اي شي بيت جيرانا اتوقع يقومون من النوم >>>> بسبب اني اصكره بصفقه قويه مو عمدا


مشكلتي اذا زواره او شي >>>> اول ما اطلع منهم سيدا الخواتم والساعه بالجنطه

DBDOB3 DES
03-10-2008, 12:41:59 AM
لوووووول
عيون عليا نفس جهازي والله العظيم من خمس سنين وهودايم صاااااااااامت وكل مره اغير الجهاز الكل يتوقع بحط نغمه
بس لاحياة لمن تنادي
وسالفة لزواره همن الحال من بعضه

اسوووره
03-10-2008, 12:49:58 AM
ههههههههههههههههههههههههه هههههههههههههههههههههههه بنات ضحكتوني يا حلو سوالفكم والله ...
عسوله ذكرتيني بسالفة النوم بالعرض عندي متعه و هذي نومتي الطبيعيه يعني ريلي بس يطلع او يكون مو موجود من غير شر على طول اقلب المخاد و ارد لسبات الضفادع اللي بالعرض بس اذا ريلي موجود ماقدر اسويها :(
بنات لا يوقف لا يوقف لا يوقف :)

Toffeeya
03-10-2008, 01:04:09 AM
لوووووووووول الموضوع عجبه يطلع بلاوي متلتله

تذكرت شي

لما ايي انام اسكر اليتات بعدين امشي بالظلمه وافتح التلفزيون بعدين انسدح بفراشي واطفيه من الريموت << وااااااي شهالعباله يعني استغرب من نفسي بس مادري ليش اسويها كل يوم لووووول

و ذكرتني كويتيه عسل نفسي عندي كوميدينه شكبرها بس مو حاطه عليها شي الريموتات و الموبايل و قوطي الكلينكس وشباصتي كلهم يم المخده لا تسألوني شسالفة الكوميدينه مرتزه !!!! لوووووول

اي وبعد في شي لما اكون بطلع البس هدومي و لفتي و كل شي والدلاق بعد بعدين امسك الجوتي عزكم الله وامشي حافيه ليما الصاله و البسه مناك انزيييين ليييييشششش !!!!!!!

~RouNa~
03-10-2008, 03:13:49 AM
Loooooooool

لي عوده

^وجد قلبي^
03-10-2008, 03:34:42 AM
ابداع موضوعج ,,

اممممم احب تلفوني جنبي دايما واذا مو عندي احس في شي ناقص لدرجة ماعرف اانام الا وتلفوني جنب راسي خخخخخخخخ

دلـــع_الكويــت
03-10-2008, 12:09:05 PM
لووووووووووووووووووووول

يحبيلكم ضحكتوني...والله

انا سالفة الملابس بعد جذي اشتري شغلة وارجع البيت اطلعها والبسها واشوف روحي بالمنظرة وارجع عقبها احطها بالجيس..ليش مادري!

وفيني شغلة كلش مو شي .. اذا كنا قاعدين عالغدا وحاطين السفرة النايلون اللي تكون رول من اكل اخلص اتشوفيني قاعدة وانتف اطراف السفرة ليما انزف..عاد حده فشلة اذا كنت معزومة عند احد !!

سالفة التنتف مادري اشفيها معاي....حتى اذا كنت قاعدة اكل خبز مع كل قطعة خبز اخذها لازم انتف اطرافها وبعدين اكل منها...على ما اخلص الا جيس خبز كامل منتف !! استغفر الله ..

وفيني شغلة مادري عنها اختي قالتلي ليش اتشوين جذي بويهج :))))))) .. اني اذا اندمجت مع فلم وكنت مندمجة حدي ما ارمش واذا احد ناداني فجأة التفت عليه وأبقق عيوني ...هيهيهيهي....

واذا شفت منظرة باي مكان لازم اوقف اطالع روحي وابتسم واطالع غمازاتي...جني مو مصدقة عندي غمازات طبيعية..!! الحمدلله والشكر


وبس اذا تذكرت اقولكم ...

وثانكس عالموضوع المينووووون حده :*

كشووخه
03-10-2008, 12:54:53 PM
انا لي بغيت ااكل بنتي او اشربها دواها لازم امد بوزي جني انا باكل اللقمه خخخخخخخخخخخ

بعد تذكرت هالشغله الي ابد مااحبها مادري ليش من اسمع احد يغني بصوت ويرققه تدمع عيني هههه اكون متأثره يعني ههههههههه

واذكر ايام المدرسه لي وزعوا جوائز المتفوقات على الطالبات بالطابور لاااازم قلبي يدق وجسمي يتنافض.خير ان شالله منو قال حضرتج متفوقه وبيكرمونج لوووووووووووولز

كشووخه
03-10-2008, 01:18:48 PM
تذكرت شغله..

لي تكلمت عن طبخه او وصفت طبق عجبني لازم ابلع ريجي هيهيهيهييي فشله

حبيبته آنا
03-10-2008, 01:24:32 PM
اذا طالعت المنظره لازم اعفس حواجبي جني معصبه مادري ليش خخخخخخخخخخخخ
اذا عصبت او قعدت احاتي طول الوقت الفلف شعري باصابيعي
اذا انحرجت سيده اير خصله من شعري واحطها ورا اذوني واتم ماسكتها

جوك احلى جو
03-10-2008, 01:27:25 PM
يحليلكم بنات تونسون عليكم حركات عجيبه حدا

انا اذ :eh_s(14):عصبت ما ادري ليش ارفع حواجبي اخز:P_03BA: اللي ازقه الله يعينا لوووووووووووووووول هههههههههههه

ههههههههههههههههههههههههه هههههههههههههههههههههه جايده البدليه :dddds:

مزيونه وشقره
03-10-2008, 01:30:10 PM
واااي حركاتكم تضحك هههههههههههههه
ووواي عاد انا فيني طبع مو حلووو حركه فعلا مالها معنى وحدها مجهووله

اذا تكلمت في التلفون وطولت اشوي تلاقين لا اراديا اغمز بعيني مره يمين ومره يسااار لااا وعالبطيئ حتى اذا جدامي احد من اهلي يقولولي شنو في شي حتى زوجي يقولي شنو تبين شي وانا غصبن عني جذيه هههههههههههههه بس دااايم امسك عمري ما اطول بالمكالمات بره البيت بالنقال اخاف الناس يقولون اشفيها هذي ؟؟؟؟

وهمن الحركه الثانيه مااا اعرف احط مكياج الا وانا اضحك هههههههههههههههههه ليش ما ادري حتى مره اتمكيج وعندي رفيجتي تقولي اشفيج ليش تضحكين على مكياجج حلو وانا جذيه قصب عني حتى لو كنت زعلانه

وعندي شغله بعد احب استانس اذا صارت عندي اميات فلس وااايد ههههههههههه جنه عندي كنز وحاطتلهم صندوق مخملي بروحهم ومقدستهم مع ساعاتي وذهبي بدرج مميز بروحهم بالتواليت هههههههههه واذا طلبنا مطعم او شي ويبون ميتين فلس واااي يعز علي هههههههههههههه امبيه








ღღღღღღღღ

مع تحياتي ياحياتي

مزيونه وشقره

ناعمه العود
03-10-2008, 01:37:38 PM
موضوع حلو

وااااي انا عندي حركات ابداع مادري ليش سالفه الخاتم فيني لمن اكون منحرجه
او التلفون اذا كان في ناس وايد ومستحيه لازم امسك تلفوني العب فيه يعني حتى لو مافيني شي يشكون فيني
او لمن اتكلم عن موقف صارلي لازم امثله اقوم او ايييب احد امثل عليه او اذا تكلمت لازم احرك يدي
اممم بعد في لمن امسك شي لازم اشمه او لمن اكل قبل لاحط الاقمه بحلجي لازم اشمها
وفي بعد حركه شعري اربطه بايدي خواتي يقولون هوهو شفيج تربطين شعرج مثل الخيييط

لي رده مره ثانيه

om deaj
03-10-2008, 01:53:14 PM
الموضوع حده حلوووووووووووووووووووووو يهبل

انا عندي جم حركة مو غريبة على الخوات الي تكلموا قبلي

1>>> صوت التلفزيون لازم يكون له نص>>> هو دايما على 50 ولا تلقينه على 30 وبشكل عام احب ال5 ومضاعفاتها بس بهالشغلة ولا انا ماحب الارقام الفردية بعد

2>>> قبل لا اتزوج انام جني مومياء ولا شي مبين مني والكفر مدخلته تحتي من كل صوت وموتي ولا تطلع ريلي ولا احس في منسم هوا يدخل من الكفر
عقب الزواج>>> الحين انام وابني يصير بيني وبين زوجي>>> تلقينه نايم واضابع ريله لازم تحوش اصابع ريلي>>> عاد لما اكون منفسة الله لا يوريج بس هواش معاه وخر ريلك والكرفاية شكبرها ليش لازق فيني؟؟؟ خبلة الحمدلله والشكر

3>>> لما احط ميك اب واغلب المرات يكون خفيف>>> طول الطلعة اخوزز بوجهي وبيني وبين نفسي اتحلطم اقول والله انا حلوة خخخ>>>>>>>>>غرورررررر اللهم ياكافي

4>>> وايد العب بشعري وانتفه>>> هم ماصدق اذا لقيت شعره توه طالعة جنه حرام لااااااااااااااازم اشلعها

5>>> وايد اعلق الي يسمعوني لما اسولف واسرح وارد اقول انزين واكمل وعقب المهم واكمل والسالفة كلها انزين ولا المهم وتالي ماكو سالفة

وااااااااااااااايد انقهر من نفسي بس طبعي خايس وموقادرة اتغير

6>>> لما اتعطر ارش حتى على ظهري>> مرة زوجي قالي بس رحمي حالج انتي وين رايحة كل هذا خخخخ حتى ولدي ارشله لو بيروح ينام ارش عليه عطر من جدام ومن ورا

7>>> ولدي العابه ماتقعد بره كل مايطلعهم ارد ادخلهم الدرج ولا الصندوق >>>المهم مايظلون برة

8>>> عند الاشارة اقصر صوت الرادو ولا المسجلة

9>>> عند المسجد لما امر لااااااااااااااااااااازم اصك الرادو اقول حق زوي احترام حق بيت الله

مشكورة على الموضوع الروعة ولي ذكرت بردلج واكيد متابعة خخخخخخخ

ذكرت قبل لا ارسل الرد انا وايد استخدم هالعلامة >>> لما ارد على المواضيع في المنتديات خخخخ

د.شريفة
03-10-2008, 01:57:06 PM
خوش مووضوع لي عوده ان شاءالله

om deaj
03-10-2008, 02:00:18 PM
هم عندي حركة لا اراديا وانا برة في مطعم واكون طالبة بيبسي>>> لازم اشرب لي النص ومن عقب ابدا انفخ واسوي فقاقيع>>> اختفت هالحركة مه زوجي>>> لانه علق عليها

الهدوم في الكبت لهم ترتيب معين التنانير المصفطة وعقب التوبات الطوال وعقب التوبات الاقصر ومن ثم البديات بروحهم والعلاقة تكون بطريقة انها لي داخل>>> حتى خواتي كنت ارفض اعطيهم من هدومي لانهم مايردون يعلقونهم بطريقتي

لما البس بيجاما ولا اي شي للبيت لازم الترشية تكون من نفس اللون ولا لون قريب من الرسمة الي فيها>>> عقب ولدي مايخلي شي بيذني كله يجرهم

ktkota_we9we9
03-10-2008, 02:10:06 PM
تسلمين خووش موضوع
انا تنرفزني اللوحه اذا ملونه كلها وفي نقطه مو ملونه ؟؟؟
اكتب الكلام باصبع ريولي مثل صديقاتي اللي قبلي خخخخخ
كانت لي حركه بحلجي بس اشوه قدرت اتخلص منها
مااحب فيس تو فيس اذا صار احد بويهي مااتنفس ؟؟ ومتآذيه بهالسالفه مع ريلي كله اقوله يقلب ويهه و وقت النوم مآذيته لوووول ارقعها واقوله شنو تعطيني ثاني اكسيد الكربون p=
مااحب احد يتحرش بخشمي او يفكر يلمسه

لووووول شبقى بعد ماقلت ممممم

شندوخه
03-10-2008, 03:30:22 PM
toffeeya

شندوخه ههههههه هذي عقده هندسيه فيثاغورثيه.. واعرف ناس نفسج لي تحجو بالتلفون لازم ايدهم تحوس يا يكتبون يا يلعبون باصابعهم يا يجفسون لبسهم المهم الايد مو خاليه.. وحياج الله عسوله :)

والله اعترف انها عقده لاني اكره الهندسه :0bee2e8d89:

MissChoco
03-10-2008, 03:41:17 PM
انا وايد اشياء اتصير فيني لا اراديا


بس الي صج تبط جبدي جم شغله .. الي اهيا لمن احد يقعد وياي واكون مستحيه منهم مثلا, اقعد احط صبعي المتين على شفايفي!!
واحطهم على ضروسي وانا مسكره ضروسي!!


وفي شغله بعد مليقه .. اذا كنت انطر شغله ولا قبل بالمحاظرات والمدرسه, اهز اريولي الثنتين ولا مرات بس ريل وحده واهزها حيل

ليدرجه مرات الدكاتره يصرخون علي يقولون نرفزتينه :\



وفي شغله سخيفه حيل .. اذا عندي مراجه ولا شغله جذي والمكان فيه رياييل مستحيل ادش لو شنوو :) ادق على اخوي ولا ابوي
اييون عشان يدخلون اورقتي خخخخخخ
ولا انادي فراش يوديها :) حتى لو في سكرتيره داخل :\


وهمن لمن اتكلم مع الناس واسولف دايما احرك ايدي مستحيل ما احركها


وحتى لو اتكلم وياهم لازم اعبر بويهي لوول


ولمن اتكلم بالتلفون الي فيه واير اقعد اعض الواير لوووول شكو مادري

amoona89
03-10-2008, 03:55:54 PM
& خخخخخخخخخ والله ابدااااااع :krkrkr:

بالنسبه لي انا لما انطر مسلسل او برناامج لاااازم اقعد اجابل التلفزيون قبل الوقت بساااااعه ولازم ارتب المكان اللى انا قاعده فيه<< على بالي اللى بالتلفزيون يشوفوني :dddds:

والريموت لازم احطه عند رقم زوجي مو فردي ما ادري ليش؟؟:eh_s(1):

واذا كنت متاابعه مسلسل او برنامج لازم يكون المكااان هدووووووووء وما اخلى احد يتحجي << مساكين اهلى ملعوزتهم خخخخخخخخ:ada:

&&شكرااااااااا ع الموضوع الاكثر من راااااااااااائع

تنآهيد ..~
03-10-2008, 04:31:35 PM
يوووهـ شكثر حركاتي شقووول وشخلي ؟ هع هع :)

التلفزيون لمن أجي أطول وإلا أقصر لازم الرقم زوجي وأتضاايق إذا صار فردي

لمن أبي أنام لازم الليت مطفى والغرفه هدوووء وإذا إنسدحت ع السرير خلاص وخدرت أبنام وفجأه شفت البردهـ ماسكرتها عدل

أفز من السرير لو خدرانه وخلاص وصلت النومه أقوم أسكرها وأرد أنام


ولمن أبي أنام لازم أنام على ظهري وبعد خمس دقايق أو عشر دقايق أقلب ع الجهه اليسار وإيدي لازم تحت المخدهـ وهاذي نومتي للصبح

ولمن أكلم أحد بالفون لازم أكتب مثلا ً آخر كلمه تقوولها رفيجتي

ولمن أكون شابكه وفجأهـ أشغل أغنيه أخلي الشبك وأقعد أرقص

وإذا أبي آكل مع أي أحد وبقول سالفه أنزل اللقمه اللي بيدي لو السالفه طويله وماآكل لين أخلص السالفه

وإذا إنحرجت أمسك الفون تبعي وأطقطق فيــــــــه


ثانكس ع الموضوع الفلـه

لي ع ـودهـ ^ - ^

غوالي76
03-10-2008, 04:36:08 PM
حرام عليكم مت من الضحك على حركاتكم

وبنتي تطالعني تقول لي اشفيج تضحكين جذيه ..

صج صج نكته .. وصاحبة الموضوع أقولها بدعتي صراحة والله يعطيج العافية

بالنسبة لي حركاتي وعقدي وايد .. ولي رجعة للموضوع بإذن الله لأني مشغولة ألحين

أوركيدا
03-10-2008, 04:40:04 PM
الموضـــــــووووووووووع عجــــــــيب

آنــــــا لمــــــا أنـــــام واكــــــون متلـــــــحفه لازم اطلـــــع رجــــــولي مـــــن الكنــــــــبل لـــــــو بعـــــــز الشـــــتا

والشـــــي اللـــي مـــولاقيــــتله حــــل ان طـــول يــــومي لازم بيــــدي كلينــــكس لـــو مــــا استـــعمله لدرجـــة انــــي اصـــلي وبـــيدي كلينـــكس و بالعــــروس ارقــــص وبيــــدي كليــــنكس (:

لــــما أسولـــف بالتــــلفون وآنــــا قاعـــده لازم ارســـــم عالــــورقه نــــجوم واذا ماجدامــــي ورقـــه ارســــم عالــــهوا...شكــوووو مــادري

لمــــا أكــــون شــــاريه شـــــي جــــــديد لازم أروح اتـــــسبح عشــــان البــــسه لـــــو اكـــــون متســـــبحه بالــــيوم أكـــــثر مــــن مــــره

أحــــب اكتــــب الكلــــمات الغريــــبه عالهـــــوا واعــــد الاحــــرف ولازم يطــــلع العــــدد زوجـــي واذا مـــا طلــــع زوجــــي احــــط بنــــهايه الكلــــمه نقـــــطه ... مــــادري شمعــــــذبني

الجـــــريده أحــــب اقــــراها مـــــن أول صـــفحه واذا الصــــفحه الاولــــــى ظايعـــــه او منشـــــقه مــــا اقراهــــا بالمـــــره عــــلى ان مــــن طبــــعي دايــــم افـــــر عـــن الصــــفحه الاولــــى ومــــا اقراهــــا

أحــــب اكـــل صـــمون مــــع بطــــاط نايــــس بالمـــلح أو آكــــل كتـــــكو مـــع كـــــكاو بنـــــفس الوقـــــت يعــــني قظمـــه مــــن هــــذا وقظـــــمه مــــن هـــــــذا

سوسو الأموره
03-10-2008, 05:07:48 PM
اذا طولت التلفزيون ماحب رقم فردي لازم زوجي <<< بطاطا نفسي تحسون صج مدرسة رياضيات

ولما أكون عند الكاشير بأي مكان .. عقب ما أدفع أقعد أرتب فلوسي يعني الدنانير يم بعض والانصاف والارباع.. لاا ولازم ويوهم مرتبه يعني مو واحد مقلوب والثاني عدل

والناس تنطر وراي .. عادي ما عندي مشكله لوووووول خصوصا بالجمعيه أحس اللي وراي بيفلعني بأكبر ما عنده
8
8
8
هم نفسي لين فشلتني مره أمي وسحبتني جدام العالم إمشي بالسياره تعدلينهم هههههه

لاأنا فيني ما أحب أشوف بلاك مبطل لازم أطفيه ولا جريده مو مرتبه أتنرفز لازم أعدل الصفحات وأرتبها بعدين أقراها

وفيه شغله تنرفز زوجي ما أعرف أنام إلا لما أهز رجلي ههههههههه عاد غلاتي ماتعرف تنام إلا لما أهزها ياحيتي نفس ماما

تصدقين طلعنا معقدين يا أمبييييييييييييه


يسلموووووو

المبدعة
03-10-2008, 06:45:26 PM
ممممممممممممم

انا ما احب اشوف حنفية ماي مبطلة او هوز مبطل ع طول اروح اصكره لا شعوريا

و اذا شفت شي طايح بالطريج اروح اشيلة سواء كان اكل او شي يضر الناس

و بس

ناعمه العود
03-10-2008, 07:50:58 PM
اي تذكرت انا لمن انام لازم ريلي بره وريل داخل البطانيه ولا ماعرف انام
واللت طافي والمكيف باااارده

واسولف بالمسجات اكثر من التلفون اذا تحجيت بالتلفون ماعرف اسولف

coffee
03-10-2008, 08:12:26 PM
Dora كملي كملي... هههه انا وايد تصير فيني اني احوش جوتي الللي جدامي.. لول زادو عبي النو.. بانتظارج

عيون عليا ههه انا مو بس رسايل حتى ريسيفد كولز اسويلهم ديليت اللي يسمع اخفف الضغط على الموبايل .. حياج الله عسوله

toffeeya ههههه حلوة سالفة المشي بالظلام

Rouna باتظارج عسوله

Legal ههههه انا الله وكيلج تلفوني يمي بس بالطلعه علشان اشوف الوقت لاني ما احب البس ساعه ينقمت قلبي لوول

دلوعة نايف ههههه انا نفسج لي رديت لازم اقيس لاني ما احب اقيس قبل لا اشتري.. وحياج الله حبيبتي :)

كشووخه لوووول على بلعة الريج.. انتي لي سمعتي تدمع عينج اما انا لي احد كلا ليمونه جدامي بلاعيمي تعورني لول مادري شكو ولي شفت احد ياكل ثلج اسناني تعورني..

حبيبته آنا هههههه وعليه على شعرج فقير اشذنبه

مزيونه وشقره لوووووووووووووووووووووووو ووول الغمزه تحفه هههه

ناعمه العود هههههه انا كانت فيني عقدة شم القلاصات والشوك والقفاش بس تقريبا تغلبت عليها .. اعيونج الحلوه وبانتظارج

om deaj هههه انتي اسهم انا نقط .. لووووووووووووول انا ساعات اطفر لي الكفر يحوش ريلي "القدم" .. وعيونج الحلوه عسوله وبانتظارج

د.شريفه بانتظارج حبيبتي

ktkota we9we9 هههههه كل شي ولا الخشم وعلى قولة المثل مالك الا خشمك لو كان عوي.. الله يسلمج حبيبتي وحياج الله :)

شندوخه الهندسه حلوه بس يا كره الحسابات ههههه

Misskaka لووول على عضة الواير.. عاد انا اطفر لي احد هز ريله اذا اكو ميانه تييله كفخه على الفخذ هههه

amoona89 ههههههه وايد محترمه التلفزيون .. وحياج الله حبيبتي ومرورج أروع :)

ريماس هههه على الرقص.. وحياج الله عسوله :)

غوالي76 ههههه الله يعافيج حبيبتي وعسا دوم هالضحكه والله يخليلج بنتج :) وبانتظارج

اوركيدا ههههه انا كنت استغرب من وحده تخلط مالح بحلو ورا بعض لين الله بلاني لول.. وحياج الله حبيبتي :)

سوسو الاموره ههههه انا ما احب المجلات او الاوراق لي صارو فوق بعض ومو مرتبين.. وحياج الله حبيبتي :)

وتسلمون لكل البنات على الردود الحلوه

coffee
03-10-2008, 08:14:58 PM
المبدعه انا نفسج صوت التنقط ينرفزني مع اني احب صوت النوافير.. حياج الله

ناعمه العود ههههه عاد انا اطفر اذا تحول المسج لي جات احسه عباله ترعص وقصه.. حياج الله عسوله

بنفسجية
03-10-2008, 10:07:54 PM
تذكرت شي!
انا فيني طبع ..
ماعرف اركز بشغلتين بوقت واحد
استحالة!
يعني ماقدر اكون شابكة
واكلم اختي ،
او ادز مسج واجاوب سؤال
اتخررررررررررررربط :krkrkr:
وهالشي مسبب ازمة نفسية
حق اختي مسكينة
كله تسولف مشتطة
وانا شابكة متنحة
مو قصدي احقرها او ماهتم
بس جد ماقدر اركز!
الي والله مابالغ
اسمع صوتها تتكلم
بس مافهم شتقول ولادري بسالفتها!
فتزعل و تعصب و تقولي
كل مرة اقول ماني مسولفه
معاج و انسى انا الغلطانة ،
و اعيز اساحلها و ترضى
ومن باجر ترد نفس الحركة .. :dddds:

د.شريفة
04-10-2008, 12:27:18 AM
هاهاهاهااهي بنات الموضوع روعه
والله صج في شغلات نسويها ماندري شنو السبب يعني ليش احنا نسويها

يعني مثل ماقالوا البنات بكل شي بحياتي احب يكون الرقم زوجي

مثلا يوم خطبتي يوم ملجتي يوم زواجي ولادة عيالي كنت ابي لازم يكون في رقم زوجي

وانا اغير لازم اطول او اقصر اخليه رقم زوجي

موبايلي حرصت ان يكون ارقامه زوجيه

سيارتي رقمها ضاق خلقي ان مافيها رقم زوجي شنو السبب والله مادري

:)


وقت النوم لازم ظلام دامس
حتى كان عندي بلاك بالطوفه فيها ليت صغير احمر يشب اقوم بالليل اسكره
رديت ابي انام لقيت ليت الوحده قمت تالي الليل والصق عليه ورقه علشان ماشوف ولا اضاءه بالغرفه
:)

^وجد قلبي^
04-10-2008, 12:46:39 AM
هههههههههههههههههههههههه يا حلو حركاتكم ...

~RouNa~
04-10-2008, 01:20:02 AM
لوووول

أنا احب مضاعفاات الرقم 5

بـ التلفزيون \ لما اقراا كتااب اذا بوقف اوصل لي مضاعفات 5

لما بـ نام ما احب احد يحوشني

مرة نمت عند يدتي و اهيا ماشاءالله تحوس واايد

طول الليل اتقلب ماقدرت انام لأنها لما تحوس تحوشني :\

ما اعرف اسولف مع احد مجابلني face 2 face

أحب اشتري أكواب بس ما اشرب فيهم

عندي رف بـ الغرفه كله اكوااب

لي درجه مرة بـ دبي عجبني كوب بـ 250 درهم يعني تقريبا 20 ديناار

اخذته بـ حاسبه جان امي تجكني و ترده ! :(

لي تذكرت بعد بـ رد

miss-one
04-10-2008, 02:07:20 AM
انا لازم لما اطول التلفزيون مثل البنات لازم رقم زوجي

ولازم المشط يم مخدتي

لازم المنظره يم مخدتي بعد ههههه


هذا الي تذكرته الحين

BaTTy
04-10-2008, 10:02:22 AM
رديت لكم و حق موضوعج الجميل
امممم شنو شنوو
لما اكل او اشرب لازم اشم ولازم طبعا افتح الصمونه قبل و اقلبها و كل شوي شامتها
احب ايمع قراش عطورات فاضية عندي 3 ارفف مترووووسيييييييييييين مادري احب اشوفهم احسهم كنز
لما افكر اكتشفت مؤخرا اني افكر بالانجليزي او لغة عربيه :\ مادري ليييييش ابدا مادري
امم اليهال لما ادلعهم البنيه اسويها صبي و الصبي اسويه بنيه
مااا احب اكل وانا حاطه حمره لازم امسحها
و الحمره اصلا نادر ما تظل على حلجي كله اطبق على شفايفي و اكلهم و اكل خدودي من داخل حلجي يصير عوري فشله :$
و في لعبه كله العبها بيني و بين نفسي و ساعات مع الناس احسها ساعات حرام لوول
انه مثلا شنو اطلب عصير ولا ماي و يكون يمي نظاره و تلفون
اقول النظاره عصير و التلفون ماي و اخلي اي احد ينقي نظاره ولا ماي لوول
احس حرام لما اسوي جذي باشياء مصيريه اشتغفر الله تعودت على هالشي
و بسسسس هذا الي اببالي :>

coffee
04-10-2008, 10:46:15 AM
بنفسجيه ههههههه لا تحاتين انا نفسج تماما!! المشكله بعلم النفس يقولون المراه تقدر تركز بشيين وثلاثه عكس الريال اللي بس يركز بشي واحد.. فانا شاكه بهالمعلومه لول لاني جد ما اقدر اركز بشيين الا يمكن شي روتيني مثل سياقة السياره اوكي غيره لا.. حياج الله

د. شريفه ههه مرورج أروع.. والله في ناس وايد جذي حتى لو ليت صغير بالتلفزيون يشلعون البلاك وهم عندج صوت الساعه تك تك .. والله يخليلج ريلج واعيالج وتصير كل ارقامج زوجية

Rouna هههه خمسه واخميسه.. عرفنا سر الصحن اللي حاطته من حبج لادوات للمطبخ.. وحياج الله

miss one لووول يمكن بتمشطين وانتي نايمه .. حياج الله

Batty لوووووووول خوش لعبه صاجه يا كره اذا ودج بشيين بنفس الوقت ومحتاره انا اتبع سياسة العد .. ومرورج أجمل حياج الله عسوله

سبائك
04-10-2008, 11:04:21 AM
تذكرت شغله

المكالمات التي لم يرد عليها لااااااااازم امسحها من موبايلي ما احب اخليها(يغثني شكل السهم الاحمر)
وساعات اتوهق اكون نايمه وبنص نومتي اقعد اجيك احد داق علي وامسح واذا قعدت من النوم عاد تعالي تذكري منو الي كان داق:):)

$$ صعبة الوصوف $$
04-10-2008, 11:06:06 AM
كوفي مواضيعج كشششخه دايم ...
:)

انا اذا مسكت شي بأيدي فتره طويله تلقيني خربته .. وانا مو حاسه بعمري اقعد اتعبث فيــه

والخاتم ادخله واطلعه .. واذا كنت منتبه مع شخص يكلمني ... ومسكت عليه شغله تعلق فيني .. عاد ما امسك الا الشغلات اللي تضحك وتصير فيني :p

coffee
04-10-2008, 11:23:34 AM
سبائك ههههه عكسي انا المكالمات اللي ارد عليها امسحها يعني ابي اخفف يكون هههه وهم على هالطاري مادري اذا ملاحظين ما احب ارد على كل وحده برد بروح احب اسطر كل الردود برد واحد مادري يمكن لاني ما احب آخذ حيز وما احب اترك سطر أو أسطر لول.. مع ان ساعات اقول بزيد ردودي مابي اكون عضوه ذهبيه ما احب الذهب لول بس ارد اهون..وحياج الله :)

صعبة الوصوف حبيبتي من ذوقج ردودج أكشخ ههه .. لول صاجه والله انا فيني طبع التعبث هذا وخاصه القلم والمشبك .. حياج الله :)

ام كتكوت
04-10-2008, 12:01:36 PM
ههههههههههههههههههههههههه ههههههههه فطست ضحك على الحركات ههههههههه خوش موضوع كوفي

يه دوري :)


- فيني طبع من يوم كنت صغيره مادري ليش اذا دخلت المطبخ وطلعت لااااااااااازم لازم لازم اسكر الباب اتنرفز اشوفه مفتوح

- اذا مثلا بغسل حلجي ماعرف لازم اغسل ويهي ماعرف بس جزء معين سواء حلجي اذوني افرك اسناني ماعرف لازم الويه كللللله

- وهم طبعي اللي ودي اتخلص منه:( اذا دخلت اخذ دوش او اتسبح لاااااااااااازم مشط بالحمام واقعد امشط لمن يطيح شعري اهي اهي

- وفيه طبع يضحك اذا تعورت وطلع دم لازم الكل يدري بالبيت واخش الكلينكس واوريه زوجي او اذا ببيت اهلي اوري امي (جني بكسر الخاطر ) لاحد يضحك :(

- اذا كنت منحرجه ماحب ابين حق احد منحرجه واقلب السالفه فوق وتحت :)

- وفي شي صج صج متعبني لازم كل يوووووووووووم بخور لازم والله مخاسير اذا يوم مافيه بشقتي بخور عرفو يا يصادف اني مو بالبيت او حاله وفاه ياكافي الشر

- ذا الرمونت مال التلفزيون مايشتغل معاي لازم اطقه بايدي لمن تتعور ايدي واذا ماشتغل حتن لو مو من البطاريه اشيل البطاريه واحذفهم واغير البطاريه


اكيد لي عوده اذا تذكرت هههههههههههههههههههههه

coffee
04-10-2008, 12:08:31 PM
ام كتكوت لوووووووووول على سالفة انج تخشين الكلينيكس.. وبسج بخور ترى يخنق وله تاثير مو زين على الرئتين هههه جني قلبت قسم الصحه.. حياج الله حبيبتي :)

ام كتكوت
04-10-2008, 12:09:39 PM
ياعمري كوفي ولابعد مو اي بخور خخخخخخخخ ونفس كلام زوجي يقولي موزين على صحتج اخليه بعيد المهم شغال

تدرين حتن خدامتي تعلمت اذ لي الساعه 4 مافتحت بخور تذكرنييي ههههههههههههههه:krkrkr:

coffee
04-10-2008, 12:15:08 PM
ام كتكوت ههههههه بدعتي حتى الخدامه عودتيها.. انا احب الشموع بس البخور لا والله اختنق ما احبه زوود ولا عاد اذا تفنتقو اللي بالدوام وشبو هالمعمول اللي يحكر ويوصلنا من مكاتب ثانيه واي احسه اهو والياوي واحد .. الله يحفظج حبيبتي :)

قهوة برية
04-10-2008, 12:26:58 PM
خوش موضوع ..!!

كلش ولا الرقم الزوجي ...!!!!

ولنا رجعه بأبراز مواهبنا وعقدنا ..!!!!

om deaj
04-10-2008, 12:48:28 PM
توني مطلعة ولدي المغربية موديته الالعاب وعقب تعشينا>>> هادة الاكل وهادته بس القط بورق الهمبرجر ولا كرتونة الشبس وعلبة الكيدز ميل والكلينكس واجمعه بصوب والله شوي وامش الطاولة

كاتو_كويتيه
04-10-2008, 01:49:33 PM
خوش موزوع ..
لي عووده

coffee
04-10-2008, 01:56:03 PM
قهوة برية ههههه مو بس زوجي طلع في حلفاء للفردي.. بانتظارج حبيبتي

om deaj ههه الترتيب حلو الله يخليلج ولدج وحياج الله عسوله

كاتو- كويتية ههه بنتزارج عسوله

ife88
05-10-2008, 09:04:43 AM
لووووول لا تشوفوني أنا عيل

لما أكون بالسيارة لازم كل ما مريت على مطبة أقول abom achek
ولا حزة ماتغيب الشمس يكون ظل الشبات على الشارع وحده وترك كل مامريت على ظل شبه أقول ططاخ ططاخ

وإذا بنام لازم على ظهري ومتغطية كلي باللحاف من راسي لي ريلي ولا شي لازم يبين مع الخرمس والهدوء طبعا :D
ولما بتكحل ألزق ويهي بالمنظرة جني بدش فيها لول وأحب أشوف ويهي من جهة اليسار مادري أحس غير عن اليمين لوول معقدة :P

~RouNa~
05-10-2008, 09:35:15 AM
كووفيي لاا هذاا حق الاكل ما تشوفين كاتبه اسمي بـ الـ katchup

أنا اغرااضي مقدسه محد يجيسهم :p

اكتشفت شي

كل ما لف الـ u turn اقول ( هاو هاو اشفييج )

<< كله من امي اول ما تعلمت السواقه كله تزفني باللفات و انا ارد علييها ( هاو هاو اشفييج ) :p

لما اقراا جريده ما احب يطل بالجريده معاااي

Artist81
05-10-2008, 09:46:38 AM
ههههههه

أنـــا زلوووفي دايما بفمي!!

احب العب بزلوفي بصبعي و اسحبهم @[email protected]

الرحالة
05-10-2008, 10:32:25 AM
أمبيييييييييييييييييييييي ييييييييييييييه ضحكتوني موتوني من الضحك
والله الصراح في الكثير من الحركات أنا أسويها و عبالي إني إمعقدة نفسي بس أشوة أنه في ناس مثلي!!!
:eh_s(6):

وااااااااااااي سالفة العدد الزوجي!!! هذي في كل شي!!!

سالفة طاولت المطعم!!!!! شكو!!! و لازم بوالعيال يزفني!!!!

و سالفة إذا أحد عطس ولا كح ولا تكلم وإهو قريب يمي لازم أقمت النفس!!! ليش إمحسرا عمري مادري!!! ولا إذا السايق عطس و إحنا بالسيارة!!!! ياويليي أفتح الدريشة و جنه العيد لو إب عز حر الصيف!!!!

و عندي طبع حده خايس ، لا بغيت أنام لازم أحك ريلي الثنتين بعض لما أدوخ و أنام!!!!! مادري ليش!!و عاد إذا حاشت ريلي أي شي ثاني أقوم من النوم و أبقق هل العيون @@ و وين ترجع لي النومه مره ثانية؟؟ :(

و بعد فيني طبع يمكن ينرفز وايد ناس بس أنا بالنسبة لي شي زين!!!! إني أمشي و أسكر الليتات في الدار إلي ما فيها أحد و إذا ليتات الصالة زايده أقلل منهم و أنا ألحين قاعده بالدار بدون ولا ليت!!! أمشي و أسكر كل بلاك مو مستخدم!!!

وايييييييييييييي إذا بلاك مفتوح شوفوا الوسواس طول الليل إنه بصير تماس كهرباء و بنحترق و إحنا نايميين!!!


إذا تذكرت شي بعد أقول لكم

أشوفكم على خير

وردة النرجس
05-10-2008, 12:29:32 PM
عيل أنا تصير معاى حالة بأذني إذا علقت براااسي نبره صوت معينة أو مقطع من إغنية

أو دعاية وووواي أقعد يومين أحطر راسي على المخده وأسمعها تتردد بإذني

لميا تروح بروحها إذا مافكرت فيها

آل خزف
05-10-2008, 12:47:05 PM
انا من صغري معلقة وياي عقدة صج صج عقدة اعتبرها
وحتى كلمت طبيب نفسي فيها ههههههه

اذا سمعت كلمة او سالفة اكتبها باصبعي ، يعني اخلي اصبعي قلم واكتبها على رجلي او ايدي او حتى على الكرسي
ويااااااااشينها اذا السالفة طويله اقعد اكتب واشخبط :(

coffee
05-10-2008, 01:42:41 PM
ife88 شكلج كان لج ماضي سيء مع المطبات ههههه

Rouna ههه عاجبتني سالفة الكتشب يبيلي اجرب اسمي فيه .. وانا فيني طبع "هاو" ودي هالكلمة تنقطع من الساني ماكو الناس قامت تقولي مياو لول

سارة العبدلي ههههه وعليا عليهم

الرحال عسا دوم حبيبتي.. ههه كل حركة ابالج ممكن اتحصلينها اهني افا عليج بس.. سالفة الليتات انا نفسج تقولين نشتغل بوزارة الكهربا.. وفيني طبع اذا احد كح جدامي تنحشر بلاعيمي وممكن اكح لول.. حياج الله

وردة النرجس ههه انا اذا رديت من العرس تزن اذني خاصه لما انسدح بنام

آل خزف ههه في بنات اذكرو نفس الحاله ماثر فيكم شغل المايسترو

آل خزف
05-10-2008, 02:39:33 PM
ife88 شكلج كان لج ماضي سيء مع المطبات ههههه



آل خزف ههه في بنات اذكرو نفس الحاله ماثر فيكم شغل المايسترو


ههههههههههههههههههههههههه ههههه

اي والله اللي يشوف اصبعي يقول مايسترووو
عجيييييييييب التشبيه :eh_s(6):

! FABULOUS
05-10-2008, 04:16:39 PM
لووول ! توحفه والله

اثارينا كلنا بالهوا سوا مو طبيعيين لول

انا لا بغيت اشرب من بطل ماي لازم ودائما الف راسي يمين ! يعني ماشرب من البطل وراسي سيده
جني اسوي دعاية بيبسي لول مادري ليش :$

واذا استحيت ومنحرجه حدي اتحرك وايد والف رقبتي يمين ويسار جني بطق عرج برقبتي واتقلب زين ما اتكوكس بس لول :$

وسالفة اني اكتب بالهوا هم انا اسويها ماهقيت في احد مثلي كبير يسويها لول واول مره اقول :$ انه حتى اب ابهام ريلي اي كلمه معلقه في بالي اكتبها حتى لو تكرمون لابسه جوتي انه على الخفيف احرك ابهامي واكتب حتى اب اصابع ايدي:$

وشكثر بعد بس نسيت لا كذرت شي اسيّر عليج ومشكوره جزيلان p;

coffee
05-10-2008, 06:23:27 PM
آل خزف ههه حياج الله عسوله

7umra 7amra لوووووووول هذي يسمونها ظاهرة "بورقيبه" هههه اذا اتعرفين بالحمام (الطيور) .. حياج الله حبيبتي

في شغله خاصة بامهات اربع اعيون (اللي يلبسون نظارات) ساعات اسوي حركة اني اعدل النظاره واكتشف اني لابسه عدسات مو نظاره لول مادري تحصل وياكم؟

DKNY
05-10-2008, 07:17:43 PM
آل خزف ههه حياج الله عسوله

7umra 7amra لوووووووول هذي يسمونها ظاهرة "بورقيبه" هههه اذا اتعرفين بالحمام (الطيور) .. حياج الله حبيبتي

في شغله خاصة بامهات اربع اعيون (اللي يلبسون نظارات) ساعات اسوي حركة اني اعدل النظاره واكتشف اني لابسه عدسات مو نظاره لول مادري تحصل وياكم؟

جبتيهااااااااا هذي انا لووووووول ادف نظارتي بين العدستين بالسبابه واكثررررر شي بالدوام واكتشف اني لابسه عدسه واتفشل :dddds::dddds::dddds:

ناعمه العود
05-10-2008, 07:34:43 PM
ويه انا همن كلمه هو معلقه بلساني ولا اذا صار شي اقعد هو هو هو هو ورا بعض يقولولي شفيج انقلبيتي جلب هههههههههههه

ألماس q8
05-10-2008, 07:37:39 PM
ويييييييييييييي انا مواقفي تفشل
فيني طبع خاااااااااايس والله اذا انحرجت احول عيني شكو مادري والله لا شعوريا امي تقول ديري بالج مو زين كثرة هالحركه
اي واذا بنام لازم اسكر كل البلاكات اللي بداري اخاف يصير التماس
واذا لابسه جينز وحطيت حزام لازم لازم وضروري اروح المرايا الطويله واهز هز شكو مادري
واذا بتمكيج كل ما احط شي اطالع نفسي وابوسم واغمز واعض شفايفي واسوي حركات شكو مادري
واذا احد يناديني والله تعودت ما اقول نعم لا اقول يس واتميع فيها شكو مادري
اي وفيني طبع هالأيام هابه فيه اقط قطات انجليزيه يعني اذا بدور جنطتي اقول وير ماي جنطه
واذا بسأل عن سعر بالمحل اقول هاو سعر يعني هاو مش
امبي جم مره قلت شكو مادري ههههههههههههههههه :dddds:
ولازم واجباري اذا انا فوق وبنزل تحت عالدرج لازم اغني وبصوت عالي ليما احصل لي زفه من امي او ابوي
واذا بشتري شي جديد اخليه بالجيس ما اطلعه الا فيوم استعماله تلقينه متعفس واروح اكويه ما تسوى علي<< يبا علقيه وافتكي
وفيني طبع ابوس عيون الصغار مو عين وحده لا الثنتين
واذا رايحه سوق ومريت على زحمه او كوفي وفيه ناس ولويه اطلع تلفوني علبنى بكتب مسج اكتب وامسح او حتى اذا بإنتظار بمستوصف او بقاعه بالكليه
واذا تذكرت شي بقول لكم

الرحالة
05-10-2008, 08:42:05 PM
صباح الخير يا جميلات
:*

تذكرت حركتين و أنا حاطه راسي على المخده أمس بليل

في حركة أتوقع كلنا إنسويها !!!! لما اقعد بالسيارة وبو العيال يسوق و يدوس بريك لازم انا بعد ادوس برجلي حيل جني انا إلي أسوق!!!!!! شكو!!!

و مرات إذا دايس سرعة و ما أبي اقوله خفف (طبعا اخاف من الزفه) اقوم أطقطق إيدي على فخذي!!!!

و بالبيت إطفارتي إذا لقيت دواسات مدخل الحمام أو مدخل البيت عويه!!! يعني حتى لو أنا قاعده و مرتاحه لازم أقوم أعدلها!!!

ألماس q8
05-10-2008, 08:54:37 PM
هههههههههههههههههههه الرحال والله نفسي
لووووووووووووووول

ام هزاع
05-10-2008, 09:08:16 PM
الموضوع ولا اروع بصراحه


ضحكت ليما قلت بس


والله علبالي اني من بد هالبشر مو صاحية .... اشوه في ناس نفس طبايعي الغريبه


عندي حركه بايخه وتفشل وهي اني لما اركب السياره لازم لازم اقفل البيبان بسرعه احس جنه في احد قاعد يركض وراي ويبي يلمسني >>> قطع احساس بايخ ..

عاد تعالوا شوفوا شكلي لما اقرب يم السياره امشي بسرعه بسرعه واحذف الجنطه والاغراض واطمر ذيج الطمره واسكر الباب بسررررعه واقفله >>> احس الناس يقولون ياربي شفيها توها اشزينها ...


بعد عندي طبع خايس الا وهو : لو اموووووت ما اكلم راعي المطعم او البداله لازم احد يتكلم بدالي مادري خوف او حيا مع ان لساني اشطووووله على اهلي :)


وبعد شنوووو : اخااااااف اعبي بانزين اخلي اخواني او السايق


وفي طبع خاااااايس ودي اتخلص منه وهو اني لما اقعد من النوم اظل ساعه ما اتكلم مادري لساني يقعد عقبي من النوم لووووووول ..


اذا تذكرت شي برجع احطه



و



لااااا يوقف:)

الرحالة
05-10-2008, 09:16:03 PM
عندي حركه بايخه وتفشل وهي اني لما اركب السياره لازم لازم اقفل البيبان بسرعه احس جنه في احد قاعد يركض وراي ويبي يلمسني >>> قطع احساس بايخ ..



أنا نفسج في هذي الحركة ، بس انا اخاف احد يفتح باب السيارة و يبوقني!!!!!!!! و كله أتخيل نفسي إني أفتح باب السيارة و أقط نفسي بالشارع!!!!!! فلم أكشن!!

لوووووووووووووووووووووووو ل

:dddds:

ام هزاع
05-10-2008, 09:18:46 PM
الرحال

هههههههههههههههههههههه



اشوه انج نفسي .... يمكن هالحركات خاصة ببنات الكويت دون بنات العالم لوووووووووووووووووووووووو ووووووووول

miss-one
05-10-2008, 09:52:31 PM
تذكرت انا حطيت كريم علي ايدي الباجي احطه على حواجبي

واذا كان على ويهي امسح علي راسي

sweet barbi
05-10-2008, 11:17:07 PM
لوووووووووووووول واى اثارى مو بروحى انا بعد عقد

انا جذى اذا شريت شى يديد لازم بجييسه لازم بعد جم يومه ياله اعلقه

ولمن اتسبح عشتو لازم اول شى اغسل شعرى واخلص منه اربطه اغسل جسمى ليش مادرى لوول

لازم احوس بشعرى وعليه تنتف من كثر ما العب بشعرى

اذا بنام بشقتى ومعاى ريلى لاااااااااااازم خرمس بس اذا بيتنا وريلى عنده خفاره لازم انام بأبجوره مبطله وعشتو اغطى اعيونى بهذا مال لعيون ماشل فايده طفى ليت وافتكى

لازم اغطى اذونى احس بدفى

لازم لازم اطيح التلفون بليوم ولا ما اكون انا

واذا تذكرت عقد ثانيه راح ابشركم

coffee
06-10-2008, 12:48:13 AM
Dkny هههه بالضبط هذي الحركه اللي قصدتها

ناعمه العود ههههه اي والله ابي اقطعها من الساني مو قادره

ألماسq8 لووول انا اخاف من حركة الحول هذي ما عمري سويتها

الرحال صباح الورد.. ههههههه صاجه يعني جنه الحين السياره بتوقف

شيطونه عسا دوم.. ههههه ذكرتيني بوحده بالدوام الكل يدربي انها ما تتكلم الا بعد ساعه لول محطوطه سايلنت.. حبيبتي مرورج أروع وحياج الله

miss one لوووول صار يدود مو كريم .. حياج الله

sweet barbi ههه سالفة الهدوم اليديده بالجيس اكثرت .. حياج الله

روح الدنيا
06-10-2008, 01:17:45 AM
انا اذا شفت ورقه و قلم جدامي تجيني رجفة و بجية و عيوني تغورق من الدموع كل هذا بس ابي امسكهم و اقعد اشخبط هذا غراااااااااااامي عطيني ورقة وقلم و خليني تلقيني اروح بعالم ثااااني استااااااااااااااااانس بشكل مو طبيعي هههههههههههه

وهم فيني شغله حدهاااا تحرجني و كثرانه معاي هاليومين لما يكون احد من اهلي قاعد مثلا ياكل وانا اكون توني داخله وسرحانه اقوم اشيل الاكل و امشي اروح اوديه المطبخ بدون شعوور ايه ليش مادري لازم احد يناديني بصوت عالي عشان اصحى من هالسرحه و ارد اللاكل خخخخخخخ

وهم بعد هالعاده دايم فيني دايم انادي اللي عندي باسمه و ما يكون عندي شي بس جذي عاده ......

وووووو سلامتكم لما اتذكر بعد حركاااات مثل جذي ارد لكم

الحــــالمة
06-10-2008, 04:09:43 AM
تضحكون لما اقولج حركاتي العجيبة مع السلطة

امي وخواتي مستغربين مني

احب الخيار

احب الطماط

واحب الجزر والخس وكل مكونات السلطة

بس مستحيل اكلهم مع بعض مخلوطين

لازم كل شي بروحه

واذا اضطريت اكل السلطة انقي كل شي بروحه

Eng.shosha
06-10-2008, 04:19:25 AM
اي نسييت اقولج بعد لما أنحرج اتييني البجيه ومرات عيني تدمع :d

Dancing^Queen
06-10-2008, 05:11:47 AM
الموضوع مميززززززز وغريب


ماهقيت ا ن الارقام الفرديه عقده عند الناس !!
من صجكم! عيل انا اموت علي رقم 7 حيل ليش مادري !
وفردي ماعندي اي مشكله
ولاتشاءم من ارقام
الارقام عاديه


ماهقيت ان هالصفه مشتركه ببنات الكويت
حتا الكتابه بالايد او الريل اتوقع تساعد علي ترتيب الافكار - لاحظت امي وخواتي يسوونها وايد ! و اغرب شي سمعته من وحده اعرفها ان اللي يسوي هالحركه يعني مسحور ! واستغربت وقتها
لايكون كل البنات مسحورين ياجماعه يبلكم قرايه جماعيه !!!:)

بالنسبه لي
ماحب اغمض عيني وانا اتسبح كلش لي حطيت شامبو وييت اغسله تصير بلاوي وكل شوي اطل من الستاره
لازم اقفل باب الحمام اعزكم الله مارتاح
ماحب استخدم حمام يستخدمونه اليهال او ناس وايد بتاتا لدرجه عندي تكرمون حمامي مايدشونه اليهال الا يممكن مره او مرتين بالسنه وطوارئ
وابيت اهلي عندي حمام معين استخدمه ماحب اروح ثاني ويضيق خلقي لي ودو احد من اليهال له حتا لو نظفوه عقب ماحب !
وافضل اني ماروح حمام الدوام الا بحالات حياه او موت ولاحب اروح حمام ابيت ناس الا للطوارء وذبحيني ولا اروح حمام مستشفي الا اذا كنا نايمين فيها
فتكم بالحج !! بددددددددددددعت

وطبعا غسيل الايد كل شوي احس كله ايدي متوصخه كريم اساس

متعقده من اصابع ريلي ماحبهم احسهم معظلين ساطرين يم بعض
مادري ليش امشي راسي لي فوق وميرور لي ورا احاول قد اماقدر امشي راسي عدل بس انسي وارد علي طبعي وايد ناس قالولي قبل مانعرفج كنا حاكمين عليج انج وايد مغروره وشايفه نفسج بعدين اكتشفنا طريقه مشيتج
ولي ييت اسلم هم ويهي لي فوق <<عيزت امي تزفني لاتطرين عيونج لي فوق وويهج لي ورا بس ماعرف !
ماحب اصافح وايد مو كل الناس افضل احط ايدي علي الجتف علي الا اصافح
وماحب ابوس احد خده منفر احس ويهي يغززني
ولاحب احد ياكل جدامي وحلجه مبطل
دايما وانا مركزه يا اكون متخصره جني فيروز لي غنت
او مميله راسي يسار
ولاحد يقطع تسلسل افكاري او الكلام اللي بقوله خلاص انسا اللي بقوله كله
ولاحب اسولف وناس تصرخ وتسولف ماركز باللي اقوله اردد اللي اهم يقولونه هذا شي صارله جم سنه فيني
وماعرف اركز بشين مع بعض (طلعت صفه مشتركه) يعني اسولف ويا احد او اكتب شي
اكتب واسولف اكون مو مركزه بالشغلتين وقاعده اسريهم اثنينهم
ومستححيل اسولف ويا احد واركز واهو يكلم احد ثاني اهني انرفز حدييييييييييي (مثلا تسولفين ويا اختج وطافت الخدامه تقوم تناديها تبي شي اهني خلاص اعصب من صج)
اخاف من الظلمه
ماحب بيبان مبطله مستحيل انام بدار بابها مبطل او باب الكبت مبطل او درج مبطل اتنرفز ولاقدر انام
(اهني بطب عرض زوجي مايحب ينام الا لما يبطل باب الحمام تكرمون ويسمع صوت المروحه شكو مادري) لازم صوت يمه
ماحب ريل تلزق فيني يعني لي يت بنتي تنام عندي مخترعه او مريضه اوكي المج حبيبتي حياتي بس ريلج حاره لاتقربينها نمي احط بيبني وبين ريلها كمبل ماحب شي يلمس ريلي ولاحب اغطي اصابع ريلي وقت مانام

مارضا علي مكياجي او كريماتي بشعره او عود او ان احد ياخذهم اعزهم من صج

ولي نحرجت احس صوتي صار نشاز ليش مادري
وماقدر اسمع صوتي تسجيل او اشوف شريط فيديو فيه صورتي اصدع صداع نصفي جايد لدرجه ان شريط عرسي وملجتي ماشففتهم لي يومكم ولامفكره اشوفهم


لنا عوده

mimi_el3so0ola
06-10-2008, 05:57:59 AM
ههههههههههههههه

حده نايس الموضوع ^^ يسلموو خيتوو Coffee

\

بالنسبه لي .. ماعرف أحط ميك آب بدون لا ألصق بالمنظره :p وكأن الناس بتلصق بويهي لا شافتني :p لولز
وعقب ماخلص أبعد عنها عشان أتأكد من شكلي من بعيد !!

وفيني هوس تكرمون لا دخلت الحمام أبغسل إيدي لازم ماغسلها أقل من مرتين =\ مادري ليش
بس دايما يتهيأ لي انها ما تنظف من أول مره !!

وبعد أول ماركب السياره لاشعوريا أقفل البيبان :D حتى مرات وانا أسوق اتذكر اقول انا ماقفلت الباب @@ أشوف والا مقفولين !


وبس ^___^ هذي أبرز عقدي و اللي أذكره حاليا :p لووولز


& تااااااااااانكيوو ،،

آل خزف
06-10-2008, 07:02:04 AM
تذكرت من الرحال :/


اذا كنت بالخط السريع اتخيل اني افتح الباب واقط نفسي ههههههه
واقول بقلبي لا مايصير ينفتح الباب الهوى عكسه ^ـ^

ناعمه العود
06-10-2008, 07:09:12 AM
اي تذكرت شي لمن اشتري شي لازم يلبس بيومه اخليه بجيسته طيب علقيه وارتاحي اوووف باجر عند الريل حركاتي تفشل

ألماس q8
06-10-2008, 12:11:50 PM
اي تذكرت شي بعد
دايم متى ما كنت حزينه او متضايقه او اذا فيني بجيه
لازم ارووووووووح داري واقفل الباب واحط اضائه خفيفه
واحط اغنية حزينه واقعد قبال المنظره واطالع نفسي وابجي وألف الصوب الثاني وافل شعري وارد اربطه
ليما امل وازهق عاد بعدها احط مارينا اف ام اذا فيها اغنيه ارقص << انزين مسرع المود تغير مادري
مو طبيعيه انا << سبحان الله توج تدرين
اي وساعات اذا رايحه الزواره واشوف اي وحده جدامي طبعا اذا امون عليها تكون مسويه عنقوص اشيل شباصتها وافل شعرها واعطيها الشباصه اقول شباصتج ورا كانت ههههههههه << مو هي تدري انها ورا استغفر الله <<<<<< اطفرهم والله بحركتي هذي والله لا شعوريا اسويها

كولوراديه
06-10-2008, 01:13:36 PM
في حركه حيل تبط جبدي
من يطولون اظافري اقعد اعكف فيهم ليمن يختربون و اول ما يختربون اتحلطم ويضيق خلقي واقول تعبت عليهم ربييتهم :\

برشلونيه
06-10-2008, 02:36:54 PM
فيني طبع خايس حدده

اذا مثلا بحاسب بمكان او شي ووراي احد استعيل حيل ماحب اخلي احد ينطر على حسابي
معنه عادي يعني ماطول بس ماحب احد يكون وراي استعيل بطريقه مو طبيعيه واول ماسقت كنت جذي بس الحين لا

وهم بعد لا تكلمت لازم احرك ايدي وودي صج اوقف حركة ايدي لانه حتى بالسياره لما اتكلم بالتلفون لازم احرك ايدي
جنه اللي بتلفون يشوفوني عاد :p بس مادري ليش

مشكووره وايد ع الطرح حبيبتي

coffee
06-10-2008, 05:28:59 PM
روح الدنيا هههه يا ام الرومانسيه يا شاعرية اصحيييييييي.. انا نفسج اللي اعزه اقول اسمه وما عندي سالفه لول.. الله يسلمج حبيبتي وحياج الله

حالمه ههه انا نفسج احب اخلص شي وابتدي بغيره ما احب التخلط بالاكل الا اللهم هاليومين يايتني حاله مالح حلو .. بس بالعصاير احب التخلط واذوق طعم غريب متعه..

ام عبدالمحسن هههههه يا حساسه ام ادميعه اثاريج

Dancing queen تسلمين :) انا اول ما اثبت على ارقام التلفزيون من قريت ردود البنات قمت اشوف الارقام ودي اعرف شالمتعه مو قادره.. ههه انا نفسج ما احب يهال يستخدمون حمامي مساكين بس شسوي هالوسواس.. @@ سالفة غسيل الايد انا الدكتور زفني وهم ما اواطن باب الكبت مفتوح والراس هههه رفيجاتي يقلدون مشيتي ويرفعون راسهم بس انا ما احس بهالشي وما اواطن صوتي بالتسجيل لول احسه غير.. وما احب البوس افضل المصافحه خاصة بالعزا استغفر الله انطر متى اوصل البيت علشان اغسل .. وطبعا اللي ياكل ويسوي سينفونيات هذا بروحه كارثه الحمدلله والشكر.. حياج الله

mimi el3asola الله يسلمج عسوله :) هههه غسيل الايد مشكله انا خفيت وايد عن قبل والا حالتي كان يرثى لها.. وحياج الله

آل خزف هااااااااااااااو لا يمعوده تعوذي من ابليس لول

ناعمه العود ههه جم وحده من الخوات اذكرو هالشي بعد فيهم

ألماس q8 لوول مو زين البجي اجبال المنظره... ههه الله يعينهم عاد انا اطفر من هالغشمره لو احد يسويها فيني كلش مو من صالحه

كولوراديه احححححححححححح لا لا كلش مو خوش حركه

برشلونه لووول هم انا فيني هالطبع ما احب انطر غيري مع ان محد شكا بس السنع لي زاد ينقلب اعيله ههه... انا قبل من اسنين كنت احرك ايدي بس اختفت هالحركه بروحها الحمدلله لانها صج كريهه اتخيل لو احد يشوف بدون صوت يصير فيلم ههه .. وحياج الله حبيبتي :)

يابختي
06-10-2008, 06:35:41 PM
وااااي... الموضوع عجيب... اموت واطلع حركاتي العجيبة...


دايما ماسكة كلينكس بايدي..مو عارفة للسبب.... ماقط شفت ايدي مافيها كلينكس..."عفيه فهموني ليش؟؟"

فيه كلام لازق بحلجي مو راضي يتغير... "اهلين" "مرحبا" ماادري اصلي لبنانية وانا ماادري... وساعات اقلب واصير هندية.. اذا احد قال شي صدمني... اطق جبهتي بايدي....اجا بابا

ما احب اطالع احد عين بعين... وخصوصا الرياييل... خو بالدوام كله حاطة عيني على الاوراق ولا اطالع ايده.. حفظت ساعاتهم... واذا طال الحديث... اضيع وماادري شالطبخة...بنص السالفة اتوه....

ما احب احد يقولي طلبتج... احس انغصب...

ايه... احب ارفع جمومي... ما ادري ليش... بس لازم اشمر عن ايدي

لي رجعة عالموضوع...خل اشوف ردود البنات اكيد بيذكروني بحركاتي العجيبة

.: زقرتية :.
06-10-2008, 06:45:08 PM
موضوعج رهيــــــــــــــــــــــ ــــب

مت ضحك على سوالفكم ياحليلكم ,,,

أنا فيني عاهات شكثر ( الحمدلله والشكر )

بس فيه شغلتين حيل يعلقون علي بيتنا فيهم ,,,

أول شي لما أسولف مع أختي أو رفيجتي عن سالفة إنه كتبت مسج أو وصلني مسج ,, تشوفوني أسوي روحي أكتب مسج وإيدي فاضية :dddds:

ونفس الشي إذا أسولف عن لاب توب أو مسنجر ,, أسوي روحي أكتب على كيبورد :dddds: على الهوى ,,,


والثانية اللي صج تضحكني,,,

إذا ناطرة مسلسل أو فلم وشارية وجبة أو أكل وبطاط ,,, ماآكل لين يبدأ الفلم أو المسلسل,,

أنطر المقدمة تخلص... أول حرف يقوله الممثل... آكل أول لقمة :dddds:

وانا مثل أغلبكم ماحب الأرقام الفردية... والخردة ماأحبها لازم أتخلص منها...

يعني دينارين ونص أوكي ,,, دينارين و600 لازم أتخلص من ال 100 فلس...

هذا اللي يحضرني حاليا"...

لما أتذكر أكمل


,,

coffee
06-10-2008, 06:46:08 PM
يابختي هههه مرورج اعجب :) بعد ما يبيله سالفة الكلينيكس ام كلثوم الكويت.. عادي اهلين ومرحبا اقولهم.. لوووووووول على طقة الراس ههههههههههههههههه.. حياج الله حبيبتي

AL-N7EESAA
06-10-2008, 06:46:48 PM
لوووووول انا ناسيه حركاتي والله بس اللي هابه فيهم هالجم يوم ابطل الكاميرا وارد اسكرها ورا بعض مالت تلفوني او غطى البطاريه لووووووووول لا وصايره اذا فكرت بشغله وسرحت احرك شفايفي مع التفكير لووووووووول لحد يصيدني اتمصخر

coffee
06-10-2008, 06:48:20 PM
زقرتيه ههه عسا دوم وتسلمين :) لول زادت المواهب الفنيه صار اكو تمثيل صامت .. حياج الله عسوله

coffee
06-10-2008, 06:49:20 PM
alna7eesa ههههه مسكين تلفونج ضحيه

.: زقرتية :.
06-10-2008, 06:53:10 PM
زقرتيه ههه عسا دوم وتسلمين :) لول زادت المواهب الفنيه صار اكو تمثيل صامت .. حياج الله عسوله


ههههههههههههههههههههههههه هههههاااااااااااااااااي

تمثيل صامت ... ضحكتيني والله شارلي شابلن صرت...

لا هذا انا العاقلة بين خواتي ,,, لو أقولج سوالفهم تشكين فيهم والله,,,

الله يحييج ياقلبي


..

رند
06-10-2008, 06:57:54 PM
بعد عندي حركه تبط الجبد لما اسوق دايم احط موبايلي بحظني ولما انزل طااااخ بالقاع هالحركه صارت الف مره بس مايووز والتلفون تشلخ حبيبي والله لو يتكلم جان قال ياويلتي ويلنتااه


























نفس حركتي لوووووووووووول


ودايم اذا بيدي كلينكس احب انتفه صغاار صغاااار


وفي كذا حركه مالهم داعي بس اتذكر لي رجعه انشاءالله

KrNA-KrNA
06-10-2008, 07:02:12 PM
ههههههههههههه...خوش حركات...

انا وايد أحرك أصابعي..واطقطهم...خخخخ...يطفر ابوي من هالسالفة...
\
ولا تمكيجت..عندي منظرة جدامي ومنظرة من وراي...مادري شكو لازم ااطالع روحي في ثنتينهم

واذا تذكرت لي رجعه...يسلموو

coffee
06-10-2008, 07:10:42 PM
زقرتيه هههه يالله اتحفينا قولي السوالف اشدراج يمكن فينا نفس الحركات لول

رند هههه تنتف الكلينيكس كانت حركتي ايام الثانوي انتف والوتهم اسويهم اكور صغار..

وعلى هالطاري اليوم داخل حلجي ههه اهم شي داخل حلجي قمت اقطع جزء جزء من العلج والوتهم اسويهم كور بمساعدة الساني واحطهم على جنب لوول واللي حوالي ما يدرون شالطبخه بس والله متعه بس ليلحين ما قدرت اسوي كل العلج كور ان شاءالله مع الممارسه هههه.. جربو وقولولي شيصير معاكم

softlady
06-10-2008, 07:34:40 PM
موضوع خطييييييييييييييير مثل صاحبته


بنات بقولكم حركتي وحركه اختي


حركتي تييني حاله نفسااااااااويه :krkrkr: اذا احد بيده الرموت جدامي وانا قاعده لازم اخذه :P_03BA:


اذا بغيت احط مكياج اشيل العده كلها الي على الدرج وافرش بالارض واجابل المنظره الطويله :ggdw:



اما حركه اختي


عجييييييييييبه


بنات اول مانقولها روحي لبسي بنطلع تخيلوا تفصخ وتقعد بس بشمه وشسمه بسسسسسسس وشنو تلبس اول شي


؟؟؟؟؟؟؟؟؟؟؟؟؟



تكرمون الجوتي :dddds:


اول شي الجوتي


تتمشى وتروح اطلع ملابسها وتحط مكياج سااااااااعه جدام المنظره وتلبس البدله


واهي لابسته :dddds:



وعفوا لهاالكلمه بنات سوري :)

coffee
06-10-2008, 07:40:03 PM
krna krna هههههه هم انا اطفر من تطقق الاصابع ما احب.. اما المنظره فالله يعافي اللي اكتشفها ههه صارت احدى مقومات الحياة..والله يسلمج عسوله وبانتظارج

softlady هههههه هلا وغلا.. لووووووووول بدعت اختج ههههه .. اعرف ناس وايد الريموت شي اساسي عندهم عكسي تماما! انا اطفر من التغير الزايد.. حياج الله حبيبتي

ناعمه العود
06-10-2008, 08:11:03 PM
اي تذكرت شي فيني طبع لمن نبي نطلع مكان وخلصت ابي الكل يخلص واقعد اناديهم واستعيلهم واذا العكس ماحب احد يناديني
واذا شريت شي بالسوق عندنا مناسبه وخواتي ماخلصو اقول خلاص ملينا امل بسرعه مدري ليش ودي يتغير طبعي او اقولهم مو شي السوق عقب ماخلصت <<<<<< نذله هههههههههه

دنيا رديه
06-10-2008, 10:24:47 PM
انا عاد غيرر

انا لازم اي شي ابلاستيكي احطه بحجي العضه اعضه لين يصير ماله شكل
ولما اتحجي بالتلفون البيت لازم واير التلفون احطه بحلجي وعضه ليششن يخرب مادري ليش
وهم واير الشحن لازم احطه بحلجي ليين وقطعه مع اني ادري انه بيخرب بس اسوويها لاشعوريين
هم شي ثاني لما امر بموقف يفشل لازم اطلع اللساني

وشكرج على موضوعج

oM_iLZeez
07-10-2008, 12:08:47 AM
تذكرت شي.. لما اكون امشي
وتحتي الرخاام مربعات .. ماحب ادوس على الخطوط .. احس جني دايسه على واير @@
لازم ادوس داخل المربعات ارتاااح !! لووووول

دلـــع_الكويــت
07-10-2008, 04:17:30 AM
تذكرت ...لما اوقف عند اي اشارة لازم امسك الموبايل واطلع الكالندر واطالع .........شكو مادري!!

بنات صايرة وايد اكل شفايفي تهقون هذا مرض نفسي؟ ولا حركة مجهولة ؟ هيهيهيهيهي

Eng.shosha
07-10-2008, 04:27:17 AM
تذكرت بعد :p

لما أوقف بالشمس لازم أعطس @@
ولازم قبل لا انام اقرا اي شي مجله - قرآن - روايه اي شي المهم ما انام الا وانا قاريه شي
وعالغدا كل يوم لازم اقول حق امي تسلم ايدج ومرات انسى واقول لها مرتين :p:
.
:

عهود الحب
07-10-2008, 04:28:08 AM
الصراحه موضوع حلوووووو ....


بالنسبه لي انا اذا قعدت مع وحده وسولفت لا اراديا اقلد طريقتها بالكلام حتى ضحكتها .... والحين انا لاصقه فيني ضحكه وحده تخررررع وابي اتخلص منها مو قادره هذي بالذات ضحكتها علقت فيني واختي تقولي وييييع شالضحكه جنج فلانه اقولهااااااااا اييييييييي شسوي :(

ووو فيني شغله مووووووشي لما اقعد مع بنات او يمعه اهل واشوف وحده فيها شي غلط بلبسها او مكياجها طوووووووووول القعده اخز هالشغله واحاول ما اركز لان البنت راح تنتبه بس انسى وارد اخززززز ....

وأخيرااااان وهالشي اتمنى يتغير فيني لما اسولف عن موقف صارلي او سالفه احب امثل الموقف بالحررررف يعني هالشغله مع رفيجاتج اوكي تمشي بس مع ناس مايعرفونج بيقولون شالخفيفه هذي يحسون انج مو تكانه !!! ههههههههه

وسلامتكم شرايكم بالعقد النفسيه هههههههه


:)

ههههههههههههههههههههههههه هههههههههههههههههههههههه
لا ماقدر فصلت من الضحك ههههههههههههههههههههههههه هههههههههه
بنتي تخزني ههههههههههههههههههههههههه ههههه


بدعتي متتتتتتتت ضحك على سالفة الضحكة والخز والتمثيل ههههههههههههههه

الله يسعدج غشيت برد اقرا مرة ثانية ههههههههههههههههههههههههه ههههههههههه

عهودة
07-10-2008, 04:43:16 AM
خوووووووش موضوع
عيل انا فيني شكثر منكم
خصوصا لمى اتكلم مع نفسي اقلب انجليزي شكو مااادري
وارقام التلفزيون لازم زوجيه بكل شي لاااازم زوجي
ولمى اتكلم بالتليفون او اسرح لازم اتمشى ماعرف اتكلم وانا قاعده وارسم اشكال هندسيه لمى يطيح بيدي القلم ماحب اكتب كله اشكااال
وهم سالفه الخاتم لااااازم اسويها او اي شي العب فيه وانا اسولف وغالبا شعري او رقبتي
ولمى انام اطلع رجل وحده ليييييييش مااادري
وفيني عقد شكثرها لي عوده

نجمه الحالمه
07-10-2008, 06:37:57 AM
انا في حركه اسويها من وانا ياهل والكل يظحك علي مستحيل انام من غير لا اسويها حتى لو تعبانه وبموت من التعب

الاصبع الابهام والسبابه احط فيهم خصله شعر من راسي ووافللها عشان احس بنعومه الشعر <-- حده يظيق خلقي بعد الشاور

ولم اسولف بالتلفون لازم ارسم مكعبات بورقه وقلم واذا ماعندي ورقه وقلم ارسمهم بالغنفه اللي تحتي

واذا ييت انام لازم اخز السقف واحاول اكون مثلثات بالديكور







هههههههههههههههههههههههاا ي


ابيه والله مت من الضحك


انا والله ماذكر عندي حركات مالها تفسير

اذا تذكرت لي عووووده

نجمه الحالمه
07-10-2008, 06:42:24 AM
اي تذكرت شي فيني طبع لمن نبي نطلع مكان وخلصت ابي الكل يخلص واقعد اناديهم واستعيلهم واذا العكس ماحب احد يناديني
واذا شريت شي بالسوق عندنا مناسبه وخواتي ماخلصو اقول خلاص ملينا امل بسرعه مدري ليش ودي يتغير طبعي او اقولهم مو شي السوق عقب ماخلصت <<<<<< نذله هههههههههه



ابيه جنج انا
اذا خلصت مبجر يعني كاشخه انا ديهم واجننهم

وقبل لما كنت صغيره اذا وحده طالعتني وحزتني اروح اخزها علي طوووول هههههههااااي


جان يقولولي الا عيب لاتخزين البنت والحمد لله حرمت بس ليل الحين عيوني تلاقط علي اللي يخززوون
:tomato2:

روح الدنيا
07-10-2008, 06:53:59 AM
ايه بعد تذكرت فيني هالطبع اللي بصراحه يضحك و يبجي انا دايم لما اعرف احد غريب اول مره مدري ليش لازم اعلق عليه او اتكلم جني خبله يعني لازم اطفره تقولون حالفه لدرجه اخر شي اقولهم تراني مو خبله بس والله انا جذي يللا باي و امشي الحمدلله والشكر اللي ما يعرفني يقول شهالخفيفه هذي .......

ايه وبعد مرات لحالي طبعا اراعي انه محد قاعد عندي اقول لاااااااااااااااااااا يا بابا ...<<< زين شكو شكو شكو

ايه و فيني طبع قبل لانام لازم لازم ارتب فراشي <<< بصراحه لاااااا تعليق

اي و هذي شغله حدها تفشل يوم امشي مع وحده من رفيجاتي لازم ادزها فجأة << مو تنقدون طبعا مو دايم

و بنات عادي لحد ياخذ فكره عادي هذي حالات نفسيه زييييييين لحذ يقووول روح الدنيا الخبله ........

سبائك
07-10-2008, 07:07:12 AM
اذا ييت انام لازم مخدتين وحده تحت راسي ووحده فوق راسي

يعني راسي يصير سندوتشه:)

وما اعرف انام الا جذي

نبض هبة
07-10-2008, 10:54:23 AM
موضوعج مميز
حركاتي وايد مثلا لما يكون عندي قلم أبو كبسة أقعد أضغط عليه باستمرار
و تلفوني له غطاء قلاب كل شوي أفتح و أسكر ما أدري ليش
و لما أحط منكير كل شوي أطالع ايدي
و كل أعظ شفايفي
و وايد أهز ريولي خاصة عند التوتر
و دايمن العب بشعري خاصة لما أدرس
و في وايد بس و الله ما أذكرهم كلهم ألحين
خوش موضوع شكرالج

ام كتكوت
07-10-2008, 11:00:45 AM
باك بعد تذكرت
فيني طبع اذا ابي اقرا جريده لازم افتحها من آخرها والله عمري ماقريت جريده من الصفحه ر قم 1

وفيني طبع يضحك ههههههههههههه اذا رحت السوق لازم لازم احد يشوف شنو شريت انتو متخيلين ان ساعات مافي احد اقعد اوري خدامتي ورب الكعبه :eh_s(20):


وهم فيني الطبع اللي اذا ركبت السياره لاااااااااااااااازم اقفل الباب ماعرف حتن ساعات زوجي اللي يسوق تلاقيني اقفله من صوبي وهو يعصب لمن ينزل ويلاقيه مقفول ههههههههه وتعلمت من يبت عيالي اخاف لاسمح الله يفتحون الباب و ...... بسم الله عليهم مع ان مايسونها :eh_s(22):


وهم لاحظت اذا حطو حليمه بولند بأي برنامج ماقدر اسمع صوتها اتنرررررررررررفز وايد:23_asmilies-com:






:bye22:

غَـنْـجَـى و دَلـوعْ
07-10-2008, 04:11:19 PM
ههههههههههههههه بدعتوووو و لا مزيونة و شقره ههههه قعدت أقلد حركتها مالت التليفون أبي استوعب شلون تسويها !!


هاكم الحركات المجهولة السبب اللي ألحين ذاكرتها ..

1 ) ما أنام إلا متعطره و مسنعه شعري و مرتبة فراشي

2 ) ما أنام إلا برووحـــي ما أحب أحد معآي و الباب مسكر و السنترال شغال ( صوته يحسسني بالأمان ) و ظلمة و هدوووء ، يعني لو أحد يمر برى الدار و أحس فيه أقوم أفج الباب أشوف منو ؟ و أزفـــه و بعدين أرد أنام ! ..

3 ) مستحيل أقعد بدار بابها مبطل لازم أدش أقعد بأي دار أصك بابها و في بيتنا أي دار أدشها أقفلها على نفسي مرتيييين =$ اللي يسمع يقول في حرامي لاحقني عاد كله أمي تزفني تقول شعندج ع التقفل ؟ ..

4 ) أي مكان أطلع منه لازم أصك الباب حتى لو غرفة دكتوري بالجامعة لازم لازم ما أخليها مفتوحة أو أطلع منه ركضه عشان ما أفشل عمري =$ ، و حتى بالبيت أي دار أمر عليها لازم أصك الباب وراي ..


5 ) الجياس .. الجناط .. أييي أييي شي أمسكه برى بيتنا لازم في بين إيدي و بينه حاجز يعني يا دس لأني متنقبه أو أمط جم بلوزتي و أغطي إيدي فيه و بعدين أمسكه لدرجة إنه بالجامعة أخلي رفيجتي تبطل لي البيبان :(


6) أي مكان أدش فيه لااااازم أعـــد الناس الموجودين و أقسمهم على 2 هههههه و همن أعد الليتات و الطاولات و الجواتي _ مكرم السامع _ و الزراير اللي بهدومي و أهم شي إذا قعدة بنات أقسمهم بمخي من أجمل وحده لي أجكر وحده و من أكشخ وحده لي أهلق وحده و أقرق وحده لي أهدى وحده و هكذاااا


7 ) نفس أخت سوفت ليدي لازم لما أبدل ألبس دلاقاتي أووووول شي بعدين ألبس هدومي و إذا ما حصل دلاق ألبس الصندل أو الكعب و بعدها هدومي

8 ) أتنررررفز لما أكون بالسيارة و أحد يحاجيني == > علماً بأني ما أسوق بس الناس يتأملون بالحديقة و البحر و البر و أنا بالسيارة أتأمل ..

9 ) لما أنحرج أحط إيدي اليســـار على رقبتي و أقعد أمسح تحت أذوني و رقبتي جني محتره و مرات أعصب إذا استحيت !!

10 ) تلفوني كله سايلنت و مقطوط بداري و ما أرد لا على الاتصالات و لا المسجات إلا ما ندر !!

11 ) لما وحده ما أحبها تسولف أو أحد يقول سالفة مو عاجبتني أطالع الأرض و أحزّن شكووو ما أدرييي :(

coffee
07-10-2008, 08:09:10 PM
ناعمة العود هههه يا كره اللي يعيل

دنيا رديه ههههه انا ما احب احط شي بحلجي .. وعلى هالطاري ما احب اللي يحط قلم بحلجه لو شنو ما اعطيه قلمي ولا آخذ منه .. حياج الله حبيبتي

Om ilzeez ههههه عاد على طاري الدوس انا ناويه اقولكم عن اني ما احب ادوس على بواليع مادري ليش اللي يسمع جنه باجي الشارع نظيف!

دلوعة نايف والله مادري بس حاولي تحطين زبده او حمره

ام عبدالمحسن انا اعرف وحده من تاكل علج او اي شي فيه نعناع تعطس

عهودة حياج الله وبانتظارج

عهود الكويت - الجمال المستحيل- روح الدنيا - .. حياكم الله

سبائك هههههه ديري بالج لا تختنقين

نبض هبه حياج الله حبيبتي.. والتعبث بالقلم هذا داء ماني عارفة له سبب

ام كتكوت هههه صاجه في ناس صوتهم ما ينبلع حاله حل الاصوات المزعه مثل صوت التسحك

غنجي ودلوع انتي الجياس انا عن نفسي احاول اتجنب المس حافة الدري او ليسكليتر

kikoo
07-10-2008, 09:35:26 PM
لوووول اتضحكون أنا اذا سولف ما تطلع سالفه مندون كلمه بعدين وبعدين
واذا توترت وكنت قاصه قدله احط حرتي كلها بالقدله واقعد احب فيه واسحب لووول يمكن اتطول

kikoo
07-10-2008, 09:37:51 PM
اذا ييت انام لازم مخدتين وحده تحت راسي ووحده فوق راسي

يعني راسي يصير سندوتشه:)

وما اعرف انام الا جذي

لووووول موتتني من الضحك

coffee
07-10-2008, 11:10:51 PM
lillith ههههه ذكرتيني لما كنت ياهل كنت كله اقول "جان" ههه ويتطنزون علي يقولولي تان تان شخباري

دلـــع_الكويــت
08-10-2008, 01:08:23 AM
لووووووووووووول lillith ضحكتيني حتى انا اذا كنت ساكتة وماكو موضوع فجأة تشوفيني اقولهم " انزيـــــــن "

عاد الكل يطالعني مستغرب !! اشفيج !! منو حاجاج !!؟

وانزييييييييييييييييييييي ين


بسسسسس.. :)

زيـنـه
08-10-2008, 01:28:20 AM
خوش موضوع

بالنسبه لي

لما اطول على الصوت بالتلفزيون و الا الكمبيوتر لازم مضاعفات الرقم 5 !

الجناط لازم اشيلهم على جتفي اليسار او في ايدي اليسار ! ما اعرف باليمين مع اني مو عسماويه

احب الفلوس مرتبه في البوك .. بالترتيب من الكبير لي الصغير و عدلين مو مقلوين و القديم جدام اليديد !

هذا اللي في بالي الحين

laylaas
08-10-2008, 01:48:22 AM
انا اذا قطيت بدلية اوغلطت اواستحيت من شي اطلع بداية لساني
اذكر مره استاذي كان يسويلي الجدول في مكتبه ولاحظ هالحركه جان يقولي لاتسونها ترى في ناس تفهمج غلط

moni_88
08-10-2008, 01:57:17 AM
ههههههههههههه والله ضحكتوني
عاد انا فيني طبع خايس لما امشي لازم أمشي داخل مربعات الكاشي مااحب الحواف!!
وإذا سولفت بالتلفون اطالع المرايا << الإخت معجبه بنفسها :)
وتعودت من ترشيد الله يهداهم اني اسكر الليت اذا طلعت عاد في يوم دخلت دار امي أسولف معاها ولما طلعت سكرت عليها الليت بالغلط :)
لأ صج تعقدت..

قلبي معاك
08-10-2008, 01:57:50 AM
اذا صادفتني اشارة خضرة وانا اسوق اخفف السرعه وانطرها تصير صفرة واوقف انطرها تصير خضرة مرة ثانيه<<<<يا لهويزززز

عاشوا
08-10-2008, 02:49:34 AM
-انا من النوووع اللي اهزززز .... حتى لمن اجي بنااام اهز رجلي ... خواتي مايعرفووون اني نمت الا لمن توقف الهزززه ...وحصلت عليها تهزيييئ من كل الناااس ...ماحد راضي يصدق انها طبع

-ماناام الا على بطني وانا لافه كل جسمي باللحاااف ومايبين الا حدوود خشمي وفوووق خخخخخخخخ

-وانا اذااكر وفي قمة التركيييز اكل شفااايفي اكل مو صااحي ... الى درجه انه مره من المراات يووم انتهت الاختبارااات طلعت على شفايفي لطماات سخووونه من اللعب اللي لعبت فيهم ..

وفي حركه ثاانيه اسويها بفمي بس مااعرف اشرحها ... يبي لها تصوييير خخخخخخخخخخ

-اذا سرحت بشي اصير العب بقذلتي .... احس انها قريب تخلص من كثر ماانتفها خخخخخخخخ

-اول مااصحى من النووم لازم ابي احوس في شي .. جوال والا لاب تووب والا اي بووود ... المهم احووس

-واذا خلااص قمت من الفر اااش لاازم ابي احد اتلزق فيييه ... عااد غالبا الصكه تطييح برااس امي وابووووي... وشوووفي عااد كم يبي لي عشاان اقوووم عشر دقاايق ر بع سااعه نص سااعه كيفي انا ...

-اذا جيت بقعد ع الكنب لازم اقعد في نهايته ... ماااعرف اقعد بالوسط احس اني طاايره خخخخ

-وحتى بالسياااره نفس الشي .... لاازم اقعد عند الدريييشه ... بالوسط مااعرف .....

-واذا صرت حاايره في شي ماني عارفه كيف اتصرف ... والا كنت خاايفه ... لازم اكل اضافيري حسااافه يختربوووون

-واذا اشتريييت بدله جديده لازم اشييل الستكر اللي فيها من ورااا اللي يكوون مخيط فيها .... حتى لو ماكاان عندي مقص .. اقصها بيدي ... ولو تنشق البلوزه عاادي ماعندي مشااكل... بس اهم شي الستكر مايكوون موجوود

-اي اكله مو رطبه مااحبها ... حتى الهمبرغر اقووم اترسه كتشب ومايونيز وخردل وكل الاشياااء اللي ساايحه عشااان اخليها تنقط تااالي اكلها يم يم يم ... حتى العيييش احط عليه ليموووون وشطه وزبده وكل الاشياااء اللي تصلح عشاان مايصير نااشف ...

واذا خلصت من الاكل مااشتهي احد يشييل السفره من قداامي او اقووم انا بسرعه عن السفره ... احب اقد اسووولف سااعه والصحوون محطوطه ... ولمن اخلص هذرتي وافكر اقووم اتغسل يشيلوونها ....

-اذا جيييت برووح عرس ولبست وخلصت وكشخت لاازم اصيير مغروره ههههههههههههههه ماادري يمكن لاني احس نفسي حلوووه ؟؟ والله مادري شهالسالفه ... واقعد اطااالع نفسي بالمرااايه ساعه كاامله ... حتى لو يخلص العرس وانا مارحت عاادي عندي ... اهم شي اشبع من نفسي قداام المراايه ...

-وانا بالجاامعه بس اشووف بناات عندهم اورااق يصوروونهم ارووح اصورهم حتى لو اني متأكده انه الاورااق عندي ... بس لانه فيني وسواااس انه الاوراااق يختفوون فجأه بليلة الاختبااار واتوهق .... وتعااااااااالوا شوووفوا انقااااض الملاازم والاوراااق اللي رميتها يووم تخرجت ...

<<< واااااااااااال شكثرهم نقاااط توني اكتشف:gathering:

كريستال ليدي
08-10-2008, 04:00:41 AM
تطقطق الاصابع
اللعب بأطراف الشعر


هالحركات انا يطفروني ... عيل شسون بالناس !!!

يابختي
08-10-2008, 05:44:17 AM
مو قلت راح ارجع لكم مرة ثانية...

وايد اقول "بليز" مو عارفة ليش..وايد مؤدبة..

مرة موقف بقمة الحقارة..وانا معصبه حدي... جان ارد واقول..."بليز يا فلانه...ماله داعي......"
بقلبي اقول..هذي مال ابليس ياخذها

coffee
08-10-2008, 09:14:28 AM
زينه ههههه والله انا لازم اشوف علتي علامي ما اثبت الارقام بالتلفزيون.. حياج الله حبيبتي :)

laylaas لوووووووووووول ههههه يامعودة تركي عنج هالحركه .. انا الله وكيلج هبيت فترة اطق العلج عرفتي لما تشفطينه لي داخل جنه بلونه معكوسه وخربت اللي بالدوام الكل قام يسويها لين ذاك اليوم المسؤول قرق على راسي ولا شعوريا طقيت العلج بويها اهو طبعا انصدم وانا كملت الحجي جنه ما صار شي لول

moni_88 ههههههه انا الله وكيلج من اسنين وقبل ترشيد وفيني هالحاله

قلبي معاك ههههه الله يعين اللي وراج

شروقة لول ضحكتيني على قعدة الوسط ... انا نفسج في لبس معين لازم اقص الليبل لان يضايقني تقولين بايقته اللبس هههه

al7ajeiah ههه انا بعد ما احب تطقطق الاصابع ولا هز الريل

يا بختي لوووووووووووووووول حلوه .. ذكرتيني لي بغيت ازف ابتدي بكلمة ذربة يعني اذا واحد عل جبدي ولزق اقول "لو سمحت ممكن تذلف" هههه .. حياج الله حبيبتي

~RouNa~
08-10-2008, 10:28:19 AM
واااي تذكرت اشياااء

هـ الاياام هابه بـ شي يبط الجبد

وااايد اطلع لسااني كل كلمة و الثانيه اطله لسااني نفس هذاا :p

مرة بـ افنيوز تونا بـ ندش محد والا بيبي بالعربانه جان اطلع له لسااني

اختي قرصتني و الا ابو الياهل يطالعني و يضحك

وااااااااااااااااي فشله !!

الحين حتى بالجامعه اسوي هالحركه !!

اول ما اسفط السيارة بالبيت انزل و اخلي المفتااح فيها و ما اسكر الليتات !!

بس بره البيت اصير حريصه :p

اذا كنت بزوارة او مكان في نااس واايد و انا مالي خلق كل شوي امد شفايفي لي جداام

و لي تذكرت اكييد برد :P

om deaj
08-10-2008, 12:58:07 PM
آل خزف ههه حياج الله عسوله

7umra 7amra لوووووووول هذي يسمونها ظاهرة "بورقيبه" هههه اذا اتعرفين بالحمام (الطيور) .. حياج الله حبيبتي

في شغله خاصة بامهات اربع اعيون (اللي يلبسون نظارات) ساعات اسوي حركة اني اعدل النظاره واكتشف اني لابسه عدسات مو نظاره لول مادري تحصل وياكم؟


في شغله خاصة بامهات اربع اعيون (اللي يلبسون نظارات) ساعات اسوي حركة اني اعدل النظاره واكتشف اني لابسه عدسات مو نظاره لول مادري تحصل وياكم؟
ايه واااااااااااااااايد اسويها واستوعب اقول عسى محد انتبه

في حركة أتوقع كلنا إنسويها !!!! لما اقعد بالسيارة وبو العيال يسوق و يدوس بريك لازم انا بعد ادوس برجلي حيل جني انا إلي أسوق!!!!!! شكو!!!
الله وكيلج بيحوشني شد عضلي من كثر مادوس بريكات

أم هزاع>>>عندي حركه بايخه وتفشل وهي اني لما اركب السياره لازم لازم اقفل البيبان بسرعه احس جنه في احد قاعد يركض وراي ويبي يلمسني >>> قطع احساس بايخ ..

انا ريلي لما ينزل اسكر البيبان ولما يرد يركب يتوهق يقولي شكو صاكة البيبان اقوله مادري تعودت خخخخ

برشلونية>>> اذا مثلا بحاسب بمكان او شي ووراي احد استعيل حيل ماحب اخلي احد ينطر على حسابي
معنه عادي يعني ماطول بس ماحب احد يكون وراي استعيل بطريقه مو طبيعيه واول ماسقت كنت جذي بس الحين لا
وانا ليلحين الله وكيلج معنه صارلي شكثر اسوق كله احاتي الي وراي

[color="darkorchid"]ههههههههههههه والله ضحكتوني
عاد انا فيني طبع خايس لما امشي لازم أمشي داخل مربعات الكاشي مااحب الحواف!!color]
انا بعد ماحب امشي على الخطوط
انا ليلحين اخاف امشي على الشبك>>> تعرفونهم الي بسوق المباركية ولا سوق السمج>> وايييييييييييييييد اخاف وقلبي يرقع

ازيدكم من الشعر بيوت لانه العاهات ماتخلص
ملفعي>>> كل شوي ابطله وارجع الفه وكل شوي ادخل شعري واعدله
تلفوني>>> لازم كل يوم اكثر من مرة امسح المكالمات المستلمة والي لم يرد عليها واسوي جرد على الارقام الي داقة عليهم معني وايد اتوهق واكون ماخذة رقم ورانه رن عشان احفظه وعقب ينمسح
المسجات نفس المعاناة>>> كل فترة والثانية امسح بس مسجات زوجي اليحلوة اخشه ولو انها سوالف وايد اخشها
اول ماتزوجت>>> كنت امسح كل المكالمات بس اخلي رقم زوجي في المكالمات الصادرة والمستلمة والتي لم يرد عليها
وساعات اذا مسحتهم بالغلط اخليه يدق علي وما ارد عليه عشان اخليه في السجل خخخخخ

Baby^Bop
08-10-2008, 12:58:15 PM
الحركة اللاارادية الي دايما أسويها ان اطفارتي أشوف بلاك مفتوح لازم اسكره يالله ارتاح

عالمة_جيولوجيا
08-10-2008, 04:13:11 PM
والله انا سوالفي وايد الا اذكره شفايفي المسكينه من داخل لازم اقطعها اذا افكر ولا معصبه ولا حتي قاعد ماعندي شي (مسكينه يا شفايفي):dddds:
ولا بسيارة ما اعرف اسوق الا ومبطله المنظره الا جدامي اطالع ويهي(مادري من حلاتي):dddds:
ولا كل شهر لازم اروح اتصور اذا ماتصورت احس انه في شي ناقصني(مادري يمكن اشيك علي التجاعيد هههههههه):krkrkr:
ولا لما انام لازم احك ريلي بعضها ليش مادري(يمكن برادنه تبي تدفيه خخخخخخخخخخخ)
ولا لما اطالع التلفيزيون لازم صامت ما ارتاح الا اذا جعمته وعشان جذي ما اتابع عربي(والله ماعندي سالفه هههههه):krkrkr:
واخر شي لاني سمره لما ادوس عل الرصيف لازم ادوس مكعبات السوده الصفره لا( مؤيده لعنصرية لوني لووووووووول)
وسوالف وايد تروح وتيه علي وانا اقول انها ثاتير نفسي لا ارادي منا...........ويسلموا علي موضوع

جاي الضحى
08-10-2008, 04:40:49 PM
يحليلكم بنات :s142:

صراحه Coffee موضوعج فنتق...وتراه زين حق النفسييه...:icon30:..يعني أي وحده

تشك بطبعها خل تسييرر على موضوعج وترتاح ......تحس اكو ناس نفسها...:eh_s(6):

أنا رديت بحركه: توني كنت أتسبح وتذكرت هالحركه مجهولة السبب والهويه...:eh_s(10):...

الله يسلمج أحط البلسم على شعري قبل الشامبوا...:wqedqw:...كل تسبوحه هذي

حركتي...حركه مو منطقيه...يعني الشامبو بطير مفعول البلسم...أدري المفروض العكس....

بس شسوي القلب وما يهوا<< شكو :eh_s(6):

coffee
08-10-2008, 05:13:34 PM
Rouna لوووووووووووول يوزي عن حركة للسان والله لو وحده تسويها جدامي بخترع بقول علامها

om deaj هههههه وايد تعزين رقم ريلج.. الله يخليكم حق بعض وحياج الله

Molten cake هههه كلنا بالهوا سوا.. وابي قفشه ما عليج امر

عالمة جيولوجيا لوووووووووووول يا العنصرية المفروض العكس ما تعورين المربعات السود.. الله يسلمج حبيبتي :)

جاي الضحى حياتي انتي هههه صاجه الكل بيلقى ظالته اهني .. لوووووووووووووووووووووووو وووووووووووووول شكو شكووووووو واي حرام عليج شيطيره عاد يلصق بالشعر

في حركة قلت اشاوركم تسوونها والا بس انا يالله من فضلك اكلم "الجماد" لووووووووول مثال: اذا الكمبيوتر علق وانا مستعيله اقوله تكفا ماكو وقت واللي عافيك هههه يكون مساحلته وسامع كلامي

ألماس q8
08-10-2008, 05:28:19 PM
كوفي انا جذي اكلم الجماد
سواء القلم او الاب او الريموت اذا علق او المايكرويف اذا مستعجله على الأكل او قوري الجاي اذا ابي الماي بسرعه يفوح
ههههههههههههههه اشياء واجد اكلمها استغفر الله هههههههههههههههههههههه

coffee
08-10-2008, 05:39:54 PM
ألماسq8 هههههه اشوه يعني مو انا بروحي .. انا حتى الاشاره اذا بغيتها اتشب احاجيها لول .. حياج الله

ألماس q8
08-10-2008, 05:42:06 PM
ههههههههههههههههههههههههه ههههه
لا اتوقع الأغلبيه جذي

contessa
08-10-2008, 06:46:43 PM
beeh ana feni wayd mn hal ashya2 loooooool
awl shay ma7b a7d enam 3la frashi maaaaaaaaa7b
5asatan etha 3la sharshaf
etha w7da betg3d
a5leha tg3d fog elkambal
a7s feha bakterya madri wen ga3da o betwase5 frashi


maa7b Aa7d eshofoni wna amshy
etha sheft a7d e6al3eni et9er mashyeti mo3awa8a


waaaaayd asra7 3aady a6al3 wa7da o asra7 feha


lama asra7 aw afaker a3eth athaferi o ahz reeli


o 3ndi 6abe3 5ays wlaaaaaaa aste7ii mena fashla :(
waaaaaaaaay tabon et3arfon ??










lo agola beteth7ekom :(









adri 5la9 yanantekom














ra7 agol










el 6be3 ohwa :( :(












waaaaaaaaayd waaaaaaayd akelm roo7i y3ni 3adi telgeni g3da a6le3 el mantharaa o asolef chena fe sha5es jedami

o menfa3laa o athe7ak la wla 9ij 7elafy ayshay ambeh ambeh la2

3aaaaaady
7eta mrat aklm ro7i bl 7amam o a6l3 elmanthara
7eta o5oy mara 9adni
egol shfech yaneti
o mara e5ti shaftni
chan etgol le **** etklmen roo7ech o teth7ak

agolaha la g3da a'3any etgol ee adri o tmshy


o mrat bl jam3a akon g3da amshy bro7i tlgeni asolef bro7i chena fe a7ad yami
o 3aaaaaaaaaaadi mndamjaa bl sowalef
7eta etmer nas yami egolon shfeh hathy?

o mrat adg telfon o akkon mnazleta 3n ethoni o an6erhom erdon
ag3d asolef m3a roo7i cheni aklmohom


goooooooowa sholnch wenech matbyenen
b3den ast'3reb asm3 9ot 3ali e9are5 alooooooooo aloooooooo
wela 9arlaha sa3a refjti tesm3ni asolef broo7i :(
fashlaaaaaaaa l2nha tadri eni g3da bro7i bwgteha

madri shno hatha at7adaaaaaaa w7da feha hal 6be3 el 5ays

contessa
08-10-2008, 06:49:26 PM
beeh ana feni wayd mn hal ashya2 loooooool
awl shay ma7b a7d enam 3la frashi maaaaaaaaa7b
5asatan etha 3la sharshaf
etha w7da betg3d
a5leha tg3d fog elkambal
a7s feha bakterya madri wen ga3da o betwase5 frashi


maa7b Aa7d eshofoni wna amshy
etha sheft a7d e6al3eni et9er mashyeti mo3awa8a


waaaaayd asra7 3aady a6al3 wa7da o asra7 feha


lama asra7 aw afaker a3eth athaferi o ahz reeli


o 3ndi 6abe3 5ays wlaaaaaaa aste7ii mena fashla :(
waaaaaaaaay tabon et3arfon ??










lo agola beteth7ekom :(









adri 5la9 yanantekom














ra7 agol










el 6be3 ohwa :( :(












waaaaaaaaayd waaaaaaayd akelm roo7i y3ni 3adi telgeni g3da a6le3 el mantharaa o asolef chena fe sha5es jedami

o menfa3laa o athe7ak la wla 9ij 7elafy ayshay ambeh ambeh la2

3aaaaaady
7eta mrat aklm ro7i bl 7amam o a6l3 elmanthara
7eta o5oy mara 9adni
egol shfech yaneti
o mara e5ti shaftni
chan etgol le ****aaa etklmen roo7ech o teth7ak

agolaha la g3da a'3any etgol ee adri o tmshy


o mrat bl jam3a akon g3da amshy bro7i tlgeni asolef bro7i chena fe a7ad yami
o 3aaaaaaaaaaadi mndamjaa bl sowalef
7eta etmer nas yami egolon shfeh hathy?

o mrat adg telfon o akkon mnazleta 3n ethoni o an6erhom erdon
ag3d asolef m3a roo7i cheni aklmohom


goooooooowa sholnch wenech matbyenen
b3den ast'3reb asm3 9ot 3ali e9are5 alooooooooo aloooooooo
wela 9arlaha sa3a refjti tesm3ni asolef broo7i :(
fashlaaaaaaaa l2nha tadri eni g3da bro7i bwgteha

madri shno hatha at7adaaaaaaa w7da feha hal 6be3 el 5ays

contessa
08-10-2008, 06:51:02 PM
bnat sheno feha kelmat(متى) ??

lesh lama aktebha te6l3 nejoom ?

contessa
08-10-2008, 07:06:06 PM
ee tethakrt mara kena rya7en el shaleh
o 9art sa3a 3 elfayr bnam
wela bnt 5alti et7e6 mkyaaaaaaaj o shadow o ke7el kelshy kelshy
ana g3da a6l3ha glt al7en betro7 tetmsha 3l ba7r
wela et3adl ma5adteha wetnam !
glteha shefech metmyeja 7ag mno ?
etgol 7g el yananwa lazm eshofoni 7elwa loooool


o e5t refejti etha 3a9ebt etshageg roo7ha o etge9 sha3rha
al7en sha3rha boy mnataf o jesmha kelaha jroo7 e5are3 :/